တော​လည် 6:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ အကောင်းဆုံး​ဂျုံမှုန့်​ကို ဆီ​ဖြင့်​ရော​၍​လုပ်​ထား​သည့် တဆေးမဲ့​မုန့်လုံး​နှင့် ဆီ​လူး​ထား​သည့်​တဆေးမဲ့​မုန့်ကြွပ် တစ်​တောင်း​ကို ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့​နှင့်အတူ ထာဝရဘုရား​ထံ ယူဆောင်​လာ​ရ​မည်​။

Common Language Bible

¹⁵ သံ​လွင်​ဆီ​နှင့်​မုန့်​ညက်​ရော​၍​ပြု​လုပ်​သော တ​ဆေး​မဲ့​မုန့်​လုံး​များ​နှင့် သံ​လွင်​ဆီ​သုတ် သော​တ​ဆေး​မဲ့​မုန့်​ပြား​များ​ပါ​ရှိ​သည့် မုန့်​တောင်း​ကို​လည်း​ဆက်​သ​ရ​မည်။ ထို့ အ​ပြင်​ဘော​ဇဉ်​သကာ​နှင့် စ​ပျစ်​ရည် သကာ​တို့​ကို​လည်း​ဆက်​သ​ရ​မည်။

Garrad Bible

¹⁵ ဆိုင် ရာ ဘော ဇဉ် သ က္ကာ၊ သွန်း လောင်း ရာ သ က္ကာ များ ကို လည်း ကောင်း၊ မုန့် ညက် နှင့် လုပ်၍ ဆီ ရော သော တ ဆေး မဲ့ မုန့် ပေါက်၊ ဆီ လူး သော တ ဆေး မဲ့ မုန့် ချပ် များ နှင့် ပြည့် သော တောင်း တစ် လုံး ကို လည်း ကောင်း ထာ ဝ ရ ဘု ရား ထံ ဆောင် သွင်း လှူ ဒါန်း ရာ၊

Judson Bible

¹⁵ ဆီ​ရော​သော​မုန့်​ညက်​နှင့်​လုပ်​သော​မုန့်​ပြား၊ ဆီ​လူး​သော တ​ဆေး​မဲ့ မုန့်​ကြွပ်​တည်း​ဟူ​သော တ​ဆေး​မဲ့​မုန့်​တစ်​တောင်း၊ ဘော​ဇဉ်​ပူ​ဇော်​သ​ကာ၊ သွန်း​လောင်း​ရာ​ပူ​ဇော်​သ​ကာ​ကို ထာ​ဝ​ရ​ဘု​ရား​အား​ဆက်​ရ​မည်။

တော​လည် 6:15 ပူးပေါင်းရင်းမြစ်များ

ထွက်​မြောက် 29:2

တဆေးမဲ့​မုန့်​၊ ဆီ​နှင့်​ရော​သော​တဆေးမဲ့​မုန့်ဝိုင်း​၊ ဆီ​နှင့်​လူး​သော​တဆေးမဲ့​မုန့်ကြွပ်​တို့​ကို အကောင်းဆုံး​ဂျုံမှုန့်​ဖြင့်​လုပ်​ပြီးလျှင်

ဟေ​ရှာ​ယ 62:9

ရိတ်သိမ်း​သူ​တို့​ကသာ​စား​ရ​၍ ထာဝရဘုရား​ကို​ချီးမွမ်း​ကြ​လိမ့်မည်​။ စုသိမ်း​သူ​တို့​ကသာ စပျစ်ဝိုင်​အသစ်​ကို သန့်ရှင်း​သော​ငါ့​တံတိုင်း​အတွင်း​၌ သောက်​ရ​ကြ​လိမ့်မည်​”​ဟု လက်ယာ​လက်​တော်​၊ တန်ခိုးကြီး​သော​လက်ရုံး​တော်​ဖြင့် ကျိန်ဆို​တော်မူ​ပြီ​။

ယော​လ 1:13

အို ယဇ်ပုရောဟိတ်​တို့​၊ လျှော်တေအဝတ်​ကို​ဝတ်​၍ မြည်တမ်း​ကြ​လော့​။ ယဇ်ပလ္လင်​၏​အမှုထမ်း​တို့​၊ ညည်းတွား​ကြ​လော့​။ ငါ​၏​ဘုရားသခင်​အမှု​တော်​ကို​ထမ်းဆောင်​သော​သူ​တို့​၊ လာ​ကြ​။ တစ်ညလုံး လျှော်တေအဝတ်​ကို​ဝတ်အိပ်​ကြ​လော့​။ အကြောင်းမူကား သင်​တို့​ဘုရားသခင်​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ကုန်ခန်း​လေ​ပြီ​။

ယော​လ 1:9

ထာဝရဘုရား​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ပြတ်​လေ​ပြီ​။ ထာဝရဘုရား​၏​အမှု​တော်​ကို ထမ်းဆောင်​သော​ယဇ်ပုရောဟိတ်​တို့​လည်း ငိုကြွေးမြည်တမ်း​ကြ​လေ​ပြီ​။

