တော​လည် 19:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ စင်ကြယ်​သော​ယောက်ျား​တစ်​ယောက်​က နွားမတမ်း​၏​ပြာ​ကို စုသိမ်း​၍ တပ်စခန်း​အပြင်ဘက် စင်ကြယ်​သော​နေရာ​တွင် ထား​ရ​မည်​။ ထို​ပြာ​ကို အစ္စရေး​အမျိုးသား​လူထု​အပေါင်း​တို့​၏​အပြစ်ဖြေလွှတ်​ခြင်း​အတွက် စင်ကြယ်​စေ​ခြင်း​ရေ ဖော်စပ်​ရန် သိမ်း​ထား​ရ​မည်​။

Common Language Bible

⁹ ထို​နောက်​ဘာ​သာ​ရေး​ထုံး​နည်း​အ​ရ​သန့်​စင် သူ​တစ်​ဦး​က နွား​မ​၏​ပြာ​ကို​စု​သိမ်း​၍ စ​ခန်း​အ​ပြင်​ဘက်​ရှိ​ဘာ​သာ​ရေး​ထုံး​နည်း အ​ရ သန့်​သော​နေ​ရာ​တွင်​ထား​ရ​မည်။ ဣ​သ ရေ​လ​အ​မျိုး​သား​တို့​သည်​ဘာ​သာ​ရေး ထုံး​နည်း​အ​ရ မ​သန့်​စင်​မှု​ကို​သန့်​စင်​စေ​မည့် ရေ​ကို​ဖော်​စပ်​ရာ​၌​ထို​ပြာ​ကို​အ​သုံး​ပြု ရ​မည်။ ဤ​ဝတ်​သည်​အ​ပြစ်​ကင်း​စေ​ရန်​ပြု သော​ဝတ်​ဖြစ်​သည်။-

Garrad Bible

⁹ သန့် သူ တစ် ဦး တစ် ယောက် သည် ကျွမ်း သော နွား ပြာ မုန့် ကို သိမ်း ယူ လျက် တပ် စ ခန်း ပြင် စင် ကြယ် ရာ အ ရပ် တွင် ထား ပြီး လျှင် အ ညစ် အ ကြေး ကင်း ရှင်း ခြင်း ရေ ဖျော် စပ် ရန် ဣ သ ရေ လ အ မျိုး သား ပ ရိ သတ် အ တွက် အ ပြစ် ကင်း ရာ ကင်း ကြောင်း အ ဖို့ သို ထား ရ မည်။

Judson Bible

⁹ စင်​ကြယ်​သော​သူ​တစ်​စုံ​တစ်​ယောက်​သည် နွား​မ၏​ပြာ​ကို​စု​သိမ်း၍၊ တပ်​ပြင်​မှာ စင်​ကြယ်​သော​အ​ရပ်၌ ထား​ရ​မည်။ ဣ​သ​ရေ​လ​အ​မျိုး​ပ​ရိ​သတ်​အ​ဖို့ စင်​ကြယ်​စေ​သော​ရေ​ဖော်​ဖို့၊ ထို​ပြာ​ကို​သို​ထား​ရ​မည်။ အ​ပြစ်​နှင့် ကင်း​စင်​စ​ရာ​ဖို့ ဖြစ်​သ​တည်း။

တော​လည် 19:9 ပူးပေါင်းရင်းမြစ်များ

ဝတ်​ပြု 15:20

ဓမ္မတာလာ​သော​ကာလ​အတွင်း သူ​အိပ်​သည့်​အိပ်ရာ​တိုင်း မစင်မကြယ်​ဖြစ်​၏​။ သူ​ထိုင်​သည့်​နေရာတိုင်း မစင်မကြယ်​ဖြစ်​၏​။

ဇာ​ခ​ရိ 13:1

ထို​နေ့ရက်​တွင် ဒါဝိဒ်​အမျိုးအနွယ်​မှစ၍ ဂျေရုဆလင်​မြို့သူမြို့သား​တို့ အပြစ်​နှင့်​မစင်ကြယ်မှု​များ​ကို ဆေးကြော​ရန် စမ်းရေတွင်း​တစ်​ခု ပေါ်လာ​လိမ့်မည်”​ဟု မိန့်​တော်မူ​၏​။

တော​လည် 19:13

လူသေ​အလောင်း​ကို ထိမိ​ပြီး မိမိကိုယ်မိမိ မ​သန့်စင်​စေ​သော​သူ​မည်သူမဆို ထာဝရဘုရား​၏​ကိန်းဝပ်​တော်မူ​ရာ​တဲ​တော်​ကို ညစ်ညူး​စေ​ရာ​ရောက်​၏​။ သူ​သည် အစ္စရေး​လူမျိုး​ထဲမှ ပယ်ဖျက်​ခြင်း​ကို ခံရ​မည်​။ သူ​သည် စင်ကြယ်​စေ​ခြင်း​ရေ​ဖျန်း​ခြင်း​ကို မ​ခံ​သောကြောင့် မစင်မကြယ်​ဖြစ်​၏​။ အညစ်အကြေး​သည် သူ​၌​ရှိ​နေ​ဆဲ​ဖြစ်​၏​။

တော​လည် 19:17

မစင်ကြယ်​သော​သူ​အတွက် အပြစ်ဖြေရာယဇ်​ဖြစ်​သည့်​မီးရှို့​ထား​သော​နွားမတမ်း​၏​ပြာ​ကို ယူ​၍ စမ်းရေ​နှင့်အတူ အိုး​ထဲသို့ ထည့်​ပြီးလျှင်

