Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




တ​ရား​ဟော 31:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

6 အားယူ​၍​ရဲရင့်​ခြင်း​ရှိ​ကြ​လော့​။ မ​ကြောက်​ကြ​နှင့်​။ သူ​တို့​ကြောင့် မ​ထိတ်လန့်​ကြ​နှင့်​။ အကြောင်းမူကား သင်​တို့​၏​ဘုရားသခင်​ထာဝရဘုရား​သည် သင်​တို့​နှင့်အတူ​ကြွ​တော်မူ​မည်​။ သင်​တို့​ကို ပစ်ထား​တော်မူ​မည်​မ​ဟုတ်​။ သင်​တို့​ကို စွန့်ပစ်​တော်မူ​မည်​မ​ဟုတ်​”​ဟု ဆို​လေ​၏​။

အခန်းကိုကြည့်ပါ။ ကော်ပီ

Common Language Bible

6 အား​မာန်​တင်း​၍​ရဲ​ရင့်​ခြင်း​ရှိ​ကြ​လော့။ ထို လူ​မျိုး​တို့​ကို​မ​ကြောက်​ရွံ့​ကြ​နှင့်။ သင်​တို့ ၏​ဘု​ရား​သ​ခင်​ထာ​ဝ​ရ​ဘု​ရား​ကိုယ်​တော် တိုင် သင်​တို့​နှင့်​အ​တူ​ရှိ​တော်​မူ​မည်။ သင်​တို့ ကို​မု​ချ​ကူ​မ​တော်​မူ​မည်။ စွန့်​ပစ်​ထား တော်​မူ​မည်​မ​ဟုတ်'' ဟူ​၍​ဖြစ်​၏။

အခန်းကိုကြည့်ပါ။ ကော်ပီ

Garrad Bible

6 ကြောက် ရွံ ခြင်း၊ အံ့ အား သင့် ခြင်း ကင်း လျက်၊ အား ယူ၍ ရဲ ရင့် ကြ လော့။ အ တူ ချီ ကြွ တော် မူ သော သင် တို့ ဘု ရား သ ခင် ထာ ဝ ရ ဘု ရား သည် သင် တို့ ကို မည် သည့် အ ခါ မျှ စွန့် ထား တော် မူ မည် မ ဟုတ် ဟု မိန့် ဆို ပြီး နောက်

အခန်းကိုကြည့်ပါ။ ကော်ပီ

Judson Bible

6 အား​ယူ၍ ရဲ​ရင့်​ခြင်း​ရှိ​ကြ​လော့။ မ​စိုး​ရိမ်​ကြ​နှင့်။ သူ​တို့​ကို မ​ကြောက်​ကြ​နှင့်။ ထာ​ဝ​ရ​ဘု​ရား​သည် သင်​တို့​ဘု​ရား​သ​ခင်​ဖြစ်၍ သင်​တို့​နှင့်​အ​တူ ကိုယ်​တိုင်​ကြွ​တော်​မူ မည်။ သင်​တို့​ကို စွန့်​တော်​မ​မူ၊ ပစ်​ထား​တော်​မ​မူ​ဟု ဟော​ပြော၏။

အခန်းကိုကြည့်ပါ။ ကော်ပီ




တ​ရား​ဟော 31:6
44 ပူးပေါင်းရင်းမြစ်များ  

ထို​ည​၌ ထာဝရဘုရား​သည် သူ့​အား​ကိုယ်ထင်ရှားပြ​၍ “​ငါ​သည် သင့်​ဖခင်​အာဗြဟံ​၏​ဘုရား​ဖြစ်​၏​။ မ​ကြောက်​နှင့်​။ အကြောင်းမူကား ငါ​သည် သင်​နှင့်အတူ​ရှိ​၏​။ ငါ​သည် သင့်​ကို​ကောင်းချီးပေး​၍ ငါ​၏​အစေအပါး​အာဗြဟံ​အတွက်ကြောင့် သင်​၏​သားစဉ်မြေးဆက်​ကို​များပြား​စေ​မည်​”​ဟု မိန့်​တော်မူ​၏​။


