တိ​တု 1:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ကရေတေ​ကျွန်းသား​များ​ထဲမှ သူ​တို့​၏​အမျိုးသား​ချင်း​ပရောဖက်​တစ်​ဦး​က “ကရေတေ​ကျွန်းသား၊ လူလိမ်​များ​ကား၊ ဆိုးသွမ်း​သားရဲ၊ မြဲ​စား​ကြူး​သူ၊ ပျင်းရိ​လူ”​ဟု စပ်ဆို​ထား​၏။

Common Language Bible

^12-14 သူ​တို့​၏​ပ​ရော​ဖက်​ဖြစ်​သူ​က​ရေ​တေ​ကျွန်း သား​တစ်​ဦး​က​ပင်​လျှင်``က​ရေ​တေ​ကျွန်း​သား တို့​သည်​အ​စဉ်​လိမ်​လည်​သူ​များ၊ သား​ရဲ​ဆိုး များ၊ ပျင်း​ရိ​စား​ကြူး​သူ​များ​ဖြစ်​၏'' ဟု​ပြော ဆို​ခဲ့​၏။ ထို​သူ​၏​ပြော​ဆို​ချက်​သည်​မှန်​ပေ သည်။ သို့​ဖြစ်​၍​သူ​တို့​သည်​အ​မှန်​တ​ကယ် ယုံ​ကြည်​လာ​ကြ​စေ​ရန်​လည်း​ကောင်း၊ ယု​ဒ ဒဏ္ဍာရီ​စ​ကား​များ​နှင့်​သမ္မာ​တ​ရား​ကို ပစ်​ပယ် သူ​တို့​၏​ပ​ညတ်​များ​ကို​စွန့်​လွှတ်​လိုက်​ကြ စေ​ရန်​လည်း​ကောင်း​သူ​တို့​အား​ကြပ်​တည်း စွာ​ဆုံး​မ​ရ​မည်။-

Garrad Bible

¹² က ရေ တေ ကျွန်း သား တို့ သည် အ စဉ် မု သာ အိုး သား ရဲ ဆိုး ပျင်း ရိ စား ကြူး သူ များ ဖြစ် သည် ဟု ချင်း တို့ ပ ရော ဖက် တစ် ဦး သက် သေ ခံ တိုင်း ဟုတ် မှန်၏။

Judson Bible

¹² သူ​တို့​အ​ပါ​အ​ဝင်၊ အ​မျိုး​သား​ချင်း​ပ​ရော​ဖက် ဆ​ရာ​တစ်​ယောက်​က၊ က​ရက်​သား​မြဲ၊ မု​သား​စွဲ​လမ်း၊ သား​ရဲ​ကြမ်း​ကြုတ်၊ စား​ကြူး​တုတ်​တုတ်၊ လူ​ယုတ်​ပေ​ဟု စပ်​ဆို​သ​တည်း။-

ခေတ်သစ်​မြန်မာ သမ္မာကျမ်း

¹² ကရေတေ​ကျွန်းသား ပရောဖက်​တစ်ဦး​ကပင် “ကရေတေ​ကျွန်းသား၊ စဉ်မြဲ​လှည့်စား၊ သားရဲ​ဆိုးယုတ်၊ စားကြူးတုတ်လေ လူပျင်းပေ” ဟူ၍ ဆိုခဲ့၏။

တိ​တု 1:12 ပူးပေါင်းရင်းမြစ်များ

တမန်တော်ဝတ္ထု 17:28

အကြောင်းမူကား သင်​တို့​ထဲမှ ကဗျာ​ဆရာ​အချို့​တို့​က ‘စင်စစ်ဆိုသော် ငါ​တို့​သည်​ကား ကိုယ်တော့်​အမျိုးအနွယ် ဖြစ်​ကြ​ကုန်​၏’​ဟု စပ်ဆို​ထား​သည့်​အတိုင်း ငါ​တို့​သည် ကိုယ်တော်​၌ အသက်ရှင်​လျက်၊ လှုပ်ရှား​လျက်၊ ဖြစ်တည်​လျက် ရှိ​ကြ​၏။

တမန်တော်ဝတ္ထု 2:11

ကရေတေ​ကျွန်းသား​များ၊ အာရပ်​ပြည်သား​များ​လည်း​ရှိ​ကြ​၏။ သို့ဖြစ်လျက်နှင့် ဤ​သူ​တို့​သည် ဘုရားသခင်​၏​အံ့ဖွယ်​သော​အမှု​တို့​ကို ငါ​တို့​၏​ဘာသာ​စကား​များ​ဖြင့် ပြောဆို​နေ​ကြ​သည်​ကို ငါ​တို့​ကြား​ရ​ပါ​သည်​တကား”​ဟု ပြောဆို​ကြ​၏။

တမန်တော်ဝတ္ထု 27:12

ထို​ဆိပ်ကမ်း​သည်​လည်း ဆောင်း​ခို​ရန်​မ​သင့်လျော်​သော​ဆိပ်ကမ်း​ဖြစ်​သောကြောင့် အများစု​က ထို​ဆိပ်ကမ်း​မှ​ရွက်လွှင့်​ပြီး ဖြစ်နိုင်​လျှင် အနောက်​တောင်​နှင့် အနောက်​မြောက်​သို့​မျက်နှာမူ​သည့် ကရေတေ​ကျွန်း​၏​ဖိနိတ်​ဆိပ်ကမ်း​သို့ တစ်နည်းနည်း​ဖြင့်​သွား​၍ ဆောင်းခို​မည်​ဟု ဆုံးဖြတ်​ကြ​၏။

