တမန်တော်ဝတ္ထု 2:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ထိုအခါ သူ​တို့​အားလုံး​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဝိညာဉ်​တော်​သည် သူ​တို့​အား ပြော​နိုင်စွမ်း​ပေး​တော်မူ​သည့်​အတိုင်း အခြား​သော​ဘာသာ​စကား​များ​ဖြင့် စတင်​ပြောဆို​ကြ​၏။

Common Language Bible

⁴ ထို​သူ​တို့​သည်​သန့်​ရှင်း​သော​ဝိ​ညာဉ်​တော်​ဖြင့် ပြည့်​ဝ​လျက် ဝိ​ညာဉ်​တော်​ပေး​အပ်​တော်​မူ​သည့် တန်​ခိုး​စွမ်း​ရည်​အ​တိုင်း​ဘာ​သာ​စ​ကား အ​မျိုး​မျိုး​ဖြင့်​ဟော​ပြော​ကြ​ကုန်​၏။

Garrad Bible

⁴ သန့် ရှင်း သော ဝိ ညာဉ် တော် နှင့် ပြည့် လျက် ဝိ ညာဉ် တော် သွန် သင် သည့် အ တိုင်း၊ အ ခြား ဘာ သာ များ ဖြင့် ဟော ပြော ကြ ၏။

Judson Bible

⁴ ထို​သူ​အ​ပေါင်း​တို့​သည်​လည်း သန့်​ရှင်း​သော​ဝိ​ညာဉ်​တော်​နှင့်​ပြည့်၍၊ ဝိ​ညာဉ်​တော်​သည် ဟော​ပြော​သော​အ​ခွင့်​ကို ပေး​တော်​မူ​သည်​အ​တိုင်း အ​မျိုး​မျိုး​သော​ဘာ​သာ​စ​ကား​အား​ဖြင့် ဟော​ပြော​ကြ၏။

ခေတ်သစ်​မြန်မာ သမ္မာကျမ်း

⁴ ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

တမန်တော်ဝတ္ထု 2:4 ပူးပေါင်းရင်းမြစ်များ

၂ ရာ 23:2

“​ထာဝရဘုရား​၏​ဝိညာဉ်​တော်​သည် ငါ့​အားဖြင့် မြွက်ဆို​တော်မူ​၏​။ စကား​တော်​သည် ငါ​၏​လျှာ​တွင် တည်​တော်မူ​၏​။

ဟေ​ရှာ​ယ 28:11

အကယ်စင်စစ် ကိုယ်တော်​သည် ထစ်ငေါ့​သော​နှုတ်​နှင့် အခြား​သော​လျှာ​ဖြင့် ဤ​လူမျိုး​အား မိန့်မြွက်​တော်မူ​မည်​။

ဟေ​ရှာ​ယ 59:21

ထာဝရဘုရား​က “​ဤသည်ကား သူ​တို့​နှင့်​ပြု​သော ငါ​၏​ပဋိညာဉ်​ဖြစ်​၏​။ သင်​၌​တည်​နေ​သော​ငါ​၏​ဝိညာဉ်​တော်​၊ သင့်​နှုတ်​၌​ငါ​ထား​သော ငါ​၏​နှုတ်ကပတ်တော်​သည် သင့်​နှုတ်​မှ​လည်းကောင်း​၊ သင့်​သားစဉ်မြေးဆက်​၏​နှုတ်​မှ​လည်းကောင်း​၊ သင့်​သားစဉ်မြေးဆက်​အဆက်ဆက်​၏​နှုတ်​မှ​လည်းကောင်း ယခု​မှစ၍ ကာလ​အစဉ်အဆက် တည်ရှိ​မည်​”​ဟု မိန့်​တော်မူ​၏​။

ယေ​ရ​မိ 6:11

သို့ဖြစ်၍ ထာဝရဘုရား​၏​အမျက်ဒေါသ​သည် အကျွန်ုပ်​ထဲ၌​ပြည့်​၍ မထမ်း​နိုင်​လောက်အောင် ပင်ပန်း​လှ​၏​။ “​ထို​အမျက်ဒေါသ​ကို လမ်း​ပေါ်​ရှိ ကလေးသူငယ်​များ​နှင့်တကွ လူငယ်​အစုအဝေး​တို့​အပေါ် သွန်ချ​လော့​။ လင်​မယား​၊ သက်ကြီးရွယ်အို​တို့​သည်​လည်း ဖမ်းဆီး​ခြင်း​ခံရ​လိမ့်မည်​။

