Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




တ​ရား​ဟော 32:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

16 အခြား​သော​ဘုရား​များ​ဖြင့် ကိုယ်တော်​ကို သဝန်တို​စေ​ပြီ​၊ စက်ဆုပ်ရွံရှာဖွယ်​ရာ​များ​ဖြင့် ကိုယ်တော်​ကို အမျက်ထွက်​စေ​ပြီ​။

အခန်းကိုကြည့်ပါ။ ကော်ပီ

Common Language Bible

16 သူ​တို့​သည်​ရုပ်​တု​ဘု​ရား​များ​ကို​ကိုး​ကွယ်​သည့် အ​ပြစ်​ဒု​စ​ရိုက်​ကြောင့် ပြိုင်​ဘက်​ကင်း​သည့်​ထာ​ဝ​ရ​ဘု​ရား​အား အ​မျက်​တော်​ထွက်​စေ​ကြ​၏။

အခန်းကိုကြည့်ပါ။ ကော်ပီ

Garrad Bible

16 အ ခြား ဘု ရား များ ဖြင့် မ ရှု ဆိတ် တော် မူ ခြင်း ကိုလည်း ကောင်း၊ ရွံ ရှာ ဖွယ် ဓ လေ့ များ ဖြင့် အ မျက် တော် တိုက် ခြင်း ကိုလည်း ကောင်း၊ ပြု လျက်၊

အခန်းကိုကြည့်ပါ။ ကော်ပီ

Judson Bible

16 သူ​တို့​သည် အ​ခြား​တစ်​ပါး​သော​ဘု​ရား​အား​ဖြင့် ငြူ​စူ​စေ​ကြ၏။ ရွံ​ရှာ​ဖွယ်​သော အ​မှု​အ​ရာ​အား​ဖြင့် အ​မျက်​တော်​ကို နှိုး​ဆော်​ကြ၏။

အခန်းကိုကြည့်ပါ။ ကော်ပီ




တ​ရား​ဟော 32:16
20 ပူးပေါင်းရင်းမြစ်များ  

ယုဒ​လူမျိုး​တို့​သည်​လည်း ထာဝရဘုရား​ရှေ့​တော်​တွင် မကောင်းမှု​ကို​သာ ပြု​ကြ​၏​။ ဘိုးဘေး​တို့​ပြု​သမျှ​ထက် သူ​တို့​ပြစ်မှား​သော​အပြစ်​က ထာဝရဘုရား​ကို ပို၍​အမျက်ထွက်​စေ​၏​။


သင်​မူကား သင့်​ရှေ့​က​လူ​အပေါင်း​တို့​ထက် ဆိုးညစ်မှု​များ​ကို ပြု​လေ​ပြီ​။ သင်​သည် ငါ့​ကို​ကျောခိုင်း​ပြီး အခြား​ဘုရား​များ​၊ ရုပ်တု​များ​ကို ပြုလုပ်​ကာ ငါ့​ကို​အမျက်ထွက်​စေ​ပြီ​။


သူ​တို့​ရှေ့​မှ​ထာဝရဘုရား​နှင်ထုတ်​တော်မူ​ခဲ့​သော​လူမျိုးခြား​များ​ကဲ့သို့ အထွတ်အမြတ်​ထား​ရာ​ကုန်းမြင့်​ရှိသမျှ​တို့​၌ နံ့သာပေါင်း​ကို မီးရှို့ပူဇော်​ကြ​၏​။ မကောင်း​သော​အမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​ကြ​၏​။


သူ​တို့​၏​သား​သမီး​တို့​ကို မီးရှို့​ပူဇော်​ကြ​၏​။ ဂမ္ဘီရအတတ်​၊ ဟူးရားအတတ်​တို့​ကို ဆည်းပူး​ကြ​၏​။ မကောင်းမှု​ပြု​ရန် ကိုယ့်ကိုယ်ကိုယ်​ရောင်းစား​ခြင်း​ဖြင့် ထာဝရဘုရား​ကို အမျက်ထွက်​စေ​ကြ​၏​။


မိမိ​သား​ကို မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို အဆမတန်​ပြု​လျက် ထာဝရဘုရား​ကို အမျက်ထွက်​စေ​၏​။


