တ​ရား​ဟော 28:58 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵⁸ ဘုန်းကြီး​၍​ကြောက်မက်​ဖွယ်​ကောင်း​သော သင်​၏​ဘုရားသခင်​ထာဝရဘုရား​၏​နာမ​တော်​ကို မ​ကြောက်ရွံ့​၊ ဤ​ကျမ်းစာလိပ်​၌​ရေးသား​ထား​သော တရား​စကား​ရှိသမျှ​တို့​ကို မ​လိုက်နာ​၊ မ​စောင့်ထိန်း​လျှင်

Common Language Bible

⁵⁸ ``သင်​တို့​သည်​ဤ​ကျမ်း​တွင်​ရေး​ထား​သော ထာ​ဝ​ရ​ဘု​ရား​၏​ပ​ညတ်​တော်​အား​လုံး ကို တစ်​သ​ဝေ​မ​တိမ်း​မ​လိုက်​နာ​လျှင်​သော် လည်း​ကောင်း၊ သင်​တို့​၏​ဘု​ရား​သ​ခင်​ထာ​ဝ​ရ ဘု​ရား​၏​အံ့​သြ​ကြောက်​မက်​ဖွယ်​ကောင်း သော​နာ​မ​တော်​ကို မ​ရို​သေ​ကြ​လျှင်​သော် လည်း​ကောင်း၊-

Garrad Bible

⁵⁸ သင် တို့ သည်၊ ဤ ကျမ်း တွင် ပါ ရှိ သော ပ ညတ် တ ရား ချက် ဟူ သ မျှ ကို မ စောင့် ရှောက်၊ မ လိုက် နာ ဘဲ၊ သင် တို့ ဘု ရား သ ခင် ထာ ဝ ရ ဘု ရား ဟူ သော ဘုန်း ကြီး၍ ကြောက် မက် ဖွယ် နာ မ တော် ကို မ ခန့် ညား ကြ လျှင်၊

Judson Bible

⁵⁸ သင်၏​ဘု​ရား​သ​ခင် ထာ​ဝ​ရ​ဘု​ရား​သည် ဘုန်း​ကြီး၍ ကြောက်​မက်​ဖွယ်​သော နာ​မ​တော်​ကို ကြောက်​စေ​ခြင်း​ငှာ၊ ဤ​ကျမ်း​စာ၌​ရေး​ထား​သော ဤ​တ​ရား​တော်​စ​ကား အ​လုံး​စုံ​တို့​ကို သင်​သည် မ​ကျင့်​မ​စောင့်​ဘဲ​နေ​လျှင်၊

တ​ရား​ဟော 28:58 ပူးပေါင်းရင်းမြစ်များ

ဟေ​ရှာ​ယ 42:8

ငါ​သည် ထာဝရဘုရား​ဖြစ်​၏​။ ထို​နာမ​သည် ငါ​၏​နာမ​ဖြစ်​၏​။ ငါ​၏​ဘုန်းအသရေ​ကို အခြား​သော​သူ​အား​လည်းကောင်း​၊ ငါ​ခံထိုက်​သော​ချီးမွမ်း​ခြင်း​ကို ရုပ်တုဆင်းတု​တို့​အား​လည်းကောင်း ငါ​မ​ပေး​။

မဿဲ 10:28

ကိုယ်ခန္ဓာ​ကို​သတ်​၍ အသက်​ဝိညာဉ်​ကို​မ​သတ်​နိုင်​သော​သူ​တို့​ကို မ​ကြောက်​ကြ​နှင့်။ ကိုယ်ခန္ဓာ​နှင့်​အသက်​ဝိညာဉ်​နှစ်မျိုးစလုံး​ကို ငရဲ​၌​ဖျက်ဆီး​နိုင်​သော​အရှင်​ကို​သာ ကြောက်​ကြ​လော့။

မာ​လ​ခိ 1:14

“​သိုးအုပ်​ထဲတွင် သိုးထီး​ရှိ​လျက်​၊ ကတိသစ္စာ​လည်း ပြု​လျက်​နှင့်ပင် ဘုရားရှင်​အား အနာအဆာ​ရှိ​သော​သိုး​ကို​ပူဇော်​သော​သူ​သည် ကျိန်​ခြင်း​ကို ခံ​သင့်​၏​။ အကြောင်းမူကား ငါ​သည် ဘုန်းကြီး​သော​ရှင်ဘုရင်​ဖြစ်​၏​။ ငါ့​နာမ​သည်​လည်း လူမျိုးတကာ​တို့​တွင် ကြောက်ရွံ့ဖွယ်​ဖြစ်​၏​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

