တ​ရား​ဟော 16:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² နာမ​တော်​ကိန်းဝပ်​ရာ​အဖြစ် ထာဝရဘုရား​ရွေးချယ်​တော်မူ​သော​နေရာ​၌ သိုး​၊ နွား တို့​ကို ပသခါယဇ်​အဖြစ် သင်​၏​ဘုရားသခင်​ထာဝရဘုရား​ထံ ပူဇော်​ရ​မည်​။

Common Language Bible

² သင်​တို့​သည်​ကိုး​ကွယ်​ရာ​တစ်​ခု​တည်း​သော ဌာ​န​သို့​သွား​၍ သင်​တို့​၏​ဘု​ရား​သ​ခင် ထာ​ဝ​ရ​ဘု​ရား​၏​ဂုဏ်​တော်​ကို​ချီး​မွမ်း​ရန် ထို​ဌာ​န​တွင်​နွား​သို့​မ​ဟုတ်​သိုး​ကို​သတ် ၍​ပ​သ​ခါ​ပွဲ​ကို​ကျင်း​ပ​လော့။-

Garrad Bible

² နာ မ တော် တည် ရန် ရွေး ချယ် တော် မူ မည့် ဌာ န၌ သင် တို့ ဘု ရား သ ခင် ထာ ဝ ရ ဘု ရား ထံ နွား၊ သိုး၊ ဆိတ် တို့ အ နက် ထို ပ သ ခါ ယဇ် ကို ပူ ဇော် ကြ ရာ၊

Judson Bible

² ထာ​ဝ​ရ​ဘု​ရား​သည် နာ​မ​တော်​ကို တည်​စေ​ဖို့​ရာ ရွေး​ကောက်​တော်​မူ​သော​အ​ရပ်၌ သိုး​နွား​တို့​ကို ယဇ်​ပူ​ဇော်၍၊ သင်၏​ဘု​ရား​သ​ခင် ထာ​ဝ​ရ​ဘု​ရား​အား ပ​သ​ခါ​ပွဲ​ကို​ခံ​ရ​မည်။

တ​ရား​ဟော 16:2 ပူးပေါင်းရင်းမြစ်များ

၄ ရာ 23:21

ထို့နောက် ရှင်ဘုရင်​က ပြည်သူပြည်သား​အပေါင်း​တို့​အား “​ဤ​ပဋိညာဉ်​ကျမ်း​တွင် ရေးထား​သည့်​အတိုင်း သင်​တို့​၏​ဘုရားသခင်​ထာဝရဘုရား​အဖို့ ပသခါပွဲ​ကို ကျင်းပ​ကြ​လော့​”​ဟု မိန့်ဆို​၏​။

၂ ရာ​ချုပ် 35:7

ယောရှိ​မင်းကြီး​သည် ထို​နေရာ​တွင်​ရှိ​နေ​သော ပြည်သူပြည်သား​တို့​အဖို့ ပသခါယဇ်​အဖြစ် သိုးသငယ်​၊ ဆိတ်သငယ်​စုစုပေါင်း​အကောင်ရေ​သုံးသောင်း​၊ နွား​အကောင်ရေ​သုံးထောင်​တို့​ကို ရှင်ဘုရင်​ပိုင်ဆိုင်​ရာ​ထဲမှ လှူဒါန်း​ပေး​လေ​၏​။

တော​လည် 9:2

“​အစ္စရေး​အမျိုးသား​တို့​သည် သတ်မှတ်​ထား​သော​အချိန်​၌ ပသခါပွဲတော်​ကို​ကျင်းပ​ရ​မည်​။

မဿဲ 26:17

တဆေးမဲ့​မုန့်​ပွဲတော်​၏​ပထမ​နေ့​တွင် တပည့်​တော်​တို့​သည် ယေရှု​ထံသို့​ချဉ်းကပ်​၍ “ပသခါ​ပွဲတော်​ညစာ​ကို ကိုယ်တော်​သုံးဆောင်​ရန် အကျွန်ုပ်​တို့​အား မည်သည့်​နေရာ​၌ ပြင်ဆင်​စေ​လို​ပါ​သနည်း”​ဟု မေးလျှောက်​ကြ​၏။

မဿဲ 26:2

“ပသခါ​ပွဲတော်​ကျရောက်​ရန် နှစ်​ရက်​သာ​လို​တော့​သည်​ကို သင်​တို့​သိ​ကြ​၏။ ထိုအခါ လူ့သား​ကို လက်ဝါးကပ်တိုင်​ပေါ်၌​တင်​ရန် အပ်နှံ​ကြ​လိမ့်မည်”​ဟု မိန့်​တော်မူ​၏။

ရှင်မာကု 14:12

တဆေးမဲ့​မုန့်​ပွဲတော်​၏​ပထမ​နေ့​တည်းဟူသော ပသခါ​ပွဲတော်​အတွက် သိုးသငယ်​ကို​ပူဇော်​ရ​သော​နေ့​တွင် တပည့်​တော်​တို့​က “ပသခါ​ပွဲတော်​ညစာ​ကို​သုံးဆောင်​ရန် အကျွန်ုပ်​တို့​အား မည်သည့်​နေရာ​သို့​သွား​၍ ပြင်ဆင်​စေ​လို​ပါ​သနည်း”​ဟု ကိုယ်တော်​အား မေးလျှောက်​ကြ​၏။

လုကာ 22:15

ကိုယ်တော်​က“ငါ​သည် ဒုက္ခ​ဝေဒနာ​မ​ခံစား​ရ​မီ ဤ​ပသခါ​ပွဲတော်​ကို သင်​တို့​နှင့်အတူ​စား​ရန် အလွန်​အလိုရှိ​၏။

