တော​လည် 18:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ တစ်ဖန် ထာဝရဘုရား​က အာရုန်​အား “​အစ္စရေး​အမျိုးသား​တို့​ပြည်​၌ သင်​အမွေဆက်ခံ​ရ​မည်​မ​ဟုတ်​။ သင့်​အတွက် ဝေစု​ရှိ​မည်​မ​ဟုတ်​။ သူ​တို့​တွင် ငါ​သည် သင့်​ဝေစု​၊ သင့်​အမွေ​ဖြစ်​၏​။

Common Language Bible

²⁰ ထာ​ဝ​ရ​ဘု​ရား​က​အာ​ရုန်​အား``ဣ​သ​ရေ​လ နိုင်​ငံ​တွင် သင်​အ​မွေ​ခံ​ရန်​ပစ္စည်း၊ သင်​ပိုင်​မြေ ရ​လိမ့်​မည်​မ​ဟုတ်။ ငါ​ထာ​ဝ​ရ​ဘု​ရား​သည် သင်​မှီ​ခို​အား​ထား​ရာ​ဖြစ်​သည်'' ဟု​မိန့်​တော် မူ​၏။

Garrad Bible

²⁰ တစ် ဖန် အာ ရုန် အား ထာ ဝ ရ ဘု ရား က၊ သူ တို့ နေ ပြည် တွင် အ မွေ ကို လည်း ကောင်း၊ သူ တို့ ဘောင် တွင် ဝေ ပုံ စု ကို လည်း ကောင်း သင် ရ မည် မ ဟုတ်။ ဣ သ ရေ လ အ မျိုး သား တို့၌ သင့် ဝေ ပုံ စု နှင့် အ မွေ ကား ငါ ပင် တည်း။

Judson Bible

²⁰ တစ်​ဖန် ထာ​ဝ​ရ​ဘု​ရား​သည် အာ​ရုန်​အား​မိန့်​တော်​မူ​သည်​ကား၊ ဣ​သ​ရေ​လ​အ​မျိုး​သား​တို့ နေ​ရာ​ပြည်၌ သင့်​အ​မွေ​ခံ​ရာ​မြေ၊ သူ​တို့​နှင့်​ရော၍ ပိုင်​သော​အ​ဖို့​မ​ရှိ​ရ။ ငါ​သည်​ကား သူ​တို့​တွင်​သင်​ပိုင်​သော​အ​ဖို့ သင့်​အ​မွေ​ဥ​စ္စာ​ဖြစ်၏။

တော​လည် 18:20 ပူးပေါင်းရင်းမြစ်များ

ကမ္ဘာ​ဦး 15:1

ဤ​အရာ​များ​ဖြစ်​ပြီးသည့်နောက် ထာဝရဘုရား​၏​နှုတ်ကပတ်တော်​သည် စိတ်အာရုံ​အားဖြင့် အာဗြံ​ထံသို့​ရောက်လာ​၍ “​အာဗြံ​၊ မ​ကြောက်​နှင့်​။ ငါ​သည် သင်​၏​ဒိုင်းလွှား​ဖြစ်​၏​။ သင်​ရရှိ​မည့်​ဆုလာဘ်​သည် အလွန်​ကြီးမား​၏​”​ဟု မိန့်​တော်မူ​၏​။

ဆာ​လံ 142:5

အို ထာဝရဘုရား​၊ အကျွန်ုပ်​သည် ကိုယ်တော့်​ထံသို့​အော်ဟစ်​ပါ​၏​။ “​ကိုယ်တော်​သည် အကျွန်ုပ်​၏​ခိုလှုံ​ရာ​ဖြစ်​တော်မူ​ပြီး အသက်ရှင်​သော​သူ​တို့​၏​ပြည်​၌ အကျွန်ုပ်​၏​ဝေစု​ဖြစ်​တော်မူ​၏​”​ဟု အကျွန်ုပ်​ပြောဆို​ပါ​၏​။