ဆီဒုန်​အမျိုးသား​တို့​ကိုးကွယ်​သော ရွံရှာဖွယ်​အာရှတရက်​ဘုရား​၊ မောဘ​အမျိုးသား​တို့​ကိုးကွယ်​သော​ရွံရှာဖွယ်​ခေမုရှ​ဘုရား​၊ အမ္မုန်​အမျိုးသား​တို့​ကိုးကွယ်​သော​ရွံရှာဖွယ် မိလကုံ​ဘုရား​တို့​အတွက် အစ္စရေး​ဘုရင်​ရှောလမုန်​မင်းကြီး​တည်​ထား​ပေး​ခဲ့​သော ဂျေရုဆလင်​မြို့​အရှေ့ဘက်​၊ ပျက်စီး​ရာ​တောင်​၏​တောင်ဘက်​ရှိ အထွတ်အမြတ်​ထား​ရာ​ကုန်းမြင့်​တို့​ကို​လည်း ရှင်ဘုရင်​က မစင်ကြယ်​အောင် လုပ်​ပစ်​၏​။


ထိုသို့ မိမိ​တို့​၏​အပြုအမူ​များ​ဖြင့် အမျက်​တော်​ထွက်​စေ​သဖြင့် သူ​တို့​အလယ်​တွင် ကပ်ရောဂါ​ဖြစ်ပွား​လေ​၏​။


သူ​တို့​သည် မိမိ​တို့​အထွတ်အမြတ်​ထား​ရာ​နေရာ​များ​အားဖြင့် ကိုယ်တော်​ကို​အမျက်ထွက်​စေ​ပြီး မိမိ​တို့​၏​ရုပ်တု​များ​အားဖြင့် ကိုယ်တော်​ကို​သဝန်တို​စေ​ကြ​၏​။


ငါ​ကိုယ်တော်တိုင်​ပြောကြား​ခဲ့​ပြီ​၊ ကယ်တင်​ခဲ့​ပြီ​၊ ကြားသိ​စေ​ခဲ့​ပြီ​။ သင်​တို့​တွင်​ရှိ​သော အခြား​ဘုရား​က ပြု​ခဲ့​သည်​မ​ဟုတ်​။ သင်​တို့​သည် ငါ​၏​သက်သေ​များ​ဖြစ်​ကြ​၏​။ ငါ​သည် ဘုရားသခင်​ဖြစ်​၏​။


လူမျိုးခြား​တို့​သည် ဘုရား​မ​ဟုတ်​သော သူ​တို့​၏​ဘုရား​များ​ကို​ပင် အလဲအလှယ်​ပြု​ဖူး​ကြ​သလော​။ ငါ့​လူမျိုး​တို့​မူကား မိမိ​တို့​၏​ဘုန်းအသရေ​ကို အကျိုး​မ​ပေး​သော​အရာ​နှင့် အလဲအလှယ်​ပြု​ကြ​လေ​ပြီ​။


‘​ဖိနပ်မပါ​ဘဲ​မသွား​နှင့်​၊ အာခေါင်​မ​ခြောက်​စေ​နှင့်​’​ဟု သတိပေး​သော်လည်း သင်​က ‘​မမျှော်လင့်​နှင့်​။ သူစိမ်း​ကို ငါ​တကယ်​ချစ်​မိ​ပြီ​ဖြစ်၍ သူ​တို့​နောက်သို့​လိုက်​တော့​မည်​’​ဟု ဆို​၏​။


ကောင်းကင်​မိဖုရား​ထံ မုန့်​ပူဇော်​ရန် သားသမီး​တို့​က ထင်း​ကောက်​ကြ​၏​။ ဖခင်​တို့​က မီး​မွှေး​ကြ​၏​။ မိခင်​တို့​က မုန့်​နယ်​ကြ​၏​။ သူ​တို့​သည် အခြား​သော​ဘုရား​များ​ရှေ့​၌ သွန်းလောင်းရာပူဇော်သက္ကာ​ကို သွန်းလောင်း​ခြင်း​ဖြင့်​လည်း ငါ့​ကို​အမျက်ထွက်​စေ​ကြ​၏​။


