တ​ရား​ဟော 7:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² သင်​သည် ဤ​စီရင်ထုံးဖွဲ့ချက်​တို့​ကို ကြားနာ​၍ လိုက်နာ​စောင့်ထိန်း​လျှင် သင်​၏​ဘုရားသခင်​ထာဝရဘုရား​သည် သင့်​ဘိုးဘေး​တို့​အား​ကျိန်ဆို​တော်မူ​ခဲ့​သည့်​ပဋိညာဉ်​နှင့် မေတ္တာကရုဏာ​ကို သင့်​အပေါ်​တွင် တည်​စေ​တော်မူ​မည်​။

Common Language Bible

¹² ``သင်​တို့​သည်​ဤ​ပညတ်​တို့​ကို​တစ်​သ​ဝေ​မ​တိမ်း လိုက်​နာ​လျှင် သင်​တို့​၏​ဘု​ရား​သ​ခင်​ထာ​ဝ​ရ ဘု​ရား​သည် ဘိုး​ဘေး​တို့​အား​က​တိ​ထား​တော် မူ​သည့်​အ​တိုင်း​ပ​ဋိ​ညာဉ်​ကို​ဆက်​လက်​တည် စေ​၍ ခိုင်​မြဲ​သော​မေတ္တာ​ကို​ပြ​တော်​မူ​လိမ့်​မည်။-

Garrad Bible

¹² နောင် ကာ လ၊ ဤ ဆုံး ဖြတ် ချက် များ အ တိုင်း သင် တို့ နား ထောင် စောင့် ရှောက် လိုက် နာ ကြ သည် ကို ထောက်၍၊ သင် တို့ ဘု ရား သ ခင် ထာ ဝ ရ ဘု ရား သည်၊ ဘိုး ဘေး တို့ အား သ စ္စာ ဆို ခဲ့ သော ပ ဋိ ညာဉ် နှင့် က ရု ဏာ တော် ကို စောင့် လျက်၊

Judson Bible

¹² ထို​ပ​ညတ်​တို့​ကို သင်​သည် ကျင့်​ဆောင်​အံ့​သော​ငှာ နား​ထောင်​လျှင်၊ သင်၏ ဘု​ရား​သ​ခင်​ထာ​ဝ​ရ​ဘု​ရား​သည် သင်၏​ဘိုး​ဘေး​တို့​အား ကျိန်​ဆို​တော်​မူ​သော ပ​ဋိ​ညာဉ်​နှင့် က​ရု​ဏာ​တော်​ကို စောင့်​တော်​မူ​မည်။

တ​ရား​ဟော 7:12 ပူးပေါင်းရင်းမြစ်များ

၃ ရာ 8:23

“​အစ္စရေး​လူမျိုး​၏​ဘုရားသခင်​ထာဝရဘုရား​၊ အထက်​ကောင်းကင်​၊ အောက်​မြေကြီး​ပေါ်တွင် ကိုယ်တော်​နှင့်​တူ​သော​ဘုရား​မ​ရှိ​ပါ​။ ရှေ့​တော်​၌ စိတ်နှလုံး​အကြွင်းမဲ့​လိုက်လျှောက်​သော ကိုယ်တော်​၏​အစေအပါး​တို့​အား ကရုဏာ​တော်​ကို ပြ​တော်မူ​ပြီ​။ ပဋိညာဉ်​ကို တည်​စေ​တော်မူ​ပြီ​။

နေ​ဟ​မိ 1:5

ထိုအခါ ငါ​က “အို ကောင်းကင်ဘုံရှင်​ဘုရားသခင် ထာဝရဘုရား​၊ ကိုယ်တော်​သည် ကြီးမြတ်​၍ ကြောက်ရွံ့ရိုသေ​ဖွယ် ဖြစ်​ပါ​၏​။ ကိုယ်တော်​ကို ချစ်​၍ ပညတ်တော်​ကို စောင့်ထိန်း​သော​သူ​တို့​နှင့် ဖွဲ့​ခဲ့​သော​ပဋိညာဉ်​တော်​ကို တည်​စေ​သော​ဘုရား​၊ မေတ္တာကရုဏာ​ကို ပြ​တော်မူ​သော​ဘုရား ဖြစ်​ပါ​၏​။

