တ​ရား​ဟော 11:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သင်​တို့​ခြေချ​ရာ​မြေ​ဟူသမျှ​ကို သင်​တို့​ပိုင်ဆိုင်​ရ​လိမ့်မည်​။ သင်​တို့​၏​နယ်မြေ​သည် တောကန္တာရ​မှ လက်ဘနွန်​တောင်​တိုင်အောင်​၊ ယူဖရေးတီး​မြစ်​မှ အနောက်ဘက်​ပင်လယ်​တိုင်အောင် ဖြစ်​လိမ့်မည်​။

Common Language Bible

²⁴ သင်​တို့​ခြေ​နင်း​သ​မျှ​သော​မြေ​ကို​ပိုင်​ရ​လိမ့် မည်။ သင်​တို့​၏​နယ်​မြေ​သည်​တောင်​ဘက်​တော ကန္တာ​ရ​မှ မြောက်​ဘက်​လေ​ဗ​နုန်​တောင်​သို့​တိုင် အောင်​လည်း​ကောင်း၊ အ​ရှေ့​ဘက်​ဥ​ဖ​ရတ်​မြစ် မှ​အ​နောက်​ဘက်​မြေ​ထဲ​ပင်​လယ်​သို့​တိုင်​အောင် လည်း​ကောင်း​ကျယ်​ပြန့်​လိမ့်​မည်။-

Garrad Bible

²⁴ ခြေ ချ ရာ အ ရပ် ရပ် ကို ပိုင် ယူ လျက်၊ သဲ က န္တာ ရ မှ လေ ဗ နုန် တောင် အ ထိ၊ ဥ ဖ ရတ် မြစ် ကြီး မှ နောက် မျက် နှာ ပင် လယ် ကမ်း ခြေ အ ထိ၊ သင် တို့ ပြည် ထောင် ဖြစ် လိမ့် မည်။

Judson Bible

²⁴ သင်​တို့​သည် ခြေ​နှင့်​နင်း​သ​မျှ​သော​အ​ရပ်​ကို ပိုင်​သ​ဖြင့်၊ တော​မှ​စ၍ လေ​ဗ​နုန်​တောင်​တိုင်​အောင်​လည်း​ကောင်း၊ ဥ​ဖ​ရတ်​မြစ်​ကြီး​မှ​စ၍ ပင်​လယ်​ကမ်း​နား​တိုင်​အောင်​လည်း​ကောင်း၊ မြေ​တစ်​လျှောက်​လုံး​သည် သင်​တို့၏​နိုင်​ငံ​အ​ဝင် ဖြစ်​လိမ့်​မည်။

တ​ရား​ဟော 11:24 ပူးပေါင်းရင်းမြစ်များ

၃ ရာ 4:21

ရှောလမုန်​မင်းကြီး​သည် ယူဖရေးတီး​မြစ်​မှစ၍ ဖိလိတ္တိ​ပြည်​၊ အီဂျစ်​ပြည်​နယ်နိမိတ်​တိုင်အောင် တိုင်းနိုင်ငံ​အလုံးစုံ​ကို အုပ်ချုပ်​ရ​၏​။ ထို​တိုင်းနိုင်ငံ​တို့​သည် ရှောလမုန်​မင်းကြီး​အသက်ရှင်​သမျှ​ကာလ​ပတ်လုံး လက်ဆောင်ပဏ္ဏာ​ဆက်သ​ရ​သော​လက်အောက်ခံ​နိုင်ငံ​များ ဖြစ်​ကြ​၏​။

၃ ရာ 4:24

သူ​သည် တိဖသ​မြို့​မှ ဂါဇ​မြို့​အထိ ယူဖရေးတီး​မြစ်​အနောက်ဘက်ကမ်း​တစ်လျှောက်လုံး​ကို ပိုင်​၏​။ ယူဖရေးတီး​မြစ်​အနောက်ဘက်​ကမ်း​ရှိ​ဘုရင်​အားလုံး​တို့​ကို အုပ်စိုး​ရ​ပြီး သူ့​ဝန်းကျင်​တစ်ခွင်​မှာ ငြိမ်းချမ်းသာယာ​ခြင်း​ရှိ​လေ​၏​။

၂ ရာ​ချုပ် 9:26

သူ​သည် ယူဖရေးတီး​မြစ်​မှစ၍ ဖိလိတ္တိ​ပြည်​၊ အီဂျစ်​ပြည်​အစွန်အဖျား​တိုင်အောင် ရှင်ဘုရင်​အပေါင်း​တို့​ကို အုပ်ချုပ်​ရ​၏​။