ယေ​ဇ​ကျေ​လ 3:11

ဖမ်းခေါ်​သွား​ခြင်း​ခံရ​သော သင့်​အမျိုးသားချင်း​တို့​ထံသို့​သွား​၍ သူ​တို့​နားထောင်​သည်​ဖြစ်စေ​၊ နား​မ​ထောင်​သည်​ဖြစ်စေ ‘ဘုရားရှင်​ထာဝရဘုရား ဤသို့​မိန့်​တော်မူ​သည်’​ဟူ၍ သူ​တို့​အား ဆင့်ဆို​ရ​မည်​”​ဟု ဆို​၏​။

မိက္ခာ 3:8

အကျွန်ုပ်​မူကား ယာကုပ်​ပုန်ကန်​သော​အပြစ်​၊ အစ္စရေး​ကျူးလွန်​သော​အပြစ်​ကို ဖော်ပြ​နိုင်​ရန် ထာဝရဘုရား​၏​ဝိညာဉ်​တော်​တန်ခိုး​နှင့်​လည်းကောင်း​၊ တရားမျှတမှု​နှင့် အစွမ်းတန်ခိုး​တို့​နှင့်​လည်းကောင်း ပြည့်ဝ​၏​။

မဿဲ 10:19

သူ​တို့​သည် သင်​တို့​ကို​အပ်နှံ​ကြ​သောအခါ မည်သည့်​အရာ​ကို မည်ကဲ့သို့​ပြောဆို​ရ​မည်နည်း​ဟူ၍ မ​စိုးရိမ်​ကြ​နှင့်။ အကြောင်းမူကား သင်​တို့​ပြောဆို​ရ​မည့်​အရာ​ကို ထို​အချိန်​နာရီ​၌​ပင် သင်​တို့​ရ​ကြ​လိမ့်မည်။

ရှင်မာကု 16:17

ယုံကြည်​သော​သူ​တို့​နှင့်အတူ ယှဉ်တွဲ​လျက်​ရှိ​ကြ​မည့်​နိမိတ်​လက္ခဏာ​များ​ဟူမူကား သူ​တို့​သည် ငါ​၏​နာမ​ဖြင့် နတ်ဆိုး​တို့​ကို​နှင်ထုတ်​ကြ​လိမ့်မည်။ အသစ်​သော​ဘာသာ​စကား​များ​ကို​ပြော​ကြ​လိမ့်မည်။

လုကာ 1:15

အကြောင်းမူကား သူ​သည် ထာဝရ​ဘုရား​ရှေ့​တော်​၌ ကြီးမြတ်​သော​သူ​ဖြစ်လာ​မည်။ စပျစ်​ဝိုင်​နှင့်​သေရည်သေရက်​တို့​ကို​လည်း​မ​သောက်​၊ အမိ​ဝမ်းတွင်း​၌​ရှိ​စဉ်​ကပင် သန့်ရှင်း​သော​ဝိညာဉ်​တော်​နှင့်​ပြည့်ဝ​လိမ့်မည်။

လုကာ 1:41

မာရိ​၏​နှုတ်ဆက်​စကား​ကို အဲလစ်ဇဘက်​ကြား​ရ​သောအခါ သူ​၏​ကလေးငယ်​သည် ဝမ်း​ထဲ၌​ခုန်​လေ​၏။ အဲလစ်ဇဘက်​သည်​လည်း သန့်ရှင်း​သော​ဝိညာဉ်​တော်​နှင့်​ပြည့်ဝ​လျက်

လုကာ 1:67

သူငယ်​၏​ဖခင်​ဇာခရိ​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ပရောဖက်ပြု​ဟောပြော​ကာ

