တ​ရား​ဟော 4:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သင်​တို့​အား ငါ​မှာကြား​သော​စကား​တို့​ကို မ​ဖြည့်စွက်​ရ​။ မ​နုတ်ပယ်​ရ​။ သင်​တို့​အား ငါ​ဆင့်ဆို​သော သင်​တို့​၏​ဘုရားသခင်​ထာဝရဘုရား​၏​ပညတ်တော်​များ​ကို စောင့်ထိန်း​ရ​မည်​။

Common Language Bible

² သင်​တို့​သည်​ငါ​မိန့်​မှာ​သ​မျှ​ကို​ဖြည့်​စွက် ခြင်း၊ နုတ်​ပယ်​ခြင်း​မ​ပြု​ရ။ သင်​တို့​အား​ငါ ပေး​သော သင်​တို့​၏​ဘု​ရား​သ​ခင်​ထာ​ဝ​ရ ဘု​ရား​၏​ပ​ညတ်​တော်​တို့​ကို​လိုက်​နာ ကြ​လော့။-

Garrad Bible

² ငါ ဆင့် ဆို သော သင် တို့ ဘု ရား သ ခင် ထာ ဝ ရ ဘု ရား မိန့် တော် မူ ချက် ကို စောင့် ရှောက် ခြင်း အ လို့ ငှါ၊ ထို မိန့် မှာ ချက် ၌ သွင်း ခြင်း၊ နုတ် ခြင်း မ ပြု ကြ ရာ၊

Judson Bible

² ငါ​မှာ​ထား​သော​စ​ကား၌ သင်​တို့​သည် အ​သစ်​မ​သွင်း​ရ။ အ​လျှင်း​မ​နုတ်​မ​ပယ်​ရ။ ငါ​မှာ​ထား​သည်​အ​တိုင်း၊ သင်​တို့​ဘု​ရား​သ​ခင် ထာ​ဝ​ရ​ဘု​ရား၏​ပ​ညတ်​တော်​တို့​ကို စောင့်​ရှောက်​ရ​ကြ​မည်။

တ​ရား​ဟော 4:2 ပူးပေါင်းရင်းမြစ်များ

ဆာ​လံ 78:7

ထိုအခါ သူ​တို့​သည် ဘုရားသခင်​ကို ယုံကြည်အားထား​၍ ဘုရားသခင်​၏ လုပ်ဆောင်​တော်မူ​ချက်​တို့​ကို​မ​မေ့လျော့​ဘဲ ကိုယ်တော်​၏​ပညတ်တော်​တို့​ကို လိုက်နာကျင့်သုံး​ကြ​လိမ့်မည်​။

သုတ္တံကျမ်း။ 30:6

ကိုယ်တော်​၏​နှုတ်ကပတ်တော်​တို့​အပေါ် ထပ်မံ​၍​မ​ဖြည့်စွက်​နှင့်​။ ဖြည့်စွက်​လျှင် ကိုယ်တော်​သည် သင့်​ကို​ဆုံးမ​သဖြင့် သင်​သည် လိမ်လည်​သော​သူ​ဖြစ်သွား​လိမ့်မည်​။

ဒေသနာကျမ်း။ 12:13

အားလုံး​ကို​ကြား​ရ​ပြီးသည့်နောက် နိဂုံးချုပ်​စကား​ဟူမူကား ဘုရားသခင်​ကို​ကြောက်ရွံ့​၍ ကိုယ်တော်​၏​ပညတ်တော်​တို့​ကို​စောင့်ထိန်း​လော့​။ အဘယ်ကြောင့်​ဆိုသော် ဤ​အရာ​သည် လူ​တို့​ပြု​ရ​မည့်​အရာ​အလုံးစုံ​၏​အချုပ်​ဖြစ်​၏​။

ယေ​ရ​မိ 26:2

ထာဝရဘုရား​က “ထာဝရဘုရား​၏​အိမ်​တော်​ဝင်း​၌​ရပ်​၍ ထာဝရဘုရား​၏​အိမ်​တော်​သို့ လာရောက်​ရှိခိုးကိုးကွယ်​ကြ​သော ယုဒ​ပြည်သူပြည်သား​အားလုံး​တို့​အား ငါ​မိန့်မှာ​ထား​သော​စကား​ရှိသမျှ​တို့​ကို ဆင့်ဆို​လော့​။ စကား​တစ်ခွန်း​ကို​မျှ မ​ချန်ထား​နှင့်​။

မဿဲ 5:18

သင်​တို့​အား ငါ​အမှန်​ဆို​သည်​ကား ကောင်းကင်​နှင့်​မြေကြီး​မ​ကွယ်ပျောက်​မီ​တိုင်အောင်၊ အရာ​အားလုံး​မ​ပြည့်စုံ​မချင်း ပညတ်​တရား​ကျမ်း​ထဲမှ အသေးဆုံး​အက္ခရာ​၊ သို့မဟုတ် ဗိန္ဒု​တစ်​လုံး​မျှ​ကွယ်ပျောက်​လိမ့်မည်​မဟုတ်။

မဿဲ 5:43

‘သင့်​ဝန်းကျင်​၌​ရှိ​သော​သူ​ကို​ချစ်​၍ သင်​၏​ရန်သူ​ကို မုန်း​ရ​မည်’ ဟု ဆို​ထား​သည်​ကို သင်​တို့​ကြား​ရ​၏။

