တော​လည် 8:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ သူ​တို့​သည် နွားထီး​ပျို​တစ်​ကောင်​နှင့်အတူ ဘောဇဉ်ပူဇော်သက္ကာ​အဖြစ် ဆီ​နှင့်​ရော​သော​အကောင်းဆုံး​ဂျုံမှုန့်​ကို ယူဆောင်​လာ​ရ​မည်​။ သင်​သည်​လည်း အပြစ်ဖြေရာယဇ်​အတွက် နွားထီးပျို​နောက်​တစ်​ကောင်​ကို ယူလာ​ရ​မည်​။

Common Language Bible

⁸ ထို​နောက်​သူ​တို့​သည်​နွား​ထီး​ပေါက်​တစ်​ကောင် နှင့်​ဘော​ဇဉ်​သ​ကာ​အ​ဖြစ် သံ​လွင်​ဆီ​ရော​ထား သော​မုန့်​ညက်​ကို​ယူ​ဆောင်​ခဲ့​စေ​ရ​မည်။ အ​ပြစ် ဖြေ​ရာ​ယဇ်​အ​တွက်​နောက်​ထပ်​နွား​တစ်​ကောင် ယူ​ဆောင်​ခဲ့​ရ​မည်။-

Garrad Bible

⁸ နွား ပေါက် တစ် ကောင် နှင့် ဆိုင် ရာ ဘော ဇဉ် သ က္ကာ ဖြစ် သော ဆီ ရော ပြီး မုန့် ညက် ပါ ဆောင် ယူ ခြင်း များ ကို ပြု ကြ စေ။ အ ပြစ် ဖြေ ရာ သ က္ကာ အ ဖြစ် နွား ပေါက် တစ် ကောင် ကို သင် ထပ် ယူ ပြီး လျှင်၊

Judson Bible

⁸ ဆီ​ရော​သော​မုန့်​ညက်​တည်း​ဟူ​သော ဘော​ဇဉ်​ပူ​ဇော်​သ​ကာ​နှင့်​တ​ကွ၊ အ​သက်​ပျို​သော​နွား​ထီး​တစ်​ကောင်၊ အ​ပြစ်​ဖြေ​ရာ​ယဇ်​ဖို့ အ​သက်​ပျို​သော နွား​ထီး​တစ်​ကောင်​ကို​ယူ​ပြီး​လျှင်၊

တော​လည် 8:8 ပူးပေါင်းရင်းမြစ်များ

ထွက်​မြောက် 29:1

အာရုန်​နှင့်​သူ​၏​သား​တို့​သည် ယဇ်ပုရောဟိတ်​အဖြစ် ငါ့​ထံ၌​အမှု​တော်​ကို​ဆောင်ရွက်​ရာ​တွင် သူ​တို့​သန့်ရှင်း​ရန် သင်​ပြု​ရ​မည့်​အရာ​ကား ဤသို့​တည်း​။ နွားအုပ်​ထဲမှ နွားထီးပျို​တစ်​ကောင်​နှင့် အပြစ်အနာအဆာကင်း​သော​သိုးထီး​နှစ်​ကောင်​ကို ယူ​လော့​။

ထွက်​မြောက် 29:3

တောင်း​တစ်​လုံး​ထဲ၌​ထည့်​၍ ထို​တောင်း​ထဲ​ရှိ​မုန့်​များ​နှင့်အတူ နွားထီး​တစ်​ကောင်​နှင့်​သိုးထီး​နှစ်​ကောင်​ကို ယူဆောင်​ခဲ့​ရ​မည်​။

ဟေ​ရှာ​ယ 53:10

ထာဝရဘုရား​သည် သူ့​ကို​ချိုးဖဲ့ခြေမွှ​ရန် အလို​တော်​ရှိ​၏​။ သူ့​ကို​နာကျင်​စေ​တော်မူ​၏​။ သူ​၏​စိတ်ဝိညာဉ်​သည် အပြစ်ဒဏ်ဖြေရာယဇ်​ကို ပူဇော်​ပြီးလျှင် သူ​သည် သားစဉ်မြေးဆက်​ကို​မြင်​ရ​မည်​။ သူ​၏​နေ့ရက်​တို့​သည် ရှည်​၍ ထာဝရဘုရား​၏​အလို​တော်​သည် သူ​၏​လက်​၌ ပြည့်စုံ​ခြင်း​သို့​ရောက်​မည်​။

