တော​လည် 5:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ထို​သူ​သည် မိမိ​ပြု​မိ​သော​အပြစ်​ကို ဖော်ပြဝန်ခံ​ရ​မည်​။ ထို​အပြစ်​အတွက် မိမိ​ပြစ်မှား​သော​သူ​ကို အပြည့်အဝ​ပြန်လျော်​ရ​မည့်​အပြင် ငါးပုံတစ်ပုံ​ကို​ထပ်ပေါင်း​၍ ပေး​ရ​မည်​။

Common Language Bible

⁷ ထို​သူ​သည်​မိ​မိ​၏​အ​ပြစ်​ကို​ဝန်​ချ​တောင်း​ပန် ၍ မ​တော်​မ​တ​ရား​ပြု​ခြင်း​ခံ​ရ​သူ​အား​လျော် ကြေး​အ​ပြည့်​အ​ပြင် နှစ်​ဆယ်​ရာ​ခိုင်​နှုန်း​ထပ် ဆောင်း​ပေး​ရ​မည်။-

Garrad Bible

⁷ ထို သူ သည် ပြစ် မှား သော အ ပြစ် ကို ဖော် ပြ ပြီး လျှင် ခံ ရ သူ့ အား အ ဓ မ္မ ရ သော ဥ စ္စာ အ ပြည့် အ စုံ ပြင် ဆယ် ဖို့ တစ် ဖို့ တိုး၍ ပြန် ပေး စေ။

Judson Bible

⁷ ထို​အ​ပြစ်​ကို ဖော်​ပြ၍​တောင်း​ပန်​ရ​မည်။ ပြစ်​မှား​သော​အ​တွက်၊ ငါး​စု​တစ်​စု​ကို​ထပ်၍ ပြစ်​မှား​ခံ​သော​သူ​အား​ပေး​ရ​မည်။

တော​လည် 5:7 ပူးပေါင်းရင်းမြစ်များ

ဆာ​လံ 32:5

အကျွန်ုပ်​သည် အကျွန်ုပ်​၏​အပြစ်​ကို ကိုယ်တော်​ထံ​ဝန်ချ​ပါ​၏​။ အကျွန်ုပ်​၏​ဒုစရိုက်​ကို​လည်း ဖုံးအုပ်​မ​ထား​ပါ​။ “​အကျွန်ုပ်​ကျူးလွန်​သော​အပြစ်​များ​ကို ထာဝရဘုရား​ထံ​ဖော်ပြဝန်ခံ​မည်​”​ဟု အကျွန်ုပ်​ပြောဆို​ခဲ့​ပါ​၏​။ ထိုအခါ ကိုယ်တော်​သည် အကျွန်ုပ်​၏​အပြစ်​ဒုစရိုက်​ကို ခွင့်လွှတ်​တော်မူ​၏​။(​စေလာ)

သုတ္တံကျမ်း။ 28:13

မိမိ​ကျူးလွန်​သော​အပြစ်​များ​ကို ဖုံးကွယ်​ထား​သော​သူ​သည် ကြီးပွား​မည်​မ​ဟုတ်​။ ထို​အပြစ်​များ​ကို​ဖော်ပြ​ဝန်ခံ​၍ စွန့်ပယ်​သော​သူ​မူကား ကရုဏာ​တော်​ကို​ခံစား​ရ​လိမ့်မည်​။

ဝတ်​ပြု 26:40

သို့သော် သူ​တို့​၏​အပြစ်​၊ ဘိုးဘေး​တို့​၏​အပြစ်​ကို ဖော်ပြဝန်ခံ​မည်​ဆိုလျှင်​၊ သူ​တို့​သည် ဖောက်ပြန်မှားယွင်း​၍ ငါ့​ကို​ဆက်လက်​ဆန့်ကျင်​ကြ​သဖြင့်

ဝတ်​ပြု 26:41

ငါ​သည်​လည်း သူ​တို့​ကို​ပြန်ဆန့်ကျင်​၍ ရန်သူ​တို့​၏​ပြည်​သို့ နှင်ထုတ်​လိုက်​သောအခါ သူ​တို့​သည် အရေဖျားလှီး​ခြင်း​မ​ခံ​သော​စိတ်နှလုံး​ကို နှိမ့်ချ​ပြီး ကိုယ့်​အပြစ်​အတွက် ပြန်လည်​ပေးဆပ်​မည်​ဆိုလျှင်

