တ​ရား​ဟော 31:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အစ္စရေး​လူမျိုး​အပေါင်း​တို့​သည် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၊ ထာဝရဘုရား​၏​ရှေ့​တော်​၌ မျက်နှာ​လာ​ပြ​သောအခါ သင်​သည် အစ္စရေး​လူမျိုး​အပေါင်း​တို့​ရှေ့​၌ ဤ​ပညတ်တရား​ကို သူ​တို့​ကြား​အောင် ဖတ်ကြား​ရ​မည်​။

Common Language Bible

¹¹ ဣ​သ​ရေ​လ​အ​မျိုး​သား​တို့​သည် တစ်​ခု​တည်း သော​ကိုး​ကွယ်​ရာ​ဌာ​န​သို့​ရောက်​ရှိ​လာ​ကြ သော​အ​ခါ ဤ​ပညတ်​တ​ရား​တော်​ကို​ဖတ်​ပြ ရ​မည်။-

Judson Bible

¹¹ သင်​တို့၏​ဘု​ရား​သ​ခင် ထာ​ဝ​ရ​ဘု​ရား ရွေး​ကောက်​တော်​မူ​လ​တ္တံ့​သော အ​ရပ်​တွင် ဣ​သ​ရေ​လ​အ​မျိုး​သား​အ​ပေါင်း​တို့​သည် ရှေ့​တော်၌ ကိုယ်​ကို​ပြ​ခြင်း​ငှာ လာ​ကြ​သော​အ​ခါ၊ ဤ​ပ​ညတ်​တ​ရား​ကို ထို​ပ​ရိ​သတ်​အ​ပေါင်း​တို့​ရှေ့​မှာ ဖတ်​ရွတ်​ရ​မည်။

တ​ရား​ဟော 31:11 ပူးပေါင်းရင်းမြစ်များ

၄ ရာ 23:2

ထိုအခါ ယုဒ​အမျိုးသား​အားလုံး​နှင့် ဂျေရုဆလင်​မြို့သား​အားလုံး​၊ ယဇ်ပုရောဟိတ်​များ​၊ ပရောဖက်​များ​မှစ၍ ပြည်သူပြည်သား​လူကြီး​လူငယ်​တစ်ယောက်မကျန် ရှင်ဘုရင်​နှင့်အတူ ထာဝရဘုရား​၏​အိမ်​တော်​သို့ သွား​ကြ​၏​။ ရှင်ဘုရင်​သည် ထာဝရဘုရား​အိမ်​တော်​တွင် တွေ့​ခဲ့​သော​ပဋိညာဉ်​ကျမ်း​စကား​အလုံးစုံ​ကို သူ​တို့​ကြားသိ​အောင် ဖတ်ပြ​လေ​၏​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

ထွက်​မြောက် 34:24

လူမျိုးခြား​တို့​ကို သင့်​ရှေ့​မှ ငါ​နှင်ထုတ်​ပြီး သင်​၏​နယ်ပယ်​ကို ငါ​ကျယ်ဝန်း​စေ​မည်​ဖြစ်၍ သင်​သည် သင်​၏​ဘုရားသခင်​ထာဝရဘုရား​ရှေ့​တော်​၌ တစ်​နှစ်​လျှင်​သုံး​ကြိမ်​မျက်နှာ​လာ​ပြ​စဉ်​အတွင်း မည်သူ​မျှ သင်​၏​မြေ​ကို လိုချင်​တပ်မက်​စိတ် မ​ရှိ​စေ​ရ​။

တမန်တော်ဝတ္ထု 15:21

အကြောင်းမူကား ရှေး​အခါ​က​ပင် မြို့​တိုင်း​၌ မောရှေ​၏​ပညတ်​တရား​ကို ဟောပြော​သော​သူ​ရှိ​၍ ထို​ကျမ်း​ကို ဥပုသ်နေ့​တိုင်း ဝတ်ပြု​စည်းဝေး​ကျောင်း​များ​တွင် ဖတ်​လေ့​ရှိ​ကြ​၏”​ဟု ဆို​လေ​၏။

တမန်တော်ဝတ္ထု 13:15

ပညတ်​တရား​ကျမ်း​နှင့် ပရောဖက်​ကျမ်း​များ​ကို ဖတ်ကြား​ပြီး​သောအခါ ဝတ်ပြု​စည်းဝေး​ကျောင်း​တာဝန်ခံ​များ​သည် သူ​တို့​ထံ လူ​လွှတ်​၍ “ညီအစ်ကို​တို့၊ သင်​တို့​တွင် လူ​တို့​အား တိုက်တွန်း​အားပေး​စကား​တစ်စုံတစ်ခု​ရှိ​လျှင် ပြော​ကြ​ပါ”​ဟု ဆို​ကြ​၏။

