တော​လည် 15:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ အစ္စရေး​အမျိုးသား​လူထု​အပေါင်း​တို့​သည် မိမိ​တို့ မရည်ရွယ်​ဘဲ​ကျူးလွန်​မိ​သော​အမှား​အတွက် ထာဝရဘုရား​အဖို့ မီး​ဖြင့်​ပူဇော်​သော​ပူဇော်သက္ကာ​ကို​လည်းကောင်း​၊ အပြစ်ဖြေရာယဇ်​ကို​လည်းကောင်း ထာဝရဘုရား​၏​ရှေ့​တော်​သို့ ယူဆောင်​ခဲ့​ကြ​သည်​ဖြစ်၍ ယဇ်ပုရောဟိတ်​သည် မရည်ရွယ်​ဘဲ​ကျူးလွန်​မိ​သော​အမှား​အတွက် အပြစ်ဖြေလွှတ်​ခြင်း​ကို​ပြု​ပေး​ရ​မည်​။ ထိုအခါ သူ​တို့​သည် အပြစ်လွှတ်​ခြင်း​ခံရ​မည်​။

Common Language Bible

²⁵ ယဇ်​ပု​ရော​ဟိတ်​သည်​ဣ​သ​ရေ​လ​အ​မျိုး သား​အ​ပေါင်း​အ​တွက် သန့်​စင်​ခြင်း​ဝတ် ကို​ပြု​ရ​မည်။ ထို​အ​ခါ​သူ​တို့​သည်​အ​ပြစ် လွတ်​လိမ့်​မည်။ အ​ဘယ်​ကြောင့်​ဆို​သော်​သူ တို့​သည်​အ​မှတ်​မ​ထင်​မှား​ယွင်း​မိ​၍ ပူ​ဇော် သကာ​အ​ဖြစ်​အ​ပြစ်​ဖြေ​ရာ​ယဇ်​ကို ထာ​ဝ​ရ​ဘု​ရား​ထံ​တော်​သို့​ယူ​ဆောင် ခဲ့​သော​ကြောင့်​ဖြစ်​သည်။-

Garrad Bible

²⁵ မ တော် တ ဆ ပြစ် မှား မိ ခြင်း အ တွက် မီး ပူ ဇော် ရာ ကို လည်း ကောင်း၊ အ ပြစ် ဖြေ ရာ သ က္ကာ ကို လည်း ကောင်း၊ ထာ ရ ဘု ရား ရှေ့ တင် သွင်း လှူ ဒါန်း ကြ သော ကြောင့် ပ ရော ဟိတ် သည် ဣ သ ရေ လ အ မျိုး သား အ ပေါင်း ပ ရိ သတ် အ ပြစ် အ ဖို့ ဖြေ ခြင်း ကို ပြု သည့် အ တိုင်း ချမ်း သာ ရ ကြ လိမ့် မည်။

Judson Bible

²⁵ ယဇ်​ပု​ရော​ဟိတ်​သည်၊ ဣ​သ​ရေ​လ​အ​မျိုး​သား ပ​ရိ​သတ်​အ​ပေါင်း​တို့​အ​ဖို့ အ​ပြစ်​ဖြေ​ခြင်း​ကို​ပြု​ရ​သ​ဖြင့်၊ သူ​တို့​သည် သ​တိ​လစ်၍​ပြစ်​မှား​သော​ကြောင့်၊ ထို​အ​ပြစ်​ကို လွှတ်​ရ​လိမ့်​မည်။ သူ​တို့​သည်​လည်း သ​တိ​လစ်​သော​အ​ပြစ်​ကြောင့်၊ အ​ပြစ်​ဖြေ​ရာ​ယဇ်​နှင့်​တ​ကွ၊ မီး​ဖြင့်​ပြု​သော​ပူ​ဇော်​သ​ကာ​ကို ထာ​ဝ​ရ​ဘု​ရား​ထံ​တော်​သို့ ဆောင်​ခဲ့​ရ​ကြ​မည်။