ဆာ​လံ 16:5

ထာဝရဘုရား​သည် ငါ​ခွဲဝေ​ရရှိ​ထား​သော​ငါ​၏​ဝေစု​၊ ငါ​၏​ခွက်ဖလား​ဖြစ်​တော်မူ​၏​။ ကိုယ်တော်​သည် အကျွန်ုပ်​ရရှိ​မည့်​အမွေဝေစု​ကို ထိန်းသိမ်း​ပေး​ထား​တော်မူ​၏​။

ဆာ​လံ 73:26

အကျွန်ုပ်​၏​ကိုယ်ခန္ဓာ​နှင့်​အကျွန်ုပ်​၏​စိတ်နှလုံး​သည် အားအင်ကုန်ခန်း​သော်လည်း ဘုရားသခင်​သည် အစဉ်အမြဲ အကျွန်ုပ်​စိတ်နှလုံး​၏​အစွမ်းသတ္တိ​၊ အကျွန်ုပ်​၏​ဝေစု​ဖြစ်​တော်မူ​၏​။

မြည်​တမ်း​စ​ကား 3:24

“​ထာဝရဘုရား​သည် ငါ​၏​ဝေစု​ဖြစ်​တော်မူ​၏​”​ဟု ငါ့​စိတ်​ထဲ၌​ဆို​လျက် ကိုယ်တော်​ကို မျှော်လင့်ကိုးစား​ပါ​မည်​။

ယေ​ဇ​ကျေ​လ 44:28

‘သူ​တို့​ပိုင်ဆိုင်​ရ​မည့်​အမွေ​ကား ငါ​ပင်​ဖြစ်​၏​။ အစ္စရေး​လူမျိုး​တို့​တွင် သူ​တို့​ကို အမွေ​မ​ပေး​ရ​။ ငါ​သာလျှင် သူ​တို့​၏​အမွေ​ဖြစ်​၏​။

တော​လည် 18:7

သင်​နှင့်​သင်​၏​သား​တို့​ကား ယဇ်ပုရောဟိတ်​အရိုက်အရာ​ကို စောင့်ထိန်း​ရ​မည်​။ ယဇ်ပလ္လင်​နှင့် ကန့်လန့်ကာ​အတွင်း​ရှိ အလုပ်​ဟူသမျှ​ကို လုပ်ဆောင်​ရ​မည်​။ ယဇ်ပုရောဟိတ်​အဖြစ်​အမှု​တော်​ဆောင်​ခြင်း​ကို သင်​တို့​အား လက်ဆောင်​အဖြစ် ငါ​ပေး​၏​။ မဆိုင်​သော​သူ​ချဉ်းကပ်​လျှင် အသတ်​ခံရ​မည်​”​ဟု မိန့်​တော်မူ​၏​။

တော​လည် 26:62

လေဝိ​အမျိုး​တွင် တစ်လသား​အရွယ်​နှင့်​အထက်​ရှိ ယောက်ျား​အားလုံး​တို့​၏​အရေအတွက်​မှာ နှစ်သောင်းသုံးထောင် ရှိ​၏​။ သူ​တို့​သည် အစ္စရေး​အမျိုးသား​တို့​နှင့်အတူ အမွေ​မ​ခံရ​သဖြင့် သူ​တို့​ကို အစ္စရေး​အမျိုးသား​တို့​နှင့်အတူ မ​ရေတွက်​ပေ​။

တ​ရား​ဟော 10:9

လေဝိ​အမျိုး​သည် မိမိ​ညီအစ်ကို​တို့​နှင့်အတူ အမွေ​ဝေစု မ​ရ​ကြ​။ သင်​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ထာဝရဘုရား​သည် သူ​တို့​၏​အမွေ​ဖြစ်​တော်မူ​၏​။​)

တ​ရား​ဟော 12:12

သင်​တို့​မှစ၍ သင်​တို့​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​နှင့်အတူ သင်​တို့​၏​မြို့​တံခါး​အတွင်း​ရှိ အမွေ​ဝေစု​မ​ရ​သော​လေဝိ​အမျိုး​တို့​သည် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 14:27