ကြည့်ရှု​လော့​။ ငါ​သည် သင်​နှင့်အတူ​ရှိ​၏​။ သင်​သွား​လေရာရာ​၌ သင့်​ကို​စောင့်ရှောက်​၍ ဤ​ပြည်​သို့ သင့်​ကို ပြန်ခေါ်လာ​ဦး​မည်​။ အကယ်စင်စစ် သင့်​အား​ငါ​ကတိပေး​သည့်​အရာ မ​ပြည့်စုံ​မ​ချင်း ငါ​သည် သင့်​ကို​စွန့်ပစ်​မည်​မ​ဟုတ်​”​ဟု မိန့်​တော်မူ​၏​။


အားယူ​ကြ​လော့​။ ငါ​တို့​လူမျိုး​အတွက်​၊ ငါ​တို့​ဘုရားသခင်​၏​မြို့​တော်​အတွက် ငါ​တို့​ရဲရင့်​စွာ​တိုက်​ကြ​စို့​။ ထာဝရဘုရား​သည် အလို​တော်​ရှိ​သည့်​အတိုင်း လုပ်ဆောင်​ပေး​တော်မူ​လိမ့်မည်​”​ဟု အားပေးစကား​ဆို​၏​။


“​မြေကြီးသား​တိုင်း သွား​ရ​မည့်​လမ်း​ကို ငါ​သွား​ရ​တော့​မည်​။ သို့ဖြစ်၍ သင်​သည် ယောက်ျားပီပီ ရဲရင့်​ခြင်း​ရှိ​လော့​။


အစ္စရေး​အမျိုးသား​တို့​၌ ငါ​ကိန်းဝပ်​မည်​။ ငါ့​လူမျိုး​တော်​အစ္စရေး​ကို ငါ​မ​စွန့်ပစ်​”​ဟု မိန့်​တော်မူ​၏​။


အကျွန်ုပ်​တို့​၏​ဘုရားသခင် ထာဝရဘုရား​သည် အကျွန်ုပ်​တို့​၏​ဘိုးဘေး​တို့​နှင့်အတူ တည်ရှိ​ခဲ့​သည့်​နည်းတူ အကျွန်ုပ်​တို့​နှင့်​လည်း အတူ​တည်ရှိ​တော်မူ​ပါစေသော​။ အကျွန်ုပ်​တို့​ကို စွန့်ပစ်​တော်​မ​မူ​ပါ​နှင့်​။ အကျွန်ုပ်​တို့​ကို စွန့်ခွာ​သွား​တော်​မ​မူ​ပါ​နှင့်​။


အစ္စရေး​လူမျိုး​တို့​အဖို့ မောရှေ​အားဖြင့် ထာဝရဘုရား ပေးအပ်​ထား​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို သင်​လိုက်နာ​စောင့်ထိန်း​လျှင် အောင်မြင်မှု​ကို​ရ​လိမ့်မည်​။ အားယူ​၍ ရဲရင့်​ခြင်း​ရှိ​လော့​၊ မ​ကြောက်ရွံ့​နှင့်​၊ စိတ်​မ​ပျက်​နှင့်​။


ယခု သတိပြု​လော့​။ သန့်ရှင်းရာဌာန​ဖြစ်​သော အိမ်​တော်​ကို တည်ဆောက်​ရန် သင့်​ကို​ထာဝရဘုရား ရွေးချယ်​တော်မူ​ပြီ​။ အားယူ​၍​ဆောက်လုပ်​ပါ​လော့​”​ဟု မိန့်ဆို​လေ​၏​။


ထို့နောက် ဒါဝိဒ်​မင်းကြီး​က သား​တော်​ရှောလမုန်​အား “​အားယူ​၍​ရဲရင့်​စွာ လုပ်ဆောင်​လော့​။ မ​ကြောက်​နှင့်​၊ စိတ်​မ​ပျက်​နှင့်​။ ငါ​ကိုးကွယ်​သော​ဘုရားသခင်​၊ ဘုရားသခင်​ထာဝရဘုရား​သည် သင်​နှင့်အတူ ရှိ​တော်မူ​၏​။ ထာဝရဘုရား​၏​အိမ်​တော် ဆောက်လုပ်​ခြင်း​အမှု​အလုံးစုံ​ကို ပြီးစီး​သည့်​တိုင်အောင် သင့်​ကို စွန့်ပစ်​တော်မူ​မည်​မ​ဟုတ်​။ သင့်​ကို ပစ်ပယ်​တော်မူ​မည်​မ​ဟုတ်​။


