တ​ရား​ဟော 17:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ထို​ဘုရင်​သည် စိတ်နှလုံး​လမ်း​မ​လွဲ​ရ​အောင် မိဖုရား​များစွာ​မ​ထားရှိ​ရ​။ ရွှေ​၊ ငွေ​ကို​လည်း အလွန်အမင်း​မ​စုဆောင်း​ရ​။

Common Language Bible

¹⁷ ဘု​ရင်​သည်​မ​ယား​များ​စွာ​ရှိ​လျှင် ထာ​ဝ​ရ ဘု​ရား​ကို​စွန့်​သွား​နိုင်​သ​ဖြင့် သူ​၌​မ​ယား များ​စွာ​မ​ရှိ​စေ​ရ။ ရွှေ၊ ငွေ​လည်း​များ​စွာ မ​ရှိ​စေ​ရ။-

Garrad Bible

¹⁷ စိတ် တော် ငဲ့ ပါ မည် ကို စိုး ၍၊ မြောက် မြား သော မိ ဖု ရား ကို သိမ်း ခြင်း၊ မြောက် မြား သော ရွှေ ငွေ ကို ဆည်း ပူး ခြင်း မ ပြု ရ။

Judson Bible

¹⁷ သူ၏​စိတ်​နှ​လုံး​သည် ဖောက်​ပြန်​ခြင်း​နှင့် ကင်း​လွတ်​မည်​အ​ကြောင်း များ​စွာ​သော မ​ယား​တို့​ကို မ​ယူ​ရ။ ရွှေ​ငွေ​ကို​လည်း များ​စွာ​မ​ဆည်း​ဖူး​ရ။

တ​ရား​ဟော 17:17 ပူးပေါင်းရင်းမြစ်များ

နေ​ဟ​မိ 13:26

အစ္စရေး​ဘုရင်​ရှောလမုန်​မင်းကြီး​သည်​လည်း ဤနည်းဖြင့် အပြစ်ပြု​ခဲ့​သည်​မ​ဟုတ်​လော​။ တိုင်းနိုင်ငံ​များ​တွင် သူ​နှင့်​တူ​သော​ဘုရင်​မ​ရှိ​။ ဘုရားသခင်​သည် သူ့​ကို​ချစ်​တော်မူ​၍ အစ္စရေး​လူမျိုး​အားလုံး​တို့​၏​ဘုရင်​အဖြစ် သူ့​ကို​ခန့်ထား​တော်မူ​၏​။ သို့သော် သူ​သည် တစ်ပါးအမျိုးသား​မိန်းမပျို​တို့​အားဖြင့် အပြစ်​ကျူးလွန်​ခဲ့​၏​။

မဿဲ 19:5

‘ထို​အကြောင်း​ကြောင့် ယောက်ျား​သည် မိမိ​၏​မိခင်​နှင့်​ဖခင်​တို့​ကို​စွန့်ခွာ​၍ မိမိ​မယား​နှင့်​ပေါင်းဖော်​သဖြင့် ထို​သူ​နှစ်​ဦး​တို့​သည် တစ်သား​တစ်ကိုယ်​တည်း​ဖြစ်​ကြ​လိမ့်မည်’ဟု မိန့်​တော်မူ​ခဲ့​ကြောင်း သင်​တို့​မ​ဖတ်​ဖူး​ကြ​သလော။

ဆာ​လံ 62:10

ဖိနှိပ်ချုပ်ချယ်မှု​ကို ယုံကြည်ကိုးစား​ခြင်း​မ​ပြု​ကြ​နှင့်​။ လုယက်မှု​အပေါ်​၌​လည်း အချည်းနှီး​မ​မျှော်လင့်​ကြ​နှင့်​။ ဥစ္စာပစ္စည်း​တိုးပွား​လျှင်လည်း ထို​အရာ​တို့​ကို စိတ်​စွဲလမ်း​ခြင်း​မ​ရှိ​ကြ​နှင့်​။

