တ​ရား​ဟော 20:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ စပျစ်ခြံ​စိုက်ပျိုး​၍ ခြံထွက်စပျစ်သီး​မ​စား​ရ​သေး​သော​သူ​တစ်စုံတစ်ယောက်​ရှိ​သလော​။ ထို​သူ​ကို မိမိ​အိမ်​သို့​ပြန်​သွား​စေ​။ သို့မဟုတ် သူ​သည် စစ်ပွဲ​၌ ကျဆုံး​လျှင် အခြား​သူ​သည် ထို​စပျစ်သီး​ကို​စား​လိမ့်မည်​။

Common Language Bible

⁶ သင်​တို့​တွင်​စပျစ်​ခြံ​ကို​စိုက်​၍​အ​သီး​ကို​မ​စု သိမ်း​ရ​သေး​သူ​ရှိ​သ​လော။ ရှိ​လျှင်​ထို​သူ​သည် အိမ်​သို့​ပြန်​စေ။ သို့​မ​ဟုတ်​လျှင်​အ​ကယ်​၍​သူ သည်​တိုက်​ပွဲ​တွင်​ကျ​ဆုံး​ခဲ့​သော် အ​ခြား​သူ တစ်​ယောက်​က​ခြံ​ထွက်​စ​ပျစ်​သီး​ကို​စား​ရ လိမ့်​မည်။-

Garrad Bible

⁶ စ ပျစ် ခြံ ကို စိုက် ပျိုး လျက် မ သုံး စား ရ သေး သူ ရှိ လျှင်၊ စစ် ရေး၌ ကျ ဆုံး သ ဖြင့်၊ သူ တစ် ပါး မ သုံး စား ရ စေ ခြင်း ငှါ၊ အိမ် သို့ ပြန် သွား စေ။

Judson Bible

⁶ စ​ပျစ်​ဥ​ယျာဉ်​ကို​စိုက်၍ စ​ပျစ်​သီး​ကို မ​စား​ရ​သေး​သော​သူ​ရှိ​လျှင်၊ မိ​မိ​အိမ်​သို့ ပြန်​သွား​ပါ​လေ​စေ။ သို့​မ​ဟုတ် စစ်​တိုက်​ရာ​တွင်​သေ၍ အ​ခြား​သော​သူ​သည် ထို​စ​ပျစ်​သီး​ကို စား​လိမ့်​မည်​ဟု စိုး​ရိမ်​စ​ရာ​ရှိ၏။

တ​ရား​ဟော 20:6 ပူးပေါင်းရင်းမြစ်များ

ဟေ​ရှာ​ယ 65:22

သူ​တို့​ဆောက်​သော​အိမ်​၌ အခြားသူ နေ​ရ​မည်​မ​ဟုတ်​။ သူ​တို့​စိုက်​သော​စပျစ်သီး​ကို​လည်း အခြားသူ​စား​ရ​မည်​မ​ဟုတ်​။ ငါ့​လူ​တို့​၏​သက်တမ်း​သည် သစ်ပင်​၏​သက်တမ်း​တမျှ ရှည်​မည်​။ ငါ​ရွေးချယ်​သော​သူ​တို့​သည် သူ​တို့​လက်​ဖြင့်​လုပ်ဆောင်​သော​အရာ​ကို ရေရှည်အကျိုး​ခံစား​ရ​မည်​။

ယေ​ရ​မိ 31:5

သင်​သည် ရှမာရိ​တောင်​ပေါ်တွင် စပျစ်ခြံ​ကို ပြန်လည်​စိုက်ပျိုး​ရ​လိမ့်မည်​။ စိုက်ပျိုး​သော​သူ​တို့​သည် အသီး​ကို စား​ရ​လိမ့်မည်​။

ဇေဖနိ 1:13

သူ​တို့​၏​ဥစ္စာပစ္စည်း​သည် လုယက်ပစ္စည်း​ဖြစ်​လိမ့်မည်​။ သူ​တို့​၏​အိမ်​များ​သည်​လည်း လူသူကင်းမဲ့​လိမ့်မည်​။ အိမ်​ကို​ဆောက်​သော်လည်း နေ​ရ​မည်​မ​ဟုတ်​၊ စပျစ်ခြံ​စိုက်​သော်လည်း စပျစ်ဝိုင်​ကို သောက်​ရ​မည်​မ​ဟုတ်”​ဟု ထာဝရဘုရား​မိန့်​တော်မူ​၏​။

၁ ကော 9:7

မည်သူ​သည် မိမိ​စရိတ်​ဖြင့် စစ်မှုထမ်း​ဖူး​သနည်း။ မည်သူ​သည် စပျစ်ခြံ​ကို​စိုက်ပျိုး​ပြီး ၎င်း​၏​အသီး​ကို မ​စား​ဘဲ​နေ​သနည်း။ သို့မဟုတ် မည်သူ​သည် သိုး​အုပ်​ကို​ထိန်းကျောင်း​ပြီး သိုး​တို့​၏​နို့​ကို မ​သောက်​ဘဲ​နေ​သနည်း။

တ​ရား​ဟော 20:5

ကြီးကြပ်အုပ်ချုပ်သူ​တို့​က​လည်း စစ်သည်​တို့​အား ‘​အိမ်​အသစ်​ဆောက်​၍ မ​ဆက်ကပ်​ရ​သေး​သော​သူ​တစ်စုံတစ်ယောက်​ရှိ​သလော​။ ထို​သူ​ကို မိမိ​အိမ်​သို့​ပြန်​သွား​စေ​။ သို့မဟုတ်လျှင် သူ​သည် စစ်ပွဲ​၌ ကျဆုံး​လျှင် အခြား​သူ​သည် ထို​အိမ်​ကို ဆက်ကပ်​သွား​လိမ့်မည်​။

တ​ရား​ဟော 20:7

မိန်းမ​နှင့်​စေ့စပ်​၍ မ​စုံဖက်​ရ​သေး​သော​သူ​တစ်စုံတစ်ယောက်​ရှိ​သလော​။ ထို​သူ​ကို မိမိ​အိမ်​သို့​ပြန်​သွား​စေ​။ သို့မဟုတ် သူ​သည် စစ်ပွဲ​၌ ကျဆုံး​လျှင် အခြား​သူ​သည် ထို​မိန်းမ​နှင့်​စုံဖက်​လိမ့်မည်​’​ဟု မိန့်ကြား​ရ​မည်​။