“​အားယူ​၍​ရဲရင့်​ကြ​လော့​။ အဆီးရီးယား​ဘုရင်​နှင့် သူ့​လူအုပ်ကြီး​ကြောင့် မ​ကြောက်​ကြ​နှင့်​။ စိတ်​မ​ပျက်​ကြ​နှင့်​။ ငါ​တို့​ဘက်​၌​ရှိ​သော​သူ​သည် သူ​တို့​ဘက်​၌​ရှိ​သော​သူ​တို့​ထက် ပို၍​အင်အားကြီး​၏​။


ထာဝရဘုရား​သည် ငါ​၏​အလင်း​၊ ငါ့​ကို​ကယ်တင်​သော​အရှင်​ဖြစ်​တော်မူ​၏​။ ငါ​သည် မည်သူ့​ကို​ကြောက်​ရ​မည်နည်း​။ ထာဝရဘုရား​သည် ငါ့​အသက်​၏ မှီခို​ရာ​ဖြစ်​တော်မူ​၏​။ ငါ​သည် မည်သူ့​ကို​ကြောက်ရွံ့​ရ​မည်နည်း​။


ထာဝရဘုရား​ကို စောင့်မျှော်​လော့​။ အားယူ​၍ သင်​၏​စိတ်နှလုံး​ကို​ရဲရင့်​စေ​လော့​။ ထာဝရဘုရား​ကို စောင့်မျှော်​လော့​။


အကြောင်းမူကား ထာဝရဘုရား​သည် မိမိ​လူမျိုး​တော်​ကို ပစ်ပယ်​တော်မူ​မည်​မ​ဟုတ်​။ မိမိ​၏​အမွေ​တော်​ကို​လည်း စွန့်ပစ်​တော်မူ​မည်​မ​ဟုတ်​။


မ​ကြောက်​နှင့်​၊ ငါ​သည် သင်​နှင့်အတူ​ရှိ​၏​။ မ​စိုးရိမ်​နှင့်​။ ငါ​သည် သင်​၏​ဘုရားသခင်​ဖြစ်​၏​။ အကယ်စင်စစ် သင့်​ကို ခိုင်ခံ့​စေ​မည်​။ သင့်​ကို ကူညီမစ​မည်​။ ငါ​၏​ဖြောင့်မတ်​သော​လက်ယာ​လက်​ဖြင့် သင့်​ကို ငါ​ထောက်မ​မည်​။


ထာဝရဘုရား​က “​ငါ​သာလျှင် သင်​တို့​ကို​နှစ်သိမ့်​ပေး​သော​သူ​ဖြစ်​၏​။ သေမျိုး​ဖြစ်​သော​လူ​၊ မြက်ပင်​ကဲ့သို့​ဖြစ်​သည့်​လူသား​ကို သင်​အဘယ်ကြောင့်​ကြောက်ရွံ့​သနည်း​။


သူ​တို့​ကို မ​ကြောက်​နှင့်​။ ငါ​သည် သင့်​ကို​ကယ်နုတ်​ရန် သင်​နှင့်အတူ​ရှိ​၏​”​ဟု မိန့်​တော်မူ​ပြီးလျှင်


သူ​တို့​ကို မ​စွန့်ပစ်​ဘဲ အစဉ်​ကောင်းစား​စေ​မည့်​အကြောင်း ငါ​သည် သူ​တို့​နှင့် ထာဝရ​ပဋိညာဉ်​ဖွဲ့​မည်​။ သူ​တို့​သည် ငါ့​ထံမှ မ​ထွက်သွား​မည့်​အကြောင်း ငါ့​ကို​ကြောက်ရွံ့ရိုသေ​ခြင်း​သဘော​ကို သူ​တို့​စိတ်နှလုံး​ထဲသို့ သွင်းပေး​မည်​။


