တ​ရား​ဟော 23:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ တစ်ပါးအမျိုးသား​ထံမှ အတိုး​ယူ​နိုင်​၏​။ သို့သော် သင်​ဝင်ရောက်​သိမ်းပိုက်​မည့်​ပြည်​တွင် သင်​၏​ဘုရားသခင်​ထာဝရဘုရား​သည် သင်​လုပ်ဆောင်​လေရာရာ​၌ သင့်​ကို ကောင်းချီးပေး​တော်မူ​မည့်​အကြောင်း သင်​သည် မိမိ​အမျိုးသားချင်း​ထံမှ အတိုး​မ​ယူ​ရ​။

Common Language Bible

²⁰ လူ​မျိုး​ခြား​များ​ထံ​မှ​အ​တိုး​ယူ​နိုင်​သော် လည်း ဣ​သ​ရေ​လ​အ​မျိုး​သား​ချင်း​ထံ​မှ အ​တိုး​မ​ယူ​ရ။ ဤ​ပ​ညတ်​ကို​လိုက်​နာ​လျှင် ဘု​ရား​သ​ခင်​ထာ​ဝ​ရ​ဘု​ရား​သည် သင်​တို့ သိမ်း​ယူ​မည့်​ပြည်​တွင်​သင်​တို့​ပြု​လေ​သ​မျှ ကို​ကောင်း​ချီး​ပေး​တော်​မူ​လိမ့်​မည်။

Garrad Bible

²⁰ တစ် ပါး အ မျိုး သား တို့ ထံ အ တိုး စား သော် လည်း၊ သင် တို့ ဝင် ရောက် ပိုင် ရ သော ပြည် တွင် ပြု လေ ရာ ရာ၌ သင် တို့ ဘု ရား သ ခင် ထာ ဝ ရ ဘု ရား ကောင်း ကြီး မင်္ဂ လာ ပေး တော် မူ စေ ခြင်း ငှါ၊ ဆွေ မျိုး သား ချင်း တို့ ထံ အ တိုး မ စား ဘဲ နေ ကြ လော့။

Judson Bible

²⁰ တစ်​ပါး​အ​မျိုး​သား၌ အ​တိုး​ယူ၍ ချေး​ငှား​ရ၏။ သင်​သွား၍ ဝင်​စား​သော​ပြည်​တွင် သင်​ပြု​လေ​ရာ​ရာ၌ သင်၏​ဘု​ရား​သ​ခင် ထာ​ဝ​ရ​ဘု​ရား​သည် ကောင်း​ချီး​ပေး​တော်​မူ​မည်​အ​ကြောင်း၊ အ​မျိုး​သား​ချင်း၌ အ​တိုး​ယူ၍ ချေး​ငှား​ခြင်း​ကို ရှောင်​ရ​မည်။

တ​ရား​ဟော 23:20 ပူးပေါင်းရင်းမြစ်များ

နေ​ဟ​မိ 5:7

ထို​အကြောင်း​ကို သေချာ​တွေးဆ​ကြည့်​ပြီးမှ ငါ​က ခေါင်းဆောင်​များ​၊ ကြီးကြပ်​သူ​များ​အား “​သင်​တို့​သည် ကိုယ့်​အမျိုးသားချင်း​ကို​ပင် အတိုးစား​သူ​များ​ဖြစ်​ကြ​ပါ​သည်​တကား​”​ဟု ပြစ်တင်​ပြောဆို​လျက် အစည်းအဝေး​ကြီး​ကို ခေါ်​၍

ဆာ​လံ 15:5

မိမိ​ငွေ​ကို အတိုး​ဖြင့်​ချေးငှား​ခြင်း​မ​ပြု​၊ အပြစ်ကင်း​သော​သူ​ကို​ထိခိုက်​စေ​သည့် တံစိုးလက်ဆောင်​ကို​လက်​မ​ခံ​သော​သူ​ပင်တည်း​။ ဤသို့​ပြု​သော​သူ​သည် မည်သည့်​အခါ​မျှ​တုန်လှုပ်​မည်​မ​ဟုတ်​။

ထွက်​မြောက် 22:24

ငါ​အမျက်ထွက်​ပြီး သင်​တို့​ကို ဓား​ဖြင့်​ကွပ်မျက်​မည်​။ ထိုအခါ သင်​တို့​၏​မယား​တို့​သည် မုဆိုးမ​များ​၊ သင်​တို့​၏​သားသမီး​တို့​သည် ဖတဆိုး​များ​ဖြစ်​ကြ​ရ​လိမ့်မည်​။

ထွက်​မြောက် 22:25

သင်​တို့​နှင့်အတူ​ရှိ​သော ငါ​၏​လူမျိုး​ထဲမှ​ဆင်းရဲသား​ကို ငွေ​ချေး​ပေး​လျှင် အတိုးစား​သော​သူ​ကဲ့သို့ မ​ပြု​ရ​။ သူ့​ထံမှ အတိုး​မ​ယူ​ရ​။

သုတ္တံကျမ်း။ 19:17

ဆင်းရဲ​သော​သူ​ကို​သနား​သော​သူ​သည် ထာဝရဘုရား​အား ချေးငှား​ခြင်း​ဖြစ်၍ ကိုယ်တော်​သည် သူ​၏​လုပ်ဆောင်မှု​အတွက် သူ့​အား ဆုလာဘ်​ကို​ပေး​တော်မူ​လိမ့်မည်​။

