တ​ရား​ဟော 15:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သင်​သည် ‘​အကြွေးလျှော်ပစ်​ခြင်း​နှစ်​ဖြစ်​သော ခုနစ်​နှစ်​မြောက်​သော​နှစ်​ရောက်​လု​နီး​ပြီ​’​ဟု တွေး​လျက် နွမ်းပါး​သော သင်​၏​ညီအစ်ကို​အား မကြည်ဖြူ​၊ ဘာမျှ​မ​ပေး​ဘဲ​နေ​ခြင်း​ဖြင့် ဆိုးညစ်​သော​စိတ် မ​ဝင်​မိ​စေရန်​သတိပြု​လော့​။ သို့မဟုတ်လျှင် သူ​သည် ထာဝရဘုရား​ထံ​ဟစ်အော်​သဖြင့် သင့်​အပေါ်​အပြစ်​သက်ရောက်​မည်​။

Common Language Bible

⁹ အ​ကြွေး​ကို​သင်​ပုန်း​ချေ​ပယ်​ဖျက်​ရ​မည့်​နှစ် နီး​လာ​သ​ဖြင့် ထို​သူ​အား​မ​ချေး​ငှား​ဘဲ မ​နေ​နှင့်။ သင်​၌​ထို​ကဲ့​သို့​တွန့်​တို​သော​စိတ် မ​ဝင်​စေ​ရ။ သင်​သည်​သူ့​အား​မ​ချေး​ငှား​လျှင် သူ​သည်​ထာဝရ​ဘုရား​ထံ​တိုင်​တန်း​သ​ဖြင့် သင် သည်​အ​ပြစ်​ကူး​လွန်​ရာ​ရောက်​လိမ့်​မည်။-

Garrad Bible

⁹ လွတ် ငြိမ်း ရာ သ တ္တ မ နှစ် ရောက် လု ပြီ ဟူ၍ ယုတ် မာ သော အ ကြံ နှင့် ထို နွမ်း ပါး သူ သား ချင်း အား တွန့် တို လျက် မ ပေး ကမ်း ဘဲ နေ သ ဖြင့် ထာ ဝ ရ ဘု ရား ထံ ထို သူ အော် ဟစ် ခြင်း ကြောင့် ပြစ် ဒဏ် မ သင့် ရန် သ တိ မူ လော့။

Judson Bible

⁹ သင့်​စိတ်​နှ​လုံး၌ ဆိုး​ညစ်​သော​သ​ဘော​ရှိ၍၊ သ​တ္တ​မ​နှစ်​တည်း​ဟူ​သော လွှတ်​ရာ​နှစ်​နီး​ပြီ​ဟု အောက်​မေ့​လျက်၊ ထို​ဆင်း​ရဲ​သော ညီ​အစ်​ကို​ကို မ​နာ​လို​သော​စိတ်​ရှိ၍၊ ဘာ​မျှ​မ​ပေး​ဘဲ​နေ​လျှင် သူ​သည် ထာ​ဝ​ရ​ဘု​ရား​အား​အော်​ဟစ်​သ​ဖြင့်၊ သင်၌​အ​ပြစ်​မ​ရောက်​မည်​အ​ကြောင်း သ​တိ​ပြု​လော့။

တ​ရား​ဟော 15:9 ပူးပေါင်းရင်းမြစ်များ

ယောဘဝတ္တု။ 34:28

ဆင်းရဲ​သော​သူ​တို့​၏​ငိုကြွေးသံ​ကို အထံ​တော်​သို့ ရောက်​စေ​၍ အဖိနှိပ်​ခံရ​သော​သူ​တို့​၏​ငိုကြွေးသံ​ကို ကိုယ်တော်​ကြား​တော်မူ​၏​။

ဆာ​လံ 101:3

ဆိုးညစ်​သော​အမှုအရာ​ကို အကျွန်ုပ်​မျက်မှောက်​မ​ပြု​ပါ​။ လမ်းလွဲ​သော​သူ​တို့​ပြု​သော​အမှု​ကို​လည်း အကျွန်ုပ်​မုန်း​သည်​ဖြစ်၍ အကျွန်ုပ်​ကို ငြိတွယ်​မည်​မ​ဟုတ်​ပါ​။

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဆာ​လံ 9:12

အကြောင်းမူကား သွေးကြွေး​ပြန်တောင်း​တတ်​သော ကိုယ်တော်​သည် ထို​သူ​တို့​ကို​အောက်မေ့​တော်မူ​၏​။ ဖိစီးနှိပ်စက်​ခြင်း​ခံရ​သော​သူ​တို့​၏ အော်ဟစ်တောင်းလျှောက်သံ​ကို မေ့လျော့​တော်​မ​မူ​ပါ​။