သို့သော် အို ဇေရုဗဗေလ​၊ အားယူ​လော့​’​ဟု ထာဝရဘုရား​မိန့်ဆို​ပြီ​။ ‘​အို ယောဇဒက်​၏​သား ယဇ်ပုရောဟိတ်​မင်း​ယောရှု​၊ အားယူ​လော့​။ အို ပြည်သူပြည်သား​အပေါင်း​တို့​၊ အားယူ​လော့’​ဟု ထာဝရဘုရား​မိန့်ဆို​ပြီ​။ ‘ကြိုးစား​လုပ်ဆောင်​ကြ​လော့​။ သင်​တို့​နှင့်အတူ ငါ​ရှိ​၏’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။


အို ယုဒ​အမျိုးအနွယ်​နှင့် အစ္စရေး​အမျိုးအနွယ်​တို့​၊ သင်​တို့​သည် လူမျိုးခြား​တို့​အလယ်​တွင် ကျိန်ဆဲစရာ​ဖြစ်​ခဲ့​သော်လည်း သင်​တို့​ကို ငါ​ကယ်တင်​မည်​။ ကောင်းချီး​ပေး​မည်​။ မ​ကြောက်​ကြ​နှင့်​။ သင်​တို့​လက်​ကို ခိုင်ခံ့​စေ​လော့’​ဟု မိန့်​တော်မူ​၏​။


ထို​ပြည်​သည် ကြွယ်ဝ​သလော​၊ ဆင်းရဲ​သလော​။ ထို​ပြည်​ထဲ၌ အပင်​ရှိ​သလော​၊ မ​ရှိ​သလော စသည်​ဖြင့် ကြည့်ရှု​စစ်ဆေး​ရ​မည်​။ သင်​တို့​သည် ရဲရင့်​ခြင်း​ရှိ​ရ​မည်​။ ထို​ပြည်​မှ အသီး​အချို့​ကို​ယူဆောင်​လာ​ရ​မည်​”​ဟု မှာကြား​လေ​၏​။ ထို​အချိန်​သည် စပျစ်သီး အဦးဆုံး​မှည့်​သော​အချိန်​ဖြစ်​၏​။


ဗင်္ယာမိန်​အမျိုးအနွယ်​မှ ရာဖု​၏​သား ပါလတိ​၊


ထာဝရဘုရား​ကို မ​ပုန်ကန်​ကြ​ပါ​နှင့်​။ ထို​ပြည်​၌​ရှိ​သော​လူ​တို့​ကို​လည်း မ​ကြောက်​ကြ​ပါ​နှင့်​။ အကြောင်းမူကား သူ​တို့​သည် ငါ​တို့​အစာ​ဖြစ်​၏​။ သူ​တို့​၌ အကာအကွယ်​ပေး​မည့်​သူ​မ​ရှိ​။ ငါ​တို့​၌ ထာဝရဘုရား​ရှိ​၏​။ ထို​သူ​တို့​ကို မ​ကြောက်​ကြ​နှင့်​”​ဟု ဆို​၏​။


သိုးစု​ငယ်၊ မ​ကြောက်​နှင့်။ အကြောင်းမူကား သင်​တို့​အဖ​သည် သင်​တို့​အား နိုင်ငံ​တော်​ပေး​ရ​သည်​ကို နှစ်သက်​တော်မူ​၏။


သတိ​ဝီရိယ​ရှိ​ကြ​လော့။ ယုံကြည်​ခြင်း​၌ ခိုင်မြဲ​စွာ​ရပ်တည်​ကြ​လော့။ ရဲစွမ်းသတ္တိ​ရှိ​ကြ​လော့။ ကြံ့ခိုင်​သန်စွမ်း​ကြ​လော့။


နောက်ဆုံး​အနေဖြင့်​ဆို​ရ​လျှင် သခင်​ဘုရား​၌​လည်းကောင်း၊ ကိုယ်တော်​၏​အစွမ်းသတ္တိ​နှင့်ဆိုင်သော တန်ခိုး​အရှိန်အဝါ​၌​လည်းကောင်း ခွန်အား​နှင့်​ပြည့်စုံ​ကြ​လော့။


သင်​တို့​၏​ဘုရားသခင်​ထာဝရဘုရား​သည် ထို​ပြည်​ကို သင်​တို့​ထံ အပ်​တော်မူ​ပြီ​။ သင်​တို့​ဘိုးဘေး​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း သွား​၍​သိမ်းပိုက်​လော့​။ မ​ကြောက်​နှင့်​။ စိတ်​မ​ပျက်​နှင့်​’​ဟု ဆို​၏​။


