ဇေဖနိ 3:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အဖိနှိပ်​ခံရ​သူ​များ​၊ ဆင်းရဲသား​များ​ကို သင့်​ထံ​တွင် ငါ​ချန်ထား​မည်​။ သူ​တို့​သည် ထာဝရဘုရား​၏​နာမ​တော်​၌ ခိုလှုံ​ကြ​လိမ့်မည်​။

Common Language Bible

¹² စိတ်​နှ​လုံး​နှိမ့်​ချ​နူး​ညံ့​သိမ်​မွေ့​သည့်​လူ​စု ကို​ထို​အ​ရပ်​တွင်​ငါ​ချန်​ထား​မည်။ သူ​တို့ သည်​လည်း​ငါ့​ထံ​သို့​လာ​ရောက်​ခို​လှုံ​ကြ လိမ့်​မည်။-

Garrad Bible

¹² ငါ ထာ ဝ ရ ဘု ရား၏၊ နာ မ တော် အား ကိုး စား မည့် ဆင်း ရဲ နွမ်း ပါး သူ တို့ ကို သာ၊ ငါ ထား ခဲ့ မည်။

Judson Bible

¹² နှိမ့်​ချ​ဆင်း​ရဲ​သော အ​မျိုး​ကို သင့်​အ​လယ်၌ ငါ​ချန်​ထား​မည်။ ထို​သူ​တို့​သည် ထာ​ဝ​ရ​ဘု​ရား၏ နာ​မ​တော်​ကို ခို​လှုံ​ကြ​လိမ့်​မည်။

ဇေဖနိ 3:12 ပူးပေါင်းရင်းမြစ်များ

ဟေ​ရှာ​ယ 14:32

တိုင်းနိုင်ငံ​၏​သံတမန်​တို့​ကို မည်သို့​ပြန်ပြော​ရ​မည်နည်း​။ ထာဝရဘုရား​သည် ဇိအုန်​မြို့​ကို​တည်​တော်မူ​ပြီ​။ ထို​မြို့​၌ အဖိနှိပ်​ခံရ​သော​လူမျိုး​တော်​တို့ ခိုလှုံ​ကြ​လိမ့်မည်​ဟု ပြန်ပြော​ရ​မည်​။

နာ​ဟုံ 1:7

ထာဝရဘုရား​သည် ကောင်းမြတ်​တော်မူ​၏​။ ဆင်းရဲဒုက္ခ​ရောက်​ချိန်​၌ မှီခို​ရာ​ဖြစ်​တော်မူ​၏​။ ကိုယ်တော်​၌ ခိုလှုံ​သော​သူ​တို့​ကို စောင်မ​တော်မူ​၏​။

မဿဲ 5:3

“စိတ်​ဝိညာဉ်​ဆင်းရဲ​နွမ်းပါး​သော​သူ​တို့​သည် မင်္ဂလာရှိ​ကြ​၏။ အကြောင်းမူကား ကောင်းကင်​နိုင်ငံ​တော်​သည် သူ​တို့​၏​နိုင်ငံ​ဖြစ်​၏။

ဟေ​ရှာ​ယ 50:10

သင်​တို့​တွင် မည်သူ​သည် ထာဝရဘုရား​ကို​ကြောက်ရွံ့​သနည်း​။ မည်သူ​သည် ကိုယ်တော့်​အစေအပါး​၏​စကား​ကို နားထောင်​သနည်း​။ မည်သူ​သည် အလင်း​မ​ရှိ​ဘဲ အမှောင်ထု​ထဲ၌ သွားလာ​သနည်း​။ သူ​သည် ထာဝရဘုရား​၏​နာမ​တော်​၌ ယုံကြည်ကိုးစား​ပါစေ​။ ဘုရားသခင်​၌ ကိုးစား​ပါစေ​။

ယာ​ကုပ် 2:5

ငါ​ချစ်​သော​ညီအစ်ကို​တို့၊ နားထောင်​ကြ​လော့။ ဘုရားသခင်​သည် ဤ​လောက​တွင် ဆင်းရဲ​သော​သူ​တို့​ကို ယုံကြည်​ခြင်း​၌​ကြွယ်ဝ​သော​သူ​အဖြစ်​လည်းကောင်း၊ ကိုယ်တော်​ကို​ချစ်​သော​သူ​တို့​အား ကတိ​ထား​တော်မူ​သော​နိုင်ငံ​တော်​ကို အမွေ​ဆက်ခံ​သူ​အဖြစ်​လည်းကောင်း ရွေးကောက်​တော်မူ​သည်​မ​ဟုတ်​လော။

