တမန်တော်ဝတ္ထု 4:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အကျွန်ုပ်​တို့​သည် မိမိ​တို့​ကြား​ရ၊ မြင်​ရ​သော​အရာ​တို့​ကို မ​ဟောပြော​ဘဲ​မ​နေ​နိုင်”​ဟု သူ​တို့​အား ပြန်ပြော​ကြ​၏။

Common Language Bible

²⁰ ငါ​တို့​မူ​ကား​မိ​မိ​တို့​ကြား​ရ​မြင်​ရ​သည့် အ​မှု​အ​ရာ​များ​အ​ကြောင်း​ကို​မ​ဟော​မ ပြော​ဘဲ​မ​နေ​နိုင်​ပါ'' ဟု​ပြန်​ပြော​ကြ​၏။-

Garrad Bible

²⁰ ငါ တို့ မူ ကား ကြား ခဲ့ မြင် ခဲ့ ရာ များ ကို မ ဟော ဘဲ မ နေ နိုင် ဟု ပြန် ဆို ကြ ၏။

Judson Bible

²⁰ ငါ​တို့​သည် ကြား​လျက်၊ မြင်​လျက်​ရှိ​သော​အ​ရာ​တို့​ကို မ​ဟော​မ​ပြော​ဘဲ​မ​နေ​နိုင်​ဟု ထို​သူ​တို့​အား ဆို​ကြ၏။-

ခေတ်သစ်​မြန်မာ သမ္မာကျမ်း

²⁰ ကျွန်ုပ်တို့​သည် မြင်တွေ့​၍ ကြားခဲ့ပြီးသော​အရာတို့​ကို မဟောပြောဘဲ​မနေနိုင်ပါ” ဟု ပြန်ဖြေကြ၏။

တမန်တော်ဝတ္ထု 4:20 ပူးပေါင်းရင်းမြစ်များ

၂ ရာ 23:2

“​ထာဝရဘုရား​၏​ဝိညာဉ်​တော်​သည် ငါ့​အားဖြင့် မြွက်ဆို​တော်မူ​၏​။ စကား​တော်​သည် ငါ​၏​လျှာ​တွင် တည်​တော်မူ​၏​။

ယေ​ရ​မိ 1:7

သို့သော် ထာဝရဘုရား​က ငါ့​အား “ ‘အကျွန်ုပ်​သည် သူငယ်​သာ​ဖြစ်​ပါ​သည်’​ဟု မ​ဆို​နှင့်​။ သင့်​ကို​ငါ​စေလွှတ်​သော လူ​အပေါင်း​တို့​ထံသို့ သင်​သွား​ရ​မည်​။ ငါ​မိန့်မှာ​သော​စကား​အလုံးစုံ​တို့​ကို သင်​ပြောကြား​ရ​မည်​။

ယေ​ရ​မိ 20:9

ငါ​က “​ကိုယ်တော်​ကို မ​အောက်မေ့​၊ နာမ​တော်​ဖြင့် မ​ဟောပြော​လို​တော့​ပြီ​”​ဟု ဆို​သော်လည်း ငါ့​စိတ်နှလုံး​ထဲ၌ မီး​တောက်လောင်​သကဲ့သို့ ပူလောင်​၏​။ ငါ့​အရိုး​ထဲထိ ပူလောင်​၏​။ ငါ​မ​ခံ​မ​ရပ်​နိုင်​အောင် ပင်ပန်း​လှ​၏​။

ယေ​ရ​မိ 4:19

ငါ့​အူ​ထဲ​၊ အသည်း​ထဲ​အထိ နာကျင်​နေ​၏​။ ငါ့​စိတ် မငြိမ်မသက်​ဖြစ်​နေ​၏​။ ငါ​သည် တိတ်ဆိတ်​စွာ​မ​နေ​နိုင်​။ တံပိုးမှုတ်သံ​၊ စစ်ပွဲ​ကြွေးကြော်သံ​ကို ငါ​ကြား​ရ​၏​။

