တမန်တော်ဝတ္ထု 21:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ လူမျိုးခြား​တို့​ထဲမှ ယုံကြည်​လာ​သော​သူ​တို့​အတွက်​မူကား ရုပ်တု​အား​ပူဇော်​ထား​သော​အရာ၊ သွေး၊ လည်​ညှစ်​သတ်​ထား​သော​တိရစ္ဆာန်​နှင့် တရားနှင့်မညီ​မေထုန်ပြု​ခြင်း​တို့​ကို ရှောင်ကြဉ်​ရန် ငါ​တို့​ဆုံးဖြတ်​၍ စာ​ရေးသား​ပေးပို့​ကြ​ပြီ”​ဟု ဆို​ကြ​၏။

Common Language Bible

²⁵ ယုံ​ကြည်​သူ​လူ​မျိုး​ခြား​တို့​အ​တွက်​မူ​ကား ရုပ်​တု​များ​ကို​ပူ​ဇော်​သည့်​အ​စား​အ​စာ၊ သွေး၊ လည်​ညှစ်​သား​တို့​ကို​မ​စား​ရန်​နှင့်​ကာ​မ​ဂုဏ် လိုက်​စား​မှု​ကို​ရှောင်​ကြဉ်​ရန် ငါ​တို့​စီ​ရင်​ဆုံး ဖြတ်​၍​သူ​တို့​ထံ​သို့​စာ​ရေး​အ​ကြောင်း ကြား​ပြီး​ပါ​ပြီ'' ဟု​ဆို​ကြ​၏။

Garrad Bible

²⁵ ယုံ ကြည် သော လူ မျိုး ခြား တို့ နှင့် စပ်၍ မူ ကား ရုပ် ပွား အား ပူ ဇော် ပြီး သော အ သား၊ အ သွေး ပါ သော အ သား၊ ညှစ် ၍ သေ သော အ သား သုံး ဆောင် ခြင်း၊ မ တ ရား သော မေ ထုန် ပြု ခြင်း များ ကို ကြဉ် ရှောင် ကြ စေ ရန် သာ စီ ရင် လျက်၊ ငါ တို့ ပ ညတ် လေ ပြီ ဟု အ ကြံ ပေး ကြ သည့် အ တိုင်း၊

Judson Bible

²⁵ ယုံ​ကြည်​ခြင်း​သို့​ရောက်​သော တစ်​ပါး​အ​မျိုး​သား​တို့​မူ​ကား၊ ထို​သို့​သော​တ​ရား​ကို​မ​ကျင့်​မ​စောင့်​ဘဲ​လျက်၊ ရုပ်​တု​ရှေ့​မှာ​ပူ​ဇော်​သော ယဇ်​ကောင်​ကို​လည်း​ကောင်း၊ အ​သွေး​ကို​လည်း​ကောင်း၊ လည်​ပင်း​ကို​ညှစ်၍ သတ်​သော​အ​ရာ​ကို​လည်း​ကောင်း၊ မ​တ​ရား​သော မေ​ထုန်​ကို​လည်း​ကောင်း၊ ရှောင်​စေ​ခြင်း​ငှာ​သာ ငါ​တို့​သည် စီ​ရင်၍ ကြား​လိုက်​ခဲ့​ပြီ​ဟု​ဆို​ကြ၏။

ခေတ်သစ်​မြန်မာ သမ္မာကျမ်း

²⁵ ယုံကြည်လာကြသော​လူမျိုးခြားများ​အတွက်​မူ သူတို့​သည် ရုပ်တုများ​ကို ပူဇော်ထားသော​အစားအစာ​ကို စားသုံးခြင်း၊ သွေး​ကို စားသုံးခြင်း၊ လည်​ညှစ်သတ်သော​တိရစ္ဆာန်များ​၏​အသား​ကို စားသုံးခြင်း​နှင့် တရား​နှင့်​မညီသော မေထုန်​ပြုခြင်း စသည်တို့​ကို ရှောင်ကြဉ်​ရန် ကျွန်ုပ်တို့​ဆုံးဖြတ်​၍ စာရေးပေးပို့ကြပြီ” ဟု ဆိုကြ၏။

တမန်တော်ဝတ္ထု 21:25 ပူးပေါင်းရင်းမြစ်များ

မဿဲ 5:32

သို့သော် သင်​တို့​အား ငါ​ဆို​သည်​ကား တရားနှင့်မညီ​မေထုန်ပြု​ခြင်း​အကြောင်း​မှလွဲ၍ မိမိ​မယား​ကို​ကွာရှင်း​သော​သူ​တိုင်း​သည် ထို​မယား​အား အိမ်ထောင်ရေး​ဖောက်ပြန်​မှု​ကို ကျူးလွန်​စေ​၏။ ကွာရှင်း​ထား​သော​မိန်းမ​နှင့် ထိမ်းမြား​စုံဖက်​သော​သူ​သည်​လည်း အိမ်ထောင်ရေး​ဖောက်ပြန်​မှု​ကို ကျူးလွန်​၏။

တမန်တော်ဝတ္ထု 15:29

၎င်း​မှာ သင်​တို့​သည် ရုပ်တု​အား​ပူဇော်​ထား​သော​အရာ၊ သွေး၊ လည်​ညှစ်​သတ်​သော​တိရစ္ဆာန်​နှင့် တရားနှင့်မညီ​မေထုန်ပြု​ခြင်း​တို့​ကို ရှောင်ကြဉ်​ကြ​ရန်​ဖြစ်​၏။ သင်​တို့​သည် ဤ​အရာ​တို့​နှင့်​ကင်းရှင်း​လျက်​နေ​လျှင် ကောင်း​ပေ​၏။ ကျန်းမာ​ရွှင်လန်း​ကြ​ပါစေ”​ဟူ၍ ရေး​ထား​၏။