ဝတ်​ပြု 1:3

သူ​သည် နွား​ကို မီးရှို့ရာယဇ်​အဖြစ်​ပူဇော်​လို​လျှင် အပြစ်အနာအဆာကင်း​သော​နွား​ထီး​ကို ပူဇော်​ရ​မည်​။ ထာဝရဘုရား လက်ခံ​တော်မူ​မည့်​အကြောင်း ထို​နွား​ကို တွေ့ဆုံစည်းဝေးရာ​တဲ​တော်​အဝင်ဝ​၌ ပူဇော်​ရ​မည်​။

ဝတ်​ပြု 16:3

အာရုန်​သည် သန့်ရှင်းရာဌာန​သို့ လာ​သောအခါ သူ​သည် အပြစ်ဖြေရာယဇ်​အတွက် နွားအုပ်​ထဲမှ​နွားထီးပျို​တစ်​ကောင်​၊ မီးရှို့ရာယဇ်​အတွက် သိုးထီး​တစ်​ကောင်​ယူလာ​ရ​မည်​။

ဝတ်​ပြု 2:1

တစ်စုံတစ်ယောက်​သည် ထာဝရဘုရား​အား ဘောဇဉ်ပူဇော်သက္ကာ​ကို ပူဇော်​လို​လျှင် အကောင်းဆုံး​ဂျုံမှုန့်​ကို ပူဇော်​ရ​မည်​။ ဂျုံမှုန့်​ပေါ်တွင် ဆီ​ကို​လောင်း​၍ လော်ဗန်​ကို တင်​ထား​ပြီးလျှင်

ဝတ်​ပြု 4:14

သူ​တို့​ကျူးလွန်​သော​အပြစ်​ထင်ရှား​လျှင် ထို​လူအစုအဝေး​သည် နွားအုပ်​ထဲမှ နွားထီးပျို​တစ်​ကောင်​ကို အပြစ်ဖြေရာယဇ်​အဖြစ် ပူဇော်​ရ​မည်​။ ထို​နွားထီး​ကို တွေ့ဆုံစည်းဝေးရာ​တဲ​တော်​ရှေ့​သို့ ဆွဲခေါ်​လာ​ရ​မည်​။

ဝတ်​ပြု 4:3

ဘိသိက်ခံ​ယဇ်ပုရောဟိတ်​သည် အပြစ်ပြု​သဖြင့် လူ​တို့​အပေါ် အပြစ်​သက်ရောက်​စေ​လျှင်​လည်းကောင်း သူ​ကျူးလွန်​သော​အပြစ်​အတွက် အပြစ်ဖြေရာယဇ်​အဖြစ် အပြစ်အနာအဆာကင်း​သည့် နွားထီးပျို​တစ်​ကောင်​ကို ထာဝရဘုရား​အား ပူဇော်​ရ​မည်​။

ဝတ်​ပြု 8:2

“​အာရုန်​နှင့်​သူ​၏​သား​များ​၊ အဝတ်တန်ဆာ​များ​၊ ဘိသိက်​ဆီ​၊ အပြစ်ဖြေရာယဇ်​ဖြစ်​သော​နွားထီး​တစ်​ကောင်​၊ သိုးထီး​နှစ်​ကောင်​၊ တဆေးမဲ့မုန့်​တောင်း​ကို ယူဆောင်​လာ​ပြီး

ရော​မ 8:3

ဘုရားသခင်​သည် မိမိ​၏​သား​တော်​ကို အပြစ်​နှင့်​ပြည့်ဝ​သည့် သွေးသား​ဇာတိ​နှင့်​တူညီ​သော​သဏ္ဌာန်​၌ အပြစ်​အတွက်​စေလွှတ်​တော်မူ​၍ သွေးသား​ဇာတိ​၌​ရှိ​သော​အပြစ်​ကို ဒဏ်ခတ်​တော်မူ​ပြီး သွေးသား​ဇာတိ​ကြောင့် အားနည်း​၍ ပညတ်​တရား​မ​ဆောင်ရွက်​နိုင်​သော​အမှု​ကို ဆောင်ရွက်​ပေး​တော်မူ​၏။

၂ ကော 5:21

ဘုရားသခင်​သည် အပြစ်​ကင်းစင်​သော​အရှင်​ကို ငါ​တို့​အတွက် အပြစ်​ဖြစ်​သွား​စေ​တော်မူ​၏။ ဤသည်ကား ငါ​တို့​သည် ထို​အရှင်​အားဖြင့် ဘုရားသခင်​၏​ဖြောင့်မတ်​ခြင်း​ဖြစ်လာ​မည့်​အကြောင်း​တည်း။