လုကာ 12:12

အကြောင်းမူကား သန့်ရှင်း​သော​ဝိညာဉ်​တော်​သည် ပြောဆို​ရ​မည့်​အရာ​တို့​ကို ထို​အချိန်​နာရီ​၌​ပင် သင်​တို့​အား​သွန်သင်​ပေး​တော်မူ​လိမ့်မည်”​ဟု မိန့်​တော်မူ​၏။

လုကာ 21:15

အကြောင်းမူကား သင်​တို့​ကို ဆန့်ကျင်​သော​သူ​တစ်စုံတစ်ဦး​မျှ မ​ငြင်းခုံ​မ​ဟန့်တား​နိုင်​သော နှုတ်​အစွမ်း​နှင့်​ဉာဏ်ပညာ​တို့​ကို သင်​တို့​အား ငါ​ပေး​မည်။

လုကာ 4:1

ယေရှု​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဂျော်ဒန်​မြစ်​မှ ပြန်ကြွ​တော်မူ​၏။ ထို့နောက် ဝိညာဉ်​တော်​၏​ပင့်ဆောင်​ခြင်း​ကို​ခံ​တော်မူ​၍

ရှင်ယောဟန် 14:26

သို့သော် ငါ့​နာမ​၌ ခမည်းတော်​စေလွှတ်​တော်မူ​မည့် ကူညီ​မစ​သူ​တည်းဟူသော သန့်ရှင်း​သော​ဝိညာဉ်​တော်​သည် အရာ​ခပ်သိမ်း​တို့​ကို သင်​တို့​အား​သွန်သင်​တော်မူ​၍ ငါ​ပြောဆို​ခဲ့​သမျှ​သော​အရာ​တို့​ကို သင်​တို့​အား ပြန်လည်​သတိရ​စေ​တော်မူ​လိမ့်မည်။

ရှင်ယောဟန် 20:22

ထိုသို့​မိန့်​တော်မူ​ပြီးနောက် သူ​တို့​အပေါ်​မှုတ်​တော်မူ​လျက်“သန့်ရှင်း​သော​ဝိညာဉ်​တော်​ကို​ခံယူ​ရရှိ​ကြ​လော့။

တမန်တော်ဝတ္ထု 1:5

အကြောင်းမှာ ယောဟန်​သည် ရေ​၌​ဗတ္တိဇံ​ပေး​၏။ သင်​တို့​မူကား မကြာမီ​အတွင်း သန့်ရှင်း​သော​ဝိညာဉ်​တော်​၌ ဗတ္တိဇံ​ခံရ​ကြ​လိမ့်မည်”​ဟု မိန့်မှာ​တော်မူ​၏။

တမန်တော်ဝတ္ထု 1:8

သို့သော် သင်​တို့​အပေါ်သို့ သန့်ရှင်း​သော​ဝိညာဉ်​တော်​သက်ရောက်​လာ​သောအခါ သင်​တို့​သည် တန်ခိုး​ကို​ရရှိ​လျက် ဂျေရုဆလင်​မြို့၊ ယုဒ​နယ်​နှင့်​ရှမာရိ​နယ်​တစ်ခုလုံး​သာမက မြေကြီး​စွန်း​တိုင်အောင် ငါ​၏​သက်သေ​များ​ဖြစ်​ကြ​လိမ့်မည်”​ဟု မိန့်​တော်မူ​၏။

တမန်တော်ဝတ္ထု 10:46

အဘယ်ကြောင့်​ဆိုသော် ထို​လူမျိုးခြား​တို့​သည် အခြား​သော​ဘာသာ​စကား​များ​ပြောဆို​လျက် ဘုရားသခင်​အား​ချီးမွမ်း​ကြ​သည်​ကို သူ​တို့​ကြား​ရ​သောကြောင့်​ဖြစ်​၏။ ထိုအခါ ပေတရု​က

တမန်တော်ဝတ္ထု 10:47

“ငါ​တို့​ကဲ့သို့ သန့်ရှင်း​သော​ဝိညာဉ်​တော်​ကို ခံယူ​ရရှိ​ကြ​သော ဤ​သူ​တို့​အား ရေ​၌​ဗတ္တိဇံ​မ​ခံ​စေရန် မည်သူ​တားဆီး​နိုင်​သနည်း”​ဟု ဆို​လျက်

