တ​ရား​ဟော 28:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင့်​သားသမီး​၊ သင့်​မြေ​၏​အသီးအနှံ​၊ သင့်​တိရစ္ဆာန်​၏​သားပေါက်​များ​ဖြစ်​သည့် သင့်​နွား​သားပေါက်​များ​၊ သင့်​သိုးဆိတ်​သားပေါက်​များ​သည် ကောင်းချီးခံစား​ရ​မည်​။

Common Language Bible

⁴ ``ထာ​ဝ​ရ​ဘု​ရား​သည် သင်​တို့​တွင်​သား​သ​မီး မြောက်​မြား​စွာ​ထွန်း​ကား​စေ​ရန်​လည်း​ကောင်း၊ အ​သီး​အ​နှံ​ပေါ​များ​စေ​ရန်​လည်း​ကောင်း၊ သိုး နွား​မြောက်​မြား​စွာ​တိုး​ပွား​စေ​ရန်​လည်း ကောင်း​ကောင်း​ချီး​ပေး​တော်​မူ​မည်။

Garrad Bible

⁴ သား သ မီး တို့ မှ စ၍၊ မြေ အ သီး အ နှံ နှင့် နွား၊ သိုး၊ ဆိတ်၊ ပေါက် ဘွား သော သား ငယ် များ၌ မင်္ဂ လာ ရှိ လိမ့် သ တည်း။

Judson Bible

⁴ သား​သ​မီး​အား​ဖြင့်​လည်း​ကောင်း၊ မြေ​အ​သီး​အ​နှံ​အား​ဖြင့်​လည်း​ကောင်း၊ တိ​ရ​စ္ဆာန်​ဖွား​သော သား​ငယ်​အား​ဖြင့်​လည်း​ကောင်း၊ သိုး​နွား အ​စီး​အ​ပွား​အား​ဖြင့်​လည်း​ကောင်း မင်္ဂ​လာ​ရှိ​လိမ့်​မည်။

တ​ရား​ဟော 28:4 ပူးပေါင်းရင်းမြစ်များ

ကမ္ဘာ​ဦး 22:17

ငါ​သည် သင့်​ကို အမှန်ပင်​ကောင်းချီးပေး​၍ သင်​၏​အမျိုးအနွယ်​ကို ကောင်းကင်​ကြယ်​နှင့်အမျှ​၊ ပင်လယ်​ကမ်းခြေ​ရှိ​သဲပွင့်​နှင့်အမျှ အလွန်​များပြား​စေ​မည်​။ သင်​၏​အမျိုးအနွယ်​သည် ရန်သူ​တို့​၏​မြို့​တံခါး​ကို သိမ်းပိုက်​လိမ့်မည်​။

ကမ္ဘာ​ဦး 39:5

ထိုသို့ သခင်​သည် မိမိ​အိမ်​နှင့်​မိမိ​၌​ရှိ​သော​အရာ​အားလုံး​တို့​ကို သူ့​အား​အပ်နှံ​သော​အချိန်​မှစ၍ ထာဝရဘုရား​သည် ယောသပ်​အားဖြင့် ထို​အီဂျစ်​အမျိုးသား​၏​အိမ်​ကို​ကောင်းချီးပေး​တော်မူ​သဖြင့် သူ​၏​အိမ်​၊ သူ​၏​လယ်ယာ​တို့​၌​ရှိ​သော​အရာ​အားလုံး​တို့​အပေါ် ထာဝရဘုရား​၏​ကောင်းချီးမင်္ဂလာ​သက်ရောက်​လေ​၏​။

ကမ္ဘာ​ဦး 49:25

သင့်​ဖခင်​၏​ဘုရားသခင်​သည် သင့်​ကို ကူညီမစ​တော်မူ​မည်​။ အနန္တတန်ခိုးရှင်​သည် သင့်​အား အထက်​မိုးကောင်းကင်​၏​ကောင်းချီးမင်္ဂလာ​ဖြင့်​လည်းကောင်း​၊ အောက်​အရပ်​၌​ဝပ်​နေ​သည့်​နက်ရှိုင်း​သော​ရေထု​၏​ကောင်းချီးမင်္ဂလာ​ဖြင့်​လည်းကောင်း​၊ သားမြတ်​နှင့်​သားအိမ်​တို့​၏​ကောင်းချီးမင်္ဂလာ​ဖြင့်​လည်းကောင်း ကောင်းချီးပေး​တော်မူ​မည်​။

ဆာ​လံ 107:38

ကိုယ်တော်​သည် သူ​တို့​ကို ကောင်းချီးပေး​တော်မူ​သဖြင့် သူ​တို့​သည် အလွန်​တိုးပွား​ကြ​၏​။ သူ​တို့​၏​တိရစ္ဆာန်​ကို​လည်း လျော့နည်း​စေ​တော်​မ​မူ​ခဲ့​ပေ​။

ဆာ​လံ 127:3

သားသမီး​တို့​သည် ထာဝရဘုရား​ပေး​တော်မူ​သော​အမွေ​ဖြစ်​ကြ​၏​။ ဖွားမြင်​သော​ရင်သွေး​သည် ဆုလာဘ်​တော်​ဖြစ်​၏​။