သင်​၏​မြို့​တံခါး​အတွင်း​ရှိ လေဝိ​အမျိုး​တို့​သည် သင်​နှင့်အတူ အမွေ​ဝေစု​မ​ရ​သောကြောင့် သူ​တို့​ကို စွန့်ပယ်​မ​ထား​ရ​။

တ​ရား​ဟော 14:29

သို့ပြုလျှင် သင်​တို့​တွင် အမွေ​ဝေစု​မ​ရ​သော​လေဝိ​အမျိုး​၊ သင့်​မြို့​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် လာ​ပြီး ဝလင်​စွာ​စား​နိုင်​မည်​။ ဤ​အမှု​ကို​ထောက်​၍ သင်​၏​ဘုရားသခင်​ထာဝရဘုရား​သည် သင်​ပြု​လေရာရာ​၌ သင့်​အား​ကောင်းချီးပေး​တော်မူ​မည်​။

ယော​ရှု 13:14

မောရှေ​သည် လေဝိ​အမျိုး​တို့​ကို အမွေမြေ မ​ပေး​။ သူ​တို့​အား​ထာဝရဘုရား​မိန့်မှာ​ထား​သည့်​အတိုင်း အစ္စရေး​လူမျိုး​၏​ဘုရားသခင်​ထာဝရဘုရား​ထံ မီး​ဖြင့်​ပူဇော်​သော​ယဇ်​သည် သူ​တို့​၏​အမွေ​ဖြစ်​၏​။

ယော​ရှု 13:33

မောရှေ​သည် လေဝိ​အမျိုး​တို့​ကို အမွေမြေ မ​ခွဲပေး​။ သူ​တို့​အား ထာဝရဘုရား​မိန့်မှာ​ထား​သည့်​အတိုင်း အစ္စရေး​လူမျိုး​၏​ဘုရားရှင်​ထာဝရဘုရား​သည် သူ​တို့​၏​အမွေ​ဖြစ်​၏​။

ယော​ရှု 14:3

မောရှေ​သည် အစ္စရေး​အမျိုးအနွယ် နှစ်​နွယ်​နှင့်​တစ်ဝက်​ကို ဂျော်ဒန်​မြစ်​အရှေ့ဘက်ခြမ်း​တွင် အမွေမြေ​ပေး​ခဲ့​ပြီး​ဖြစ်​၏​။ လေဝိ​အမျိုး​ကို​ကား အမွေမြေ မ​ခွဲပေး​။

ယော​ရှု 18:7

လေဝိ​အမျိုး​သည် သင်​တို့​နှင့်အတူ အမွေမြေ​မ​ရ​။ ထာဝရဘုရား​ပေး​သော​ယဇ်ပုရောဟိတ်​အရိုက်အရာ​သည် သူ​တို့​၏​အမွေ​ဖြစ်​၏​။ ဂဒ်​၊ ရုဗင်​နှင့် မနာရှေ​အမျိုး​တစ်ဝက်​တို့​သည်​လည်း ထာဝရဘုရား​၏​အစေအပါး​မောရှေ​ပေး​ထား​ခဲ့​သော​အမွေမြေ​ကို ဂျော်ဒန်​မြစ်​အရှေ့ဘက်ခြမ်း​တွင် ရ​ပြီး​ဖြစ်​၏​”​ဟု ဆို​၏​။

ဗျာ​ဒိတ် 21:3

ထို့နောက် ပလ္လင်​တော်​မှ​ကျယ်လောင်​သော​အသံ​က “ကြည့်ရှု​လော့။ ဘုရားသခင်​စံရာ​တဲ​တော်​သည် လူ​တို့​တွင်​ရှိ​၍ ကိုယ်တော်​သည် သူ​တို့​နှင့်အတူ​စံမြန်း​တော်မူ​မည်။ သူ​တို့​သည်​လည်း ကိုယ်တော်​၏​လူမျိုး​တော်​ဖြစ်​ကြ​ပြီး ဘုရားသခင်​ကိုယ်တော်​တိုင် သူ​တို့​နှင့်အတူ​ရှိ​၍ သူ​တို့​၏​ဘုရားသခင်​ဖြစ်​တော်မူ​မည်။