တမန်တော်ဝတ္ထု 11:15

ထို့နောက် ငါ​စတင်​ဟောပြော​လေ​ရာ သန့်ရှင်း​သော​ဝိညာဉ်​တော်​သည် အစအဦး​က ငါ​တို့​အပေါ်သို့​သက်ရောက်​သကဲ့သို့ ထို​သူ​တို့​အပေါ်သို့​လည်း သက်ရောက်​တော်မူ​၏။

တမန်တော်ဝတ္ထု 11:24

အကြောင်းမူကား သူ​သည် သူတော်ကောင်း​ဖြစ်​၍ သန့်ရှင်း​သော​ဝိညာဉ်​တော်​နှင့်​လည်းကောင်း၊ ယုံကြည်​ခြင်း​နှင့်​လည်းကောင်း ပြည့်ဝ​သော​သူ​ဖြစ်​၏။ ထိုအခါ များစွာ​သော​လူ​တို့​သည် သခင်​ဘုရား​ထံသို့ ပြောင်းလဲ​လာ​ကြ​၏။

တမန်တော်ဝတ္ထု 13:52

တပည့်​တော်​တို့​သည်​လည်း ဝမ်းမြောက်​ခြင်း​နှင့်​လည်းကောင်း၊ သန့်ရှင်း​သော​ဝိညာဉ်​တော်​နှင့်​လည်းကောင်း ပြည့်ဝ​လျက်​ရှိ​ကြ​၏။

တမန်တော်ဝတ္ထု 13:9

ထိုအခါ ပေါလု​ဟု​လည်း​ခေါ်​သော​ရှောလု​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် သူ့​ကို စေ့စေ့​ကြည့်​ကာ

တမန်တော်ဝတ္ထု 15:8

စိတ်နှလုံး​ကို​သိ​တော်မူ​သော​ဘုရားသခင်​သည် သန့်ရှင်း​သော​ဝိညာဉ်​တော်​ကို ငါ​တို့​အား ပေး​တော်မူ​သည့်​နည်းတူ ထို​သူ​တို့​အား​လည်း ပေး​၍ သူ​တို့​ကို အသိအမှတ်​ပြု​တော်မူ​၏။

တမန်တော်ဝတ္ထု 19:6

ပေါလု​သည် သူ​တို့​အပေါ်​လက်​တင်​သောအခါ သန့်ရှင်း​သော​ဝိညာဉ်​တော်​သည် သူ​တို့​အပေါ်သို့ သက်ရောက်​သဖြင့် သူ​တို့​သည် အခြား​သော​ဘာသာ​စကား​များ​ကို​ပြောဆို​လျက် ပရောဖက်ပြု​ဟောပြော​ကြ​၏။

တမန်တော်ဝတ္ထု 2:11

ကရေတေ​ကျွန်းသား​များ၊ အာရပ်​ပြည်သား​များ​လည်း​ရှိ​ကြ​၏။ သို့ဖြစ်လျက်နှင့် ဤ​သူ​တို့​သည် ဘုရားသခင်​၏​အံ့ဖွယ်​သော​အမှု​တို့​ကို ငါ​တို့​၏​ဘာသာ​စကား​များ​ဖြင့် ပြောဆို​နေ​ကြ​သည်​ကို ငါ​တို့​ကြား​ရ​ပါ​သည်​တကား”​ဟု ပြောဆို​ကြ​၏။

တမန်တော်ဝတ္ထု 2:3

ထို့နောက် ဖြာထွက်​သည့်​မီးလျှံ​ကဲ့သို့သော​လျှာ​များ​သည် သူ​တို့​ရှေ့၌​ပေါ်ထွက်​လာ​၍ သူ​တို့​တစ်ဦးစီ​အပေါ်​တည်​လေ​၏။

တမန်တော်ဝတ္ထု 4:31

ထိုသို့ သူ​တို့​ဆုတောင်း​ပြီး​သောအခါ သူ​တို့​စုဝေး​နေ​ကြ​သော​နေရာ​သည် တုန်လှုပ်​၍ သူ​တို့​အားလုံး​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဘုရားသခင်​၏​နှုတ်ကပတ်​တရား​ကို ရဲရင့်​စွာ​ဟောပြော​ကြ​၏။