ဟေ​ရှာ​ယ 1:19

သင်​တို့​သည် စိတ်ဆန္ဒ​အပြည့်အဝ​ဖြင့် နာခံ​ကြ​လျှင် မြေကြီး​၏​အကောင်းဆုံး​သော​အရာ​ကို စား​ရ​မည်​။

ဟေ​ရှာ​ယ 24:2

ထိုအခါ ယဇ်ပုရောဟိတ်​သည် လူ​ကဲ့သို့​၊ သခင်​သည် ကျွန်ယောက်ျား​ကဲ့သို့​၊ သခင်မ​သည် ကျွန်မိန်းမ​ကဲ့သို့​၊ ရောင်း​သူ​သည် ဝယ်​သူ​ကဲ့သို့​၊ မြီရှင်​သည် မြီစား​ကဲ့သို့​၊ အတိုးစား​သူ​သည် အတိုးဆပ်​သူ​ကဲ့သို့ ဖြစ်​လိမ့်မည်​။

ယေ​ဇ​ကျေ​လ 18:8

အတိုး​ဖြင့်​မ​ချေးငှား​၊ အမြတ်​မ​ယူ​၊ မတရားမှု​ကို​ရှောင်ကြဉ်​လျက် အမှု​ဖြစ်ပွား​သော​လူ​နှစ်​ဦး​ကြားတွင် မျှတစွာ​စီရင်​လျှင်​၊

ဝတ်​ပြု 25:36

သူ့​ထံမှ အတိုး​အမြတ် မ​ယူ​ရ​။ သင်​၏​ဘုရားသခင်​ကို ကြောက်ရွံ့​ပြီး သင်​၏​ညီအစ်ကို​ကို သင်​နှင့်အတူ​နေထိုင်​ခွင့်​ပြု​ရ​မည်​။

လုကာ 14:14

သို့ပြုလျှင် သူ​တို့​သည် သင့်​အား​ကျေးဇူး​မ​တုံ့ပြန်​နိုင်​ကြ​သောကြောင့် သင်​သည် မင်္ဂလာရှိ​လိမ့်မည်။ ဖြောင့်မတ်​သော​သူ​တို့​၏​ရှင်ပြန်​ထမြောက်​ရာ​ကာလ​၌ သင်​သည် ကျေးဇူး​တုံ့ပြန်​ခြင်း​ကို အမှန်ပင်​ခံရ​လိမ့်မည်”​ဟု မိန့်​တော်မူ​၏။

၁ ကော 15:58

ထို့ကြောင့် ငါ​ချစ်​သော​ညီအစ်ကို​တို့၊ သခင်​ဘုရား​၌ သင်​တို့​၏​ကြိုးပမ်း​အားထုတ်​မှု​သည် အချည်းနှီး​မ​ဖြစ်​ကြောင်း​သိမှတ်​၍ ခိုင်မြဲ​စွာ​ရပ်တည်​လျက် ဖောက်ပြန်​ရွေ့လျော​ခြင်း​မ​ရှိ​ဘဲ သခင်​ဘုရား​၏​အမှု​တော်​ကို အစဉ်အမြဲ စွမ်းစွမ်းတမံ​ဆောင်ရွက်​ကြ​လော့။

တ​ရား​ဟော 14:21

သင်​သည် သင်​၏​ဘုရားသခင်​ထာဝရဘုရား​အဖို့ သန့်ရှင်း​သော​လူမျိုး​ဖြစ်​သောကြောင့် အလိုလိုသေ​သော အကောင်​ဟူသမျှ မ​စား​ရ​။ သင့်​မြို့​၌​ရှိ​သော တိုင်းတစ်ပါးသား​စား​ရန် ပေး​ခွင့်​ရှိ​၏​။ သို့မဟုတ် တစ်ပါးအမျိုးသား​ထံ​ရောင်း​ခွင့်​ရှိ​၏​။ ဆိတ်သငယ်​ကို မိခင်​၏​နို့​ဖြင့်​မ​ပြုတ်​ရ​။

တ​ရား​ဟော 15:10

သူ့​အား ပေးကမ်း​သောအခါ မကြည်ဖြူ​သော​စိတ်​မ​ရှိ​ဘဲ ကြည်ကြည်ဖြူဖြူ​ပေးကမ်း​ရ​မည်​။ ဤ​အမှု​ကို​ထောက်၍ သင်​၏​ဘုရားသခင်​ထာဝရဘုရား​သည် သင်​ပြုမူ​လုပ်ဆောင်​လေရာရာ​၌ သင့်​အား ကောင်းချီးပေး​တော်မူ​မည်​။

တ​ရား​ဟော 15:3

တစ်ပါးအမျိုးသား​ထံမှ တောင်း​ခွင့်​ရှိ​၏​။ ညီအစ်ကို​၏​အကြွေး​ကို​မူကား သင်​လျှော်​ပစ်​ရ​မည်​။

တ​ရား​ဟော 28:12

ထာဝရဘုရား​သည် ကြွယ်ဝ​သော​မိုးကောင်းကင်​ဘဏ္ဍာတိုက်​ကို ဖွင့်ပေး​တော်မူ​ပြီး သင်​၏​ပြည်​၌ မိုး​ကို သူ့​အချိန်​နှင့်​သူ​ရွာ​စေ​တော်မူ​၍ သင်​လုပ်ဆောင်​လေရာရာ​တို့​ကို​ကောင်းချီးပေး​တော်မူ​မည်​။ သင်​သည် လူမျိုး​များစွာ​တို့​အား ချေးငှား​ပေး​ရ​မည်​။ ချေးယူ​ရ​မည်​မ​ဟုတ်​။