တ​ရား​ဟော 16:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို​ပသခါယဇ်​ကို အီဂျစ်​ပြည်​မှ​သင်​ထွက်လာ​သော​အချိန်​ဖြစ်​သည့် ညနေ​နေဝင်ချိန်​မျိုး​တွင် နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​အရပ်​၌​သာ ပူဇော်​ရ​မည်​။

Garrad Bible

⁶ နာ မ တော် တည် ရန် ရွေး ချယ် တော် မူ မည့် ဌာ န၌ သာ နေ ဝင် ရာ ညဉ့် ဦး အ ချိန်၊ အိ ဂျစ် ပြည် မှ ထွက် လာ ကြ သော အ ချိန် တွင် ပူ ဇော် ကြ လော့။

Judson Bible

⁶ သင်၏​ဘု​ရား​သ​ခင် ထာ​ဝ​ရ​ဘု​ရား​သည်၊ နာ​မ​တော်​ကို တည်​စေ​ဖို့​ရာ ရွေး​ကောက်​တော်​မူ​သော အ​ရပ်​တွင်၊ သင်​သည် အဲ​ဂု​တ္တု​ပြည်​မှ ထွက်​လာ​သော​အ​ချိန်၊ နေ​ဝင်​ရာ​ညဉ့်​ဦး​ယံ​အ​ချိန်၌ ပ​သ​ခါ​ယဇ်​ကို ပူ​ဇော်​ရ​မည်။

တ​ရား​ဟော 16:6 ပူးပေါင်းရင်းမြစ်များ

ထွက်​မြောက် 20:24

သင်​တို့​သည် ငါ့​အတွက် မြေ​ယဇ်ပလ္လင်​ကို​တည်​၍ မီးရှို့ရာယဇ်​များ​၊ မိတ်သဟာယယဇ်​များ​အဖြစ် သင်​တို့​၏​သိုး​များ​၊ နွား​များ​ကို ယဇ်ပူဇော်​ရ​မည်​။ ထိုသို့ ငါ​၏​နာမ​တော်​ကို​အောက်မေ့​ရာ​အရပ်ရပ်​ရှိ သင်​တို့​ထံသို့ ငါ​ကြွလာ​၍ သင်​တို့​ကို​ကောင်းချီးပေး​မည်​။

တော​လည် 9:11

သူ​တို့​သည် ထို​ပွဲတော်​ကို ဒုတိယ​လ​၊ တစ်ဆယ့်​လေး​ရက်​နေ့ နေဝင်ချိန်​တွင် ကျင်းပ​ရ​မည်​။ သိုးသငယ်​အသား​ကို တဆေးမဲ့မုန့်​၊ ခါး​သော​ဟင်းရွက်​တို့​နှင့် စား​ရ​မည်​။

တော​လည် 9:3

သင်​တို့​သည် သတ်မှတ်​ထား​သော​အချိန်​ဖြစ်​သည့် ဤ​လ တစ်ဆယ့်​လေး​ရက်​နေ့ နေဝင်ချိန်​၌ ပြဋ္ဌာန်းချက်​၊ စီရင်ထုံးဖွဲ့ချက်​ရှိသမျှ​နှင့်အညီ ထို​ပွဲတော်​ကို ကျင်းပ​ရ​မည်​”​ဟု မိန့်​တော်မူ​၏​။

မဿဲ 26:20

ညနေချမ်း​အချိန်​ရောက်​သောအခါ ကိုယ်တော်​သည် တစ်ဆယ့်နှစ်​ပါး​သော​တပည့်​တော်​တို့​နှင့်အတူ စားပွဲ​၌​ထိုင်​တော်မူ​၏။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

တ​ရား​ဟော 16:5

သင့်​အား သင်​၏​ဘုရားသခင်​ထာဝရဘုရား​ပေး​တော်မူ​သော မည်သည့်​မြို့​၌​မျှ ပသခါယဇ်​ကို မ​ပူဇော်​ရ​။

ဟေ​ဗြဲ 9:26

ထိုသို့​ပူဇော်​ရ​လျှင် ကမ္ဘာ​တည်​ချိန်​မှစ၍ ဒုက္ခ​ဝေဒနာ​ကို အကြိမ်ကြိမ်​ခံစား​ရ​ပေ​လိမ့်မည်။ ယခု​မူကား မိမိ​ကိုယ်​ကို​ပူဇော်​ခြင်း​အားဖြင့် အပြစ်​တရား​ကို​ပယ်ဖျက်​ရန် ကပ်​ကာလ​အဆုံး​၌ တစ်ကြိမ်တည်း​ပေါ်ထွန်း​တော်မူ​၏။