တမန်တော်ဝတ္ထု 4:8

ထိုအခါ ပေတရု​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် “လူ​တို့​၏​အကြီးအကဲ​များ​နှင့် သက်ကြီးဝါကြီး​များ​တို့၊

တမန်တော်ဝတ္ထု 6:3

ထို့ကြောင့် ညီအစ်ကို​တို့၊ သင်​တို့​ထဲမှ ဝိညာဉ်​တော်​နှင့်​လည်းကောင်း၊ ဉာဏ်ပညာ​နှင့်​လည်းကောင်း ပြည့်စုံ​၍ ဂုဏ်​သတင်း​ကောင်း​သော​လူ​ခုနစ်​ဦး​ကို ရှာ​ကြ​လော့။ ငါ​တို့​သည် ထို​သူ​တို့​ကို ဤ​တာဝန်​အတွက်​ခန့်ထား​မည်။

တမန်တော်ဝတ္ထု 6:5

ထို​စကား​ကို အစုအဝေး​တစ်ခုလုံး​နှစ်သက်​သဖြင့် သူ​တို့​သည် ယုံကြည်​ခြင်း​နှင့်​လည်းကောင်း၊ သန့်ရှင်း​သော​ဝိညာဉ်​တော်​နှင့်​လည်းကောင်း ပြည့်ဝ​သော သတေဖန်​မှစ၍ ဖိလိပ္ပု၊ ပြောခေါ်၊ နိကနော်၊ တိမုန်၊ ပါမေန​နှင့် အန္တိအုတ်​မြို့​မှ​ဂျူး​ဘာသာဝင်​ဖြစ်လာ​သူ နိကောလ​တို့​ကို ရွေးကောက်​ပြီး

တမန်တော်ဝတ္ထု 6:8

သတေဖန်​သည် ကျေးဇူး​တော်​နှင့်​လည်းကောင်း၊ တန်ခိုး​တော်​နှင့်​လည်းကောင်း ပြည့်ဝ​လျက် ကြီးစွာ​သော​နိမိတ်​လက္ခဏာ​များ​နှင့် အံ့သြဖွယ်ရာ​များ​ကို လူ​တို့​ရှေ့တွင်​ပြု​လေ​၏။

တမန်တော်ဝတ္ထု 7:55

သို့သော် သတေဖန်​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ကောင်းကင်​သို့ စေ့စေ့​ကြည့်​လေ​ရာ ဘုရားသခင်​၏​ဘုန်း​တော်​ကို​လည်းကောင်း၊ သခင်​ယေရှု​သည် ဘုရားသခင်​၏​လက်ယာ​တော်​ဘက်​၌ ရပ်​နေ​သည်​ကို​လည်းကောင်း မြင်​လျက်

တမန်တော်ဝတ္ထု 8:17

ထို့နောက် ပေတရု​နှင့်​ယောဟန်​တို့​သည် သူ​တို့​အပေါ်​လက်​တင်​ကြ​သောအခါ သူ​တို့​သည် သန့်ရှင်း​သော​ဝိညာဉ်​တော်​ကို​ခံယူ​ရရှိ​ကြ​၏။

တမန်တော်ဝတ္ထု 9:17

ထို့ကြောင့် အာနနိ​သည် သွား​၍ အိမ်​ထဲသို့​ဝင်​ပြီးလျှင် ရှောလု​အပေါ်​လက်​တင်​လျက် “ငါ့​ညီ​ရှောလု၊ သင်​သည် မျက်စိ​ပြန်​မြင်​၍ သန့်ရှင်း​သော​ဝိညာဉ်​တော်​နှင့်​ပြည့်ဝ​မည့်​အကြောင်း သင်​လာ​သော​လမ်း​၌ သင့်​အား​ထင်ရှား​သော​သခင်​ယေရှု​သည် ငါ့​ကို​စေလွှတ်​တော်မူ​၏”​ဟု ဆို​လေ​၏။