ထွက်​မြောက် 23:31

သင်​၏​နယ်နိမိတ်​ကို ပင်လယ်နီ​မှ ဖိလိတ္တိ​ပင်လယ်​တိုင်အောင်​လည်းကောင်း​၊ တောကန္တာရ​မှ ယူဖရေးတီး​မြစ်​တိုင်အောင်​လည်းကောင်း ငါ​သတ်မှတ်​မည်​။ အကြောင်းမူကား ငါ​သည် ထို​ပြည်​၌​နေထိုင်​သော​သူ​တို့​ကို သင်​တို့​လက်​သို့​အပ်​သဖြင့် သင်​သည် သူ​တို့​ကို သင့်​ရှေ့​မှ နှင်ထုတ်​လိမ့်မည်​။

ယော​လ 2:20

မြောက်ပိုင်း​ရန်သူ​ကို သင်​တို့​နှင့်​ဝေး​စေ​မည်​။ သူ့​ကို လူသူကင်းမဲ့​၍ တိတ်ဆိတ်​သော​ပြည်​သို့ နှင်ထုတ်​မည်​။ သူ​၏​တပ်ဦး​စစ်သည်​ကို အရှေ့​ပင်လယ်​ထဲသို့​လည်းကောင်း​၊ သူ​၏​နောက်ရံ​စစ်သည်​ကို အနောက်​ပင်လယ်​ထဲသို့​လည်းကောင်း နှင်ထုတ်​မည်​။ သူ့​ထံမှ​အပုပ်နံ့​၊ အသိုးနံ့​တို့ ထွက်​လိမ့်မည်​။ အကြောင်းမူကား သူ​သည် အမှု​ကြီး​ကို ပြု​လေ​ပြီ”​ဟု ပြန်လည်​မိန့်ဆို​တော်မူ​မည်​။

တ​ရား​ဟော 1:7

ခရီးစပြု​ကြ​လော့​။ အာမောရိ​တောင်ပေါ်ဒေသ​နှင့် ထို​ဒေသ​အနီး​ရှိ အရာဗ​လွင်ပြင်​၊ တောင်ပေါ်ဒေသ​၊ မြေနိမ့်ဒေသ​၊ နေဂေ့​အရပ်​သို့​လည်းကောင်း​၊ ပင်လယ်​ကမ်းခြေဒေသ​သို့​လည်းကောင်း​၊ ခါနာန်​ပြည်​သို့​လည်းကောင်း​၊ လက်ဘနွန်​တောင်​မှ ယူဖရေးတီး​မြစ်​ကြီး​တိုင်အောင်​လည်းကောင်း လှည့်​သွား​လော့​။

တ​ရား​ဟော 1:8

ထို​ပြည်​ကို သင်​တို့​အား ငါ​ပေး​ပြီ​။ ထို​ပြည်​ကို သင်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ ယာကုပ်​မှစ၍ နောင်လာမည့်​သားစဉ်မြေးဆက်​တို့​အား ပေး​မည်​ဟု ထာဝရဘုရား​ကျိန်ဆို​တော်မူ​သည်​နှင့်အညီ ဝင်​၍​သိမ်းပိုက်​ကြ​လော့​’​ဟု မိန့်​တော်မူ​၏​။

တ​ရား​ဟော 12:20

သင်​၏​ဘုရားသခင်​ထာဝရဘုရား​ကတိထား​တော်မူ​သည့်​အတိုင်း သင်​၏​နယ်မြေ​ကို ကျယ်ဝန်း​စေ​တော်မူ​သောအခါ သင်​သည် အသား​စား​လို​သော​စိတ်​ရှိ​၍ ‘​ငါ​အသား​စား​မည်​’​ဟု ဆို​လျှင် သင်​၏​စိတ်ဆန္ဒ​ရှိသမျှ​အတိုင်း စား​ခွင့်​ရှိ​၏​။

တ​ရား​ဟော 34:2

နဿလိ​ပြည်​တစ်လျှောက်လုံး​၊ ဧဖရိမ်​နှင့်​မနာရှေ​ပြည်​၊ ယုဒ​ပြည်​တစ်လျှောက်လုံး​မှစ၍ အနောက်ဘက် ပင်လယ်​တိုင်အောင်​လည်းကောင်း​၊

ယော​ရှု 14:9

ထို့ကြောင့် ထို​နေ့​တွင် မောရှေ​က ‘​သင်​သည် ငါ​၏​ဘုရားသခင် ထာဝရဘုရား​နောက်​တော်​သို့ အစဉ်တစ်စိုက်​လိုက်​သောကြောင့် သင်​ခြေချ​သော​မြေ​သည် သင်​နှင့်​သင့်​သားမြေး​တို့​အတွက် အမွေမြေ​အစဉ်​ဖြစ်​ရ​မည်​’​ဟု ကျိန်ဆို​ခဲ့​ပါ​၏​။