တ​ရား​ဟော 28:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထာဝရဘုရား​သည် ကြွယ်ဝ​သော​မိုးကောင်းကင်​ဘဏ္ဍာတိုက်​ကို ဖွင့်ပေး​တော်မူ​ပြီး သင်​၏​ပြည်​၌ မိုး​ကို သူ့​အချိန်​နှင့်​သူ​ရွာ​စေ​တော်မူ​၍ သင်​လုပ်ဆောင်​လေရာရာ​တို့​ကို​ကောင်းချီးပေး​တော်မူ​မည်​။ သင်​သည် လူမျိုး​များစွာ​တို့​အား ချေးငှား​ပေး​ရ​မည်​။ ချေးယူ​ရ​မည်​မ​ဟုတ်​။

Common Language Bible

¹² ကိုယ်​တော်​ရှင်​သည်​မိုး​ကောင်း​ကင်​ကို​ဖွင့်​၍ ရာ​သီ​အ​လိုက်​မိုး​ကို​ရွာ​စေ​လျက်​သင်​လုပ် ဆောင်​သ​မျှ​ကို​အောင်​မြင်​စေ​တော်​မူ​သ​ဖြင့် သင်​တို့​သည်​နိုင်​ငံ​များ​စွာ​တို့​အား​ချေး​ငှား ရ​လိမ့်​မည်။ သို့​ရာ​တွင်​သင်​တို့​သည်​မည်​သည့် နိုင်​ငံ​ထံ​မှ​ချေး​ယူ​ရန်​လို​မည်​မ​ဟုတ်။-

Garrad Bible

¹² ထာ ဝ ရ ဘု ရား သည်၊ မိုး ကောင်း ကင် ဘ ဏ္ဍာ တိုက် မြတ် ကို ဖွင့် ထား လျက်၊ ရာ သီ အ လျောက် မိုး ရွာ စေ၍၊ ပြု လေ ရာ ရာ ကောင်း ကြီး မင်္ဂ လာ ပေး တော် မူ သ ဖြင့်၊ သင် တို့ သည်၊ မြောက် မြား သော လူ မျိုး တို့ ထံ ချေး ယူ ခြင်း ကင်း လျက်၊ ချေး ငှါး ရ ကြ လ တ္တံ့။

Judson Bible

¹² ထာ​ဝ​ရ​ဘု​ရား​သည် အ​ချိန်​တန်​မှ သင်၏​ပြည်၌ မိုး​ရွာ​စေ​ခြင်း​ငှာ​လည်း​ကောင်း၊ သင်​ပြု​လေ​ရာ​ရာ၌ ကောင်း​ချီး​ပေး​ခြင်း​ငှာ​လည်း​ကောင်း၊ ဘ​ဏ္ဍာ​တော်​တိုက်​တည်း​ဟူ​သော မိုး​ကောင်း​ကင်​ကို​ဖွင့်​တော်​မူ​မည်။ သင်​သည် လူ​မျိုး​များ​တို့​အား ချေး​ငှား​ရ​သော​အ​ခွင့် ရှိ​လိမ့်​မည်။ သူ​တို့​သည် သင့်​အား​ချေး​ငှား​ရ​သော​အ​ခွင့် မ​ရှိ​ရ။

တ​ရား​ဟော 28:12 ပူးပေါင်းရင်းမြစ်များ

၃ ရာ 18:1

ထို့နောက် ရက်​ပေါင်း​များစွာ​ကုန်လွန်​လာ​၏​။ သုံး​နှစ်​ကြာ​လျှင် ထာဝရဘုရား​၏​နှုတ်ကပတ်တော်​သည် ဧလိယ​ထံသို့​ရောက်လာ​၍ “​အာဟပ်​မင်းကြီး​ကို ကိုယ်တိုင်​သွား​တွေ့​လော့​။ ငါ​သည် မြေပြင်​ပေါ်သို့ မိုး​ကို​ရွာ​စေ​မည်​”​ဟု မိန့်​တော်မူ​၏​။

ယောဘဝတ္တု။ 38:22

နှင်းပွင့်​ဘဏ္ဍာတိုက်​များ​ထဲသို့ သင်​ဝင်​ဖူး​သလော​။ မိုးသီး​ဘဏ္ဍာတိုက်​များ​ကို သင်​မြင်​ဖူး​သလော​။

ဆာ​လံ 135:7

ကိုယ်တော်​သည် မိုးတိမ်​များ​ကို ကမ္ဘာမြေကြီး​အစွန်း​မှ​တက်လာ​စေ​၍ မိုး​နှင့်အတူ​လျှပ်စီး​များ​ကို​ဖြစ်ပေါ်​စေ​ကာ လေ​ကို မိမိ​၏​သိုလှောင်​တိုက်​မှ ထုတ်ဆောင်​တော်မူ​၏​။

သုတ္တံကျမ်း။ 22:7

ချမ်းသာ​သော​သူ​သည် ဆင်းရဲ​သော​သူ​ကို အုပ်စိုး​ရ​၏​။ ချေးယူ​သော​သူ​သည်​လည်း ချေး​ပေး​သော​သူ​၏ ကျွန်​ဖြစ်​ရ​၏​။