ရော​မ 15:13

သင်​တို့​သည် သန့်ရှင်း​သော​ဝိညာဉ်​တော်​၏​တန်ခိုး​အားဖြင့် မျှော်လင့်​ခြင်း​နှင့်​ကြွယ်ဝ​မည့်​အကြောင်း မျှော်လင့်​ခြင်း​၏​အရှင်​ဘုရားသခင်​သည် ယုံကြည်​ခြင်း​မှ​လာ​သော ဝမ်းမြောက်​ခြင်း​နှင့်​ငြိမ်သက်​ခြင်း​အလုံးစုံ​တို့​ဖြင့် သင်​တို့​ကို​ပြည့်စုံ​စေ​တော်မူ​ပါစေသော။

၁ ကော 12:10

အခြား​တစ်​ဦး​အား တန်ခိုး​လက္ခဏာ​ပြု​သော​အခွင့်​ကို​လည်းကောင်း၊ အခြား​တစ်​ဦး​အား ပရောဖက်ပြု​ဟောပြော​သော​အခွင့်​ကို​လည်းကောင်း၊ အခြား​တစ်​ဦး​အား စိတ်​ဝိညာဉ်​တို့​ကို​ပိုင်းခြား​၍​သိရှိ​နိုင်​သော​အခွင့်​ကို​လည်းကောင်း၊ အခြား​တစ်​ဦး​အား အခြား​သော​ဘာသာ​စကား​အမျိုးမျိုး​ပြောဆို​နိုင်​သော​အခွင့်​ကို​လည်းကောင်း၊ အခြား​တစ်​ဦး​အား ထို​ဘာသာ​စကား​များ​၏​အနက်​ကို​ဖော်ပြ​နိုင်​သော​အခွင့်​ကို​လည်းကောင်း ပေး​တော်မူ​၏။

၁ ကော 13:1

ငါ​သည် လူ့​ဘာသာ​စကား​နှင့် ကောင်းကင်​တမန်​၏​ဘာသာ​စကား​တို့​ကို ပြော​နိုင်​သော်လည်း မေတ္တာ​မ​ရှိ​လျှင် မြည်ဟည်း​သော​ကြေး​မောင်း​၊ သို့မဟုတ် စူးရှ​စွာ​မြည်​သော လင်းကွင်း​ကဲ့သို့​ဖြစ်​၏။

၁ ကော 13:8

မေတ္တာ​သည် မည်သည့်အခါမျှ ကုန်ခန်း​ခြင်း​မ​ရှိ။ ပရောဖက်ပြု​ဟောပြော​ခြင်း​တို့​မူကား ပယ်ဖျက်​ခြင်း​ခံရ​ကြ​လိမ့်မည်။ အခြား​သော​ဘာသာ​စကား​ပြောဆို​ခြင်း​တို့​သည်​လည်း ရပ်တန့်​သွား​ကြ​လိမ့်မည်။ အသိပညာ​သည်​လည်း ပယ်ဖျက်​ခြင်း​ခံရ​လိမ့်မည်။

၁ ကော 14:18

ငါ​သည် သင်​တို့​အားလုံး​ထက် အခြား​သော​ဘာသာ​စကား​များ​ကို ပို၍​ပြောဆို​ရ​သည့်​အတွက် ဘုရားသခင်​ကို​ကျေးဇူးတင်​၏။

၁ ကော 14:5

သင်​တို့​အားလုံး​သည် အခြား​သော​ဘာသာ​စကား​များ​ပြောဆို​နိုင်​ရန် ငါ​အလိုရှိ​၏။ သို့သော် ပရောဖက်ပြု​ဟောပြော​ခြင်း​အမှု​ကို သင်​တို့​အား ပို၍​ပြု​စေ​လို​၏။ အခြား​သော​ဘာသာ​စကား​ပြောဆို​သော​သူ​သည် အသင်းတော်​ကို တည်ဆောက်​မြှင့်တင်​ပေး​ရန် ၎င်း​၏​အနက်​ကို​ဖွင့်​ခြင်း​မ​ရှိ​လျှင် ထို​သူ​ထက် ပရောဖက်ပြု​ဟောပြော​သော​သူ​သည် ပို၍​ကြီးမြတ်​၏။

