တော​လည် 18:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထာဝရဘုရား​အား အစ္စရေး​အမျိုးသား​တို့ ပေးလှူ​သည့် အကောင်းဆုံး​ဆီ​၊ အကောင်းဆုံး​စပျစ်ဝိုင်​အသစ်​၊ အဦးဆုံး​ကောက်ပဲသီးနှံ​စသည်​တို့​အားလုံး​ကို သင်​တို့​အား ငါ​ပေး​ပြီ​။

Common Language Bible

¹² ``ဣ​သ​ရေ​လ​အ​မျိုး​သား​တို့​က​ငါ့​အား​နှစ် စဉ်​ဆက်​သ​သော​အ​ဦး​သီး​သော​အ​သီး​အ​နှံ များ​မှ​အ​ကောင်း​ဆုံး​သံ​လွင်​ဆီ၊ အ​ကောင်း​ဆုံး စ​ပျစ်​ရည်​နှင့်​အ​ကောင်း​ဆုံး​စ​ပါး​တို့​ကို သင့်​အား​ငါ​ပေး​၏။-

Garrad Bible

¹² စ ပါး၊ စ ပျစ် ရည်၊ ဆီ အ ထူး အ မြတ် မှ စ၍ ငါ ထာ ဝ ရ ဘု ရား ထံ လှူ သော လက် ဦး လက် ဖျား များ ကို သင့် အား ငါ အပ် နှင်း ပြီ။

Judson Bible

¹² ဣ​သ​ရေ​လ​အ​မျိုး​သား​ရွေး၍ ထာ​ဝ​ရ​ဘု​ရား​အား​ပူ​ဇော်​သ​မျှ အ​ကောင်း​ဆုံး​သော​ဆီ၊ အ​ကောင်း​ဆုံး​သော​စ​ပျစ်​ရည်၊ အ​ကောင်း​ဆုံး​သော​ဂျုံ​စ​ပါး​ကို သင်​တို့​အား​ငါ​ပေး​ပြီ။

တော​လည် 18:12 ပူးပေါင်းရင်းမြစ်များ

ကမ္ဘာ​ဦး 27:28

ဘုရားသခင်​သည် မိုးကောင်းကင်​၏​နှင်း​ကို​လည်းကောင်း​၊ မြေကြီး​၏​အဆီအနှစ်​ကို​လည်းကောင်း​၊ များစွာ​သော​ကောက်ပဲသီးနှံ​နှင့်​စပျစ်ဝိုင်​အသစ်​ကို​လည်းကောင်း သင့်​အား​ပေး​တော်မူ​ပါစေ​။

၄ ရာ 4:42

ထို့နောက် ဗာလရှလိရှ​မြို့​မှ​လူ​တစ်​ဦး​သည် မုယော​အသီးဦး​ဖြင့်​လုပ်​ထား​သော​မုယော​မုန့်​အလုံး​နှစ်ဆယ်​နှင့် အသီးအနှံ​တို့​ကို အိတ်​ထဲ​ထည့်​၍ ဘုရားသခင်​၏​လူ​ထံ ယူဆောင်​လာ​၏​။ ဧလိရှဲ​က​လည်း “​လူ​တို့​စား​ဖို့ ပေး​လော့​”​ဟု ဆို​၏​။

၂ ရာ​ချုပ် 31:5

ထို​အမိန့်​တော်​ကို နေရာ​အနှံ့​ထုတ်ပြန်​သည်​နှင့် အစ္စရေး​အမျိုးသား​တို့​သည် သီးဦးသီးဖျား​ကောက်ပဲသီးနှံ​များ​၊ စပျစ်ဝိုင်​အသစ်​၊ ဆီ​၊ ပျားရည်​နှင့် လယ်ယာထွက်​သီးနှံ​အားလုံး​တို့​ကို အမြောက်အမြား​ယူဆောင်​လာ​ပေး​ကြ​၏​။ ဥစ္စာ​ရှိသမျှ​၏​ဆယ်ဖို့တစ်ဖို့​ကို​လည်း အမြောက်အမြား ယူဆောင်​လာ​ကြ​၏​။

ဆာ​လံ 147:14

ကိုယ်တော်​သည် သင်​၏​နယ်နိမိတ်​ထဲ၌ ငြိမ်းချမ်းမှု​ရှိ​စေ​၍ အကောင်းဆုံး​သော​ဂျုံဆန်​ဖြင့် သင့်​ကို​ဝပြော​စေ​တော်မူ​၏​။

ဆာ​လံ 81:16

အစ္စရေး​လူမျိုး​ကို​ကား အကောင်းဆုံး​သော​ဂျုံဆန်​ဖြင့် ကိုယ်တော်​ကျွေးမွေး​တော်မူ​လိမ့်မည်​။ “​ငါ​သည် ကျောက်ဆောင်​မှ​ထွက်​သော​ပျားရည်​ဖြင့် သင့်​ကို​ဝပြော​စေ​မည်​။​”

