တော​လည် 11:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ထာဝရဘုရား​သည် လေ​ကို​တိုက်ခတ်​စေ​တော်မူ​၍ ပင်လယ်​မှ ငုံး​တို့​ကို​သယ်ဆောင်​လာ​စေ​၏​။ တပ်စခန်း​၏​ပတ်ပတ်လည် ဟိုဘက်​မှ​တစ်ရက်​ခရီး​၊ သည်ဘက်​မှ​တစ်ရက်​ခရီး​အကွာအဝေး​ခန့်​တိုင်အောင် တပ်စခန်း​၌ ကျ​စေ​သဖြင့် ငုံး​တို့​သည် မြေပြင်​ပေါ်မှ​နှစ်​တောင်​ခန့်​အထူ​ရှိ​လေ​၏​။

Common Language Bible

³¹ ထာ​ဝ​ရ​ဘု​ရား​သည်​ပင်​လယ်​ဘက်​မှ​လေ​ကို တိုက်​စေ​သ​ဖြင့် လေ​နှင့်​အ​တူ​ငုံး​ငှက်​များ​ပါ လာ​၏။ ထို​ငုံး​ငှက်​များ​သည်​မြေ​ပြင်​အ​ထက် သုံး​ပေ​အ​မြင့်​မှ​ပျံ​သန်း​လာ​၍ စ​ခန်း​အ​တွင်း နှင့်​စ​ခန်း​အ​ပြင်​မိုင်​များ​စွာ​ပတ်​လည်​နေ​ရာ အ​နှံ့​အ​ပြား​တွင်​နား​ကြ​လေ​သည်။-

Garrad Bible

³¹ ထာ ဝ ရ ဘု ရား တိုက် စေ တော် မူ သော လေ ဖြင့် ပင် လယ် မှ ဆောင် ယူ ခဲ့ သော ငုံး ငှက် များ သည် တပ် စ ခန်း ပတ် လည် တစ် ရက် ခ ရီး ခန့် တိုင် အောင် မြေ မှ အ မြင့် နှစ် တောင် ခန့် ပျံ လျက် ကျ ကြ ရာ၊

Judson Bible

³¹ ထို​အ​ခါ ထာ​ဝ​ရ​ဘု​ရား​သည်​လေ​ကို​စေ​လွှတ်၍၊ ငုံး​များ​ကို ပင်​လယ်​မှ​ဆောင်​ခဲ့​သ​ဖြင့်၊ တပ်​ပတ်​လည် တစ်​ရက်​ခ​ရီး​စီ​တိုင်​တိုင်​ကွာ​သော အ​ရပ်​တို့၌၊ မြေ​ပေါ်​မှာ ဒု​နှစ်​တောင်​ခန့်​မျှ ဆင်း​စေ​တော်​မူ၏။

တော​လည် 11:31 ပူးပေါင်းရင်းမြစ်များ

ဆာ​လံ 105:40

သူ​တို့​တောင်း​သောအခါ ကိုယ်တော်​သည် ငုံး​ကို​ယူဆောင်​လာ​ပြီး ကောင်းကင်​မှ​မုန့်​ဖြင့် သူ​တို့​ကို​ဝပြော​စေ​တော်မူ​၏​။

ဆာ​လံ 106:15

ထိုအခါ ကိုယ်တော်​သည် သူ​တို့​တောင်း​သော​အရာ​ကို သူ​တို့​အား ပေး​တော်မူ​သော်လည်း သူ​တို့​အပေါ်​၌ ပိန်ချုံး​ခြင်း​ဝေဒနာ​ကို သက်ရောက်​စေ​တော်မူ​၏​။

ဆာ​လံ 135:7

ကိုယ်တော်​သည် မိုးတိမ်​များ​ကို ကမ္ဘာမြေကြီး​အစွန်း​မှ​တက်လာ​စေ​၍ မိုး​နှင့်အတူ​လျှပ်စီး​များ​ကို​ဖြစ်ပေါ်​စေ​ကာ လေ​ကို မိမိ​၏​သိုလှောင်​တိုက်​မှ ထုတ်ဆောင်​တော်မူ​၏​။

ထွက်​မြောက် 10:13

သို့ဖြစ်၍ မောရှေ​သည် မိမိ​တောင်ဝှေး​ကို အီဂျစ်​ပြည်​ပေါ်သို့​ဆန့်​လိုက်​သော် ထာဝရဘုရား​သည် ထို​ပြည်​ပေါ်သို့ ထို​နေ့​တစ်နေ့လုံး ထို​ည​တစ်ညလုံး အရှေ့​လေ​ကို တိုက်ခတ်​စေ​တော်မူ​၏​။ နံနက်အချိန်​ရောက်​သောအခါ ထို​အရှေ့​လေ​သည် ကျိုင်းကောင်​များ​ကို သယ်ဆောင်​လာ​၏​။

ထွက်​မြောက် 10:19

ထာဝရဘုရား​သည် အနောက်​လေ​ကို အပြင်းအထန်​တိုက်ခတ်​စေ​၍ ထို​လေ​သည် ကျိုင်းကောင်​များ​ကို​ဆောင်ယူ​သွား​ပြီး ပင်လယ်နီ​ထဲသို့​ချလိုက်​သဖြင့် အီဂျစ်​ပြည်​တစ်ပြည်လုံး​တွင် ကျိုင်းကောင်​တစ်​ကောင်​မျှ​မ​ကြွင်းကျန်​တော့​ပေ​။

ထွက်​မြောက် 15:10

ကိုယ်တော်​သည် လေ​ကို​ရှူထုတ်​လိုက်​ရာ ပင်လယ်​ရေ​သည် သူ​တို့​ကို​ဖုံးလွှမ်း​၍ ရေထု​အောက်​သို့ ခဲသတ္တု​သဖွယ်​နစ်မြုပ်​သွား​လေ​၏​။

ထွက်​မြောက် 16:13

နေဝင်ချိန်​၌ ငုံး​တို့​သည် တက်လာ​၍ တပ်စခန်း​ကို​ဖုံးလွှမ်း​ကြ​၏​။ နံနက်အချိန်​၌​လည်း တပ်စခန်း​ပတ်ပတ်လည်​တွင် နှင်းကျ​လေ​၏​။

တော​လည် 11:30

မောရှေ​သည် အစ္စရေး​အမျိုးသား​သက်ကြီးဝါကြီး​တို့​နှင့်အတူ တပ်စခန်း​သို့ ပြန်သွား​လေ​၏​။