ထွက်​မြောက် 22:22

မည်သည့်​မုဆိုးမ​၊ မည်သည့်​မိဘမဲ့သူ​ကို​မျှ မ​နှိပ်စက်​ရ​။

ထွက်​မြောက် 22:23

အကယ်၍ သင်​နှိပ်စက်​၍ သူ​တို့​သည် ငါ့​ထံ အော်ဟစ်​မည်​ဆိုလျှင် သူ​တို့​၏​အော်ဟစ်ငိုကြွေးသံ​ကို ငါ​အသေအချာ​နားထောင်​မည်​။

ထွက်​မြောက် 3:7

ထာဝရဘုရား​က “​အီဂျစ်​ပြည်​၌​ရှိ​သော​ငါ့​လူမျိုး​တော်​ခံရ​သည့် ဖိစီးနှိပ်စက်မှု​ကို အမှန်တကယ် ငါ​မြင်​ပြီ​။ အဓမ္မ​စေခိုင်း​သူ​များ​ကြောင့် သူ​တို့​၏​အော်ဟစ်ငိုကြွေးသံ​ကို​လည်း ငါ​ကြား​ပြီ​။ အကယ်စင်စစ် သူ​တို့​၏​ဒုက္ခဝေဒနာ​များ​ကို ငါ​သိ​ပြီ​။

သုတ္တံကျမ်း။ 14:21

မိမိ​၏​အိမ်နီးချင်း​ကို မထီမဲ့မြင်ပြု​သော​သူ​သည် အပြစ်ပြု​သော​သူ​ဖြစ်​၏​။ ဆင်းရဲချို့တဲ့​သော​သူ​တို့​ကို သနား​သော​သူ​မူကား မင်္ဂလာ​ရှိ​၏​။

သုတ္တံကျမ်း။ 21:13

ဆင်းရဲ​သော​သူ​၏​ငိုကြွေးသံ​ကို​မ​ကြား​လို​၍ မိမိ​နား​ကို​ပိတ်​ထား​သော​သူ​သည် ကိုယ်တိုင်​ဟစ်ခေါ်​သောအခါ မည်သူမျှ သူ့​ကို​ထူး​လိမ့်မည်​မ​ဟုတ်​။

သုတ္တံကျမ်း။ 23:6

စေးနှဲ​သော​သူ​၏​အစားအစာ​ကို​မ​စား​နှင့်​။ သူ​၏​စားကောင်း​သောက်ဖွယ်​များ​ကို​လည်း မ​တောင့်တ​နှင့်​။

သုတ္တံကျမ်း။ 24:9

မိုက်မဲ​ဆိုးညစ်​သော​အကြံ​သည် အပြစ်​ဖြစ်​၏​။ ပြက်ရယ်​ပြု​တတ်​သော​သူ​သည်​လည်း လူ​တို့​အတွက်​စက်ဆုပ်ရွံရှာဖွယ်​ဖြစ်​၏​။

သုတ္တံကျမ်း။ 28:22

စေးနှဲ​သော​သူ​သည် စည်းစိမ်ဥစ္စာ​ရ​ရန် အလျင်စလို​လုပ်ဆောင်​သော်လည်း ဆင်းရဲ​ခြင်း​သည် သူ့​ထံသို့​ရောက်လာ​မည်​ကို သူ​မ​သိ​ချေ​။

သုတ္တံကျမ်း။ 4:23

သင်​၏​စိတ်နှလုံး​ကို သတိဝီရိယ​ရှိသမျှ​နှင့် ထိန်းသိမ်းစောင့်ရှောက်​လော့​။ အကြောင်းမူကား ၎င်း​သည် အသက်​၏​အရင်းအမြစ်​ဖြစ်​၏​။

ယေ​ရ​မိ 17:10

ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။

ယေ​ရ​မိ 34:14

သင့်​ထံ ကိုယ့်ကိုယ်ကိုယ် ကျွန်​အဖြစ်​ရောင်း​လိုက်​သော ဟေဗြဲ​အမျိုးသားချင်း​တို့​ကို သတ္တမ​နှစ်​အဆုံး​တွင် လွတ်မြောက်​ခွင့်​ပေး​ရ​မည်​။ သင့်​ထံ ခြောက်​နှစ်​အစေခံ​ပြီးလျှင် သူ့​ကို​လွတ်မြောက်​ခွင့်​ပေး​ရ​မည်​ဟု ဆို​သော်လည်း သင်​တို့​၏​ဘိုးဘေး​တို့​သည် ငါ့​စကား​ကို နား​မ​ထောင်​ကြ​၊ ဂရု​မ​စိုက်​ကြ​။