ဧ​ဖက် 3:19

အသိပညာ​ထက် ထူးကဲ​သော​ခရစ်တော်​၏​ချစ်​ခြင်း​မေတ္တာ​တော်​ကို​သိရှိ​၍ ဘုရားသခင်​၏​ပြည့်စုံ​တော်မူ​ခြင်း​အပေါင်း​တို့​ဖြင့် ပြည့်စုံ​ခြင်း​သို့​ရောက်​ကြ​မည့်​အကြောင်း ငါ​ဆုတောင်း​၏။

ဧ​ဖက် 5:18

အပျော်ကြူး​ခြင်း​ကို​ဖြစ်​စေ​သည့် စပျစ်​ဝိုင်​ယစ်မူး​ခြင်း​မ​ရှိ​ဘဲ ဝိညာဉ်​တော်​နှင့်​ပြည့်ဝ​ကြ​လော့။

ဧ​ဖက် 6:18

အမျိုးမျိုး​သော ဆုတောင်း​ခြင်း​နှင့်​အသနားခံ​ခြင်း​တို့​ဖြင့် အချိန်​ရှိ​သရွေ့ ဝိညာဉ်​တော်​၌​ဆုတောင်း​ကြ​လော့။ ထိုသို့​ပြု​နိုင်​ရန် နိုးနိုးကြားကြား​ရှိ​လျက် ဇွဲ​လုံ့လ​အပြည့်အဝ​ဖြင့် သန့်ရှင်း​သူ​အပေါင်း​တို့​အတွက် အသနားခံ​ကြ​လော့။

၁ ပေ 1:12

ထိုအခါ သူ​တို့​ပြုစု​သော​အရာ​တို့​သည် မိမိ​တို့​အတွက်​မ​ဟုတ်​ဘဲ သင်​တို့​အတွက်​ဖြစ်ကြောင်း သူ​တို့​အား​ဖွင့်ပြ​တော်မူ​၏။ ယခု ထို​အရာ​တို့​သည် ကောင်းကင်​ဘုံ​မှ​စေလွှတ်​ခြင်း​ခံရ​သည့် သန့်ရှင်း​သော​ဝိညာဉ်​တော်​အားဖြင့် ကောင်းမြတ်​သော​သတင်း​ကို​ဟောပြော​သော​သူ​များ​မှတစ်ဆင့် သင်​တို့​ထံ ဖော်ပြ​ခြင်း​ခံရ​ပြီ။ ကောင်းကင်​တမန်​တို့​ပင်လျှင် ထို​အရာ​တို့​ကို​ကြည့်ရှု​ရန် အလွန်​အလိုရှိ​ကြ​၏။

၂ ပေ 1:21

အကြောင်းမူကား ပရောဖက်ပြု​ဟောပြော​ချက်​သည် မည်သည့်​အခါ​မျှ လူ​၏​အလိုဆန္ဒ​အရ​ဖြစ်ပေါ်​လာ​သည်​မ​ဟုတ်။ သန့်ရှင်း​သော​ဝိညာဉ်​တော်​၏​နှိုးဆော်​ခြင်း​ကို ခံရ​သော​သူ​တို့​သည် ဘုရားသခင်​ထံမှ​လာ​သော​စကား​ကို ဟောပြော​ကြ​ခြင်း​ဖြစ်​၏။

၁ ရာ 1:14

ဧလိ​က သူ့​အား “​သင်​သည် မည်မျှ​ကြာ​အောင်​ယစ်မူး​နေ​မည်နည်း​။ စပျစ်ဝိုင်​ကို ရှောင်​ပါ​လော့​”​ဟု ဆို​၏​။

၁ ရာ 10:10

တောင်​ပေါ်သို့​သူ​တို့​ရောက်​သောအခါ ပရောဖက်​တစ်စု​သည် သူ့​ကို​ကြိုဆို​ကြ​၏​။ ဘုရားသခင်​၏​ဝိညာဉ်​တော်​သည် သူ့​အပေါ်​သို့ တမဟုတ်ချင်း​ဆင်းသက်​၍ သူ​သည် သူ​တို့​နှင့်အတူ​ပရောဖက်ပြု​လေ​၏​။