ယေ​ရ​မိ 6:11

သို့ဖြစ်၍ ထာဝရဘုရား​၏​အမျက်ဒေါသ​သည် အကျွန်ုပ်​ထဲ၌​ပြည့်​၍ မထမ်း​နိုင်​လောက်အောင် ပင်ပန်း​လှ​၏​။ “​ထို​အမျက်ဒေါသ​ကို လမ်း​ပေါ်​ရှိ ကလေးသူငယ်​များ​နှင့်တကွ လူငယ်​အစုအဝေး​တို့​အပေါ် သွန်ချ​လော့​။ လင်​မယား​၊ သက်ကြီးရွယ်အို​တို့​သည်​လည်း ဖမ်းဆီး​ခြင်း​ခံရ​လိမ့်မည်​။

ယေ​ဇ​ကျေ​လ 3:11

ဖမ်းခေါ်​သွား​ခြင်း​ခံရ​သော သင့်​အမျိုးသားချင်း​တို့​ထံသို့​သွား​၍ သူ​တို့​နားထောင်​သည်​ဖြစ်စေ​၊ နား​မ​ထောင်​သည်​ဖြစ်စေ ‘ဘုရားရှင်​ထာဝရဘုရား ဤသို့​မိန့်​တော်မူ​သည်’​ဟူ၍ သူ​တို့​အား ဆင့်ဆို​ရ​မည်​”​ဟု ဆို​၏​။

အာ​မုတ် 3:8

ခြင်္သေ့​ဟိန်းဟောက်​သောအခါ မ​ကြောက်​သော​သူ ရှိ​သလော​။ ဘုရားရှင်​ထာဝရဘုရား​မိန့်ဆို​သောအခါ ပရောဖက်​မ​ပြု​ဘဲ နေ​ဝံ့​သူ ရှိ​သလော​။

မိက္ခာ 3:8

အကျွန်ုပ်​မူကား ယာကုပ်​ပုန်ကန်​သော​အပြစ်​၊ အစ္စရေး​ကျူးလွန်​သော​အပြစ်​ကို ဖော်ပြ​နိုင်​ရန် ထာဝရဘုရား​၏​ဝိညာဉ်​တော်​တန်ခိုး​နှင့်​လည်းကောင်း​၊ တရားမျှတမှု​နှင့် အစွမ်းတန်ခိုး​တို့​နှင့်​လည်းကောင်း ပြည့်ဝ​၏​။

တော​လည် 22:38

ဗာလမ်​က​လည်း ဗာလက်​မင်းကြီး​အား “​ယခု သင့်​ထံသို့​ငါ​ရောက်လာ​ပြီ​။ သို့သော် ငါ​သည် တစ်စုံတစ်ရာ ပြော​ခွင့်​ရှိ​သလော​။ ငါ့​နှုတ်​၌ ဘုရားသခင်​သွင်းပေး​သည့်​စကား​ကို​သာ ငါ​ပြော​ရ​မည်​”​ဟု ပြန်ပြော​လေ​၏​။

တော​လည် 23:20

ကောင်းချီးပေး​မည့်​အကြောင်း အမိန့်​တော်​ကို ငါ​ခံရ​ပြီ​။ ကိုယ်တော်​သည် ကောင်းချီးပေး​တော်မူ​သည်​ဖြစ်၍ ထို​ကောင်းချီး​ကို ငါ​မ​ပြောင်းလဲ​နိုင်​။

လုကာ 1:2

မူလ​မျက်မြင်​သက်သေ​တို့​နှင့် နှုတ်ကပတ်​တရား​တော်​၏​အမှု​ကို​ဆောင်ရွက်​သော​သူ​တို့​က ငါ​တို့​အား​ဟောပြော​ခဲ့​သည့်​အတိုင်း စီကုံး​ရေးသား​ရန် လူ​အများ​တို့​သည် ကြိုးစား​ကြ​သည်​ဖြစ်၍

