တ​ရား​ဟော 28:62 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶² သင်​သည် ကောင်းကင်​ကြယ်​နှင့်အမျှ များပြား​ခဲ့​သော်လည်း သင်​၏​ဘုရားသခင်​ထာဝရဘုရား​၏​စကား​တော်​ကို နား​မ​ထောင်​သောကြောင့် အနည်းငယ်​သာ အသက်ရှင်​ကျန်ရစ်​လိမ့်မည်​။

Common Language Bible

⁶² သင်​တို့​သည်​မိုး​ကောင်း​ကင်​ရှိ​ကြယ်​များ ကဲ့​သို့ အ​ရေ​အ​တွက်​များ​ပြား​ကြ​သော် လည်း ဘု​ရား​သ​ခင်​ထာ​ဝ​ရ​ဘု​ရား​၏ အ​မိန့်​တော်​ကို​မ​နာ​ခံ​သော​ကြောင့် လူ နည်း​စု​မျှ​လောက်​သာ​အ​သက်​ရှင်​၍​ကြွင်း ကျန်​လိမ့်​မည်။-

Garrad Bible

⁶² ကောင်း ကင် ကြယ် လုံး နှင့် အ မျှ များ ပြား ဘူး သော သင် တို့ သည် ကိုယ် ဘု ရား သ ခင် ထာ ဝ ရ ဘု ရား ၏ ဗျာ ဒိတ် တော် သံ ကို နား မ ထောင် သည့် အ တွက်၊ ဦး ရေ အ နည်း ငယ် သာ ကြွင်း ကျန် ကြ လ တ္တံ့။

Judson Bible

⁶² သင်​သည် အ​ရေ​အ​တွက်​အား​ဖြင့် မိုး​ကောင်း​ကင် ကြယ်​ကဲ့​သို့​များ​သော်​လည်း၊ သင်၏​ဘု​ရား​သ​ခင် ထာ​ဝ​ရ​ဘု​ရား၏​စ​ကား​တော်​ကို နား​မ​ထောင်​သော​ကြောင့် နည်း​နည်း​ဖြစ်​ရ​လိမ့်​မည်။

တ​ရား​ဟော 28:62 ပူးပေါင်းရင်းမြစ်များ

၄ ရာ 13:7

ဆီးရီးယား​ဘုရင်​က အစ္စရေး​စစ်တပ်​ကို ဖျက်ဆီး​ပစ်​၍ ကောက်နယ်တလင်း​ရှိ​အမှုန့်​ကဲ့သို့ ဖြစ်စေ​သောကြောင့် ယောခတ်​မင်းကြီး​တွင် မြင်းတပ်သား​အယောက်​ငါးဆယ်​၊ စစ်ရထား ဆယ်​စီး​၊ ခြေလျင်တပ်သား​အယောက်​တစ်သောင်း​မှလွဲ၍ စစ်တပ်​ဟူ၍​ပင် မ​ရှိ​တော့​ပေ​။

၄ ရာ 24:14

ထို့ပြင် ဂျေရုဆလင်​မြို့သား​များ​အပါအဝင် မှူးမတ်​များ​၊ စစ်သူရဲ​များ​၊ လက်မှုပညာသည်​များ​၊ ပန်းပဲသမား​များ​အားလုံး စုစုပေါင်း​လူ​တစ်သောင်း​ကို ဖမ်းခေါ်​သွား​၏​။ ဆင်းရဲ​သော​ပြည်သူပြည်သား​များ​မှအပ မည်သူ​မျှ​မ​ကျန်​တော့​ပေ​။

နေ​ဟ​မိ 7:4

မြို့​သည်​ကြီးမား​ကျယ်ဝန်း​၍ နေထိုင်သူ အနည်းငယ်​သာ ရှိ​၏​။ အိမ်​များ​လည်း ပြန်လည်​မ​ဆောက်​ရ​သေး​။

နေ​ဟ​မိ 9:23

သူ​တို့​၏​သားမြေး​များ​ကို မိုးကောင်းကင်​ကြယ်​ကဲ့သို့ များပြား​စေ​တော်မူ​၏​။ ဘိုးဘေး​တို့​ဝင်ရောက်​ပိုင်ဆိုင်​ရန် ကိုယ်တော်​မိန့်မှာ​သည့်​ပြည်​သို့ သူ​တို့​ကို​ပို့ဆောင်​တော်မူ​၏​။

ဟေ​ရှာ​ယ 1:9

ကောင်းကင်​ဗိုလ်ခြေ​အရှင်​ထာဝရဘုရား​သည် ငါ​တို့​တွင် အသက်ရှင်​ကျန်ရစ်​သူ​အနည်းငယ်​ကို​မျှ ချန်ထား​တော်​မ​မူ​ခဲ့​လျှင် ငါ​တို့​သည် သောဒုံ​မြို့​ကဲ့သို့​ဖြစ်၍ ဂေါမောရ​မြို့​နှင့်​တူ​ပေ​လိမ့်မည်​။

ဟေ​ရှာ​ယ 24:6

ထို့ကြောင့် ကျိန်​ခြင်း​သည် ကမ္ဘာမြေကြီး​ကို လောင်ကျွမ်း​လေ​ပြီ​။ မြေကြီးသား​တို့​အပေါ် အပြစ်​သက်ရောက်​လေ​ပြီ​။ မြေကြီးသား​တို့​ကို အမျက်မီး​လောင်ကျွမ်း​၍ လူ​အနည်းငယ်​သာ ကြွင်းကျန်​၏​။

