Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




တမန်တော်ဝတ္ထု 20:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

27 အကြောင်းမူကား ငါ​သည် တွန့်ဆုတ်​ခြင်း​မ​ရှိ​ဘဲ ဘုရားသခင်​၏​အကြံအစည်​တော်​ကို သင်​တို့​အား အကုန်အစင်​ဖော်ပြ​ခဲ့​ပြီ။

အခန်းကိုကြည့်ပါ။ ကော်ပီ

Common Language Bible

27 အ​ဘယ်​ကြောင့်​ဆို​သော်​ငါ​သည်​ဘု​ရား​သ​ခင် ၏​အ​ကြံ​အ​စည်​တော်​ကို သင်​တို့​အား​အ​ကုန် အ​စင်​ဖော်​ပြ​ပြီး​သော​ကြောင့်​ဖြစ်​၏။-

အခန်းကိုကြည့်ပါ။ ကော်ပီ

Judson Bible

27 ဘု​ရား​သ​ခင်၏​အ​လို​တော်​ကို သင်​တို့​အား အ​ကုန်​အ​စင် ဟော​ပြော​ပြ​သ​ခြင်း​အ​မှု​ကို ငါ​သည်​မ​လွှဲ​မ​ရှောင်​ဘဲ ပြု​ခဲ့​ပြီ။

အခန်းကိုကြည့်ပါ။ ကော်ပီ

ခေတ်သစ်​မြန်မာ သမ္မာကျမ်း

27 အဘယ်ကြောင့်ဆိုသော် ဘုရားသခင်​၏​အကြံစည်တော်​ရှိသမျှ​ကို သင်တို့​အား ဟောပြောရာ​၌ ကျွန်ုပ်​သည် မတွန့်ဆုတ်ခဲ့​သောကြောင့်​ဖြစ်၏။

အခန်းကိုကြည့်ပါ။ ကော်ပီ




တမန်တော်ဝတ္ထု 20:27
23 ပူးပေါင်းရင်းမြစ်များ  

ဖြောင့်မတ်​သော​သူ​တို့​၊ ထာဝရဘုရား​၌​ဝမ်းမြောက်​၍​ရွှင်လန်း​ကြ​လော့​။ စိတ်နှလုံး​ဖြောင့်မှန်​သော​သူ​အပေါင်း​တို့​၊ ရွှင်လန်း​စွာ​ကြွေးကြော်​ကြ​လော့​။


အကျွန်ုပ်​သည် ကိုယ်တော်​၏​ဖြောင့်မတ်​ခြင်း​ကို အကျွန်ုပ်​စိတ်နှလုံး​ထဲ၌ ဖုံးကွယ်​မ​ထား​ပါ​။ ကိုယ်တော်​၏​သစ္စာ​တော်​နှင့် ကိုယ်တော်​၏​ကယ်တင်​ခြင်း​အကြောင်း​ကို အကျွန်ုပ်​ပြောကြား​ပါ​ပြီ​။ ကိုယ်တော်​၏​မေတ္တာကရုဏာ​နှင့် ကိုယ်တော်​၏​သမ္မာတရား​ကို လူအစုအဝေး​ကြီး​အလယ်​၌ အကျွန်ုပ်​ထိမ်ဝှက်​မ​ထား​ပါ​။


သို့သော် သူ​တို့​သည် ငါ​၏​အစည်းအဝေး​၌​ရပ်​ခဲ့​မည်​ဆို​လျှင် ငါ့​စကား​ကို ငါ့​လူမျိုး​တော်​တို့​အား ဆင့်ဆို​ကြ​လိမ့်မည်​။ ငါ့​လူမျိုး​တော်​တို့​ကို အကျင့်ဆိုး​၊ စရိုက်ဆိုး​မှ ပြန်လှည့်​လာ​စေ​ခဲ့​ကြ​လိမ့်မည်​။


ထာဝရဘုရား​က “ထာဝရဘုရား​၏​အိမ်​တော်​ဝင်း​၌​ရပ်​၍ ထာဝရဘုရား​၏​အိမ်​တော်​သို့ လာရောက်​ရှိခိုးကိုးကွယ်​ကြ​သော ယုဒ​ပြည်သူပြည်သား​အားလုံး​တို့​အား ငါ​မိန့်မှာ​ထား​သော​စကား​ရှိသမျှ​တို့​ကို ဆင့်ဆို​လော့​။ စကား​တစ်ခွန်း​ကို​မျှ မ​ချန်ထား​နှင့်​။