ငါ​သည် သင်​တို့​အား ‘​မ​ထိတ်လန့်​ကြ​နှင့်​။ ထို​သူ​တို့​ကို မ​ကြောက်​ကြ​နှင့်​။


ယနေ့ သင်​တို့​အား ငါ​ဆင့်ဆို​သော​ပညတ်တော်​ကို စောင့်ထိန်း​လော့​။ သို့ပြုလျှင် သင်​တို့​သည် ခွန်အား​နှင့်​ပြည့်စုံ​၍ သင်​တို့​ကူးသွား​၍​သိမ်းပိုက်​ရ​မည့်​ပြည်​ကို ဝင်ရောက်​သိမ်းပိုက်​နိုင်​မည်​။


သင်​သည် ရန်သူ​တို့​ကို စစ်​သွားတိုက်​သောအခါ သင့်​ထက်​များပြား​သော မြင်း​များ​၊ စစ်ရထား​များ​၊ စစ်သည်​များ​ကို တွေ့​လျှင် သူ​တို့​ကို မ​ကြောက်​နှင့်​။ သင့်​ကို​အီဂျစ်​ပြည်​မှ ထုတ်ဆောင်​တော်မူ​ခဲ့​သော သင်​၏​ဘုရားသခင်​ထာဝရဘုရား​သည် သင်​နှင့်အတူ ရှိ​တော်မူ​၏​။


ထို့နောက် ထာဝရဘုရား​က နုန်​၏​သား ယောရှု​အား “​အားယူ​၍​ရဲရင့်​ခြင်း​ရှိ​လော့​။ ထို​ပြည်​ကို အစ္စရေး​အမျိုးသား​တို့​အား ပေး​မည်​ဟု​ငါ​ကျိန်ဆို​ခဲ့​သည်​နှင့်အညီ ထို​ပြည်​သို့ သင်​သည် သူ​တို့​ကို​ပို့ဆောင်​ရ​မည်​။ ငါ​သည်​လည်း သင်​နှင့်အတူ​ရှိ​မည်​”​ဟု မိန့်မှာ​တော်မူ​၏​။


ထို့နောက် မောရှေ​သည် ယောရှု​ကို​ခေါ်​၍ အစ္စရေး​လူမျိုး​အပေါင်း​တို့​၏​ရှေ့​၌ သူ့​အား “​အားယူ​၍​ရဲရင့်​ခြင်း​ရှိ​လော့​။ အကြောင်းမူကား ထို​ပြည်​ကို ဤ​လူမျိုး​တို့​အား​ပေး​မည်​ဟု သူ​တို့​၏​ဘိုးဘေး​တို့​အား ထာဝရဘုရား​ကျိန်ဆို​တော်မူ​ခဲ့​သည်​နှင့်အညီ ထို​ပြည်​သို့ သင်​သည် သူ​တို့​နှင့်အတူ​ဝင်ရောက်​၍ ထို​ပြည်​ကို သူ​တို့​၏ အမွေ​ဖြစ်စေ​ရ​မည်​။


ထာဝရဘုရား ကိုယ်တော်တိုင် သင့်​ရှေ့​မှ ကြွ​တော်မူ​မည်​။ သင်​နှင့်အတူ​ရှိ​မည်​။ သင့်​ကို ပစ်ထား​တော်မူ​မည်​မ​ဟုတ်​။ သင့်​ကို စွန့်ပစ်​တော်မူ​မည်​မ​ဟုတ်​။ မ​ကြောက်​နှင့်​။ စိတ်​မ​ပျက်​နှင့်​”​ဟု ပြောကြား​၏​။


သင်​တို့​၏​ဘုရားသခင်​ထာဝရဘုရား​သည် သနားစုံမက်​တတ်​သော​ဘုရား​ဖြစ်၍ သင်​တို့​ကို​စွန့်ပစ်​တော်မူ​မည်​မ​ဟုတ်​။ သင်​တို့​ကို​ဖျက်ဆီး​တော်မူ​မည်​မ​ဟုတ်​။ သင်​တို့​၏​ဘိုးဘေး​တို့​အား ကျိန်ဆို​တော်မူ​ခဲ့​သော​ပဋိညာဉ်​ကို​လည်း မေ့လျော့​တော်မူ​မည်​မ​ဟုတ်​။