တမန်တော်ဝတ္ထု 1:22

တစ်နည်းအားဖြင့် ယောဟန်​ဗတ္တိဇံ​ပေး​သည့်​အချိန်​မှ​စ​၍ ငါ​တို့​ထံမှ အထက်သို့ ဆောင်ယူ​ခြင်း​ကို​ခံ​တော်မူ​သည့်​နေ့ရက်​တိုင်အောင် ငါ​တို့​နှင့်​လိုက်​ပါ​သူ​များ​ထဲမှ တစ်​ဦး​သည် ကိုယ်တော်​၏​ရှင်ပြန်​ထမြောက်​ခြင်း​အကြောင်း​ကို ငါ​တို့​နှင့်အတူ သက်သေခံ​သူ​ဖြစ်​ရ​မည်”​ဟု ဆို​လေ​၏။

တမန်တော်ဝတ္ထု 1:8

သို့သော် သင်​တို့​အပေါ်သို့ သန့်ရှင်း​သော​ဝိညာဉ်​တော်​သက်ရောက်​လာ​သောအခါ သင်​တို့​သည် တန်ခိုး​ကို​ရရှိ​လျက် ဂျေရုဆလင်​မြို့၊ ယုဒ​နယ်​နှင့်​ရှမာရိ​နယ်​တစ်ခုလုံး​သာမက မြေကြီး​စွန်း​တိုင်အောင် ငါ​၏​သက်သေ​များ​ဖြစ်​ကြ​လိမ့်မည်”​ဟု မိန့်​တော်မူ​၏။

တမန်တော်ဝတ္ထု 18:5

သိလ​နှင့်​တိမောသေ​တို့​သည် မာကေဒေါနိ​ပြည်​မှ ဆင်း​လာ​ကြ​သောအခါ ပေါလု​သည် နှုတ်ကပတ်တော်​ဟောပြော​ခြင်း​အမှု​ကို​သာ ဆောင်ရွက်​လျက် ယေရှု​သည် ခရစ်တော်​ဖြစ်​ကြောင်း ဂျူး​လူမျိုး​တို့​အား သက်သေခံ​လေ​၏။

တမန်တော်ဝတ္ထု 2:32

ဘုရားသခင်​သည် ထို​ယေရှု​ကို ထမြောက်​စေ​တော်မူ​၏။ ငါ​တို့​အားလုံး​သည် ဤ​အကြောင်းအရာ​၏​သက်သေ​များ​ဖြစ်​ကြ​၏။

တမန်တော်ဝတ္ထု 2:4

ထိုအခါ သူ​တို့​အားလုံး​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဝိညာဉ်​တော်​သည် သူ​တို့​အား ပြော​နိုင်စွမ်း​ပေး​တော်မူ​သည့်​အတိုင်း အခြား​သော​ဘာသာ​စကား​များ​ဖြင့် စတင်​ပြောဆို​ကြ​၏။

တမန်တော်ဝတ္ထု 22:15

အကြောင်းမူကား သင်​သည် မိမိ​မြင်​ရ၊ ကြား​ရ​သော​အရာ​တို့​အတွက် လူ​အပေါင်း​တို့​ရှေ့တွင် ကိုယ်တော်​၏​သက်သေ​ဖြစ်​ရ​လိမ့်မည်။

တမန်တော်ဝတ္ထု 3:15

အသက်​ပေးပိုင်​သော​အရှင်​ကို​မူ သင်​တို့​ကွပ်မျက်​ကြ​၏။ သို့သော် ဘုရားသခင်​သည် ထို​အရှင်​ကို သေ​သော​သူ​တို့​ထဲမှ ထမြောက်​စေ​တော်မူ​၏။ ငါ​တို့​သည် ဤ​အမှုအရာ​၏​သက်သေ​များ​ဖြစ်​ကြ​၏။

တမန်တော်ဝတ္ထု 5:32

ငါ​တို့​သည် ဤ​အကြောင်းအရာ​တို့​၏​သက်သေ​များ​ဖြစ်​ကြ​၏။ ဘုရားသခင်​သည် မိမိ​စကား​ကို​နားထောင်​သော​သူ​တို့​အား ပေး​တော်မူ​သည့် သန့်ရှင်း​သော​ဝိညာဉ်​တော်​သည်​လည်း သက်သေ​ဖြစ်​တော်မူ​၏”​ဟု ပြန်ဖြေ​ကြ​၏။