ဂ​လာ​တိ 3:15

ညီအစ်ကို​တို့၊ လူ​၏​ထုံးစံ​ကို​ပုံဆောင်​၍ ငါ​ပြော​မည်။ လူ​တို့​ချုပ်ဆို​ထား​သော​စာချုပ်​ပင်လျှင် မည်သူ​က​မျှ ပယ်ဖျက်​ခြင်း​၊ သို့မဟုတ် ဖြည့်စွက်​ခြင်း​မ​ပြု​ရ​ချေ။

တ​ရား​ဟော 1:3

အနှစ်​လေးဆယ်​မြောက်​သော​နှစ်​၊ တစ်ဆယ့်တစ်​လ​၊ ပထမ​နေ့​၌ မောရှေ​သည် မိမိ​အား ထာဝရဘုရား​မိန့်မှာ​တော်မူ​သမျှ ပညတ်တရား​တို့​ကို အစ္စရေး​အမျိုးသား​တို့​အား ဆင့်ဆို​လေ​၏​။

တ​ရား​ဟော 12:32

သင်​တို့​အား ငါ​မှာကြား​ထား​သည့် နှုတ်ကပတ်တော်​ရှိသမျှ​တို့​ကို လိုက်နာ​စောင့်ထိန်း​ရ​မည်​။ မ​ဖြည့်စွက်​ရ​။ မ​နုတ်ပယ်​ရ​။

တ​ရား​ဟော 13:1

သင်​တို့​တွင် ပရောဖက်​ဖြစ်စေ​၊ အိပ်မက်အနက်​ဖတ်​တတ်​သူ​ဖြစ်စေ ပေါ်လာ​၍ နိမိတ်လက္ခဏာ​၊ သို့မဟုတ် အံ့ဩဖွယ်အမှု​ကို​ပြု​ပြီး

တ​ရား​ဟော 33:4

မောရှေ​သည် ယာကုပ်​အမျိုး​တို့​ပိုင်ဆိုင်​ရာ​ပညတ်တရား​ကို ငါ​တို့​အား ပေး​ထား​၏​။

တ​ရား​ဟော 4:14

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် ငါ့​အား ထာဝရဘုရား​မိန့်မှာ​တော်မူ​၏​။

တ​ရား​ဟော 4:40

သင်​တို့​နှင့်တကွ နောင်လာမည့် သင်​တို့​၏​သားမြေး​တို့ ကောင်းစား​မည့်​အကြောင်း​၊ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​တို့ အသက်​ရှည်ရှည်​နေထိုင်​ရ​မည့်​အကြောင်း ယနေ့ သင်​တို့​အား ငါ​ဆင့်ဆို​သော ဘုရားသခင်​၏​ပြဋ္ဌာန်းချက်​များ​နှင့်​ပညတ်တော်​များ​ကို စောင့်ထိန်း​ရ​မည်​”​ဟု မြွက်ဆို​လေ​၏​။

တ​ရား​ဟော 4:5

သင်​တို့​ဝင်ရောက်​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို ငါ့​အား ငါ​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​တို့​အား ငါ​သွန်သင်​ပေး​ပြီ​။

တ​ရား​ဟော 5:29

ငါ့​ကို​ကြောက်ရွံ့​၍ ငါ​၏​ပညတ်တော်​အလုံးစုံ​ကို အစဉ်အမြဲ​စောင့်ထိန်း​မည့်​စိတ်သဘော သူ​တို့​၌ ရှိ​မည်​ဆိုလျှင် သူ​တို့​နှင့်​သူ​တို့​၏​သားမြေး​တို့​သည် အစဉ်​ကောင်းစား​လိမ့်မည်​။

တ​ရား​ဟော 5:32

သို့ဖြစ်၍ သင်​တို့​သည် သင်​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း လိုက်နာ​စောင့်ထိန်း​ရ​မည်​။ လက်ယာ​ဘက်​၊ လက်ဝဲ​ဘက်​သို့ လွှဲ​မ​သွား​ရ​။

ယော​ရှု 1:7

အားယူ​၍​ရဲရင့်​ခြင်း​ရှိ​လော့​။ သင်​ပြု​လေရာရာ​၌ အထမြောက်​မည့်​အကြောင်း သင့်​အား ငါ့​အစေအပါး​မောရှေ မှာထား​ခဲ့​သော​ပညတ်တရား​အလုံးစုံ​ကို လိုက်နာ​စောင့်ထိန်း​လော့​။ လက်ဝဲ​ဘက်​၊ လက်ယာ​ဘက်​သို့ လွှဲ​မ​သွား​နှင့်​။

ယော​ရှု 8:35

မောရှေ​မိန့်မှာ​ထား​သော​စကား​တို့​ကို မိန်းမ​၊ ကလေး​နှင့်တကွ အစ္စရေး​လူမျိုး​နှင့်အတူ​နေထိုင်​သော​တိုင်းတစ်ပါးသား​တို့​အပါအဝင် အစ္စရေး​လူထု​တစ်ရပ်လုံး​ရှေ့​တွင် မ​ဖတ်​ဘဲ​ထားခဲ့​သော​စကား​တစ်ခွန်းမျှ​မ​ရှိ​။