ဟေ​ရှာ​ယ 6:11

ထိုအခါ ငါ​က “​အို ဘုရားရှင်​၊ မည်မျှ​ကြာ​ပါ​မည်နည်း​”​ဟု မေးလျှောက်​ရာ ကိုယ်တော်​က “​မြို့​တို့​သည်​ပျက်စီး​၍ နေထိုင်​သူ​မ​ရှိ​၊ အိမ်​တို့​တွင် လူ​မ​ရှိ​၊ တစ်ပြည်လုံး​သည် ပျက်စီး​၍ လူသူကင်းမဲ့​သည့်​တိုင်အောင်​၊

ဟေ​ရှာ​ယ 6:13

သပိတ်ပင်​နှင့်​ဝက်သစ်ချပင်​တို့​သည် ခုတ်လှဲ​ခြင်း​ခံရ​၍ အငုတ်​သာ​ကျန်​သကဲ့သို့ ဆယ်ပုံတစ်ပုံ​သာ​ကြွင်းကျန်​သော​ထို​ပြည်​သည် ထပ်၍​ဝါးမျို​ဖျက်ဆီး​ခြင်း​ခံရ​လိမ့်မည်​။ သန့်ရှင်း​သော​အမျိုးအနွယ်​သည် အငုတ်​ဖြစ်​လိမ့်မည်​”​ဟု မိန့်​တော်မူ​၏​။

ယေ​ရ​မိ 42:2

ပရောဖက်​ယေရမိ​ထံသို့​လာ​၍ “​အရှင့်​ထံ အကျွန်ုပ်​တို့ အသနားခံ​ပါ​သည်​။ အရှင်​မြင်​သည့်​အတိုင်း လူ​အများ​သည် ယခု​အနည်းငယ်​သာ​ကျန်​ပါ​သည်​။ အကျွန်ုပ်​တို့​နှင့် ဤ​ကြွင်းကျန်​သော​လူ​အားလုံး​တို့​အဖို့ ထာဝရအရှင်​ဘုရားသခင်​ထံ ဆုတောင်း​ပေး​ပါ​လော့​။

ဝတ်​ပြု 26:22

ငါ​သည် သင်​တို့​ထဲသို့ တောရိုင်းတိရစ္ဆာန်​ကို ဝင်ရောက်​စေ​သဖြင့် ထို​တိရစ္ဆာန်​သည် သင်​တို့​၏​သားသမီး​ကို ကိုက်သတ်​၍ သင်​တို့​၏​တိရစ္ဆာန်​ကို ဖျက်ဆီး​လိမ့်မည်​။ သင်​တို့​ကို လျော့နည်း​စေ​၍ သင်​တို့​၏​လမ်း​များ​သည် လူသူကင်းမဲ့​လိမ့်မည်​။

အာ​မုတ် 5:3

အကြောင်းမူကား ဘုရားရှင်​ထာဝရဘုရား​က “အစ္စရေး​အမျိုးအနွယ်​တွင် မြို့​တစ်​မြို့​မှ လူ​တစ်ထောင်​ချီတက်​လျှင် လူ​တစ်ရာ​သာ ကျန်​မည်​။ လူ​တစ်ရာ​ချီတက်​လျှင် လူ​ဆယ်​ယောက်​သာ ကျန်​မည်”​ဟု မိန့်​တော်မူ​ပြီ​။

ရှင်မာကု 13:20

ထာဝရ​ဘုရား​သည် ထို​နေ့ရက်​တို့​ကို တိုတောင်း​စေ​တော်​မ​မူ​လျှင် မည်သူမျှ​လွတ်​နိုင်​မည်​မ​ဟုတ်။ သို့သော် ကိုယ်တော်​ရွေးကောက်​ထား​သည့် ရွေးကောက်​ခံရ​သော​သူ​တို့​အတွက် ထို​နေ့ရက်​တို့​ကို တိုတောင်း​စေ​တော်မူ​၏။

တ​ရား​ဟော 1:10

သင်​တို့​၏​ဘုရားသခင်​ထာဝရဘုရား​သည် သင်​တို့​ကို တိုးပွား​စေ​တော်မူ​သဖြင့် ယနေ့ သင်​တို့​သည် ကောင်းကင်​ကြယ်​နှင့်အမျှ များပြား​ကြ​ပြီ​။

တ​ရား​ဟော 1:11

သင်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် သင်​တို့​ကို အဆ​တစ်ထောင်​တိုးပွား​စေ​တော်မူ​ပါစေသော​။ ကတိထား​တော်မူ​သည့်​အတိုင်း သင်​တို့​ကို​ကောင်းချီးပေး​တော်မူ​ပါစေသော​။

တ​ရား​ဟော 10:22

သင်​၏​ဘိုးဘေး​တို့​သည် အီဂျစ်​ပြည်​သို့​ဆင်းသွား​သောအခါ အယောက်​ခုနစ်ဆယ်​သာ​ရှိ​၏​။ ယခုမှာ သင်​၏​ဘုရားသခင်​ထာဝရဘုရား​သည် သင့်​ကို ကောင်းကင်​ကြယ်​နှင့်အမျှ များပြား​စေ​တော်မူ​ပြီ​။

တ​ရား​ဟော 4:27

ထာဝရဘုရား​သည် သင်​တို့​ကို လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ ထိုသို့ သင်​တို့​ကို ထာဝရဘုရား​နှင်ထုတ်​တော်မူ​သော​အရပ်​၊ လူမျိုးခြား​တို့​ကြား​၌ သင်​တို့​သည် လူဦးရေ​အနည်းငယ်​သာ​ကျန်​လိမ့်မည်​။