တ​ရား​ဟော 7:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ သင်ကိုယ်တိုင်​တွေ့မြင်​ခဲ့​ရ​သည့် ပြင်းထန်​သော​စုံစမ်းမှု​များ​ကို​လည်းကောင်း​၊ နိမိတ်လက္ခဏာ​များ​နှင့် အံ့ဩဖွယ်အမှု​များ​ကို​လည်းကောင်း​၊ အားကြီး​သော​လက်​နှင့် လက်ရုံး​တော်​ကို ဆန့်​လျက် သင့်​အား သင်​၏​ဘုရားသခင်​ထာဝရဘုရား​ထုတ်ဆောင်​တော်မူ​ခဲ့​သည်​ကို​လည်းကောင်း အထူး​အောက်မေ့​ရ​မည်​။ သင်​ကြောက်ရွံ့​ရ​သည့်​လူမျိုး​အပေါင်း​တို့​ကို​လည်း သင်​၏​ဘုရားသခင်​ထာဝရဘုရား​သည် ထိုနည်းတူ​ပြု​တော်မူ​မည်​။

Common Language Bible

¹⁹ သင်​တို့​ကိုယ်​တိုင်​မြင်​ခဲ့​ရ​သော​ကြောက်​မက်​ဖွယ် ကပ်​ကြီး​များ၊ အံ့​သြ​ဖွယ်​သော​နိ​မိတ်​လက္ခ​ဏာ များ၊ သင်​တို့​အား​လွတ်​မြောက်​စေ​ခဲ့​သော သင်​တို့ ၏​ဘု​ရား​သ​ခင်​ထာ​ဝ​ရ​ဘု​ရား​၏​မ​ဟာ​တန် ခိုး​တော်​နှင့်​လက်​ရုံး​တော်​တို့​ကို​သ​တိ​ရ​ကြ လော့။ ထာ​ဝ​ရ​ဘု​ရား​သည်​အီ​ဂျစ်​အ​မျိုး​သား တို့​ကို​သေ​ကြေ​ပျက်​စီး​စေ​ခဲ့​သည့်​နည်း​တူ ယ​ခု​သင်​တို့​ကြောက်​ရွံ့​သော​လူ​မျိုး​အ​ပေါင်း တို့​ကို​လည်း​သေ​ကြေ​ပျက်​စီး​စေ​တော်​မူ မည်။-

Garrad Bible

¹⁹ ဒိ ဋ္ဌ မြင် ရ ကြ သော မ ဟာ စုံ စမ်း ခြင်း များ ကို လည်း ကောင်း၊ သင် တို့ ကို သင် တို့ ဘု ရား သ ခင် ထာ ဝ ရ ဘု ရား ထုတ် ဆောင် တော် မူ ရာ သက် သေ နိ မိတ် လ က္ခ ဏာ များ နှင့် အား ကြီး သော လက် ရုံး တော် ဆန့် တန်း ခြင်း များ ကို လည်း ကောင်း၊ သ တိ ရ ကြ လော့။ ထို နည်း တူ၊ သင် တို့ ဘု ရား သ ခင် ထာ ဝ ရ ဘု ရား သည်၊ သင် တို့ ကြောက် ရွံ သော လူ မျိုး ရှိ သ မျှ ၌ စီ ရင် တော် မူ မည့် ပြင်၊

Judson Bible

¹⁹ ကိုယ်​တိုင်​မြင်၍ ကြီး​စွာ​သော​စုံ​စမ်း​ခြင်း​တို့​ကို​လည်း​ကောင်း၊ သင်၏ ဘု​ရား​သ​ခင် ထာ​ဝ​ရ​ဘု​ရား​သည် သင့်​ကို​နုတ်​ဆောင်​သော​အ​ခါ၊ ပြ​တော်​မူ​သော နိ​မိတ်​လ​က္ခ​ဏာ အံ့​ဖွယ်​သော​အ​မှု​တို့​ကို​လည်း​ကောင်း၊ အား​ကြီး​သော​လက်​ရုံး​တော်​ကို ဆန့်​တော်​မူ​ခြင်း​ကို​လည်း​ကောင်း စေ့​စေ့​အောက်​မေ့​ရ​မည်။ ထို​နည်း​တူ၊ သင်​ကြောက်​တတ်​သော လူ​မျိုး​ရှိ​သ​မျှ​တို့၌ သင်၏ ဘု​ရား​သ​ခင်​ထာ​ဝ​ရ​ဘု​ရား ပြု​တော်​မူ​မည်။

တ​ရား​ဟော 7:19 ပူးပေါင်းရင်းမြစ်များ

ဆာ​လံ 136:12

တန်ခိုးကြီး​သော​လက်​တော်​နှင့် ဆန့်တန်း​သော​လက်ရုံး​တော်​ဖြင့် ထုတ်ဆောင်​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 44:4

အို ဘုရားသခင်​၊ ကိုယ်တော်​သည် အကျွန်ုပ်​၏​ရှင်ဘုရင်​ဖြစ်​တော်မူ​၏​။ ယာကုပ်​၏​အောင်ပွဲ​ကို​စီမံ​တော်မူ​ပါ​။

ဆာ​လံ 77:12

ကိုယ်တော်​၏​လုပ်ဆောင်​တော်မူ​ချက် ရှိသမျှ​တို့​ကို​လည်း အကျွန်ုပ်​ဆင်ခြင်အောက်မေ့​ပါ​မည်​။ ကိုယ်တော်​ပြု​တော်မူ​သော​အမှု​တို့​ကို​လည်း တွေးတောဆင်ခြင်​ပါ​မည်​။