ဆာ​လံ 128:3

သင့်​အိမ်​တွင် သင်​၏​မယား​သည် အသီး​များစွာ​သီး​သော​စပျစ်ပင်​ကဲ့သို့ ဖြစ်​လိမ့်မည်​။ သင်​၏​သားသမီး​တို့​သည်​လည်း သံလွင်​ပျိုးပင်​များ​ကဲ့သို့ သင့်​စားပွဲ​ပတ်လည်​၌​ရှိ​နေ​လိမ့်မည်​။

သုတ္တံကျမ်း။ 10:22

ထာဝရဘုရား​၏​ကောင်းချီးမင်္ဂလာ​သည် လူ​ကို​ချမ်းသာကြွယ်ဝ​စေ​၏​။ ကိုယ်တော်​သည် ထို​ချမ်းသာကြွယ်ဝမှု​၌ မည်သည့်​ခက်ခဲပင်ပန်းမှု​ကို​မျှ ထပ်ပေါင်း​တော်​မ​မူ​။

သုတ္တံကျမ်း။ 13:22

သူတော်ကောင်း​သည် သားမြေး​တို့​အတွက် အမွေ​ကို​ချန်ထား​တတ်​၏​။ အပြစ်ပြု​သော​သူ​၏​ဥစ္စာပစ္စည်း​မူကား ဖြောင့်မတ်​သော​သူ​အတွက် သိုမှီး​ထား​ခြင်း​ခံရ​၏​။

သုတ္တံကျမ်း။ 20:7

ဖြောင့်မတ်​သော​သူ​သည် တည်ကြည်​စွာ​လျှောက်လှမ်း​တတ်​၏​။ နောင်လာမည့် သူ​၏​သားမြေး​တို့​သည် မင်္ဂလာ​ရှိ​ကြ​၏​။

ဝတ်​ပြု 26:9

ငါ​သည် သင်​တို့​ကို ကြည့်ရှု​မည်​။ သင်​တို့​ကို တိုးပွား​များပြား​စေ​မည်​။ သင်​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ငါ​တည်​စေ​မည်​။

တ​ရား​ဟော 28:11

ထာဝရဘုရား​က ထို​ပြည်​ကို သင့်​အား​ပေး​မည်​ဟု သင်​၏​ဘိုးဘေး​တို့​အား ကျိန်ဆို​တော်မူ​ခဲ့​သည်​နှင့်အညီ ထို​ပြည်​၌ သင့်​သားသမီး​၊ သင့်​တိရစ္ဆာန်​၏​သားပေါက်​၊ သင့်​မြေ​၏​အသီးအနှံ​ဖြင့် သင့်​ကို ထာဝရဘုရား ကောင်းစား​စေ​တော်မူ​မည်​။

တ​ရား​ဟော 28:18

သင့်​သားသမီး​၊ သင့်​မြေ​၏​အသီးအနှံ​၊ သင့်​နွား​၏​သားပေါက်​များ​၊ သင့်​သိုးဆိတ်​၏​သားပေါက်​များ​သည် ကျိန်ဆဲ​ခြင်း​ခံရ​မည်​။

တ​ရား​ဟော 28:3

သင်​သည် မြို့​၌ ကောင်းချီးခံစား​ရ​မည်​။ တော​၌​လည်း ကောင်းချီးခံစား​ရ​မည်​။

တ​ရား​ဟော 28:5

သင့်​တောင်း​၊ သင့်​မုန့်နယ်ခွက်​သည် ကောင်းချီးခံစား​ရ​မည်​။

တ​ရား​ဟော 7:13

ကိုယ်တော်​သည် သင့်​ကို​ချစ်​မည်​။ ကောင်းချီးပေး​မည်​။ တိုးပွား​စေ​မည်​။ ထို​ပြည်​ကို သင့်​အား​ပေး​မည်​ဟု သင့်​ဘိုးဘေး​တို့​အား​ကျိန်ဆို​တော်မူ​ခဲ့​သည်​နှင့်အညီ ထို​ပြည်​၌ သင့်​သားသမီး​မှစ၍ မြေထွက်​ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ နွား​သားပေါက်​၊ သိုးဆိတ်​သားပေါက်​တို့​ကို ကောင်းချီးပေး​တော်မူ​မည်​။

၁ တိ 4:8

အကြောင်းမူကား ကိုယ်ခန္ဓာ​နှင့်ဆိုင်သော​လေ့ကျင့်​မှု​သည် အနည်း​အကျဉ်း​အကျိုး​ရှိ​သော်လည်း ဘုရား​ဝတ်​၌​မွေ့လျော်​ခြင်း​မူကား ယခု​ဘဝ၊ နောင်​ဘဝ​နှင့်ဆိုင်သော ကတိ​တော်​ပါ​ရှိ​သည်​ဖြစ်၍ အလုံးစုံ​တို့​အတွက် အကျိုး​ရှိ​၏။