နေ​ဟ​မိ 9:32

အကျွန်ုပ်​တို့​၏​ဘုရားသခင်​၊ ကိုယ်တော်​သည် ကြီးမြတ်​သော​၊ တန်ခိုး​နှင့်​ပြည့်စုံ​သော​၊ ကြောက်ရွံ့ရိုသေ​ဖွယ်​သော​၊ ပဋိညာဉ်​နှင့် မေတ္တာကရုဏာ​တော်​ကို​စောင့်ထိန်း​တော်မူ​သော​ဘုရား ဖြစ်​တော်မူ​ပါ​၏​။ အဆီးရီးယား​ဘုရင်​တို့​လက်ထက်​မှစ၍ ယနေ့​ထိ​တိုင် အကျွန်ုပ်​တို့​၏​ရှင်ဘုရင်​များ​၊ အကြီးအကဲ​များ​၊ ယဇ်ပုရောဟိတ်​များ​၊ ပရောဖက်​များ​၊ ဘိုးဘေး​များ​နှင့် ကိုယ်တော်​၏​လူမျိုး​တော်​အပေါင်း​တို့​ကြုံတွေ့​ခဲ့​ရ​သော​အခက်အခဲ​အလုံးစုံ​တို့​ကို ဘာမျှ​မ​ဟုတ်​ဟု မှတ်​တော်​မ​မူ​ပါ​နှင့်​။

ဆာ​လံ 103:18

ပဋိညာဉ်​တော်​ကို​စောင့်ထိန်း​၍ ဥပဒေသ​တို့​ကို လိုက်နာ​ရန် သတိရ​သော​သူ​တို့​အပေါ်​၌​လည်းကောင်း တည်​၏​။

ဆာ​လံ 149:9

ရေးသား​ထား​သော​တရားစီရင်ချက်​ကို ထို​သူ​တို့​အပေါ် သက်ရောက်​စေရန်​လည်းကောင်း​ဖြစ်​၏​။ ဤသည်ကား ကိုယ်တော်​၏​သန့်ရှင်း​သူ​အပေါင်း​တို့​၌​ရှိ​သော ခန့်ညားထည်ဝါမှု​ဖြစ်​၏​။ ဟာလေလုယ​။

ထွက်​မြောက် 15:26

ထာဝရဘုရား​က “​သင်​၏​ဘုရားသခင် ထာဝရဘုရား​၏​စကား​ကို သေချာ​စွာ​နားထောင်​၍ မျက်မှောက်​တော်​၌ ဖြောင့်မှန်​စွာ​ပြုမူ​လျှင်​လည်းကောင်း​၊ ပညတ်တော်​တို့​ကို​စူးစိုက်​နားထောင်​၍ ပြဋ္ဌာန်း​တော်မူ​ချက်​ရှိသမျှ​တို့​ကို စောင့်ထိန်း​လျှင်​လည်းကောင်း ငါ​သည် အီဂျစ်​လူမျိုး​တို့​အပေါ်​သို့​ကျရောက်​စေ​ခဲ့​သော​အနာရောဂါ​တစ်စုံတစ်ခု​မျှ သင့်​အပေါ်​သို့ ကျရောက်​စေ​မည်​မ​ဟုတ်​။ အကြောင်းမှာ ငါ​ထာဝရဘုရား​သည် သင်​၏​အနာရောဂါ​ကို ပျောက်ကင်း​စေ​သော​အရှင်​ဖြစ်​၏​”​ဟု မိန့်​တော်မူ​၏​။

ယေ​ရ​မိ 11:5

ဤသို့ဖြင့် သင်​တို့​၏​ဘိုးဘေး​တို့​အား နို့​နှင့်​ပျားရည်​စီး​သော​ပြည်​ကို​ပေး​မည်​ဟု ငါ​ကျိန်ဆို​ခဲ့​သော​ကတိ​ကို​တည်​စေ​နိုင်​ခဲ့​ပြီး ယနေ့ ထိုကဲ့သို့​ဖြစ်​လေ​ပြီ”​ဟု မိန့်​တော်မူ​၏​။ ထိုအခါ ငါ​က “​အို ထာဝရဘုရား​၊ အာမင်​”​ဟု လျှောက်​လေ​၏​။