“ဇိအုန်​မြို့​၌ ထာဝရဘုရား မ​ရှိ​သလော​။ ထို​မြို့​၌​ရှင်ဘုရင် မ​ရှိ​သလော ဟူ၍​ဝေးလံ​သော​ပြည်​မှ ငါ့​လူမျိုး​သမီးပျို​၏​အော်ဟစ်သံ​ကို ကြား​ရ​ပါ​ပြီ​တကား​။ သူ​တို့​ကိုးကွယ်​သော​ရုပ်တုဆင်းတု​များ​၊ တိုင်းတစ်ပါးသား​တို့​ကိုးကွယ်​သော​ရုပ်တု​များ​ဖြင့် သူ​တို့​သည် ငါ့​ကို အဘယ်ကြောင့် အမျက်ထွက်​စေ​ကြ​သနည်း​။”


ထို​လူ​ထံမှ လက်​နှင့်တူသော​အရာ​တစ်​ခု ထွက်လာ​၍ ငါ့​ဦးခေါင်း​မှ​ဆံပင်​ကို လှမ်းဆွဲ​၏​။ ဘုရားသခင်​ဖွင့်ပြ​သော နိမိတ်အာရုံ​ထဲမှာ ဝိညာဉ်​တော်​သည် ငါ့​ကို မိုး​နှင့်​မြေ​အကြား​သို့​ချီမ​လိုက်​ပြီး မနာလိုဝန်တိုစိတ်​ကို​ဆွပေး​သော​ရုပ်တု စိုက်ထူ​ထား​ရာ ဂျေရုဆလင်​မြို့​မြောက်ဘက်​၊ အတွင်း​တံတိုင်း​တံခါးဝ​သို့ ဆောင်သွား​တော်မူ​၏​။


အကယ်စင်စစ် သင်​တို့​မတိုင်မီ ထို​ပြည်​၌​နေထိုင်​သော​လူ​တို့​သည် ထို​စက်ဆုပ်ရွံရှာဖွယ်​ရှိသမျှ​တို့​ကို​ပြုကျင့်​ကြ​သဖြင့် ပြည်​သည် ညစ်ညူး​လေ​ပြီ​။


ငါ​တို့​သည် သခင်​ဘုရား​အား သဝန်တို​စေ​ကြ​သလော။ ငါ​တို့​သည် ကိုယ်တော်​ထက် ခွန်အားကြီး​ကြ​သလော။


သူ​တို့​သည် ဘုရား​မ​ဟုတ်​သော​အရာ​များ​ဖြင့် ငါ့​ကို သဝန်တို​စေ​ကြ​ပြီ​။ အချည်းနှီး​သော​အရာ​များ​ဖြင့် ငါ့​ကို အမျက်ထွက်​စေ​ကြ​ပြီ​။ သို့ဖြစ်၍ ငါ​သည် မ​ပြောပလောက်​သော​လူမျိုး​ဖြင့် သူ​တို့​ကို သဝန်တို​စေ​မည်​။ မိုက်မဲ​သော​လူမျိုး​ဖြင့် သူ​တို့​ကို အမျက်ထွက်​စေ​မည်​။


ထို​အရာ​တို့​ကို မ​ပျပ်ဝပ်​မ​ကိုးကွယ်​ရ​။ အကြောင်းမူကား သင်​၏​ဘုရားသခင် ငါ​ထာဝရဘုရား​သည် သဝန်တို​တတ်​သော​ဘုရား​၊ ငါ့​ကို​မုန်း​သော​သူ​တို့​၏​မျိုးဆက် တတိယ​အဆက်​၊ စတုတ္ထ​အဆက်​တိုင်အောင် ဖခင်​တို့​၏​အပြစ်​အတွက် သားမြေး​တို့​ကို ဒဏ်ခတ်​သော​ဘုရား​၊


သင်​တို့​သည် သူ​တို့​၏​ဘုရား​များ​ဖြစ်​သည့် ရုပ်တုဆင်းတု​များ​ကို မီး​ရှို့​ပစ်​ရ​မည်​။ ရုပ်တုဆင်းတု​ရှိ ရွှေ​၊ ငွေ​တို့​ကို မ​တပ်မက်​ရ​၊ မ​ယူ​ရ​။ ထို​အရာ​တို့​ကို သင်​၏​ဘုရားသခင်​ထာဝရဘုရား စက်ဆုပ်ရွံရှာ​တော်မူ​သည်​ဖြစ်၍ ယူမိ​လျှင် သင်​သည် ထို​အရာ​အားဖြင့် ကျော့မိ​လိမ့်မည်​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