၁ ပေ 1:21

ကိုယ်တော်​အား သေ​သော​သူ​တို့​ထဲမှ ထမြောက်​စေ​၍ ဘုန်း​အသရေ​ပေး​တော်မူ​သော​ဘုရားသခင်​ကို ကိုယ်တော်​အားဖြင့် သင်​တို့​ယုံကြည်​ကြ​၏။ သို့ဖြစ်၍ သင်​တို့​၏​ယုံကြည်​ခြင်း​နှင့်​မျှော်လင့်​ခြင်း​တို့​သည် ဘုရားသခင်​ထဲ၌​တည်ရှိ​ကြ​၏။

ရော​မ 15:12

တစ်ဖန် ဟေရှာယ​က​လည်း “ယေရှဲ​၏​အမြစ်​ပေါက်​လိမ့်မည်။ ထို​သူ​သည် လူမျိုးခြား​တို့​ကို​အုပ်ချုပ်​ရန် ပေါ်ထွန်း​သော​သူ​ဖြစ်​၏။ လူမျိုးခြား​တို့​သည် သူ့​ကို​မျှော်လင့်​အားထား​ကြ​လိမ့်မည်”​ဟု ဆို​ထား​၏။

မဿဲ 12:21

လူမျိုးခြား​တို့​သည် သူ​၏​နာမ​၌ မျှော်လင့်​အားထား​ကြ​လိမ့်မည်”​ဟူ၍ ဖြစ်​၏။

မဿဲ 11:5

မျက်မမြင်​တို့​သည် မျက်စိ​မြင်​ရ​ကြ​၏။ ခြေ​မသန်စွမ်း​သူ​တို့​သည် လမ်းလျှောက်​နိုင်​ကြ​၏။ အနာကြီး​ရောဂါသည်​တို့​သည် စင်ကြယ်​ခြင်း​သို့​ရောက်​ကြ​၏။ နားမကြား​သော​သူ​တို့​သည် ကြား​ရ​ကြ​၏။ သေ​သော​သူ​တို့​သည် ထမြောက်​စေ​ခြင်း​ကို​ခံ​ရ​ကြ​၏။ ဆင်းရဲသား​တို့​သည် ကောင်းမြတ်​သော​သတင်း​ကို ကြား​ရ​ကြ​၏။

ဇာ​ခ​ရိ 11:11

ထို​နေ့​တွင်​ပင် ပဋိညာဉ်​သည် ကျိုးပျက်​သွား​၏​။ ဤ​အရာ​သည် ထာဝရဘုရား​၏​စကား​တော်​ဖြစ်ကြောင်း အဖိနှိပ်​ခံရ​၍ ငါ့​ကို​စောင့်စား​နေ​သော​သိုးအုပ်​များ သိ​ကြ​၏​။

ဆာ​လံ 37:40

ထာဝရဘုရား​သည် သူ​တို့​ကို​ကူညီမစ​၍ ကယ်တင်​တော်မူ​၏​။ သူ​တို့​သည် ကိုယ်တော်​၌​ခိုလှုံ​ကြ​သောကြောင့် ကိုယ်တော်​သည် သူ​တို့​ကို ဆိုးယုတ်​သော​သူ​တို့​၏​လက်​မှ လွတ်မြောက်​စေ​တော်မူ​၏​။ ကယ်တင်​တော်မူ​၏​။

ဟေ​ရှာ​ယ 14:30

ဆင်းရဲ​သော​သူ​တို့​၏​သားဦး​တို့​သည် ကျွေးမွေး​ခြင်း​ခံရ​ကြ​လိမ့်မည်​။ နွမ်းပါး​သော​သူ​တို့​သည် ဘေးကင်းလုံခြုံ​စွာ​အိပ်​ရ​ကြ​လိမ့်မည်​။ သို့သော် သင်​၏​အမြစ်​ကို ငတ်မွတ်ခေါင်းပါး​ခြင်း​ဘေး​ဖြင့် ငါ​သေ​စေ​မည်​။ သင်​၏​အကြွင်းအကျန်​သည်​လည်း သတ်ဖြတ်​ခြင်း​ခံရ​မည်​။

ဇာ​ခ​ရိ 11:7

ထို့ကြောင့် အသတ်​ခံရ​တော့မည့်​သိုးအုပ်​၊ အဖိနှိပ်​ခံရ​သော​သိုးအုပ်​တို့​ကို ငါ​ထိန်းကျောင်း​၏​။ ငါ​သည် ကျေးဇူး​တော်​တောင်ဝှေး​နှင့် စည်းလုံး​ခြင်း​တောင်ဝှေး​ဟု​ခေါ်​သော တောင်ဝှေး​နှစ်​ချောင်း​ကို​ယူ​၍ သိုးအုပ်​ကို ထိန်းကျောင်း​၏​။