တမန်တော်ဝတ္ထု 27:13

တောင်​လေ​ဖြည်းညင်း​စွာ​တိုက်ခတ်​လာ​သောအခါ သူ​တို့​သည် အကြံအစည်​အောင်မြင်​ပြီ​ဟု​ထင်မှတ်​လျက် ကျောက်ဆူး​ကို​နုတ်​ပြီးလျှင် ကရေတေ​ကျွန်း​၏​ကမ်းခြေ​ကို​ကပ်​၍ ရွက်လွှင့်​ကြ​၏။

တမန်တော်ဝတ္ထု 27:7

ရက်​ပေါင်း​များစွာ​တစ်ရွေ့ရွေ့​ရွက်လွှင့်​ကြ​ပြီးနောက် ကနိဒ်​မြို့​နား​သို့ ခက်ခဲ​စွာ​ဖြင့်​ရောက်ရှိ​ကြ​၏။ ငါ​တို့​သည် လေ​ကြောင့် ဆက်​မ​သွား​နိုင်​တော့​သဖြင့် သာလမုန်​အငူ​နား​မှ​ဖြတ်​၍ ကရေတေ​ကျွန်း​၏​လေကွယ်​ရာ​ဘက်​မှ ရွက်လွှင့်​သွား​ကြ​၏။

ရော​မ 16:18

အကြောင်းမူကား ထိုသို့​သော​သူ​တို့​သည် ငါ​တို့​၏​သခင်​ခရစ်တော်​ကို အစေ​မ​ခံ​ဘဲ မိမိ​တို့​၏​ဝမ်းဗိုက်​ကို​သာ အစေခံ​၍ ချိုသာ​သော​စကား​နှင့် မြှောက်ပင့်​သော​စကား​တို့​ဖြင့် ရိုးစင်း​သော​သူ​တို့​၏​စိတ်နှလုံး​ကို လှည့်ဖြား​တတ်​ကြ​၏။

ဖိ​လိပ္ပိ 3:19

ထို​သူ​တို့​၏​နိဂုံး​သည် ပျက်စီး​ခြင်း​ဖြစ်​၏။ သူ​တို့​၏​ဘုရား​သည် သူ​တို့​၏​ဝမ်းဗိုက်​ဖြစ်​၍ သူ​တို့​သည် မိမိ​တို့​၏​ရှက်ဖွယ်ရာ​၌ ဂုဏ်ယူ​ဝါကြွား​ကြ​၏။ သူ​တို့​စွဲလမ်း​သော​အရာ​သည် လောက​နှင့်ဆိုင်သော​အရာ​များ​ပင်​ဖြစ်​ကြ​၏။

၁ တိ 4:2

ထို​သွန်သင်ချက်​များ​သည် မိမိ​တို့​အသိစိတ်​ကို သံပူ​တံဆိပ်​ခတ်​ထား​ခြင်း​ခံရ​သည့် လိမ်လည်​သော​သူ​တို့​၏​သူတော်ကောင်း​ယောင်ဆောင်​မှု​အားဖြင့်​ဖြစ်​၏။

တိ​တု 1:5

ကရေတေ​ကျွန်း​တွင် သင့်​ကို ငါ​ထားခဲ့​ခြင်း​မှာ သင့်​အား ငါ​မှာကြား​ထား​သည့်​အတိုင်း လိုအပ်​သည့်​အရာ​များ​ကို စီမံ​ဆောင်ရွက်​ရန်​နှင့် မြို့​တိုင်း​တွင် အသင်းတော်​အကြီးအကဲ​များ​ကို ခန့်ထား​ရန်​အတွက်​ဖြစ်​၏။

၂ ပေ 2:12

သို့သော် သူ​တို့​သည် ဖမ်းဆီး​ခြင်း​နှင့်​ဖျက်ဆီး​ခြင်း​ခံရ​ရန်​အတွက် ပေါက်ဖွား​လာ​သည့် ဘာသာဘာဝ​ဆင်ခြင်​ဉာဏ်​မ​ရှိ​သော တိရစ္ဆာန်​များ​ကဲ့သို့​ဖြစ်​ကြ​ပြီး မိမိ​တို့​နား​မ​လည်​သည့်​အရာ​များ​ကို စော်ကား​ပြောဆို​တတ်​ကြ​၏။ သူ​တို့​သည် ထို​တိရစ္ဆာန်​များ​ပျက်စီး​သကဲ့သို့ ပျက်စီး​သွား​၍

၂ ပေ 2:15

သူ​တို့​သည် ဖြောင့်တန်း​သော​လမ်း​ကို​စွန့်ခွာ​၍ လမ်းလွဲ​ကာ မတရားမှု​ကြောင့်​ရရှိ​သော​အဖိုးအခ​ကို​နှစ်သက်​သည့် ဗော်သော်​၏​သား ဗာလမ်​၏​လမ်းစဉ်​ကို​လိုက်​ကြ​၏။