သူ​တို့​ကို မ​ကြောက်​နှင့်​။ ဖာရော​မင်းကြီး​နှင့် အီဂျစ်​လူမျိုး​အပေါင်း​တို့​၌ သင်​၏​ဘုရားသခင်​ထာဝရဘုရား​ပြု​တော်မူ​ခဲ့​သည့်​အမှု​ကို​အောက်မေ့​လော့​။


သို့ဖြစ်၍ ငါ့​သား၊ သင်​သည် ခရစ်တော်​ယေရှု​၌​ရှိ​သော ကျေးဇူး​တော်​အားဖြင့် ခွန်အား​နှင့်​ပြည့်စုံ​လော့။


အသက်ရှင်​နေထိုင်​မှု​တွင် ငွေ​ကို​တပ်မက်​ခြင်း​မ​ရှိ​ဘဲ မိမိ​၌​ရှိ​သော​အရာ​နှင့် ရောင့်ရဲ​ကြ​လော့။ အကြောင်းမူကား “ငါ​သည် မည်သည့်​အခါ​မျှ သင့်​ကို​စွန့်ခွာ​မည်​မ​ဟုတ်။ မည်သည့်​အခါ​မျှ သင့်​ကို​ပစ်ပယ်​မည်​မ​ဟုတ်”​ဟု ကိုယ်တော်​မိန့်​တော်မူ​၏။


သင့်​ကို ငါ​မိန့်မှာ​ထား​သည်​မ​ဟုတ်​လော​။ အားယူ​၍​ရဲရင့်​ခြင်း​ရှိ​လော့​။ မ​ကြောက်​နှင့်​။ စိတ်​မ​ပျက်​နှင့်​။ သင်​သွား​လေရာရာ​၌ သင်​၏​ဘုရားသခင်​ထာဝရဘုရား​သည် သင်​နှင့်အတူ​ရှိ​၏​”​ဟု မိန့်​တော်မူ​၏​။


ထို့နောက် ယောရှု​က သူ​တို့​အား “​မ​ကြောက်​ကြ​နှင့်​။ စိတ်​မ​ပျက်​ကြ​နှင့်​။ အားယူ​၍​ရဲရင့်​ခြင်း​ရှိ​ကြ​လော့​။ သင်​တို့​နှင့်​တိုက်ခိုက်​သော​ရန်သူ​ဟူသမျှ​ကို ထာဝရဘုရား​က ဤသို့​ဖြစ်စေ​တော်မူ​မည်​”​ဟု ဆို​လေ​၏​။


သို့သော် ကြောက်​တတ်​သူ​များ၊ မ​ယုံကြည်​သူ​များ၊ ရွံရှာ​ဖွယ်​ကောင်း​သူ​များ၊ လူသတ်သူ​များ၊ တရားနှင့်မညီ​မေထုန်ပြု​သူ​များ၊ ပြုစား​သော​သူ​များ၊ ရုပ်တု​ကိုးကွယ်​သူ​များ​နှင့် လိမ်လည်​သော​သူ​အပေါင်း​တို့​သည် ကန့်​နှင့်​လောင်​သော​မီး​အိုင်​ထဲ၌ မိမိ​တို့​အဖို့​ကို​ရ​ကြ​လိမ့်မည်။ ဤသည်ကား ဒုတိယ​သေ​ခြင်း​ဖြစ်​၏”​ဟု မိန့်​တော်မူ​၏။


ထာဝရဘုရား​သည် ကြီးမြတ်​သော​နာမ​တော်​ကို ထောက်​၍ မိမိ​၏​လူမျိုး​တော်​ကို စွန့်ပစ်​မည်​မ​ဟုတ်​။ အကြောင်းမူကား ထာဝရဘုရား​သည် သင်​တို့​ကို မိမိ​လူမျိုး​တော်​ဖြစ်​စေဖို့ အလိုရှိ​တော်မူ​၏​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