တော​လည် 19:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ စင်ကြယ်​သော​သူ​သည် ထို​ရေ​ဖြင့် မစင်ကြယ်​သော​သူ​အား တတိယ​နေ့​၊ သတ္တမ​နေ့​တို့​၌ ဖျန်း​ရ​မည်​။ သတ္တမ​နေ့​၌ မစင်ကြယ်​သော​သူ​သည် မိမိကိုယ်မိမိ သန့်စင်​စေ​ရ​မည်​။ မိမိ​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​ရောက်​လျှင် စင်ကြယ်​လိမ့်မည်​။

Common Language Bible

¹⁹ သန့်​စင်​သူ​က​မ​သန့်​စင်​သူ​ကို​တ​တိ​ယ​နေ့ နှင့် သတ္တ​မ​နေ့​များ​တွင်​ရေ​နှင့်​ဖျန်း​ရ​မည်။ မ သန့်​စင်​သူ​အား​သန့်​စင်​ခြင်း​ဝတ်​ကို​ပြု​လုပ် ပေး​ရ​မည်။ သတ္တ​မ​နေ့​တွင်​သန့်​စင်​သူ​က​မိ​မိ ၏​အ​ဝတ်​များ​ကို​ဖွတ်​လျှော်​၍ ရေ​ချိုး​ပြီး နောက်​နေ​ဝင်​ချိန်​တွင်​သန့်​စင်​လာ​လိမ့်​မည်။

Garrad Bible

¹⁹ တ တိ ယ နေ့၊ သ တ္တ မ နေ့ တွင် ဖျန်း သ ဖြင့် သ တ္တ မ နေ့ ပင် အာ ပတ် ဖြေ ပြီး နောက် မ သန့် သူ သည် အ ဝတ် လျှော် ခြင်း၊ ရေ ချိုး ခြင်း ပြု၍ ညဉ့် ဦး အ ချိန် သန့် ရာ ရောက် လိမ့် မည်။

Judson Bible

¹⁹ စင်​ကြယ်​သော​သူ​သည် မ​စင်​ကြယ်​သော​သူ​ကို သုံး​ရက်​မြောက်​သော​နေ့၊ ခု​နစ်​ရက်​မြောက်​သော​နေ့၌ ဖျန်း​ရ​မည်။ ခု​နစ်​ရက်​မြောက်​သော​နေ့၌ ကိုယ်​ကို​သန့်​ရှင်း​စေ​လျက်၊ မိ​မိ​အ​ဝတ်​ကို​လျှော်၍ ရေ​ချိုး​လျှင်၊ ညဉ့်​ဦး​အ​ချိန်​တွင် စင်​ကြယ်​လိမ့်​မည်။

တော​လည် 19:19 ပူးပေါင်းရင်းမြစ်များ

ကမ္ဘာ​ဦး 2:2

သတ္တမ​နေ့​၌ ဘုရားသခင်​လုပ်ဆောင်​သော​အမှု ပြီးဆုံး​လေ​၏​။ ထိုသို့ မိမိ​လုပ်ဆောင်​သော​အမှု​အလုံးစုံ​ပြီးဆုံး​၍ သတ္တမ​နေ့​၌ ငြိမ်ဝပ်​စွာ​နေ​တော်မူ​၏​။

ထွက်​မြောက် 19:10

တစ်ဖန် ထာဝရဘုရား​က မောရှေ​အား “​လူ​တို့​ထံသို့​သွား​၍ ယနေ့​နှင့်​မနက်ဖြန်​တွင် သူ​တို့​ကို သန့်ရှင်း​စေ​လော့​။ သူ​တို့​၏​အဝတ်အစား​များ​ကို​လည်း လျှော်​စေ​လော့​။

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ဝတ်​ပြု 14:7

အနာကြီးရောဂါ​မှ​စင်ကြယ်​စေ​ခြင်း​ခံ​သော​သူ​အား ခုနစ်​ကြိမ်​ဖျန်း​ရ​မည်​။ ထို့နောက်မှ သူ့​အား စင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ ငှက်​အရှင်​ကို​ကား ကွင်းပြင်​သို့ လွှတ်လိုက်​ရ​မည်​။

