တ​ရား​ဟော 28:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ သင့်​တွင်​ရှိ​သော တိုင်းတစ်ပါးသား​တို့​သည် သင့်​ထက် မြင့်သည်ထက်မြင့်​သွား​လိမ့်မည်​။ သင်​မူကား နိမ့်သည်ထက်နိမ့်​သွား​လိမ့်မည်​။

Common Language Bible

⁴³ ``သင်​တို့​ပြည်​တွင်​နေ​ထိုင်​သော​လူ​မျိုး​ခြား သား​တို့​သည် ဂုဏ်​အ​သ​ရေ​တိုး​မြင့်​သည်​ထက် တိုး​မြင့်​၍ သင်​တို့​မှာ​မူ​ကား​ဂုဏ်​အ​သ​ရေ ကျ​ဆင်း​လာ​လိမ့်​မည်။-

Garrad Bible

^43-44 သင် တို့ ဘောင်၌ ရှိ သော ဝင် နေ သူ တို့ သည်၊ သင် တို့ ထံ ချေး ယူ ခြင်း ကင်း လျက် ချေး ငှါး ရ သည့် အ လျောက်၊ အ စဉ် တ စိုက် ဦး ခေါင်း အ ဖြစ် ရောက် အောင် တိုး တက် ရာ တွင် သင် တို့ မှာ မူ၊ အ မြီး အ ဖြစ် ရောက် အောင်၊ သြ ဇာ လျော့၍ ဆုတ် ယုတ် ကြ လ တ္တံ့။

Judson Bible

⁴³ သင်​နှင့်​အ​တူ​နေ​သော တစ်​ပါး​အ​မျိုး​သား​သည်​မြင့်​လျက်၊ သင့်​အ​ပေါ်​သို့ တက်​လိမ့်​မည်။ သင်​မူ​ကား၊ အောက်​သို့​ဆင်း၍ နေ​ရ​လိမ့်​မည်။

တ​ရား​ဟော 28:43 ပူးပေါင်းရင်းမြစ်များ

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

ဆာ​လံ 79:8

ယခင်​က​ဒုစရိုက်​များ​ကို အကျွန်ုပ်​တို့​အပေါ်​မှတ်​တော်​မ​မူ​ပါ​နှင့်​။ အကျွန်ုပ်​တို့​သည် အခြေအနေ အလွန်​နိမ့်ပါး​လျက်​ရှိ​သည်​ဖြစ်၍ ကိုယ်တော်​၏​သနားစုံမက်​ခြင်း​သည် အကျွန်ုပ်​တို့​ကို​ကြိုဆို​ရန် အလျင်အမြန်​ရောက်လာ​ပါစေသော​။

မြည်​တမ်း​စ​ကား 1:5

သူ​၏​ရန်သူ​တို့​သည် သူ့​သခင်​ဖြစ်​လျက် ကောင်းစား​ကြ​လေ​ပြီ​။ သူ​ကျူးလွန်​သော​အပြစ်​များစွာ​ကြောင့် ထာဝရဘုရား​သည် သူ့​ကို ဝမ်းနည်းကြေကွဲ​စေ​တော်မူ​ပြီ​။ သူ​၏​သားသမီး​တို့​ကို သုံ့ပန်း​အဖြစ် ရန်သူ​တို့​ခေါ်သွား​လေ​ပြီ​။

မြည်​တမ်း​စ​ကား 2:17

ထာဝရဘုရား​သည် ကြံစည်​တော်မူ​သည့်​အတိုင်း ပြု​တော်မူ​ပြီ​။ ရှေး​ကာလ​က မိန့်​တော်မူ​ခဲ့​သော​စကား​ကို ပြည့်စုံ​စေ​တော်မူ​ပြီ​။ ညှာတာ​တော်​မ​မူ​ဘဲ ဖြိုဖျက်​တော်မူ​ပြီ​။ ရန်သူ​က သင့်​ကို​အနိုင်ရ​၍ ဝမ်းမြောက်​ရ​သော​အခွင့်​ကို ပေး​တော်မူ​ပြီ​။ သင့်​ရန်ဖက်​တို့​၏​ဦးချို​ကို ချီးမြှောက်​တော်မူ​ပြီ​။

