တ​ရား​ဟော 28:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ သင်​သည် မိန်းမ​နှင့်​စေ့စပ်​ထား​သော်လည်း အခြား​သူ​က ထို​မိန်းမ​နှင့်​အိပ်​လိမ့်မည်​။ သင်​သည် အိမ်​ကို​ဆောက်​သော်လည်း ထို​အိမ်​၌​နေ​ရ​မည်​မ​ဟုတ်​။ စပျစ်ခြံ​ကို စိုက်ပျိုး​သော်လည်း အကျိုးခံစား​ရ​မည်​မ​ဟုတ်​။

Common Language Bible

³⁰ ``သင်​နှင့်​လက်​ထပ်​ရန်​စေ့​စပ်​ထား​သော​မိန်း​မ ကို အ​ခြား​သူ​တစ်​ယောက်​က​မ​ယား​အ​ဖြစ် ပေါင်း​သင်း​လိမ့်​မည်။ သင်​သည်​အိမ်​ကို​ဆောက် သော်​လည်း​ထို​အိမ်​တွင်​မ​နေ​ရ။ စပျစ်​ဥ​ယျာဉ် ကို​စိုက်​သော်​လည်း​အ​သီး​ကို​မ​စား​ရ။-

Garrad Bible

³⁰ မိန်း မ ကို မှန်း ထား သော် လည်း၊ ပေါင်း သင်း ခွင့် ကိုလည်း ကောင်း၊ တိုက် အိမ် ကို တည် ဆောက် သော် လည်း၊ နေ ထိုင် ခွင့် ကိုလည်း ကောင်း၊ စ ပျစ် ခြံ ကို စိုက် ပျိုး သော် လည်း၊ သုံး စား ခွင့် ကိုလည်း ကောင်း၊ ရ ကြ မည် မ ဟုတ်။

Judson Bible

³⁰ မိန်း​မ​နှင့် လက်​ထပ်​ပြီး​သော်​လည်း အ​ခြား​သော​သူ​သည် ပေါင်း​ဖော်​ရ​လိမ့်​မည်။ အိမ်​ကို​ဆောက်​သော်​လည်း ကိုယ်​တိုင်​မ​နေ​ရ။ စ​ပျစ်​ဥ​ယျာဉ်​ကို စိုက်​သော်​လည်း စ​ပျစ်​သီး​ကို မ​ဆွတ်​မ​ယူ​ရ။

တ​ရား​ဟော 28:30 ပူးပေါင်းရင်းမြစ်များ

၂ ရာ 12:11

ထာဝရဘုရား​က ‘​ငါ​သည် သင့်​ကို ဘေးအန္တရာယ်​ပေး​မည့်​သူ​အား သင့်​မိသားစု​ထဲက ပေါ်ထွက်​စေ​မည်​။ သင့်​မျက်စိ​ရှေ့​တွင်​ပင် သင့်​မိဖုရား​တို့​ကို ယူ​ပြီး သင့်​အိမ်နီးချင်း​အား ပေး​မည်​။ သူ​သည် နေ့အချိန်​တွင်ပင် သင့်​မိဖုရား​တို့​နှင့်အတူ အိပ်​လိမ့်မည်​။

ယောဘဝတ္တု။ 20:18

ပင်ပန်း​စွာ​ရှာဖွေ​ထား​သော​အရာ​များ​ကို​လည်း မ​စား​ရ​ဘဲ စွန့်လွှတ်​ရ​လိမ့်မည်​။ ကုန်သွယ်​၍​ရ​သော​အမြတ်​ကို​လည်း ခံစား​ခွင့်​ရ​မည်​မ​ဟုတ်​။

ယောဘဝတ္တု။ 3:18

ထို​နေရာ​တွင် အဓမ္မစေခိုင်းသံ​များ​မ​ကြား​ရ​ဘဲ အကျဉ်းသား​တို့ အေးချမ်း​စွာ​နေ​ကြ​ရ​၏​။

ယောဘဝတ္တု။ 31:10

ငါ့​မိန်းမ​သည် အခြား​သူ​၏​မိန်းမ​အတွက် ကြိတ်ဆုံကြိတ်​ရ​ပါစေ​။ အခြား​သူ​တို့​သည် သူ့​ကို ရှုတ်ချ​ကြ​ပါစေ​။

ဟေ​ရှာ​ယ 62:8

ထာဝရဘုရား​က “​သင်​၏​ကောက်ပဲသီးနှံ​ကို သင်​၏​ရန်သူ​တို့​အား စား​ခွင့်​ပေး​တော့​မည်​မ​ဟုတ်​။ သင်​ကြိုးစား​အားထုတ်​၍​ရရှိ​သော စပျစ်ဝိုင်​အသစ်​ကို​လည်း တိုင်းတစ်ပါးသား​များ သောက်​ရ​တော့​မည်​မ​ဟုတ်​။

ယေ​ရ​မိ 12:13

သူ​တို့​သည် ဂျုံစေ့​ကို​ကြဲ​သော်လည်း ဆူးပင်​များ​ကို​သာ ရိတ်သိမ်း​ရ​၏​။ ပင်ပန်း​စွာ​ကြိုးစား​ကြ​သော်လည်း အကျိုး​မ​ခံစား​ရ​ကြ​။ ထာဝရဘုရား​၏​ပြင်းထန်​သော​အမျက်​တော်​ကြောင့် သူ​တို့​သည် အရှက်ကွဲ​ခြင်း​သီးနှံ​ကို ရိတ်သိမ်း​ရ​လိမ့်မည်​။