ယော​လ 2:14

သင်​တို့​၏​ဘုရားသခင်​ထာဝရဘုရား​သည် စိတ်​တော်​ပြေ​၍ ကိုယ်တော်​အား ဘောဇဉ်ပူဇော်သက္ကာ​နှင့် သွန်းလောင်းရာပူဇော်သက္ကာ​တို့​ပူဇော်​ခွင့်​ကောင်းချီး​ကို ချန်ထား​ပေး​မည်​၊ မ​ပေး​မည်​ကို မည်သူ​သိ​နိုင်​မည်နည်း​။

ဝတ်​ပြု 2:4

သင်​သည် မီးဖို​နှင့်​ဖုတ်သောမုန့်​ကို ဘောဇဉ်ပူဇော်သက္ကာ​အဖြစ် ပူဇော်​လို​လျှင် အကောင်းဆုံး​ဂျုံမှုန့်​ဖြင့်​ပြုလုပ်​သည့် ဆီ​နှင့်​ရော​သော​တဆေးမဲ့​မုန့်ဝိုင်း​၊ ဆီ​နှင့်​လူး​သော​တဆေးမဲ့​မုန့်ကြွပ်​ဖြစ်​ရ​မည်​။

ဝတ်​ပြု 7:12

မိတ်သဟာယယဇ်​ကို ကျေးဇူးတော်​ချီးမွမ်း​ခြင်း​အတွက် ပူဇော်​လို​လျှင် ကျေးဇူးတော်​ချီးမွမ်း​ရာ​ပူဇော်သက္ကာ​နှင့်အတူ ဆီ​နှင့်​ရော​သော​တဆေးမဲ့​မုန့်ဝိုင်း​၊ ဆီ​နှင့်​လူး​သော​တဆေးမဲ့​မုန့်ကြွပ်​၊ အကောင်းဆုံး​ဂျုံမှုန့်​ကို​ဆီ​နှင့်​နယ်​၍ လုပ်​ထား​သော​မုန့်ဝိုင်း​ကို ပူဇော်​ရ​မည်​။

ဝတ်​ပြု 8:2

“​အာရုန်​နှင့်​သူ​၏​သား​များ​၊ အဝတ်တန်ဆာ​များ​၊ ဘိသိက်​ဆီ​၊ အပြစ်ဖြေရာယဇ်​ဖြစ်​သော​နွားထီး​တစ်​ကောင်​၊ သိုးထီး​နှစ်​ကောင်​၊ တဆေးမဲ့မုန့်​တောင်း​ကို ယူဆောင်​လာ​ပြီး

ဝတ်​ပြု 9:4

ထာဝရဘုရား​ရှေ့​တော်​၌ မိတ်သဟာယယဇ်​ကို ပူဇော်​ရန်​အတွက် နွား​တစ်​ကောင်​နှင့်​သိုးထီး​တစ်​ကောင်​၊ ဆီ​နှင့်​ရော​သော​ဘောဇဉ်ပူဇော်သက္ကာ​ကို ယူဆောင်​လာ​လော့​’​ဟု ဆင့်ဆို​လော့​။ ထာဝရဘုရား​သည် ယနေ့ သင်​တို့​အား ကိုယ်ထင်ရှားပြ​တော်မူ​မည်​”​ဟု ဆို​၏​။

တော​လည် 15:10

သွန်းလောင်းရာပူဇော်သက္ကာ​အဖြစ် စပျစ်ဝိုင်​တစ်​ဟိန်​၏​တစ်ဝက်​ကို ထာဝရဘုရား​အဖို့ မွှေးကြိုင်​သော​ရနံ့​ဖြစ်​သည့် မီး​ဖြင့်​ပူဇော်​သော​ပူဇော်သက္ကာ​အဖြစ် ပူဇော်​ရ​မည်​။

တော​လည် 6:16

ယဇ်ပုရောဟိတ်​သည် ထို​အရာ​တို့​ကို ထာဝရဘုရား​ရှေ့​တော်​သို့ ယူဆောင်​လာ​၍ အပြစ်ဖြေရာယဇ်​နှင့်​မီးရှို့ရာယဇ်​တို့​ကို ပူဇော်​ရ​မည်​။

၁ ကော 10:31

ထို့ကြောင့် သင်​တို့​သည် စား​သည်​ဖြစ်စေ၊ သောက်​သည်​ဖြစ်စေ၊ မည်သည့်​အမှု​ကို​ပြု​သည်​ဖြစ်စေ ခပ်သိမ်း​သော​အမှု​တို့​ကို ဘုရားသခင်​၏​ဘုန်း​တော်​အတွက် ပြု​ကြ​လော့။

၁ ကော 11:26

ထို့ကြောင့် သင်​တို့​သည် ဤ​မုန့်​ကို​စား​၍ ဤ​ခွက်​ကို​သောက်​သောအခါ​တိုင်း သခင်​ဘုရား​၏​အသေခံ​တော်မူ​ခြင်း​ကို ကိုယ်တော်​ကြွလာ​တော်မူ​သည်​အထိ ကြေညာ​ကြ​၏။