ထွက်​မြောက် 6:6

သို့ဖြစ်၍ အစ္စရေး​အမျိုးသား​တို့​အား ‘​ငါ​သည် ထာဝရဘုရား​ဖြစ်​၏​။ အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို ဆွဲထုတ်​၍ သူ​တို့​၏​ကျွန်ပြု​ခြင်း​မှ​လည်း သင်​တို့​ကို ငါ​ကယ်နုတ်​မည်​။ လက်ရုံး​ကို​ဆန့်​လျက် သူ​တို့​ကို​ကြီးလေး​သော​အပြစ်ဒဏ်​ပေး​ခြင်း​ဖြင့် သင်​တို့​ကို ငါ​ရွေးနုတ်​မည်​။

တ​ရား​ဟော 29:3

ထိုသို့ ပြင်းထန်​သော​စုံစမ်းမှု​များ​၊ ထူးဆန်း​သော​နိမိတ်လက္ခဏာ​များ​နှင့် အံ့ဩဖွယ်အမှု​များ​ကို သင်​တို့​မျက်စိ​ဖြင့် တွေ့မြင်​ခဲ့​ပြီ​။

တ​ရား​ဟော 3:21

ထို​အချိန်​၌ ငါ​က ယောရှု​အား ‘​သင်​တို့​၏​ဘုရားသခင်​ထာဝရဘုရား​သည် ဤ​ရှင်ဘုရင်​နှစ်​ပါး​အား ပြု​တော်မူ​ခဲ့​သည့်​အမှု​ရှိသမျှ​ကို သင့်​မျက်စိ​ဖြင့်​မြင်​ရ​ပြီ​။ ထာဝရဘုရား​သည် သင်​ကူးသွား​မည့်​နိုင်ငံ​ရှိသမျှ​ကို ထိုနည်းတူ ပြု​တော်မူ​လိမ့်မည်​။

တ​ရား​ဟော 4:34

သင်​တို့​၏​ဘုရားသခင်​ထာဝရဘုရား​သည် အီဂျစ်​ပြည်​၌ သင်​တို့​မျက်မှောက်​တွင် ပြု​တော်မူ​သော​အမှု​အပေါင်း​တို့​ကဲ့သို့ မည်သည့်​ဘုရား​တစ်ပါးပါး​က စုံစမ်းမှု​ပြု​လျက်​၊ နိမိတ်လက္ခဏာ​ပြ​လျက်​၊ အံ့ဖွယ်အမှု​ပြု​လျက်​၊ စစ်တိုက်​လျက်​၊ အားကြီး​သော​လက်​နှင့် လက်ရုံး​ကို​ဆန့်​လျက်​၊ ကြောက်မက်​ဖွယ်​အမှု​ကြီး​များ​ပြု​လျက် မိမိ​အဖို့ လူမျိုး​တစ်​မျိုး​ကို အခြား​လူမျိုး​တစ်မျိုးမျိုး​ထဲမှ သွား​၍​ထုတ်ဆောင်​ရန် ကြိုးပမ်း​ဖူး​သလော​။

ယော​ရှု 10:25

ထို့နောက် ယောရှု​က သူ​တို့​အား “​မ​ကြောက်​ကြ​နှင့်​။ စိတ်​မ​ပျက်​ကြ​နှင့်​။ အားယူ​၍​ရဲရင့်​ခြင်း​ရှိ​ကြ​လော့​။ သင်​တို့​နှင့်​တိုက်ခိုက်​သော​ရန်သူ​ဟူသမျှ​ကို ထာဝရဘုရား​က ဤသို့​ဖြစ်စေ​တော်မူ​မည်​”​ဟု ဆို​လေ​၏​။

ယော​ရှု 24:17

အကြောင်းမူကား အကျွန်ုပ်​တို့​၏​ဘုရားသခင်​ထာဝရဘုရား​သည် အကျွန်ုပ်​တို့​နှင့်တကွ ဘိုးဘေး​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​ပေး​ခဲ့​သော​အရှင်​၊ အကျွန်ုပ်​တို့ မျက်စိ​ရှေ့​တွင်​ပင် ကြီးမား​သော​နိမိတ်လက္ခဏာ​များ​ကို ပြ​တော်မူ​သော​အရှင်​၊ လူမျိုးခြား​တို့​အကြား ဖြတ်ကျော်​လာ​ရ​သော​လမ်းခရီး​တစ်လျှောက်လုံး​တွင် အကျွန်ုပ်​တို့​ကို စောင့်ရှောက်​တော်မူ​သော​အရှင် ဖြစ်​တော်မူ​၏​။

ယော​ရှု 3:10

တစ်ဖန် ယောရှု​က “​အသက်ရှင်​တော်မူ​သော​ဘုရားသခင်​သည် သင်​တို့​နှင့်အတူ​ရှိ​၍ ခါနာန်​လူမျိုး​၊ ဟိတ္တိ​လူမျိုး​၊ ဟိဝိ​လူမျိုး​၊ ဖေရဇိ​လူမျိုး​၊ ဂိရဂါရှိ​လူမျိုး​၊ အာမောရိ​လူမျိုး​၊ ယေဗုသိ​လူမျိုး​တို့​ကို သင်​တို့​ရှေ့​မှ မုချ​နှင်ထုတ်​တော်မူ​မည်​ဖြစ်ကြောင်း​ကို ဤသို့​အားဖြင့် သင်​တို့​သိ​ရ​မည်​။