တော​လည် 20:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ သင်​သည် ငါ​တို့​ကို အီဂျစ်​ပြည်​မှ ဤ​ဆိုးရွား​သော​အရပ်​သို့ အဘယ်ကြောင့်​ခေါ်ဆောင်​လာ​သနည်း​။ ဤ​အရပ်​သည် မျိုးစေ့​ကြဲ​ရာ​အရပ်​မ​ဟုတ်​။ သဖန်းပင်​၊ စပျစ်ပင်​၊ သလဲပင် စိုက်​ရာ​အရပ်​မ​ဟုတ်​။ သောက်စရာ​ရေ​လည်း​မ​ရှိ​”​ဟု ရန်တွေ့​ကြ​၏​။

Common Language Bible

⁵ အ​ဘယ်​ကြောင့်​အ​ကျွန်ုပ်​တို့​အား​အီ​ဂျစ်​ပြည်​မှ ထုတ်​ဆောင်​၍ မည်​သည့်​အ​ပင်​မျှ​မ​ပေါက်​သော​ဤ ခေါင်​သည့်​အ​ရပ်​သို့​ခေါ်​ဆောင်​ခဲ့​ပါ​သ​နည်း။ ဤ အ​ရပ်​တွင်​ကောက်​ပဲ​သီး​နှံ​ပင်​မ​ရှိ၊ သ​ဖန်း​ပင် မ​ရှိ၊ စ​ပျစ်​ပင်​မ​ရှိ၊ သ​လဲ​ပင်​မ​ရှိ၊ သောက် စ​ရာ​ရေ​မ​ရှိ'' ဟု​ညည်း​တွား​ကြ​လေ​သည်။-

Garrad Bible

⁵ အိ ဂျစ် ပြည် မှ ခေါ်၍ ဤ အ ရပ် ဆိုး သို့ အ ဘယ် ကြောင့် ဆောင် ခဲ့ ကြ သ နည်း။ မျိုး ကြဲ ရာ၊ သ ဖန်း၊ စ ပျစ်၊ သ လဲ ဖြစ် ထွန်း ရာ အ ရပ် မ ဟုတ်။ သောက် ရန် ရေ မျှ ပင် မ ရှိ ချေ ဟု ဆို ကြ သော်၊

Judson Bible

⁵ ငါ​တို့​ကို အဲ​ဂု​တ္တု​ပြည်​မှ​ထွက်​စေ၍၊ ဤ​ဆိုး​သော​အ​ရပ်​သို့ အ​ဘယ်​ကြောင့် ဆောင်​ခဲ့​သ​နည်း။ ဤ​အ​ရပ်​သည် လယ်​လုပ်​စ​ရာ​မ​ကောင်း၊ သင်္ဘော​သ​ဖန်း​ပင်၊ စ​ပျစ်​နွယ်​ပင်၊ သ​လဲ​ပင် စိုက်​စ​ရာ​မ​ကောင်း။ သောက်​စ​ရာ​ရေ​မျှ​မ​ရှိ​ဟု မော​ရှေ​ကို​အ​ပြစ်​တင်၍ ဆို​ကြ၏။

တော​လည် 20:5 ပူးပေါင်းရင်းမြစ်များ

နေ​ဟ​မိ 9:21

တောကန္တာရ​၌ အနှစ်​လေးဆယ်​ပတ်လုံး ကျွေးမွေး​တော်မူ​သဖြင့် သူ​တို့​၌ မည်သည့် လိုအပ်​ချက်​မျှ​မ​ရှိ​။ သူ​တို့​၏​အဝတ်​များ​သည် မ​ဟောင်းနွမ်း​၊ သူ​တို့​၏​ခြေ​တို့​သည်​လည်း ရောင်ရမ်း​ခြင်း​မ​ရှိ​။

ယေ​ရ​မိ 2:2

“​ဂျေရုဆလင်​မြို့​ကြားသိ​အောင်​သွား​၍​ဟစ်အော်​လော့​။ ထာဝရဘုရား​မိန့်​တော်မူ​သည်​မှာ ‘သင်​ငယ်ရွယ်​စဉ်က ငါ့​အပေါ်​မေတ္တာ​ထား​ခဲ့​သည်​ကို​လည်းကောင်း​၊ သတို့သမီး​အချစ်​နှင့် ချစ်​ခဲ့​သည်​ကို​လည်းကောင်း​၊ မြေရိုင်းမြေကော​တောကန္တာရ​၌ ငါ့​နောက်​လိုက်​ခဲ့​သည်​ကို​လည်းကောင်း ငါ​အောက်မေ့​၏​။