ဒံ​ယေ​လ 9:4

ထိုသို့ ငါ​သည်​အပြစ်​ဝန်ချ​၍ ငါ​၏​ဘုရားသခင်​ထာဝရဘုရား​ထံ ဆုတောင်း​သည်​မှာ “​အို ဘုရားရှင်​၊ ကိုယ်တော်​သည် ကြီးမြတ်​၍ အံ့ဖွယ်​သော​ဘုရား​ဖြစ်​ပါ​၏​။ ကိုယ်တော့်​ကို​ချစ်​၍ ပညတ်တော်​တို့​ကို စောင့်ထိန်း​သော​သူ​တို့​အပေါ် ကိုယ်တော်​၏​ပဋိညာဉ်​တော်​နှင့် မေတ္တာကရုဏာ​တော် တည်​ပါ​၏​။

မိက္ခာ 7:20

ကိုယ်တော်​သည် ရှေးယခင်​ဘိုးဘေး​တို့​အား ကျိန်ဆို​တော်မူ​သည့်​အတိုင်း ယာကုပ်​အား သစ္စာ​တော်​ကို​လည်းကောင်း​၊ အာဗြဟံ​အား မေတ္တာကရုဏာ​တော်​ကို​လည်းကောင်း ပြ​တော်မူ​မည်​။

တ​ရား​ဟော 1:8

ထို​ပြည်​ကို သင်​တို့​အား ငါ​ပေး​ပြီ​။ ထို​ပြည်​ကို သင်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ ယာကုပ်​မှစ၍ နောင်လာမည့်​သားစဉ်မြေးဆက်​တို့​အား ပေး​မည်​ဟု ထာဝရဘုရား​ကျိန်ဆို​တော်မူ​သည်​နှင့်အညီ ဝင်​၍​သိမ်းပိုက်​ကြ​လော့​’​ဟု မိန့်​တော်မူ​၏​။

တ​ရား​ဟော 11:13

သင်​တို့​၏​ဘုရားသခင်​ထာဝရဘုရား​ကို​ချစ်​၍ စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ကိုယ်တော်​ကို​ဝတ်ပြု​လော့​။ ယနေ့ သင်​တို့​အား ငါ​ဆင့်ဆို​သည့် ပညတ်တော်​တို့​ကို သေချာ​စွာ​နားထောင်​လော့​။

တ​ရား​ဟော 5:10

ငါ့​ကို​ချစ်​၍ ငါ​၏​ပညတ်​များ​ကို​စောင့်ထိန်း​သော​သူ​တို့​ကို​ကား မျိုးဆက်​အထောင်အသောင်း​တိုင်အောင် မေတ္တာကရုဏာ​ပြ​သော​ဘုရား ဖြစ်​၏​။

တ​ရား​ဟော 7:11

ထို့ကြောင့် ယနေ့ သင့်​အား ငါ​မိန့်မှာ​သော ပညတ်ချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​ရ​မည်​။

တ​ရား​ဟော 7:9

သို့ဖြစ်၍ သင်​၏​ဘုရားသခင်​ထာဝရဘုရား​သာလျှင် ဘုရား​ဖြစ်​တော်မူ​ပြီး ကိုယ်တော်​ကို​ချစ်​သော​သူ​တို့​နှင့် ပညတ်တော်​တို့​ကို​စောင့်ထိန်း​သော​သူ​တို့​အပေါ် မျိုးဆက်​တစ်ထောင်​တိုင်အောင် ပဋိညာဉ်​တည်​၍ မေတ္တာကရုဏာ​ကို ပြ​တော်မူ​သည့် သစ္စာရှိ​သော​ဘုရား​ဖြစ်​တော်မူ​ကြောင်း​၊