တော​လည် 15:25 ပူးပေါင်းရင်းမြစ်များ

ဒေသနာကျမ်း။ 5:6

သင်​၏​နှုတ်​ကြောင့် သင့်​အပေါ်​၌ အပြစ်​မ​ရောက်​စေ​နှင့်​။ စေတမန်​ရှေ့​၌ “​ထို​ကတိသစ္စာ​ကို မတော်တဆ​ပြု​မိ​ပါ​သည်​”​ဟု ပြော​ရ​သော​အကြောင်း​မ​ရှိ​စေ​နှင့်​။ အဘယ်ကြောင့် သင်​၏​စကား​အားဖြင့် ဘုရားသခင်​ကို အမျက်ထွက်​စေ​၍ သင်​၏​လက်​ဖြင့်​ပြု​သော​အမှု​ကို ဖျက်ဆီး​စေ​မည်နည်း​။

ဝတ်​ပြု 15:15

ယဇ်ပုရောဟိတ်​သည် တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ပူဇော်​ရ​မည်​။ ဤသို့ဖြင့် ယဇ်ပုရောဟိတ်​သည် အရိအရွဲ​ထွက်​သူ​အတွက် ထာဝရဘုရား​ရှေ့​တော်​၌ အပြစ်ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 4:20

အပြစ်ဖြေရာယဇ်​ဖြစ်​သော​နွားထီး​ကို ပူဇော်​သည့်​အတိုင်း ဤ​နွားထီး​ကို ပူဇော်​ရ​မည်​။ ထိုသို့​ပူဇော်​ခြင်း​အားဖြင့် ယဇ်ပုရောဟိတ်​သည် သူ​တို့​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​တို့​သည် အပြစ်လွှတ်​ခြင်း​ခံရ​မည်​။

ဝတ်​ပြု 4:26

အဆီ​ရှိသမျှ​ကို​လည်း မိတ်သဟာယယဇ်ကောင်​၏​အဆီ​ကို​ရှို့​သကဲ့သို့ ယဇ်ပလ္လင်​ပေါ်၌ ရှို့​ရ​မည်​။ ထိုသို့ ယဇ်ပုရောဟိတ်​သည် ခေါင်းဆောင်​၏​အပြစ်​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် အပြစ်လွှတ်​ခြင်း​ခံရ​မည်​။

ဝတ်​ပြု 4:31

အဆီ​ရှိသမျှ​ကို​လည်း မိတ်သဟာယယဇ်ကောင်​မှ​အဆီ​ကို​ခွာယူ​သကဲ့သို့ ခွာယူ​ရ​မည်​။ ထို​အဆီ​တို့​ကို ယဇ်ပုရောဟိတ်​သည် ထာဝရဘုရား​အဖို့ မွှေးကြိုင်​သော​ရနံ့​အဖြစ် ယဇ်ပလ္လင်​ပေါ်၌ ရှို့​ရ​မည်​။ ထိုသို့ ယဇ်ပုရောဟိတ်​သည် သူ့​အတွက်​အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် အပြစ်လွှတ်​ခြင်း​ခံရ​မည်​။

ဝတ်​ပြု 4:35

အဆီ​ရှိသမျှ​ကို​လည်း မိတ်သဟာယယဇ်​ဖြစ်​သော​သိုး​မှ အဆီ​ကို​ခွာယူ​သကဲ့သို့ ခွာယူ​ရ​မည်​။ ယဇ်ပုရောဟိတ်​သည် ထို​အဆီ​တို့​ကို ထာဝရဘုရား​အဖို့ မီး​ဖြင့်​ပူဇော်​သော​ယဇ်ကောင်​ပေါ်​တင်​၍ ယဇ်ပလ္လင်​ပေါ်၌ ရှို့​ရ​မည်​။ ထိုသို့ ထို​သူ​ကျူးလွန်​သော​အပြစ်​အတွက် ယဇ်ပုရောဟိတ်​သည် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် အပြစ်လွှတ်​ခြင်း​ခံရ​မည်​။