ပရောဖက်​ယေရမိ​က​လည်း ဂျေရုဆလင်​မြို့​ရှိ ယုဒ​ဘုရင်​ဇေဒကိ​မင်းကြီး​အား ဤ​စကား​အလုံးစုံ​ကို ဆင့်ဆို​လေ​၏​။


သင်​တို့​၏​ဘုရားသခင်​ထာဝရဘုရား မိန့်​တော်မူ​သော​စကား​ကို​လည်းကောင်း​၊ ငါ့​ကို သင်​တို့​ထံ​စေလွှတ်​၍ ဆင့်ဆို​စေ​သမျှ​ကို​လည်းကောင်း ယနေ့ သင်​တို့​အား ငါ​ပြောပြ​သော်လည်း သင်​တို့​နား​မ​ထောင်​ကြ​။


ထို​သူ​က ငါ့​အား “​အချင်း​လူသား​၊ မျက်စိ​ဖွင့်​၊ နားစွင့်​ပြီး ငါ​ပြ​မည့်​အရာ​အားလုံး​ကို နှလုံးသွင်း​မှတ်ကျုံး​လော့​။ ဤ​အရာ​တို့​ကို သင့်​အား​ငါ​ပြသ​ရန် သင့်​ကို ဤ​နေရာ​သို့ ခေါ်ဆောင်​လာ​ခြင်း​ဖြစ်​၏​။ သင်​မြင်​သမျှ​သော​အရာ​တို့​ကို အစ္စရေး​လူမျိုး​တို့​အား ပြန်လည်​ပြောပြ​လော့”​ဟု မြွက်ဆို​၏​။


သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။


သို့သော် ဖာရိရှဲ​နှင့်​ကျမ်းတတ်​ပုဂ္ဂိုလ်​တို့​သည် ယောဟန်​ထံမှ ဗတ္တိဇံ​ကို​မ​ခံယူ​ခဲ့​သဖြင့် မိမိ​တို့​အတွက် ဘုရားသခင်​ကြံစည်​ထား​တော်မူ​သော​အရာ​ကို ပစ်ပယ်​ကြ​၏။)


ငါ​သည် သင်​တို့​ကို ကျွန်​ဟူ၍​ခေါ်​တော့မည်​မ​ဟုတ်။ အကြောင်းမူကား ကျွန်​သည် မိမိ​သခင်​ပြု​နေ​သော​အရာ​ကို​မ​သိ။ ငါ့​ခမည်းတော်​ထံမှ ကြားနာ​ခဲ့​သော​အရာ​အားလုံး​ကို သင်​တို့​အား ငါ​သိ​စေ​ခဲ့​ပြီ​ဖြစ်​သောကြောင့် သင်​တို့​ကို မိတ်ဆွေ​ဟူ၍ ငါ​ခေါ်​၏။


အကြောင်းမှာ ဒါဝိဒ်​သည် မိမိ​လက်ထက်​၌ ဘုရားသခင်​၏​အလို​တော်​ကို ဆောင်ရွက်​ပြီးလျှင် အိပ်ပျော်​၍ မိမိ​ဘိုးဘေး​တို့​၏​သင်္ချိုင်း​တွင် သင်္ဂြိုဟ်​ခြင်း​ခံရ​လျက် ပုပ်ပျက်​ခြင်း​နှင့် ကြုံတွေ့​ရ​၏။


ဘုရားသခင်​ချမှတ်​ထား​သော​အကြံအစည်​တော်​နှင့် ကြိုတင်​သိမြင်​သော​ဉာဏ်​တော်​တို့​အရ အပ်နှံ​ခြင်း​ခံရ​သော​ထို​အရှင်​ကို သင်​တို့​သည် တရားမဲ့​သော​သူ​တို့​လက်​ဖြင့် လက်ဝါးကပ်တိုင်​ပေါ်၌​တင်​၍ ကွပ်မျက်​ကြ​၏။