လုကာ 22:8

ကိုယ်တော်​သည် ပေတရု​နှင့်​ယောဟန်​တို့​အား“ပသခါ​ပွဲတော်​ကို ငါ​တို့​စား​ရန် သွား​၍​ပြင်ဆင်​ကြ​လော့”​ဟု မိန့်​တော်မူ​လျက် သူ​တို့​ကို​စေလွှတ်​တော်မူ​၏။

၁ ကော 5:7

သင်​တို့​သည် တဆေးမဲ့​ဖြစ်​ကြ​သည်​နှင့်အညီ အသစ်​သော​မုန့်ညက်​ဖြစ်​နိုင်​ရန် တဆေး​ဟောင်း​ကို​ဖယ်ရှား​ကြ​လော့။ အကြောင်းမူကား ငါ​တို့​၏​ပသခါ​ပွဲတော်​အတွက် သိုးသငယ်​တည်းဟူသော​ခရစ်တော်​သည် အသေ​သတ်​ခြင်း​ကို​ခံ​ခဲ့​ရ​လေ​ပြီ။

တ​ရား​ဟော 12:11

ထိုအခါ သင်​တို့​၏​ဘုရားသခင်​ထာဝရဘုရား​သည် နာမ​တော်​ကိန်းဝပ်​ရာ​နေရာ​ကို​ရွေးချယ်​တော်မူ​မည်​။ သင်​တို့​အား ငါ​မှာကြား​ထား​သမျှ​အတိုင်း သင်​တို့​၏​မီးရှို့ရာယဇ်​၊ ပူဇော်သက္ကာ​၊ ဆယ်ဖို့တစ်ဖို့​၊ အလှူပစ္စည်း​၊ ထာဝရဘုရား​ထံ သင်​တို့​ကတိသစ္စာ​ပြု​ထား​သည့် ကတိသစ္စာ​ဆိုင်ရာ​အကောင်းဆုံး​ပူဇော်သက္ကာ​ရှိသမျှ​တို့​ကို ထို​နေရာ​သို့ သင်​တို့​ယူဆောင်​လာ​ရ​မည်​။

တ​ရား​ဟော 12:14

မျိုးနွယ်​တစ်​နွယ်​ထဲရှိ ထာဝရဘုရား​ရွေးချယ်​တော်မူ​သော​နေရာ​၌​သာ မီးရှို့ရာယဇ်​ကို ပူဇော်​ရ​မည်​။ ထို​နေရာ​၌ ငါ​မှာကြား​ထား​သမျှ​ကို သင်​ပြု​ရ​မည်​။

တ​ရား​ဟော 12:18

သင်​မှစ၍ သင်​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင်​၏​မြို့​တံခါး​အတွင်း​ရှိ လေဝိ​အမျိုး​များ​သည် ထို​ပူဇော်သက္ကာ​တို့​ကို သင်​၏​ဘုရားသခင်​ထာဝရဘုရား​ရှေ့​တော်​၊ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၌​သာ စား​ရ​မည်​။ သင်​လုပ်ဆောင်​လေရာရာ​အတွက် သင်​၏​ဘုရားသခင်​ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:26

သင်​ပူဇော်​ရ​မည့် သန့်ရှင်း​သော​ပူဇော်သက္ကာ​၊ ကတိသစ္စာ​ဆိုင်ရာ​ပူဇော်သက္ကာ တို့​ကို​ယူ​၍ ထာဝရဘုရား​ရွေးချယ်​တော်မူ​သော​နေရာ​သို့ သွား​ရ​မည်​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

တ​ရား​ဟော 15:20

သင်​နှင့်​သင်​၏​အိမ်သူအိမ်သား​တို့​သည် ထို​နွား​သားဦး​၊ သိုး​သားဦး​တို့​ကို သင်​၏​ထာဝရဘုရား​ရွေးချယ်​တော်မူ​သော​နေရာ​၊ သင်​၏​ဘုရားသခင်​ထာဝရဘုရား​ရှေ့​တော်​၌ နှစ်စဉ်နှစ်တိုင်း​စား​ရ​မည်​။

တ​ရား​ဟော 16:1

သင်​၏​ဘုရားသခင်​ထာဝရဘုရား​သည် အဗိဗ​လ​၊ ညအချိန်​တွင် သင့်​ကို အီဂျစ်​ပြည်​မှ ထုတ်ဆောင်​တော်မူ​ခဲ့​သည်​ဖြစ်၍ အဗိဗ​လ​ကို အလေးထား​လျက် သင်​၏​ဘုရားသခင်​ထာဝရဘုရား​အဖို့ ပသခါပွဲ​ကို ကျင်းပ​ရ​မည်​။

တ​ရား​ဟော 16:3

သင်​သည် အီဂျစ်​ပြည်​မှ အလျင်စလို​ထွက်လာ​သောကြောင့် တဆေးမဲ့​ဆင်းရဲဒုက္ခ​မုန့်​ကို​စား​ခဲ့​ရ​၏​။ သို့ဖြစ်၍ သင်​အသက်ရှင်​သမျှ​ကာလ​ပတ်လုံး အီဂျစ်​ပြည်​မှ​ထွက်လာ​သော​နေ့​ကို​အောက်မေ့​မည့်​အကြောင်း ခုနစ်​ရက်​ပတ်လုံး ပသခါယဇ်​ကို​တဆေးမဲ့မုန့်​နှင့်​စား​ရ​မည်​။