ယေ​ရ​မိ 5:12

သူ​တို့​သည် ထာဝရဘုရား​အကြောင်း လိမ်လည်​ပြောဆို​လျက် “​သူ​သည် ထာဝရဘုရား​မ​ဟုတ်​။ ငါ​တို့​အပေါ် ဘေးအန္တရာယ် ကျရောက်​မည်​မ​ဟုတ်​။ ဓားဘေး​၊ ငတ်မွတ်ခေါင်းပါး​ခြင်း​ဘေး​ကို ငါ​တို့ ကြုံတွေ့​ရ​မည်​မ​ဟုတ်​။

ဟေ​ရှာ​ယ 41:10

မ​ကြောက်​နှင့်​၊ ငါ​သည် သင်​နှင့်အတူ​ရှိ​၏​။ မ​စိုးရိမ်​နှင့်​။ ငါ​သည် သင်​၏​ဘုရားသခင်​ဖြစ်​၏​။ အကယ်စင်စစ် သင့်​ကို ခိုင်ခံ့​စေ​မည်​။ သင့်​ကို ကူညီမစ​မည်​။ ငါ​၏​ဖြောင့်မတ်​သော​လက်ယာ​လက်​ဖြင့် သင့်​ကို ငါ​ထောက်မ​မည်​။

ဆာ​လံ 83:18

ထိုသို့ဖြင့် ထာဝရဘုရား​ဟူသော​နာမ​တော်​ရှိ​သည့် ကိုယ်တော်​တစ်ပါးတည်း​သာလျှင် ကမ္ဘာမြေ​တစ်ခွင်လုံး​၌ အမြင့်ဆုံး​သော​အရှင်​ဖြစ်ကြောင်း​ကို သူ​တို့​သိ​ကြ​ပါစေသော​။

ဆာ​လံ 72:19

ကိုယ်တော်​၏​ဘုန်းကြီး​သော​နာမ​တော်​သည် အစဉ်အမြဲ​မင်္ဂလာရှိ​တော်မူ​ပါစေသော​။ ကမ္ဘာမြေ​တစ်ခွင်လုံး​သည် ကိုယ်တော်​၏​ဘုန်းအသရေ​တော်​နှင့်​ပြည့်​ပါစေသော​။ အာမင်​နှင့်​အာမင်​။

ဆာ​လံ 50:7

“​အို ငါ့​လူမျိုး​တော်​၊ နားထောင်​လော့​။ ငါ​မိန့်ဆို​မည်​။ အို အစ္စရေး​လူမျိုး​၊ ငါ​သည် သင့်​တစ်ဖက်​၌​သက်သေခံ​မည်​။ ငါ​သည် ဘုရားသခင်​ဖြစ်​၏​။ သင်​၏​ဘုရားသခင်​ဖြစ်​၏​။

နေ​ဟ​မိ 9:5

လေဝိ​အမျိုး ယေရွှာ​၊ ကပ်မျေလ​၊ ဗာနိ​၊ ဟာရှဗနိ​၊ ရှေရဘိ​၊ ဟောဒိယ​၊ ရှေဗနိ​၊ ပေသဟိ​တို့​က “​မတ်တတ်ရပ်​၍ သင်​တို့​၏​ဘုရားသခင်​ထာဝရဘုရား​ကို အစဉ်အမြဲ​ကောင်းချီးထောမနာ​ပြု​ကြ​လော့​။ ဘုန်းကြီး​သော​နာမ​တော်​ကို ကောင်းချီးထောမနာ​ပြု​ကြ​လော့​။ ဂုဏ်ပြု​ခြင်း​၊ ချီးမွမ်း​ခြင်း​ရှိသမျှ​တို့​ထက် ချီးမြှောက်​ကြ​လော့​။

တ​ရား​ဟော 28:15

သင်​တို့​သည် သင်​တို့​၏​ဘုရားသခင်​ထာဝရဘုရား​၏​စကား​တော်​ကို​နား​မ​ထောင်​၊ ယနေ့ သင်​တို့​အား ငါ​မှာကြား​သော ကိုယ်တော်​၏​ပညတ်ချက်​၊ ပြဋ္ဌာန်းချက်​ရှိသမျှ​တို့​ကို မ​လိုက်နာ​၊ မ​စောင့်ထိန်း​လျှင် သင်​တို့​အပေါ်​သက်ရောက်​မည့်​ကျိန်ခြင်းအမင်္ဂလာ​၊ သင်​တို့​ခံစား​ရ​မည့် ကျိန်ခြင်းအမင်္ဂလာ​အပေါင်း​ကား ဤသို့​ဖြစ်​၏​။

တ​ရား​ဟော 6:13

သင်​တို့​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​။ ထို​အရှင်​ကို​သာ ဝတ်ပြု​ရ​မည်​။ ထို​အရှင်​၏​နာမ​တော်​ကို တိုင်တည်​၍​ကျိန်ဆို​ရ​မည်​။