ဧ​ဇ​ရ 9:8

သို့သော် တစ်ခဏချင်း​တွင် အကျွန်ုပ်​တို့​၏​ဘုရားသခင်​ထာဝရဘုရား​ထံ​တော်​မှ ကျေးဇူး​တော်​ကို ခံစား​ရ​၍ ကိုယ်တော်​သည် အကျွန်ုပ်​တို့​ထဲမှ​ကြွင်းကျန်​သူ​တို့​ကို လွတ်မြောက်​စေ​ပြီး ကိုယ်တော်​၏​သန့်ရှင်းရာဌာန​တော်​တွင် လုံခြုံ​ရာ​ကို ပေး​တော်မူ​ပြီ​။ အကျွန်ုပ်​တို့​ကို မျက်စိ​အလင်း​ပေး​တော်မူ​ပြီ​။ ကျွန်ခံ​ရ​ရာ​တွင် အနည်းငယ်​သက်သာ​ခွင့်​ကို ပေး​တော်မူ​ပါ​ပြီ​။

ဟေ​ရှာ​ယ 6:13

သပိတ်ပင်​နှင့်​ဝက်သစ်ချပင်​တို့​သည် ခုတ်လှဲ​ခြင်း​ခံရ​၍ အငုတ်​သာ​ကျန်​သကဲ့သို့ ဆယ်ပုံတစ်ပုံ​သာ​ကြွင်းကျန်​သော​ထို​ပြည်​သည် ထပ်၍​ဝါးမျို​ဖျက်ဆီး​ခြင်း​ခံရ​လိမ့်မည်​။ သန့်ရှင်း​သော​အမျိုးအနွယ်​သည် အငုတ်​ဖြစ်​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 29:19

စိတ်နှိမ့်ချ​သော​သူ​တို့​သည် ထာဝရဘုရား​၌ တစ်ဖန်​ဝမ်းမြောက်​ကြ​လိမ့်မည်​။ လူ​တို့​တွင် နွမ်းပါး​သော​လူ​သည် အစ္စရေး​လူမျိုး​၏​သန့်ရှင်း​သော​အရှင်​၌ ရွှင်လန်း​ကြ​လိမ့်မည်​။

ယေ​ရ​မိ 17:7

ထာဝရဘုရား​ကို​ယုံကြည်ကိုးစား​သော​သူ​၊ ထာဝရဘုရား​ကို မိမိ​ကိုးစား​ရာ​ဖြစ်​စေ​သော​သူ​သည် ကောင်းချီးမင်္ဂလာ​ခံစား​ရ​သော​သူ​ဖြစ်​၏​။

ယေ​ရ​မိ 50:20

ထာဝရဘုရား​က “​ထို​နေ့ရက်​၊ ထို​အချိန်​၌ အသက်ရှင်​ကျန်ရစ်​သော​သူ​တို့​ကို ငါ​ခွင့်လွှတ်​မည်​ဖြစ်၍ အစ္စရေး​လူမျိုး​၏​ဒုစရိုက်​ကို ရှာ​သော်လည်း တွေ့​မည်​မ​ဟုတ်​။ ယုဒ​လူမျိုး​၏​အပြစ်​ကို​ရှာ​သော်လည်း တွေ့​မည်​မ​ဟုတ်​”​ဟု မိန့်​တော်မူ​၏​။

ယေ​ဇ​ကျေ​လ 6:8

သို့သော် အပြည်ပြည်​သို့ သင်​တို့​ကွဲလွင့်​သွား​သောအခါ လူမျိုးခြား​တို့​အလယ်​တွင် ဓားဘေး​မှ​လွတ်မြောက်​သော​သူ​ကို ငါ​ကြွင်းကျန်​စေ​မည်​။

မိက္ခာ 5:6

သူ​တို့​သည် အဆီးရီးယား​ပြည်​ကို ဓား​ဖြင့်​စောင့်ကြပ်​လိမ့်မည်​။ နိမ်ရောဒ​ပြည်​အဝင်ဝ​တို့​၌​လည်း စောင့်ကြပ်​လိမ့်မည်​။ အဆီးရီးယား​လူမျိုး​တို့​သည် ငါ​တို့​ပြည်​သို့​လာ​၍ ငါ​တို့​နယ်နိမိတ်​ထဲသို့ ကျူးကျော်​ဝင်ရောက်​သောအခါ သူ​တို့​သည် ငါ​တို့​ကို အဆီးရီးယား​လူမျိုး​တို့​လက်​မှ ကယ်တင်​လိမ့်မည်​။