ဝတ်​ပြု 5:15

“​တစ်စုံတစ်ယောက်​သည် ထာဝရဘုရား​၏​သန့်ရှင်းသောအရာ​တစ်စုံတစ်ခု​အပေါ် မရည်ရွယ်​ဘဲ​ပြစ်မှား​ခြင်း​ဖြင့် မှားယွင်းမှု​ကို​ပြု​မိ​လျှင် သူ​သည် အပြစ်ဒဏ်ဖြေရာယဇ်​အတွက် သင်​တန်ဖိုး​ဖြတ်​သော​ငွေ​ရှယ်ကယ်​အတိုင်း သန့်ရှင်းရာဌာန​၏​ရှယ်ကယ်​စံနှုန်း​နှင့်အညီ သိုးအုပ်​ထဲမှ​အပြစ်အနာအဆာကင်း​သော​သိုးထီး​တစ်​ကောင်​ကို အပြစ်ဒဏ်ဖြေရာယဇ်​အဖြစ် ထာဝရဘုရား​ထံ​ယူဆောင်​လာ​ရ​မည်​။

ဝတ်​ပြု 5:16

သူ​ပြစ်မှား​မိ​ခဲ့​သည့် သန့်ရှင်းသောအရာ​တစ်စုံတစ်ခု​အတွက် အလျော်ပေး​ရ​မည့်​အပြင် အလျော်ပေး​ရ​သည့်​တန်ဖိုး​၏​ငါးပုံတစ်ပုံ​ကို​လည်း ထပ်ပေါင်း​၍ ယဇ်ပုရောဟိတ်​အား​ပေး​ရ​မည်​။ ယဇ်ပုရောဟိတ်​သည် သိုးထီး​ကို အပြစ်ဒဏ်ဖြေရာယဇ်​အဖြစ် သူ့​အတွက် အပြစ်ဖြေလွှတ်​ခြင်း​ကို​ပြု​ပေး​ခြင်း​ဖြင့် သူ​သည် အပြစ်လွှတ်​ခြင်း​ခံရ​မည်​။

ဝတ်​ပြု 5:5

ထို​သူ​အပေါ် ထိုသို့သော​အပြစ်​တစ်စုံတစ်ရာ​သက်ရောက်​လျှင် သူ​ကျူးလွန်​မိ​သော​အပြစ်​ကို ဖော်ပြဝန်ခံ​ရ​မည်​။

ဝတ်​ပြု 7:7

အပြစ်ဒဏ်ဖြေရာယဇ်​သည် အပြစ်ဖြေရာယဇ်​ကဲ့သို့ပင်​ဖြစ်ပြီး ၎င်း​တို့​နှင့်ဆိုင်သော​တရား​သည် တစ်ပါးတည်း​ဖြစ်​၏​။ ယဇ်ကောင်​ဖြင့် အပြစ်ဖြေလွှတ်​ခြင်း​ကို​ပြု​ပေး​သော​ယဇ်ပုရောဟိတ်​သည် ထို​ယဇ်ကောင်​ကို ပိုင်​၏​။

တော​လည် 5:8

မိမိ​ပြစ်မှားသောအမှု​အတွက် လျော်ကြေး​လက်ခံ​ယူ​မည့်​သူ​မ​ရှိ​လျှင် ပြစ်မှားသောအမှု​အတွက် လျော်ကြေး​နှင့်တကွ မိမိ​အတွက် အပြစ်ဖြေ​ပေး​သော​အပြစ်ဖြေရာယဇ်​သိုးထီး​ကို ထာဝရဘုရား​ထံ​ပူဇော်​ရ​မည်​။ ထို​ယဇ်​သည် ယဇ်ပုရောဟိတ်​အတွက်​ဖြစ်​ရ​မည်​။

လုကာ 19:8

ဇက္ခဲ​သည်​ရပ်​လျက် “သခင်​ဘုရား၊ အကျွန်ုပ်​၏​ဥစ္စာ​ပစ္စည်း​တစ်ဝက်​ကို ဆင်းရဲသား​တို့​အား​ပေး​ပါ​မည်။ ထို့ပြင် တစ်စုံတစ်ဦး​ထံမှ တစ်စုံတစ်ရာ​ကို မတရား​တောင်းခံ​ထား​သည်​ဆိုလျှင် လေးဆ​ပြန်​ပေး​ပါ​မည်”​ဟု သခင်​ဘုရား​အား​လျှောက်​လေ​၏။

ယော​ရှု 7:19

ထိုအခါ ယောရှု​က အာခန်​အား “​ငါ့​သား​၊ အစ္စရေး​လူမျိုး​၏​ဘုရားသခင်​ထာဝရဘုရား​၏​ဂုဏ်တော်​ကို​ချီးမွမ်း​လော့​။ ကျေးဇူးတော်​ကို ချီးမွမ်း​လော့​။ သင်​ပြု​သော​အမှု​ကို ငါ့​အား ယခု​ပြော​ပါ​လော့​။ ဘာမျှ ဖုံးကွယ်​မ​ထား​နှင့်​”​ဟု ဆို​၏​။