ကမ္ဘာ​ဦး 2:24

ထိုအကြောင်းကြောင့် ယောက်ျား​သည် မိဘ​ကို​စွန့်ခွာ​၍ မိမိ​မယား​နှင့်​ပေါင်းဖက်​သဖြင့် ထို​သူ​တို့​သည် တစ်သားတစ်ကိုယ်တည်း ဖြစ်​ကြ​လိမ့်မည်​။

မာ​လ​ခိ 2:15

သူ​တို့​၌ ဝိညာဉ်​တော်​တစ်စိတ်တစ်ပိုင်း​ပါ​လျက် တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ဘုရားသခင်​ကို ရိုသေကိုင်းရှိုင်း​သော​အမျိုးအနွယ်​ကို အလိုရှိ​သည်​ဖြစ်၍ တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ထို့ကြောင့် ကိုယ့်​စိတ်​ကို ထိန်း​၍ ငယ်စဉ်​က ပေါင်းဖော်​ခဲ့​သော​မယား​ကို သစ္စာ​မ​ဖောက်​နှင့်​။

၁ တိ 6:17

ဤ​လောက​၌ ချမ်းသာ​သော​သူ​တို့​သည် စိတ်နေမြင့်​ခြင်း၊ မ​မြဲ​သော​စည်းစိမ်​များ​အပေါ်၌ မျှော်လင့်​အားထား​ခြင်း​မ​ရှိ​ဘဲ ပျော်ရွှင်​မှု​အတွက် အလုံးစုံ​တို့​ကို ငါ​တို့​အား ကြွယ်ဝ​စွာ​ပေး​သနား​တော်မူ​သော ဘုရားသခင်​အပေါ်၌ မျှော်လင့်​အားထား​ကြ​ရန်​လည်းကောင်း၊

၁ တိ 6:9

ချမ်းသာ​လို​သော​သူ​တို့​သည် ဖြားယောင်း​သွေးဆောင်​ရာ​ထဲသို့​လည်းကောင်း၊ ထောင်ချောက်​ထဲသို့​လည်းကောင်း၊ လူ​တို့​ကို ပျက်စီး​ခြင်း​နှင့်​ဆုံးရှုံး​ခြင်း​တွင် နစ်မွန်း​စေ​တတ်​သော မိုက်မဲ​၍​အန္တရာယ်​ရှိ​သည့် တပ်မက်​ခြင်း​အမျိုးမျိုး​ထဲသို့​လည်းကောင်း ကျရောက်​တတ်​ကြ​၏။

လုကာ 12:15

ထို့နောက် လူ​တို့​အား“လောဘ​လွန်ကျူး​ခြင်း​အမျိုးမျိုး​ကို သတိပြု​၍​ရှောင်ကြဉ်​ကြ​လော့။ အကြောင်းမူကား လူ​၏​အသက်​သည် သူ​၏​ဥစ္စာ​ပစ္စည်း​ကြွယ်ဝ​မှု​အပေါ်၌​တည်​သည်​မ​ဟုတ်”​ဟု မိန့်​တော်မူ၏။

မဿဲ 13:22

ဆူးပင်​တို့​တွင် ကြဲ​ခြင်း​ခံရ​သည်​ဆိုသည်မှာ တရား​စကား​ကို​ကြား​သော်လည်း လောကီရေးရာ​၌​စိုးရိမ်​ပူပန်​ခြင်း​နှင့် စည်းစိမ်​၏​လှည့်ဖြား​ခြင်း​တို့​က တရား​စကား​ကို ကာဆီး​ပိတ်ဆို့​သဖြင့် အသီး​မ​သီး​သော​သူ​ကို​ဆို​လို​၏။