မဿဲ 15:19

အကြောင်းမူကား မကောင်း​သော​တွေးတော​ကြံစည်​မှု​များ၊ လူ​သတ်​ခြင်း၊ အိမ်ထောင်ရေး​ဖောက်ပြန်​မှု​ကို​ကျူးလွန်​ခြင်း၊ တရားနှင့်မညီ​မေထုန်ပြု​ခြင်း၊ ခိုးယူ​ခြင်း၊ မမှန်​သော​သက်သေ​ထွက်ဆို​ခြင်း​နှင့် စော်ကား​ပြောဆို​ခြင်း​တို့​သည် စိတ်နှလုံး​ထဲမှ​ထွက်လာ​ကြ​၏။

မဿဲ 20:15

ငါ​ပိုင်ဆိုင်​သော​ဥစ္စာ​ဖြင့် ငါ​ပြု​လို​သည့်​အရာ​ကို ငါ​ပြု​ပိုင်​ခွင့်​မ​ရှိ​သလော။ သို့မဟုတ် ငါ​သည် သဘော​ကောင်း​သောကြောင့် သင်​သည် မရှုဆိတ်​ဖြစ်​နေ​သလော’​ဟု ဆို​လေ​၏။

တ​ရား​ဟော 15:1

ခုနစ်​နှစ်​ပြည့်​သောအခါ​တိုင်း အကြွေးလျှော်ပစ်​ခြင်း​ကို ပြု​ရ​မည်​။

တ​ရား​ဟော 24:15

သူ​သည် ဆင်းရဲ​သဖြင့် မိမိ​လုပ်အားခ​ကို​မှီ​၍ အသက်ဆက်​ရ​သောကြောင့် သူ​၏​လုပ်အားခ​ကို နေ​မ​ဝင်​မီ နေ့ချင်း​ပေး​ရ​မည်​။ မပေးဘဲနေလျှင် သူ​သည် ထာဝရဘုရား​ထံ​ဟစ်အော်​သဖြင့် သင့်​အပေါ်​အပြစ်​သက်ရောက်​လိမ့်မည်​။

တ​ရား​ဟော 31:10

ထို့နောက် မောရှေ​က သူ​တို့​အား “​အကြွေးလျှော်ပစ်​ရန်​သတ်မှတ်​ထား​သော​နှစ်​ဖြစ်​သည့် ခုနစ်​နှစ်​ပြည့်​သော​နှစ်​၊ ယာယီတဲစု​ပွဲတော်​အချိန်​ရောက်​တိုင်း

ယာ​ကုပ် 4:17

သို့ဖြစ်၍ မည်သူမဆို ကောင်း​သော​အမှု​ကို​လုပ်ဆောင်​ရန် သိ​လျက်​နှင့်​မ​လုပ်​ဘဲ​နေ​လျှင် သူ့​အတွက်​အပြစ်​ဖြစ်​၏။

ယာ​ကုပ် 4:5

သို့မဟုတ် ကျမ်းစာ​က “ကိုယ်တော်​သည် ငါ​တို့​၌ ကိန်းဝပ်​စေ​တော်မူ​သော​ဝိညာဉ်​ကို သဝန်တို​သော​သဘော​ဖြင့် တောင့်တ​တော်မူ​၏”​ဟူ၍ အကြောင်းမဲ့​ဆို​ထား​သည်​ဟု သင်​တို့​ထင်​ကြ​သလော။

ယာ​ကုပ် 5:4

ကြည့်​ကြ​လော့။ သင်​တို့​လယ်ကွင်း​၌​ရိတ်သိမ်း​ပေး​သည့် အလုပ်သမား​တို့​ကို သင်​တို့​လိမ်ညာ​၍​မ​ပေး​ဘဲ​နေ​သော လုပ်အားခ​များ​သည် အော်ဟစ်​နေ​ကြ​၏။ ရိတ်သိမ်း​သော​သူ​တို့​၏​အော်ဟစ်​သံ​များ​သည်​လည်း ကောင်းကင်​ဗိုလ်ခြေ​အရှင်​ထာဝရ​ဘုရား​၏​နား​တော်​သို့ ရောက်​လေ​ပြီ။

ယာ​ကုပ် 5:9

ညီအစ်ကို​တို့၊ စီရင်​ခြင်း​မ​ခံရ​မည့်​အကြောင်း တစ်ဦး​အပေါ်​တစ်ဦး ပြစ်တင်​ညည်းညူ​ခြင်း​ကို​မ​ပြု​ကြ​နှင့်။ ကြည့်​ကြ​လော့။ တရား​စီရင်​သော​အရှင်​သည် တံခါး​ရှေ့၌​ရပ်​နေ​တော်မူ​ပြီ။

၁ ပေ 4:9

ညည်းညူ​ခြင်း​မ​ရှိ​ဘဲ အချင်းချင်း​ဧည့်ဝတ်​ကျေပွန်​ကြ​လော့။