ငါ​သည် သင်​တို့​အတွက် အကျိုး​ရှိ​မည့်​အရာ​ရှိသမျှ​ကို တွန့်ဆုတ်​ခြင်း​မ​ရှိ​ဘဲ သင်​တို့​အား​ဖော်ပြ​လျက် လူ​အများ​ရှေ့၌​ဖြစ်စေ၊ တစ်အိမ်​ပြီး​တစ်အိမ်​ဖြစ်စေ သွန်သင်​ကာ


ထိုသို့​ကြိုးစား​လုပ်ဆောင်​၍ အားနည်း​သော​သူ​တို့​ကို ကူညီမစ​သင့်​ကြောင်း​နှင့်‘ပေးကမ်း​ခြင်း​သည် ရယူ​ခြင်း​ထက် သာ၍​မင်္ဂလာရှိ​သည်’​ဟု သခင်​ယေရှု​ကိုယ်တော်​တိုင် မိန့်​တော်မူ​သည့်​စကား​ကို သတိရ​သင့်​ကြောင်း အရာရာ​၌ သင်​တို့​အား ငါ​ပြသ​၏”​ဟု ဆို​လေ​၏။


အကြောင်းမူကား သခင်​ဘုရား​ထံမှ ငါ​ခံယူ​ရရှိ​သော​အရာ​ကို သင်​တို့​အား ငါ​ပေးအပ်​၏။ ထို​အရာ​မှာ သခင်​ယေရှု​သည် အပ်နှံ​ခြင်း​ခံရ​သော​ည​၌ မုန့်​ကို​ယူ​၍


ငါ​တို့​သည် ကွယ်ဝှက်​ထား​သည့် ရှက်ဖွယ်ရာ​များ​ကို​စွန့်ပယ်​၍ ပရိယာယ်​၌​ကျင်လည်​ခြင်း၊ ဘုရားသခင်​၏​နှုတ်ကပတ်တော်​ကို မလိမ့်တပတ်​လုပ်​ခြင်း​တို့​မ​ရှိ​ဘဲ သမ္မာတရား​ကို အတိအလင်း​ဖော်ပြ​ခြင်း​အားဖြင့် ဘုရားသခင်​၏​ရှေ့​တော်​၌ လူ​အပေါင်း​တို့​၏​အသိစိတ်​တွင် မိမိတို့ကိုယ်ကို​ထင်ရှား​စေ​ကြ​၏။


ငါ​သည် သင်​တို့​အား သမ္မာတရား​ကို​ဟောပြော​သောကြောင့် သင်​တို့​၏​ရန်သူ​ဖြစ်​သွား​ပြီ​လော။


ငါ​တို့​သည်​လည်း အရာ​ခပ်သိမ်း​တို့​ကို မိမိ​အလို​တော်​နှင့်ညီသော​ဆုံးဖြတ်​ချက်​အတိုင်း လုပ်ဆောင်​စေ​တော်မူ​သော​အရှင်​၏​အကြံအစည်​တော်​နှင့်အညီ ကြိုတင်​သတ်မှတ်​ထား​ခြင်း​ခံရ​၍ ထို​ခရစ်တော်​အားဖြင့် အမွေ​တော်​ကို​ရရှိ​ကြ​၏။


ဘုရားသခင်​သည် ငါ​တို့​ကို​အသိအမှတ်ပြု​လျက် ကောင်းမြတ်​သော​သတင်း​ကို ငါ​တို့​၌​ယုံကြည်​အပ်နှံ​ထား​သည့်​အလျောက် ငါ​တို့​သည် လူ​တို့​ကို​နှစ်သက်​စေရန်​မ​ဟုတ်​ဘဲ ငါ​တို့​၏​စိတ်နှလုံး​ကို​စစ်ဆေး​တော်မူ​သော​ဘုရားသခင်​ကို နှစ်သက်​စေရန် ဟောပြော​ကြ​၏။


မောရှေ​မိန့်မှာ​ထား​သော​စကား​တို့​ကို မိန်းမ​၊ ကလေး​နှင့်တကွ အစ္စရေး​လူမျိုး​နှင့်အတူ​နေထိုင်​သော​တိုင်းတစ်ပါးသား​တို့​အပါအဝင် အစ္စရေး​လူထု​တစ်ရပ်လုံး​ရှေ့​တွင် မ​ဖတ်​ဘဲ​ထားခဲ့​သော​စကား​တစ်ခွန်းမျှ​မ​ရှိ​။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