ထွက်​မြောက် 20:2

“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။

ထွက်​မြောက် 15:26

ထာဝရဘုရား​က “​သင်​၏​ဘုရားသခင် ထာဝရဘုရား​၏​စကား​ကို သေချာ​စွာ​နားထောင်​၍ မျက်မှောက်​တော်​၌ ဖြောင့်မှန်​စွာ​ပြုမူ​လျှင်​လည်းကောင်း​၊ ပညတ်တော်​တို့​ကို​စူးစိုက်​နားထောင်​၍ ပြဋ္ဌာန်း​တော်မူ​ချက်​ရှိသမျှ​တို့​ကို စောင့်ထိန်း​လျှင်​လည်းကောင်း ငါ​သည် အီဂျစ်​လူမျိုး​တို့​အပေါ်​သို့​ကျရောက်​စေ​ခဲ့​သော​အနာရောဂါ​တစ်စုံတစ်ခု​မျှ သင့်​အပေါ်​သို့ ကျရောက်​စေ​မည်​မ​ဟုတ်​။ အကြောင်းမှာ ငါ​ထာဝရဘုရား​သည် သင်​၏​အနာရောဂါ​ကို ပျောက်ကင်း​စေ​သော​အရှင်​ဖြစ်​၏​”​ဟု မိန့်​တော်မူ​၏​။

တ​ရား​ဟော 28:59

ထူးဆန်း​သော​ကပ်ရောဂါ​ဖြစ်​သည့် ပြင်းထန်​သော​နာတာရှည်​ကပ်ရောဂါ​များ​၊ ဆိုးရွား​သော​နာတာရှည်​အနာရောဂါ​များ​ကို ထာဝရဘုရား​သည် သင်​နှင့်​သင့်​သားစဉ်မြေးဆက်​တို့​၌ သက်ရောက်​စေ​တော်မူ​မည်​။

ဆာ​လံ 48:10

အို ဘုရားသခင်​၊ ကိုယ်တော်​၏​ဂုဏ်ကျေးဇူး​တော်​သည် ကိုယ်တော်​၏​နာမ​တော်​နည်းတူ ကမ္ဘာမြေ​အစွန်း​တိုင်အောင် ပျံ့နှံ့​ပါ​၏​။ ကိုယ်တော်​၏​လက်ယာ​လက်​တော်​သည် ဖြောင့်မတ်​ခြင်း​နှင့်​ပြည့်ဝ​ပါ​၏​။

ဆာ​လံ 61:5

အကြောင်းမူကား အို ဘုရားသခင်​၊ ကိုယ်တော်​သည် အကျွန်ုပ်​၏​ကတိသစ္စာ​စကား​များ​ကို ကြား​တော်မူ​၍ ကိုယ်တော်​၏​နာမ​တော်​ကို ကြောက်ရွံ့​သော​သူ​တို့​ဆက်ခံ​ရ​သည့်​အမွေ​ကို အကျွန်ုပ်​အား ပေး​တော်မူ​ပြီ​။

ဆာ​လံ 99:3

ကြီးမြတ်​၍ အံ့ဩ​ဖွယ်​ကောင်း​သော ကိုယ်တော်​၏​နာမ​တော်​ကို သူ​တို့​ချီးမွမ်း​ကြ​ပါစေ​။ ကိုယ်တော်​သည် သန့်ရှင်း​တော်မူ​၏​။

ယေ​ရ​မိ 5:22

သင်​တို့​သည် ငါ့​ကို မ​ကြောက်ရွံ့​ကြ​သလော​။ ငါ့​ရှေ့​၌​မ​တုန်လှုပ်​ကြ​သလော​။ ပင်လယ်​ရေ​မ​ကျော်လွန်​နိုင်​အောင် သဲ​နယ်နိမိတ်​ကို အရံအတား​အဖြစ် ငါ​နေရာချ​ထား​၏​။ ပင်လယ်​သည် ဟုန်းဟုန်းမြည်​သော်လည်း နယ်နိမိတ်​ကို​မ​ကျော်​နိုင်​။ လှိုင်းတံပိုး​ထ​သော်လည်း နယ်နိမိတ်​ကို မ​လွှမ်းမိုး​နိုင်​။

ဆာ​လံ 111:9

ကိုယ်တော်​သည် ရွေးနုတ်ကယ်တင်​ခြင်း​ကို မိမိ​၏​လူမျိုး​တော်​ထံ​စေလွှတ်​၍ မိမိ​၏​ပဋိညာဉ်​တော်​ကို ထာဝရ​အတွက် ချမှတ်​ထား​တော်မူ​၏​။ ကိုယ်တော်​၏​နာမ​တော်​သည် သန့်ရှင်း​၍ အံ့ဩ​ဖွယ်​ဖြစ်​တော်မူ​၏​။