၃ ရာ 10:21

ရှောလမုန်​မင်းကြီး​၏​ဖလား​အသုံးအဆောင်​အားလုံး​မှာ ရွှေ​ဖြင့်​ပြုလုပ်​ထား​၏​။ လက်ဘနွန်​တော​စံနန်းဆောင်​၏​အသုံးအဆောင်​အားလုံး​မှာ​လည်း ရွှေ​စင်​ဖြင့်​ပြုလုပ်​ထား​၏​။ ငွေထည်​ပစ္စည်း​တစ်​ခု​မျှ​မ​ရှိ​။ ရှောလမုန်​မင်းကြီး​လက်ထက်​တွင် ငွေ​သည် တန်ဖိုး​မ​ရှိ​ဟု မှတ်ယူ​ကြ​၏​။

၂ ရာ 5:13

ဒါဝိဒ်​မင်းကြီး​သည် ဟေဗြုန်​မြို့​မှ ဂျေရုဆလင်​မြို့​သို့ ရောက်လာ​ပြီးနောက် ဂျေရုဆလင်​မြို့​တွင် မိဖုရား​များ​၊ မောင်းမငယ်​များ ထပ်​ယူ​ပြီး သား​သမီး​များ​လည်း ထပ်မံ​ရရှိ​လေ​၏​။

၂ ရာ 12:11

ထာဝရဘုရား​က ‘​ငါ​သည် သင့်​ကို ဘေးအန္တရာယ်​ပေး​မည့်​သူ​အား သင့်​မိသားစု​ထဲက ပေါ်ထွက်​စေ​မည်​။ သင့်​မျက်စိ​ရှေ့​တွင်​ပင် သင့်​မိဖုရား​တို့​ကို ယူ​ပြီး သင့်​အိမ်နီးချင်း​အား ပေး​မည်​။ သူ​သည် နေ့အချိန်​တွင်ပင် သင့်​မိဖုရား​တို့​နှင့်အတူ အိပ်​လိမ့်မည်​။

၃ ရာ 10:27

ရှင်ဘုရင်​သည် ဂျေရုဆလင်​မြို့​တွင် ငွေ​ကို ကျောက်ခဲ​သဖွယ်​၊ သစ်ကတိုးပင်​များ​ကို လွင်ပြင်​၌​ပေါက်​သော သင်္ဘောသဖန်းပင်​သဖွယ် အမြောက်အမြား​ထားရှိ​၏​။

၂ ရာ​ချုပ် 1:15

ရှင်ဘုရင်​သည် ဂျေရုဆလင်​မြို့​တွင် ရွှေ​ငွေ​တို့​ကို ကျောက်ခဲ​သဖွယ်​၊ သစ်ကတိုးပင်​များ​ကို လွင်ပြင်​၌​ပေါက်​သော သင်္ဘောသဖန်းပင်​သဖွယ် အမြောက်အမြား​ထားရှိ​၏​။

၂ ရာ​ချုပ် 11:21

ရောဗောင်​မင်းကြီး​သည် အဗရှလုံ​၏​သမီး​တော်​မာခါ​ကို အခြား​သော​မိဖုရား​၊ မောင်းမမိဿံ​တို့​ထက် ချစ်မြတ်နိုး​၏​။ သူ​၌ မိဖုရား​တစ်ဆယ့်​ရှစ်​ပါး​နှင့် မောင်းမမိဿံ​ခြောက်ဆယ်​ရှိ​ပြီး သား​တော် နှစ်ဆယ့်​ရှစ်​ယောက်​၊ သမီး​တော် အယောက်​ခြောက်ဆယ်​ရှိ​၏​။

သုတ္တံကျမ်း။ 31:3

သင်​၏​ခွန်အား​ကို မိန်းမ​တို့​အား​လည်းကောင်း​၊ သင်​၏​အားမာန်​တို့​ကို ရှင်ဘုရင်​တို့​ကို​ဖျက်ဆီး​တတ်​သော​သူ​တို့​အား​လည်းကောင်း မ​ပေး​နှင့်​။

၁ ရာ​ချုပ် 14:3

ဒါဝိဒ်​မင်းကြီး​သည် ဂျေရုဆလင်​မြို့​တွင် မိဖုရား​များ​ထပ်​ယူ​ပြီး သား​သမီး​များ​လည်း ထပ်မံ​ရရှိ​လေ​၏​။