ရှင်ယောဟန် 18:31

ထိုအခါ ပိလတ်​မင်း​က “သင်​တို့​ကိုယ်တိုင် သူ့​ကို​ခေါ်သွား​၍ သင်​တို့​၏​ပညတ်​တရား​အတိုင်း စီရင်​ကြ​ပါ”​ဟု ဆို​၏။ ဂျူး​လူမျိုး​တို့​က​လည်း “အကျွန်ုပ်​တို့​၌ မည်သူ့​ကို​မျှ ကွပ်မျက်​ပိုင်​ခွင့်​မ​ရှိ​ပါ”​ဟု လျှောက်​ကြ​၏။

ရှင်ယောဟန် 19:15

ထိုအခါ သူ​တို့​က “သုတ်သင်​လိုက်​ပါ၊ သုတ်သင်​လိုက်​ပါ၊ သူ့​ကို​လက်ဝါးကပ်တိုင်​ပေါ်​၌​တင်​လိုက်​ပါ”​ဟု အော်ဟစ်​ကြ​၏။ ပိလတ်​မင်း​က “သင်​တို့​၏​ဘုရင်​ကို လက်ဝါးကပ်တိုင်​ပေါ်​၌ ငါ​တင်​ရ​မည်​လော”​ဟု မေး​လျှင် ယဇ်ပုရောဟိတ်​အကြီးအကဲ​တို့​က “အကျွန်ုပ်​တို့​တွင် ဆီဇာ​ဧကရာဇ်​မှလွဲ၍ အခြား​ဘုရင်​မ​ရှိ​ပါ”​ဟု ပြန်​လျှောက်​ကြ​၏။

တ​ရား​ဟော 28:13

ထာဝရဘုရား​သည် သင့်​ကို အမြီး​မ​ဖြစ်စေ​ဘဲ ခေါင်း​ဖြစ်စေ​မည်​။ သင်​သည် အောက်​၌​မ​နေ​ရ​ဘဲ ထိပ်ဆုံး​၌ နေ​ရ​လိမ့်မည်​။ ယနေ့ သင့်​အား​ငါ​မိန့်မှာ​သော သင်​၏​ဘုရားသခင်​ထာဝရဘုရား​၏​ပညတ်တော်​များ​ကို နားထောင်​၍ လိုက်နာ​စောင့်ထိန်း​လျှင်​၊

သူ​ကြီး 14:4

ဖိလိတ္တိ​လူမျိုး​တို့​ကို ရန်ရှာ​တိုက်ခိုက်ခွင့်​ရ​အောင် ထာဝရဘုရား​ပြု​တော်မူ​သည်​ကို သူ့​မိဘ​မ​သိ​။ ထိုစဉ်က ဖိလိတ္တိ​လူမျိုး​တို့​သည် အစ္စရေး​လူမျိုး​တို့​ကို အုပ်စိုး​နေ​ချိန်​ဖြစ်​၏​။

သူ​ကြီး 2:3

ထို့ကြောင့် ‘​ထို​ပြည်သား​တို့​ကို သင်​တို့​၏​ရှေ့​မှ ငါ​မ​နှင်ထုတ်​။ သူ​တို့​သည် သင်​တို့​၏​နံဘေး​၌ ဆူး​ကဲ့သို့​ဖြစ်​လိမ့်မည်​။ သူ​တို့​၏​ဘုရား​တို့​သည်​လည်း သင်​တို့​၌ ထောင်ချောက်​ကဲ့သို့​ဖြစ်​လိမ့်မည်​’​ဟု ငါ​ဆို​ပြီ​”​ဟူ၍ မိန့်ဆို​၏​။

သူ​ကြီး 6:6

အစ္စရေး​လူမျိုး​တို့​သည် မိဒျန်​လူမျိုး​တို့​ကြောင့် အလွန်​ဆင်းရဲဒုက္ခ​ရောက်​လေ​၏​။ ထို့ကြောင့် အစ္စရေး​အမျိုးသား​တို့​သည် ထာဝရဘုရား​ထံ​အော်ဟစ်​ကြ​ပြန်​၏​။