ယေ​ရ​မိ 6:12

ထို​ပြည်သား​တို့​အပေါ် ငါ​၏​လက်​ကို​ဆန့်​မည်​ဖြစ်၍ သူ​တို့​၏​မယား​များ​နှင့်တကွ အိမ်​များ​၊ လယ်ယာ​များ​သည် အခြား​သူ​များ​လက်​ထဲသို့ ရောက်သွား​လိမ့်မည်​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 8:10

သို့ဖြစ်၍ သူ​တို့​၏​မယား​များ​ကို အခြား​သူ​တို့​အား ငါ​ပေး​မည်​။ သူ​တို့​၏​လယ်ယာ​များ​ကို​လည်း အခြားသူ​တို့​ပိုင်ဆိုင်​စေ​မည်​။ အကြောင်းမူကား လူကြီး​လူငယ်​အားလုံး မတရား​သော​အကျိုးစီးပွား​ကို တပ်မက်​ကြ​၏​။ ပရောဖက်​နှင့် ယဇ်ပုရောဟိတ်​အားလုံး​သည်​လည်း မဟုတ်မမှန်​ပြုမူ​တတ်​ကြ​၏​။

မြည်​တမ်း​စ​ကား 5:11

သူ​တို့​သည် ဇိအုန်​မြို့သူ​များ​၊ ယုဒ​မြို့ရွာ​တို့​မှ အပျိုကညာ​တို့​ကို အဓမ္မပြု​ကြ​ပါ​ပြီ​။

မြည်​တမ်း​စ​ကား 5:2

အကျွန်ုပ်​တို့ အမွေမြေ​သည် သူစိမ်း​လက်​သို့ ရောက်​လေ​ပြီ​။ အကျွန်ုပ်​တို့ နေအိမ်​များ​သည် တစ်ပါးအမျိုးသား​တို့​လက်​သို့ ရောက်​လေ​ပြီ​။

ဟော​ရှေ 4:2

တိုင်းပြည်​သည် ကျိန်ဆို​ခြင်း​၊ လိမ်ညာ​ခြင်း​၊ လူသတ်​ခြင်း​၊ ခိုးယူ​ခြင်း​၊ အိမ်ထောင်ရေးဖောက်ပြန်​ခြင်း​တို့​ဖြင့် ပြည့်နှက်​လျက်​ရှိ​၏​။ လူသတ်မှု​ကို အထပ်ထပ်​ကျူးလွန်​ကြ​၏​။

အာ​မုတ် 5:11

သင်​တို့​သည် ဆင်းရဲသား​ကို ဖိနှိပ်​၍ သူ့​ထံမှ ဂျုံစပါး​အခွန်အတုတ်​ကို တောင်းခံ​ကြ​၏​။ ထို့ကြောင့် ကျောက်ဆစ်​အိမ်​များ​ကို ဆောက်​သော်လည်း ထို​အိမ်​များ​တွင် သင်​တို့​နေ​ရ​မည်​မ​ဟုတ်​။ စပျစ်ခြံ​များ​ကောင်းကောင်းမွန်မွန်​စိုက်ပျိုး​သော်လည်း ထို​ခြံ​မှ​ထွက်​သော​စပျစ်ဝိုင်​ကို သောက်​ရ​မည်​မ​ဟုတ်​။

မိက္ခာ 6:15

မျိုးစေ့​ကြဲ​သော်လည်း ရိတ်သိမ်း​ရ​မည်​မ​ဟုတ်​။ သံလွင်သီး​ကို​နင်းနယ်​သော်လည်း သံလွင်ဆီ​လိမ်း​ရ​မည်​မ​ဟုတ်​။ စပျစ်သီး​ကို​နင်းနယ်​သော်လည်း စပျစ်ဝိုင်​သောက်​ရ​မည်​မ​ဟုတ်​။

ဟ​ဗက္ကုတ် 3:17

သဖန်းပင် မ​ပွင့်​၊ စပျစ်ပင် မ​သီး​၊ သံလွင်ပင်​လည်း မ​ဖြစ်ထွန်း​၊ လယ်ယာ​သီးနှံ​လည်း မ​ထွက်​၊ သိုး​ခြံ​မှ သိုး​ပြတ်​၍ တင်းကုပ်​များ​၌ နွား​တစ်​ကောင်​မျှ​မ​ရှိ​သော်လည်း

ဇေဖနိ 1:13

သူ​တို့​၏​ဥစ္စာပစ္စည်း​သည် လုယက်ပစ္စည်း​ဖြစ်​လိမ့်မည်​။ သူ​တို့​၏​အိမ်​များ​သည်​လည်း လူသူကင်းမဲ့​လိမ့်မည်​။ အိမ်​ကို​ဆောက်​သော်လည်း နေ​ရ​မည်​မ​ဟုတ်​၊ စပျစ်ခြံ​စိုက်​သော်လည်း စပျစ်ဝိုင်​ကို သောက်​ရ​မည်​မ​ဟုတ်”​ဟု ထာဝရဘုရား​မိန့်​တော်မူ​၏​။

တ​ရား​ဟော 28:31

သင့်​နွား​ကို သင့်​ရှေ့မှောက်​၌ပင် သတ်​သော်လည်း အသား​ကို သင်​စား​ရ​မည်​မ​ဟုတ်​။ သင့်​မြည်း​ကို သင့်​ရှေ့မှောက်​၌ပင် လုယူ​သွား​သော်လည်း ထို​မြည်း​ကို သင်​ပြန်​ရ​မည်​မ​ဟုတ်​။ သင့်​သိုး​သည် ရန်သူ​လက်​သို့​ရောက်​သော်လည်း ကယ်တင်​မည့်​သူ​မ​ရှိ​။