ဝတ်​ပြု 14:9

ခုနစ်​ရက်​မြောက်​သော​နေ့​၌ သူ​သည် မိမိ​အမွေး​ရှိသမျှ​ကို​ရိတ်​ရ​မည်​။ မိမိ​၏​ဆံပင်​၊ မုတ်ဆိတ်မွေး​နှင့် မျက်ခုံးမွေး​တို့​မှစ၍ အမွေး​ရှိသမျှ​တို့​ကို ရိတ်​ရ​မည်​။ မိမိ​အဝတ်​ကို​လျှော်​ပြီး ရေချိုး​ရ​မည်​။ ထို့နောက်မှ သူ​သည် စင်ကြယ်​လိမ့်မည်​။

တော​လည် 19:12

သူ​သည် သုံး​ရက်​မြောက်​နေ့​၌ စင်ကြယ်​စေ​ခြင်း​ရေ​ဖြင့် မိမိကိုယ်မိမိ သန့်စင်​စေ​ပြီး ခုနစ်​ရက်​မြောက်​နေ့​၌ သူ​သည် စင်ကြယ်​လိမ့်မည်​။ သုံး​ရက်​မြောက်​နေ့​၌ မိမိကိုယ်မိမိ မ​သန့်စင်​စေ​လျှင် ခုနစ်​ရက်​မြောက်​နေ့​၌ သူ​သည် စင်ကြယ်​မည်​မ​ဟုတ်​။

တော​လည် 19:13

လူသေ​အလောင်း​ကို ထိမိ​ပြီး မိမိကိုယ်မိမိ မ​သန့်စင်​စေ​သော​သူ​မည်သူမဆို ထာဝရဘုရား​၏​ကိန်းဝပ်​တော်မူ​ရာ​တဲ​တော်​ကို ညစ်ညူး​စေ​ရာ​ရောက်​၏​။ သူ​သည် အစ္စရေး​လူမျိုး​ထဲမှ ပယ်ဖျက်​ခြင်း​ကို ခံရ​မည်​။ သူ​သည် စင်ကြယ်​စေ​ခြင်း​ရေ​ဖျန်း​ခြင်း​ကို မ​ခံ​သောကြောင့် မစင်မကြယ်​ဖြစ်​၏​။ အညစ်အကြေး​သည် သူ​၌​ရှိ​နေ​ဆဲ​ဖြစ်​၏​။

တော​လည် 19:18

စင်ကြယ်​သော​သူ​သည် ဟုဿုပ်ညွန့်​ကို​ယူ​၍ ထို​ရေ​ထဲသို့​နှစ်​ပြီး တဲ​နှင့် တဲ​ထဲ​ရှိ​အသုံးအဆောင်​အားလုံး​ကို​လည်းကောင်း​၊ တဲ​ထဲ​ရှိ​လူ​တို့​ကို​လည်းကောင်း​၊ လူသေ​အရိုး​၊ အသတ်ခံရ​သူ​၊ အလိုလို​သေ​သော​သူ​၊ သင်္ချိုင်းဂူ​ကို ထိမိ​သော​သူ​ကို​လည်းကောင်း ဖျန်း​ရ​မည်​။

တော​လည် 31:19

သင်​တို့​မူကား ခုနစ်​ရက်​ပတ်လုံး တပ်စခန်း​အပြင်ဘက်​၌ နေ​ရ​မည်​။ လူ​ကို​သတ်​ခဲ့​သော​သူ​၊ လူအသေကောင်​ကို​ထိ​သော​သူ မည်သူမဆို တတိယ​နေ့​၊ သတ္တမ​နေ့​၌ သုံ့ပန်း​များ​နှင့်အတူ မိမိကိုယ်မိမိ သန့်စင်​စေ​ရ​မည်​။

တော​လည် 31:24

သတ္တမ​နေ့​၌ သင်​တို့​အဝတ်​ကို လျှော်​၍ သင်​တို့​စင်ကြယ်​ပြီးမှ တပ်စခန်း​တွင်း​သို့ ဝင်​ခွင့်​ရှိ​၏​”​ဟု ဆို​၏​။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။

ယု​ဒ 1:23

အချို့​သော​သူ​တို့​ကို မီး​ထဲမှ​ဆွဲထုတ်​ကယ်တင်​ကြ​လော့။ အချို့​တို့​ကို​မူ သူ​တို့​၏​သွေးသား​ဇာတိ​ဖြင့်​ညစ်ညူး​စွန်းထင်း​နေ​သော​အင်္ကျီ​ကို​ပင် ရွံမုန်း​လျက် ကြောက်ရွံ့​သော​စိတ်​နှင့်တကွ သူ​တို့​ကို​ကရုဏာ​ထား​ကြ​လော့။