ယေ​ဇ​ကျေ​လ 34:26

သူ​တို့​နှင့်တကွ သူ​တို့​ကျက်စား​ရာ​ငါ့​တောင်​ပတ်ပတ်လည်​ကို ကောင်းချီးမင်္ဂလာ​ချပေး​မည်​။ ရာသီ​အလိုက် မိုး​ရွာသွန်း​စေ​မည်​။ ကောင်းချီးမိုး​ကို ရွာသွန်း​စေ​မည်​။

ဝတ်​ပြု 26:4

ငါ​သည် သင်​တို့​အဖို့ မိုး​ကို သူ့​ရာသီ​နှင့်​သူ​ရွာ​စေ​သဖြင့် မြေ​သည် အသီးအနှံ​ဖြစ်ထွန်း​လိမ့်မည်​။ လယ်ယာ​ရှိ​အပင်​တို့​သည် ကောက်ပဲသီးနှံ​ဖြစ်ထွန်း​လိမ့်မည်​။

တ​ရား​ဟော 11:14

သို့ပြုလျှင် ကောက်ပဲသီးနှံ​၊ စပျစ်ဝိုင်​အသစ်​နှင့် ဆီ​တို့​ကို သင်​တို့​စုသိမ်း​နိုင်​မည့်​အကြောင်း ကိုယ်တော်​သည် သင်​တို့​ပြည်​အတွက် မိုးဦး​၊ မိုးနှောင်း​ကို သူ့​အချိန်​နှင့်​သူ​ရွာ​စေ​တော်မူ​မည်​။

တ​ရား​ဟော 14:29

သို့ပြုလျှင် သင်​တို့​တွင် အမွေ​ဝေစု​မ​ရ​သော​လေဝိ​အမျိုး​၊ သင့်​မြို့​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် လာ​ပြီး ဝလင်​စွာ​စား​နိုင်​မည်​။ ဤ​အမှု​ကို​ထောက်​၍ သင်​၏​ဘုရားသခင်​ထာဝရဘုရား​သည် သင်​ပြု​လေရာရာ​၌ သင့်​အား​ကောင်းချီးပေး​တော်မူ​မည်​။

တ​ရား​ဟော 15:10

သူ့​အား ပေးကမ်း​သောအခါ မကြည်ဖြူ​သော​စိတ်​မ​ရှိ​ဘဲ ကြည်ကြည်ဖြူဖြူ​ပေးကမ်း​ရ​မည်​။ ဤ​အမှု​ကို​ထောက်၍ သင်​၏​ဘုရားသခင်​ထာဝရဘုရား​သည် သင်​ပြုမူ​လုပ်ဆောင်​လေရာရာ​၌ သင့်​အား ကောင်းချီးပေး​တော်မူ​မည်​။

တ​ရား​ဟော 15:6

သင်​၏​ဘုရားသခင်​ထာဝရဘုရား​သည် သင့်​အား ကတိထား​တော်မူ​သည့်​အတိုင်း သင့်​ကို ကောင်းချီးပေး​တော်မူ​မည်​ဖြစ်၍ သင်​သည် လူမျိုး​များစွာ​တို့​အား ချေးငှား​ရ​လိမ့်မည်​။ ချေးယူ​ရ​မည်​မ​ဟုတ်​။ သင်​သည် လူမျိုး​များစွာ​တို့​ကို အုပ်စိုး​ရ​လိမ့်မည်​။ သူ​တို့​သည် သင့်​ကို အုပ်စိုး​ရ​မည်​မ​ဟုတ်​။

တ​ရား​ဟော 23:20

တစ်ပါးအမျိုးသား​ထံမှ အတိုး​ယူ​နိုင်​၏​။ သို့သော် သင်​ဝင်ရောက်​သိမ်းပိုက်​မည့်​ပြည်​တွင် သင်​၏​ဘုရားသခင်​ထာဝရဘုရား​သည် သင်​လုပ်ဆောင်​လေရာရာ​၌ သင့်​ကို ကောင်းချီးပေး​တော်မူ​မည့်​အကြောင်း သင်​သည် မိမိ​အမျိုးသားချင်း​ထံမှ အတိုး​မ​ယူ​ရ​။

တ​ရား​ဟော 28:24

ထာဝရဘုရား​သည် သင့်​ပြည်​၌​ရွာ​သော​မိုး​ကို ဖုန်မှုန့်​၊ မြေမှုန့် ဖြစ်​စေ​တော်မူ​၍ သင်​ပျက်စီး​ခြင်း​သို့​မ​ရောက်​မ​ချင်း သင့်​အပေါ် မိုးကောင်းကင်​မှ ဖုန်မှုန့်​မိုး​၊ မြေမှုန့်​မိုး​ရွာကျ​စေ​တော်မူ​မည်​။

တ​ရား​ဟော 28:44

သူ​သည် သင့်​အား​ချေးငှား​ပေး​လိမ့်မည်​။ သင်​မူကား သူ့​ကို​ချေးငှား​ပေး​နိုင်​မည်​မ​ဟုတ်​။ သူ​သည် ဦးခေါင်း​ဖြစ်​လိမ့်မည်​။ သင်​မူကား အမြီး​သာ​ဖြစ်​လိမ့်မည်​။