တ​ရား​ဟော 24:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သင့်​ပြည်​၊ သင့်​မြို့​၌​ရှိ​သော တိုင်းတစ်ပါးသား​ထဲမှ​ဖြစ်စေ​၊ သင်​၏​အမျိုးသားချင်း​ထဲမှ​ဖြစ်စေ ဆင်းရဲ​နွမ်းပါး​သော သူရင်းငှား​ကို အနိုင်အထက်​မ​ပြု​ရ​။

Common Language Bible

¹⁴ ``သင်​တို့​၏​မြို့​တွင်​နေ​ထိုင်​သော​ဆင်း​ရဲ​နွမ်း ပါး​သည့် ဣ​သ​ရေ​လ​အ​မျိုး​သား​အ​စေ​ခံ ကို​သော်​လည်း​ကောင်း၊ လူ​မျိုး​ခြား​သား အ​စေ​ခံ​ကို​သော်​လည်း​ကောင်း​မ​လိမ်​လည် မ​လှည့်​ဖြား​နှင့်။-

Garrad Bible

¹⁴ သင် တို့ နေ ပြည် ရှိ မြို့ ရွာ များ အ တွင်း၊ ဝင် နေ သူ ဖြစ် စေ၊ ဆွေ မျိုး သား ချင်း ဖြစ် စေ၊ ဆင်း ရဲ နွမ်း ပါး သော သူ ရင်း ငှါး ကို မ ညှဉ်း ပန်း ရ။

Judson Bible

¹⁴ အ​မျိုး​သား​ချင်း​ဖြစ်​စေ၊ သင့်​နေ​ရာ​မြို့​ရွာ​တို့၌ တည်း​ခို​သော တစ်​ပါး​အ​မျိုး​သား​ဖြစ်​စေ၊ ဆင်း​ရဲ​ငတ်​မွတ်​သော​သူ​ငှား​ကို မ​ညှဉ်း​ဆဲ​ရ။

တ​ရား​ဟော 24:14 ပူးပေါင်းရင်းမြစ်များ

သုတ္တံကျမ်း။ 14:31

ဆင်းရဲ​သော​သူ​ကို နှိပ်စက်​သော​သူ​သည် သူ​၏​ဖန်ဆင်းရှင်​ကို စော်ကား​သော​သူ​ဖြစ်​၏​။ နွမ်းပါး​သော​သူ​ကို သနား​သော​သူ​မူကား ကိုယ်တော်​ကို ရိုသေလေးမြတ်​သော​သူ​ဖြစ်​၏​။

သုတ္တံကျမ်း။ 22:16

မိမိ​ဥစ္စာ​တိုးပွား​စေရန် ဆင်းရဲ​သော​သူ​ကို​နှိပ်စက်​သော​သူ​၊ သို့မဟုတ် ချမ်းသာ​သော​သူ​ကို ပေးကမ်း​သော​သူ​သည် အမှန်ပင် ချို့တဲ့​နွမ်းပါး​ခြင်း​သို့​ရောက်​လိမ့်မည်​။

ယေ​ဇ​ကျေ​လ 22:7

မိဘ​ကို မထီလေးစားပြု​သော​သူ​များ သင့်​တွင်​ရှိ​၏​။ တိုင်းတစ်ပါးသား​တို့​ကို ဖိနှိပ်ချုပ်ချယ်​သော​သူ​များ သင့်​တွင်​ရှိ​၏​။ ဖတဆိုး​များ​၊ မုဆိုးမ​များ​ကို နိုင်ထက်စီးနင်း​ပြု​သော​သူ​များ​သင့်​တွင်​ရှိ​၏​။

ဝတ်​ပြု 19:13

မိမိ​အိမ်နီးချင်း​ကို အနိုင်အထက်​မ​ပြု​ရ​။ သူ့​ဥစ္စာ​ကို မ​လုယူ​ရ​။ သူရင်းငှား​၏​လုပ်အားခ​ကို တစ်ညလုံး​နံနက်​တိုင်အောင် မ​ဆိုင်းထား​ရ​။

အာ​မုတ် 2:7

ဆင်းရဲသား​တို့​၏​ခေါင်း​ကို မြေမှုန့်​၌​နင်းချေ​ပြီး စိတ်နှိမ့်ချ​သော​သူ​တို့ လျှောက်​သော​လမ်း​ကို ကာဆီး​ကြ​ပြီ​။ သား​အဖ​နှစ်​ယောက်​က မိန်းမ​တစ်ယောက်တည်း​နှင့်​ပေါင်းဖော်​ပြီး သန့်ရှင်း​သော​ငါ့​နာမ​ကို ညစ်ညူး​စေ​လေ​ပြီ​။

အာ​မုတ် 4:1

ဆင်းရဲသား​တို့​ကို​နှိပ်စက်​ပြီး နွမ်းပါး​သူ​တို့​ကို​ညှဉ်းဆဲ​ကာ မိမိ​သခင်​တို့​ကို​ပင် “ငါ​တို့​အတွက် သောက်စရာ​ယူ​ခဲ့​ပါ”​ဟု ဆို​တတ်​သော ရှမာရိ​တောင်​ပေါ်မှ ဗာရှန်​နွားမ​တို့​၊ ဤ​စကား​ကို နားထောင်​ကြ​လော့​။

အာ​မုတ် 8:4

နွမ်းပါး​သူ​တို့​ကို နိုင်ထက်စီးနင်း​ပြု​ပြီး တိုင်းပြည်​ရှိ​ဆင်းရဲသား​တို့​ကို ဖယ်ရှား​ပစ်​သော​သူ​တို့​၊ နားထောင်​ကြ​လော့​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

လုကာ 10:7

ထို​တစ်​အိမ်​တည်း​မှာ​ပင် တည်းခို​၍ သူ​တို့​ထံ၌ စား​သောက်​ကြ​လော့။ အကြောင်းမူကား အလုပ်​လုပ်​သော​သူ​သည် လုပ်အားခ​ကို​ရ​ထိုက်​၏။ တစ်​အိမ်​မှ တစ်​အိမ်​သို့ မ​ပြောင်း​ကြ​နှင့်။

တ​ရား​ဟော 15:7

သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​ရှိ​မြို့​တစ်​မြို့​၌ နွမ်းပါး​သော​သင်​၏​ညီအစ်ကို​တစ်စုံတစ်ယောက်​ရှိ​လျှင် ထို​နွမ်းပါး​သော​ညီအစ်ကို​အပေါ် ကြင်နာစိတ်​မ​ကင်းမဲ့​နှင့်​၊ မ​တွန့်တို​နှင့်​။

၁ တိ 5:18

အကြောင်းမူကား ကျမ်းစာ​က “စပါး​နယ်​နေ​သည့်​နွား​ကို ပါးချုပ်​မ​တပ်​ရ”​ဟူ၍​လည်းကောင်း၊“အလုပ်​လုပ်​သော​သူ​သည် လုပ်အားခ​ကို ရ​ထိုက်​၏”​ဟူ၍​လည်းကောင်း ဆို​ထား​၏။