ထွက်​မြောက် 22:29

အသီးဦး​၊ စပျစ်ရည်ဦး​တို့​ကို မ​ယူ​ထား​ဘဲ ငါ့​အား ဆက်ကပ်​ရ​မည်​။ သင်​တို့​၏​သားဦး​များ​ကို​လည်း ဆက်ကပ်​ရ​မည်​။

ထွက်​မြောက် 23:19

သင့်​မြေ​မှ​ထွက်​သော​အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့ရည်​ဖြင့် မ​ပြုတ်​ရ​။

ထွက်​မြောက် 34:26

သင့်​မြေ​မှ​ထွက်​သော အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့​ဖြင့် မ​ပြုတ်​ရ​”​ဟု မိန့်​တော်မူ​၏​။

ယေ​ဇ​ကျေ​လ 44:30

အကောင်းဆုံး​အသီးဦး​အမျိုးမျိုး​နှင့် အလှူပစ္စည်း​အမျိုးမျိုး​တို့​ကို ယဇ်ပုရောဟိတ်​တို့ ပိုင်​ရ​မည်​။ သင့်​အိမ်သား​တို့ ကောင်းချီးမင်္ဂလာ​ခံစား​ရ​မည့်​အကြောင်း သင်​၏​အဦးဆုံး​မုန့်ညက်​ကို ယဇ်ပုရောဟိတ်​တို့​အား ပေးလှူ​ရ​မည်​။

ဝတ်​ပြု 2:12

သို့သော် ၎င်း​တို့​ကို အသီးဦး​ပူဇော်သက္ကာ​အဖြစ် ထာဝရဘုရား​အား ပူဇော်​နိုင်​၏​။ မွှေးကြိုင်​သော​ရနံ့​အဖြစ် ယဇ်ပလ္လင်​ပေါ်၌ မ​ရှို့​ရ​။

ဝတ်​ပြု 2:14

သင်​သည် အဦးဆုံးသီးနှံ​၏​ဘောဇဉ်ပူဇော်သက္ကာ​ကို ထာဝရဘုရား​အား ပူဇော်​လို​လျှင် အဦးဆုံးသီးနှံ​ကို အနှံ​လိုက်​မီး​ကင်​၍ အစေ့​ကို​ကြိတ်​ပြီး ဘောဇဉ်ပူဇော်သက္ကာ​အဖြစ် ပူဇော်​ရ​မည်​။

ဝတ်​ပြု 23:17

သင်​တို့​နေအိမ်​မှ မုန့်​နှစ်​လုံး​ကို ချီလွှဲရာပူဇော်သက္ကာ​အဖြစ် ယူဆောင်​လာ​ရ​မည်​။ ထို​မုန့်​တို့​သည် အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံနှစ်ပုံ​ကို တဆေး​ဖြင့်​ဖုတ်​ထား​သော​မုန့်​ဖြစ်​ရ​မည်​။ ဤသည်ကား ထာဝရဘုရား​အဖို့ အဦးဆုံးသီးနှံ​အလှူ​ဖြစ်​၏​။

ဝတ်​ပြု 23:20

ယဇ်ပုရောဟိတ်​သည် သိုးသငယ်​နှစ်​ကောင်​ကို အဦးဆုံးသီးနှံ​၏​မုန့်​နှင့်အတူ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။ ထို​အရာ​တို့​သည် ယဇ်ပုရောဟိတ်​အတွက် ထာဝရဘုရား​ရှေ့​၌ သန့်ရှင်း​သော​ပူဇော်သက္ကာ​ဖြစ်​၏​။

တ​ရား​ဟော 18:3

နွား​ကို​ဖြစ်စေ​၊ သိုး​ကို​ဖြစ်စေ ယဇ်​ပူဇော်​သော​သူ​တို့​သည် ပခုံး​၊ မေးရိုး​၊ ဝမ်းဗိုက် စသည်​တို့​ကို ယဇ်ပုရောဟိတ်​အား​ပေး​ရ​မည်​။ ဤသည်ကား လူ​တို့​ထံမှ ယဇ်ပုရောဟိတ်​တို့​ရရှိ​သော​ဝေစု​ဖြစ်​၏​။

တ​ရား​ဟော 18:4

သင်​၏​အဦးဆုံး​ထွက်​သော​ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ အဦးဆုံး​ညှပ်​သော​သိုးမွေး တို့​ကို ယဇ်ပုရောဟိတ်​အား​ပေး​ရ​မည်​။

တ​ရား​ဟော 26:2

သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​မှ​ထွက်ရှိ​သည့် မြေ​အသီးအနှံ​အားလုံး​၏​အသီးဦး​အချို့​ကို​ယူ​၍ တောင်း​ထဲ​ထည့်​ပြီးလျှင် နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​သို့ သွား​ရ​မည်​။

တ​ရား​ဟော 32:14

နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။