တ​ရား​ဟော 4:33 - မြန်​​​မာ့​​​စံ​​​မီ​​​သမ္မာ​​​ကျမ်း​​

³³ မီး​ထဲ​မှ​မိန့်​တော်မူ​သော ဘုရားသခင်​၏​အသံ​တော်​ကို သင်​တို့​ကြား​ရ​သကဲ့သို့ ကြား​၍ အသက်ချမ်းသာ​ရာ​ရ​သော​လူမျိုး​ရှိ​ဖူး​သလော​။

Common Language Bible

³³ မီး​ထဲ​မှ​ဘု​ရား​မိန့်​တော်​မူ​သံ​ကို​သင်​တို့ ကြား​သ​ကဲ့​သို့​သူ​တို့​ကြား​၍ အ​သက်​ချမ်း သာ​ရ​ခဲ့​ဖူး​သော​အ​ခြား​လူ​မျိုး​ရှိ​ပါ သ​လော။-

Garrad Bible

³³ သင် တို့ ကြား ရ သည့် နည်း တူ၊ မီး အ လယ် မှ ဘု ရား မိန့် သံ ကို ကြား၍၊ အ သက် ချမ်း သာ ရ ဘူး သော လူ တစ် မျိုး ရှိ သေး ၏ လော။

Judson Bible

³³ ဘု​ရား​သ​ခင်​သည် မီး​ထဲ​က​မိန့်​မြွက်​တော်​မူ​သံ​ကို သင်​တို့​သည်​ကြား​သ​ကဲ့​သို့၊ အ​ခြား​သော​လူ​မျိုး​သည် ကြား၍၊ အ​သက်​ချမ်း​သာ​ရ​ဖူး​သ​လော။

တ​ရား​ဟော 4:33 ပူးပေါင်းရင်းမြစ်များ

ထွက်​မြောက် 20:22

ထိုအခါ ထာဝရဘုရား​က မောရှေ​အား “အစ္စရေး​အမျိုးသား​တို့​ကို ဆင့်ဆို​လော့​။ ထာဝရဘုရား​က ‘ငါ​သည် သင်​တို့​အား ကောင်းကင်​မှ စကားပြော​သည်​ကို သင်​တို့​ကိုယ်တိုင် ကြုံတွေ့​ရ​ပြီ​။

ထွက်​မြောက် 24:11

ဘုရားသခင်​သည် အစ္စရေး​အမျိုးသား​ခေါင်းဆောင်​တို့​ကို ဒဏ်ခတ်​တော်​မ​မူ​။ ထို့ကြောင့် သူ​တို့​သည် ကိုယ်တော်​ကို​ဖူးမြင်​ကြ​၏​။ စား​လျက်​၊ သောက်​လျက်​နေ​ကြ​၏​။

ထွက်​မြောက် 33:20

တစ်ဖန် ထာဝရဘုရား​က “​ငါ့​ကို​မြင်​သော​သူ​သည် အသက်​မ​ရှင်​ရ​။ သို့ဖြစ်၍ သင်​သည် ငါ့​မျက်နှာ​ကို မ​မြင်​နိုင်​”​ဟု မိန့်​တော်မူ​၏​။

တ​ရား​ဟော 4:36

ကိုယ်တော်​သည် မိုးကောင်းကင်​မှ ပဲ့ပြင်​သော​စကားသံ​ကို သင်​တို့​အား ကြား​စေ​တော်မူ​၏​။ မြေကြီး​ပေါ်၌​လည်း သင်​တို့​အား မီးတောက်မီးလျှံ​ကြီး​ကို ပြ​တော်မူ​၍ ထို​မီး​ထဲ​မှ ကိုယ်တော်​၏​စကား​တော်​ကို သင်​တို့​ကြား​ရ​ကြ​၏​။

တ​ရား​ဟော 5:22

ထာဝရဘုရား​သည် တောင်​ပေါ်၌ မီး​၊ မိုးတိမ်​နှင့် အမှောင်ထု​တို့​ထဲ​မှ ကြီးမား​သော​အသံ​ဖြင့် လူ​အစုအဝေး​တစ်ရပ်လုံး​အား ဤ​စကား​တို့​ကို မိန့်​တော်မူ​၏​။ ထို့နောက် ထပ်၍ မိန့်​တော်​မ​မူ​ဘဲ ဤ​စကား​တို့​ကို ကျောက်ပြား​နှစ်​ချပ်​ပေါ်၌ ရေးသား​ပြီး ငါ့​အား ပေးအပ်​တော်မူ​၏​။

တ​ရား​ဟော 5:24

‘​ကြည့်​ပါ​လော့​၊ အကျွန်ုပ်​တို့​၏​ဘုရားသခင်​ထာဝရဘုရား​သည် မိမိ​၏​ဘုန်းအသရေ​တော်​နှင့် မိမိ​၏​ကြီးမြတ်​တော်မူ​ခြင်း​တို့​ကို အကျွန်ုပ်​တို့​အား ပြသ​တော်မူ​ပြီ​။ မီး​ထဲ​မှ​အသံ​တော်​ကို​လည်း အကျွန်ုပ်​တို့​ကြား​ရ​ပါ​ပြီ​။ ဘုရားသခင်​သည် လူ​နှင့်​စကားပြော​သော်လည်း လူ​သည် အသက်ချမ်းသာ​ရာ​ရ​ကြောင်း​ကို ယနေ့ အကျွန်ုပ်​တို့​သိမြင်​ရ​ပါ​ပြီ​။

တ​ရား​ဟော 5:26

မီး​ထဲ​မှ​မိန့်​တော်မူ​သည့် အသက်ရှင်​တော်မူ​သော​ဘုရားသခင်​၏​အသံ​တော်​ကို အကျွန်ုပ်​တို့​ကြား​ရ​သကဲ့သို့ မည်သည့်​သတ္တဝါ​သည် ကြား​၍ အသက်ချမ်းသာ​ရာ​ရ​ဖူး​သနည်း​။

တ​ရား​ဟော 5:4

ထာဝရဘုရား​သည် တောင်​ပေါ်၌ သင်​တို့​နှင့် မီး​ထဲ​မှ​မျက်နှာချင်းဆိုင် မိန့်​တော်မူ​၏​။

တ​ရား​ဟော 9:10

ဘုရားသခင်​၏​လက်ချောင်း​တော်​ဖြင့် အက္ခရာတင်​ထား​သော​ကျောက်ပြား​နှစ်​ချပ်​ကို ထာဝရဘုရား​သည် ငါ့​အား ပေးအပ်​တော်မူ​၏​။ စုဝေး​ရာ​နေ့​၌ သင်​တို့​အား တောင်​ပေါ်တွင် မီး​ထဲ​မှ ထာဝရဘုရား​မိန့်​တော်မူ​ခဲ့​သည့်​စကား​အလုံးစုံ​တို့​ကို ထို​ကျောက်ပြား​ပေါ်၌ အက္ခရာ​တင်ထား​၏​။

သူ​ကြီး 6:22

ထာဝရဘုရား​၏​ကောင်းကင်တမန်​ဖြစ်ကြောင်း​ကို ဂိဒေါင် သိမြင်​သောအခါ “​အလို အရှင်​ထာဝရဘုရား​၊ အကျွန်ုပ်​သည် ထာဝရဘုရား​၏​ကောင်းကင်တမန်​ကို မျက်နှာချင်းဆိုင် တွေ့​ပါ​သည်​တကား​”​ဟု ဂိဒေါင်​ဆို​လေ​၏​။