လုကာ 23:34

ထိုအခါ ယေရှု​က“အို အဖ၊ သူ​တို့​သည် မိမိ​တို့​ပြု​နေ​သော​အမှု​ကို မ​သိ​ကြ​သည်​ဖြစ်၍ သူ​တို့​ကို​ခွင့်လွှတ်​တော်မူ​ပါ”​ဟု မြွက်ဆို​တော်မူ​၏။ သူ​တို့​သည် ကိုယ်တော်​၏​အဝတ်​တော်​များ​ကို မဲ​ချ​၍​ခွဲဝေ​ကြ​၏။

တမန်တော်ဝတ္ထု 13:39

ထို​အရှင်​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​သည်​ကို​လည်းကောင်း သင်​တို့​သိမှတ်​ကြ​လော့။

ရော​မ 3:25

ဘုရားသခင်​သည် မိမိ​၏​ဖြောင့်မတ်​ခြင်း​ကို​ထင်ရှား​စေရန် ခရစ်တော်​ကို​ခန့်ထား​၍ ယုံကြည်​ခြင်း​အတွက် ခရစ်တော်​၏​သွေး​တော်​ကို အသနားခံ​ခြင်း​ပူဇော်သက္ကာ​ဖြစ်​စေ​တော်မူ​၏။ တစ်နည်းဆိုသော် ဘုရားသခင်​သည် သည်းခံ​တော်မူ​ခြင်း​အားဖြင့် လွန်ခဲ့​ပြီး​သော​အပြစ်​များ​အတွက် အပြစ်​မ​ယူ​ဘဲ​နေ​တော်မူ​၏။

တ​ရား​ဟော 21:21

မြို့သား​ယောက်ျား​အပေါင်း​တို့​သည် ထို​သူ​ကို ခဲ​နှင့်​အသေ​ပေါက်သတ်​ရ​မည်​။ ဤသို့ဖြင့် မကောင်းမှု​ကို သင့်​ထဲ​မှ​ဖယ်ရှား​ပစ်​ရ​မည်​။ သို့မှသာ အစ္စရေး​လူမျိုး​အပေါင်း​တို့​သည် ကြား​၍ ကြောက်ရွံ့​ကြ​လိမ့်မည်​။

ဟေ​ဗြဲ 2:17

ထို့ကြောင့် ကိုယ်တော်​သည် လူ​တို့​၏​အပြစ်​များ​အတွက် အသနားခံ​ခြင်း​အမှု​ကို​ပြု​ရန် ဘုရားသခင်​ရှေ့​တော်​၌ သနား​ကြင်နာ​တတ်​သည့် သစ္စာရှိ​သော​ယဇ်ပုရောဟိတ်​မင်း​ဖြစ်​မည့်​အကြောင်း အရာရာ​၌ ညီအစ်ကို​များ​နှင့်​တူ​ရ​၏။

ဟေ​ဗြဲ 9:7

ဒုတိယ​အခန်း​ထဲသို့​မူကား ယဇ်ပုရောဟိတ်​မင်း​တစ်ပါးတည်း​သာ တစ်​နှစ်​တစ်ကြိမ်​ဝင်​လေ​၏။ ထိုသို့​ဝင်​သောအခါ မိမိ​အတွက်​လည်းကောင်း၊ လူ​တို့​မ​သိ​နားမလည်​၍​ကျူးလွန်​မိ​သော​အပြစ်​များ​အတွက်​လည်းကောင်း ပူဇော်​သည့်​သွေး​မ​ပါ​ဘဲ​ဝင်​ခြင်း​မ​ရှိ။

၁ ယော 2:2

ထို​အရှင်​သည် ငါ​တို့​အပြစ်​များ​အတွက် အသနားခံ​ခြင်း​ပူဇော်သက္ကာ​ဖြစ်​တော်မူ​၏။ ငါ​တို့​အပြစ်​များ​အတွက်​သာမက လောကီသား​အပေါင်း​တို့​၏​အပြစ်​များ​အတွက်​လည်း ဖြစ်​တော်မူ​၏။