ဆာ​လံ 84:7

သူ​တို့​သည် ခွန်အားတိုးသည်ထက်တိုးလာ​လျက်​၊ သွား​ကြ​လျက် ဇိအုန်​၌​ရှိ​တော်မူ​သော​ဘုရားသခင်​ကို ဖူးမြင်​ရ​ကြ​ပါ​လိမ့်မည်​။

နေ​ဟ​မိ 9:3

သူ​တို့​သည် ကိုယ်​ရှိ​ရာ​နေရာ​၌ ရပ်​လျက် နေ့​တစ်​နေ့​၏​လေးပုံတစ်ပုံ​တွင် ဘုရားသခင်​ထာဝရဘုရား​၏​ပညတ်တရား​ကျမ်း​ကို ဖတ်​ပြီး နောက်​လေးပုံတစ်ပုံ​တွင် အပြစ်​များ​ကို​ဝန်ချတောင်းပန်​ကာ ဘုရားသခင်​ထာဝရဘုရား​အား ရှိခိုးကိုးကွယ်​ကြ​၏​။

နေ​ဟ​မိ 8:13

ဒုတိယ​နေ့​တွင် လူ​အပေါင်း​တို့​၏​အိမ်ထောင်စု​အကြီးအမှူး​တို့​နှင့်တကွ ယဇ်ပုရောဟိတ်​များ​၊ လေဝိ​သား​များ​သည် ပညတ်တရား​စကား​များ​ကို လေ့လာသင်ယူ​ရန် ကျမ်းပြုဆရာ​ဧဇရ​ထံ စုဝေး​လာ​ကြ​၏​။

နေ​ဟ​မိ 8:18

ပွဲတော်​ပထမ​ရက်​မှစ၍ နောက်ဆုံး​ရက်​အထိ ဧဇရ​သည် ဘုရားသခင်​၏​ပညတ်တရား​ကျမ်း​ကို နေ့စဉ်​ဖတ်ပြ​၏​။ ပွဲတော်​ကို ခုနစ်​ရက်​ပတ်လုံး​ကျင်းပ​ပြီး ရှစ်​ရက်​မြောက်​သော​နေ့​တွင် စီရင်ထုံးဖွဲ့ချက်​အတိုင်း ဓမ္မစည်းဝေးပွဲ​ကြီး​ကို ကျင်းပ​၏​။

တ​ရား​ဟော 12:11

ထိုအခါ သင်​တို့​၏​ဘုရားသခင်​ထာဝရဘုရား​သည် နာမ​တော်​ကိန်းဝပ်​ရာ​နေရာ​ကို​ရွေးချယ်​တော်မူ​မည်​။ သင်​တို့​အား ငါ​မှာကြား​ထား​သမျှ​အတိုင်း သင်​တို့​၏​မီးရှို့ရာယဇ်​၊ ပူဇော်သက္ကာ​၊ ဆယ်ဖို့တစ်ဖို့​၊ အလှူပစ္စည်း​၊ ထာဝရဘုရား​ထံ သင်​တို့​ကတိသစ္စာ​ပြု​ထား​သည့် ကတိသစ္စာ​ဆိုင်ရာ​အကောင်းဆုံး​ပူဇော်သက္ကာ​ရှိသမျှ​တို့​ကို ထို​နေရာ​သို့ သင်​တို့​ယူဆောင်​လာ​ရ​မည်​။

တ​ရား​ဟော 12:14

မျိုးနွယ်​တစ်​နွယ်​ထဲရှိ ထာဝရဘုရား​ရွေးချယ်​တော်မူ​သော​နေရာ​၌​သာ မီးရှို့ရာယဇ်​ကို ပူဇော်​ရ​မည်​။ ထို​နေရာ​၌ ငါ​မှာကြား​ထား​သမျှ​ကို သင်​ပြု​ရ​မည်​။

၄ ရာ 17:37

သင်​တို့​အဖို့ ရေးမှတ်​ထား​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​၊ ဥပဒေသ​များ​၊ ပညတ်ချက်​များ​ကို အစဉ်အမြဲ​လိုက်နာ​စောင့်ထိန်း​ရ​မည်​။ အခြား​သော​ဘုရား​များ​ကို မ​ကြောက်ရွံ့​ရ​။