ယေ​ရ​မိ 2:6

သူ​တို့​က ‘ငါ​တို့​ကို အီဂျစ်​ပြည်​မှ​ထုတ်ဆောင်​တော်မူ​ပြီးလျှင် ချောက်​ပေါများ​သော​သဲကန္တာရ​၊ ခြောက်သွေ့​၍​သေမင်းအရိပ်​လွှမ်းမိုး​ရာ​၊ နေထိုင်​သွားလာ​သူ​မ​ရှိ​ရာ တောကန္တာရ​တစ်လျှောက် ပို့ဆောင်​တော်မူ​သော​ထာဝရဘုရား​သည် အဘယ်မှာ​နည်း’​ဟု မ​မေး​ကြ​။

ယေ​ဇ​ကျေ​လ 20:36

ငါ​သည် သင်​တို့​၏​ဘိုးဘေး​တို့​ကို အီဂျစ်​တောကန္တာရ​တွင် စီရင်​ခဲ့​သကဲ့သို့ သင်​တို့​ကို စီရင်​မည်’​ဟု မိန့်​တော်မူ​၏​။

တော​လည် 16:14

သင်​သည် ငါ​တို့​ကို နို့​နှင့်​ပျားရည်​စီး​သော​ပြည်​သို့ မ​ပို့ဆောင်​၊ အမွေ​အဖြစ် လယ်ယာ​နှင့်​စပျစ်ခြံ​ကို​လည်း ငါ​တို့​အား​မ​ပေး​။ ဤ​သူ​တို့​၏​မျက်စိ​ကို​လည်း ဖောက်​လို​သလော​။ ငါ​တို့​မ​လာ​”​ဟု ဆို​ကြ​၏​။

တော​လည် 20:24

“​အာရုန်​သည် မိမိ​လူမျိုး​တို့​စုစည်း​ရာ​သို့ သွား​ရ​တော့​မည်​။ အကြောင်းမူကား သင်​တို့​သည် မေရိဘ​စမ်းရေ​နား​တွင် ငါ့​အမိန့်​ကို​ဖီဆန်​ကြ​သောကြောင့် အစ္စရေး​အမျိုးသား​တို့​အား ငါ​ပေး​သော​ပြည်​သို့ အာရုန်​သည်​မ​ဝင်​ရ​။

တော​လည် 27:14

အကြောင်းမူကား ဇိန​တောကန္တာရ​၌ လူထု​တို့​ပဋိပက္ခ​ဖြစ်​ကြ​စဉ်က သင်​တို့​သည် ငါ​၏​အမိန့်​ကို​ဖီဆန်​၍ ရေ​အနား​မှ ထို​သူ​တို့​၏​ရှေ့​၌ ငါ​သန့်ရှင်း​ကြောင်း အသိအမှတ်​မ​ပြု​ကြ​သောကြောင့်​ဖြစ်​၏​”​ဟု မိန့်​တော်မူ​၏​။ (​ထို​ရေ​ကား ဇိန​တောကန္တာရ​ရှိ ကာဒေရှ​အရပ်​မှ မေရိဘ​စမ်းရေ​ဖြစ်​၏​။​)

တ​ရား​ဟော 8:15

မီးမြွေ​နှင့်​ကင်းမြီးကောက်​ပေါများ​သော​အရပ်​၊ ရေ​မ​ရှိ​ဘဲ ခြောက်သွေ့​သော​အရပ်​၊ ကြောက်မက်​ဖွယ်​ကောင်း​သော တောကန္တာရ​ကြီး​၌ သင့်​ကို​ပို့ဆောင်​တော်မူ​သော​အရှင်​၊ သင့်​အတွက် ရေ​ကို မီးခတ်​ကျောက်​ထဲမှ​ထွက်​စေ​တော်မူ​သော​အရှင်​၊