တော​လည် 19:18

စင်ကြယ်​သော​သူ​သည် ဟုဿုပ်ညွန့်​ကို​ယူ​၍ ထို​ရေ​ထဲသို့​နှစ်​ပြီး တဲ​နှင့် တဲ​ထဲ​ရှိ​အသုံးအဆောင်​အားလုံး​ကို​လည်းကောင်း​၊ တဲ​ထဲ​ရှိ​လူ​တို့​ကို​လည်းကောင်း​၊ လူသေ​အရိုး​၊ အသတ်ခံရ​သူ​၊ အလိုလို​သေ​သော​သူ​၊ သင်္ချိုင်းဂူ​ကို ထိမိ​သော​သူ​ကို​လည်းကောင်း ဖျန်း​ရ​မည်​။

တော​လည် 19:3

ထို​နွားမတမ်း​ကို ယဇ်ပုရောဟိတ်​ဧလာဇာ​အား ပေး​ရ​မည်​။ သူ​သည် ထို​နွားမတမ်း​ကို တပ်စခန်း​အပြင်ဘက်​သို့ ထုတ်သွား​၍ သူ့​ရှေ့​၌ သတ်​စေ​ရ​မည်​။

တော​လည် 19:8

နွားမတမ်း​ကို ရှို့​သော​သူ​သည် မိမိ​အဝတ်​ကို လျှော်​၍ ရေချိုး​ရ​မည်​။ သူ​သည် နေဝင်ချိန်​အထိ မစင်မကြယ်​ဖြစ်​၏​။

တော​လည် 6:12

သူ​၏​နာဇရိ​လူ​ဖြစ်​ခြင်း​သည် ညစ်ညူး​သွား​သောကြောင့် ယခင်​ကာလ​သည် ပျက်ပြယ်​သွား​၏​။ ထို့ကြောင့် သူ​သည် နာဇရိ​လူ​အဖြစ် ထာဝရဘုရား​အတွက် မိမိကိုယ်မိမိ သီးခြား​ထား​ရန် ဒုစရိုက်ဖြေရာယဇ်​အဖြစ် တစ်နှစ်သားအရွယ် သိုးသငယ်​တစ်​ကောင်​ကို ယူဆောင်​လာ​ရ​မည်​။

တော​လည် 8:7

သူ​တို့​စင်ကြယ်​အောင် ဤသို့​ပြု​ရ​မည်​။ သူ​တို့​အပေါ် စင်ကြယ်​စေ​ခြင်း​ဆိုင်ရာ​ရေ​ကို ဖျန်း​ရ​မည်​။ သူ​တို့​သည် တစ်ကိုယ်လုံး​ရှိ​အမွေး​များ​ကို​ရိတ်​ပြီး အဝတ်​များ​ကို လျှော်​ခြင်း​ဖြင့် မိမိကိုယ်မိမိ စင်ကြယ်​စေ​ရ​မည်​။

တော​လည် 9:13

သို့သော် တစ်စုံတစ်ယောက်​သည် စင်ကြယ်​ခြင်း​ရှိ​လျက်​၊ ခရီး​လည်း​မ​လွန်​ဘဲ​လျက် ပသခါပွဲတော်​ကို မ​ကျင်းပ​လျှင် သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။ သတ်မှတ်​ထား​သော​အချိန်​၌ ထာဝရဘုရား​အား ပူဇော်သက္ကာ​ကို မ​ပူဇော်​သောကြောင့် သူ​သည် ကိုယ့်​အပြစ်​ကိုယ်​ခံရ​မည်​။

၂ ကော 5:21

ဘုရားသခင်​သည် အပြစ်​ကင်းစင်​သော​အရှင်​ကို ငါ​တို့​အတွက် အပြစ်​ဖြစ်​သွား​စေ​တော်မူ​၏။ ဤသည်ကား ငါ​တို့​သည် ထို​အရှင်​အားဖြင့် ဘုရားသခင်​၏​ဖြောင့်မတ်​ခြင်း​ဖြစ်လာ​မည့်​အကြောင်း​တည်း။

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

ဟေ​ဗြဲ 7:26

ထိုသို့​သန့်ရှင်း​၍ အပြစ်​နှင့်​ညစ်ညူး​ခြင်း​တို့​ကင်းစင်​လျက် အပြစ်သား​တို့​နှင့်​ခွဲခြား​ထား​ခြင်း​ခံရ​ကာ ကောင်းကင်​တို့​ထက် မြင့်မား​စွာ​ချီးမြှောက်​ခြင်း​ခံရ​သော ယဇ်ပုရောဟိတ်​မင်း​သည် ငါ​တို့​အတွက်​သင့်လျော်​ပေ​၏။

ဟေ​ဗြဲ 9:13

အကြောင်းမူကား ညစ်ညူး​ခြင်း​ရှိ​သော​သူ​တို့​အပေါ်​ပက်ဖျန်း​သော ဆိတ်​သွေး၊ နွားလား​၏​သွေး​နှင့် နွားမတမ်း​၏​ပြာ​တို့​သည် ကိုယ်ကာယ​ကို​စင်ကြယ်​စေ​၍ သူ​တို့​ကို​သန့်ရှင်း​စေ​သည်​ဆိုလျှင်