ဇေဖနိ 2:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² အမိန့်​တော်​ရောက်လာ​၍ ဖွဲ​ကဲ့သို့ လွင့်သွား​ရ​သော​နေ့ မ​တိုင်​မီ​၊ ထာဝရဘုရား​၏​ပြင်းထန်​သော​အမျက်​တော် သင်​တို့​အပေါ် မ​ကျရောက်​မီ​၊ ထာဝရဘုရား​၏​အမျက်​တော်​နေ့ သင်​တို့​ထံ ရောက်​မ​လာ​မီ

Common Language Bible

² သင်​တို့​သည်​ပန်း​သ​ဖွယ်​ညှိုး​နွမ်း​ခြောက်​သွေ့ လျက်​ခ​န္ဓာ​မ​ရွေ့​မီ၊ သင်​တို့​အ​ပေါ်​သို့ ထာ​ဝ​ရ​ဘု​ရား​၏​အ​မျက်​တော်​မ​သက် ရောက်​မီ၊ ကိုယ်​တော်​အ​မျက်​ထွက်​တော်​မူ ရာ​ကာ​လ​မ​ကျ​ရောက်​မီ​အ​မြင်​မှန်​ရ ကြ​လော့။-

Judson Bible

² အ​မိန့်​တော်​အ​တိုင်း မ​စီ​ရင်၊ သင်​တို့ အ​ချိန်​သည် ဖွဲ​ကဲ့​သို့​မ​လွန်၊ ထာ​ဝ​ရ​ဘု​ရား၏ ပြင်း​စွာ​သော အ​မျက်​တော်​သည် သင်​တို့​အ​ပေါ်​သို့ မ​ရောက်၊ ထာ​ဝ​ရ​ဘု​ရား၏​အ​မျက်​တော်​နေ့​သည် သင်​တို့​အ​ပေါ်​သို့ မ​ရောက်​မီ ကိုယ်​ကို စစ်​ကြော​ကြ​လော့။

ဇေဖနိ 2:2 ပူးပေါင်းရင်းမြစ်များ

ယောဘဝတ္တု။ 21:18

သူ​တို့​သည် လေနှင်​ရာ​လွင့်​သော​ကောက်ရိုး​ကဲ့သို့​လည်းကောင်း​၊ လေပွေ​တွင်​ပါသွား​သော​ဖွဲ​ကဲ့သို့​လည်းကောင်း ဖြစ်​ဖူး​သလော​။

ဆာ​လံ 1:4

ဆိုးယုတ်​သော​သူ​တို့​မူကား ထိုကဲ့သို့​မ​ဟုတ်​။ လေတိုက်​၍ လွင့်သွား​သော​ဖွဲ​နှင့်​တူ​ကြ​၏​။

ဆာ​လံ 2:12

သား​တော်​ကို​နမ်း​ကြ​လော့​။ သို့မဟုတ်လျှင် အမျက်​တော်​ထွက်​သဖြင့် သင်​တို့​သည် လမ်း​၌​ပျက်စီး​ကြ​ရ​လိမ့်မည်​။ အကြောင်းမူကား ကိုယ်တော်​၏​အမျက်​တော်​မီး​သည် တစ်ခဏချင်း​တွင်​တောက်လောင်​လိမ့်မည်​။ ကိုယ်တော်​ကို​ခိုလှုံ​သော​သူ​အပေါင်း​တို့​သည် မင်္ဂလာ​ရှိ​ကြ​၏​။

ဆာ​လံ 50:22

ဘုရားသခင်​ကို​မေ့လျော့​တတ်​သော​သူ​တို့​၊ ဤ​အချက်​ကို သတိ​နှင့်​ဆင်ခြင်​ကြ​လော့​။ သို့မဟုတ်​ပါက ငါ​သည် သင်​တို့​ကို အပိုင်းပိုင်း​ဆုတ်ဖြဲ​သဖြင့် ကယ်နုတ်​သူ​မ​ရှိ​ဖြစ်​လိမ့်မည်​။

ဟေ​ရှာ​ယ 17:13

လူ​တို့​သည် ရေလုံးကြီး​တို့​၏​မြည်ဟည်းသံ​ကဲ့သို့ မြည်ဟည်း​ကြ​သော်လည်း ကိုယ်တော်​သည် သူ​တို့​ကို​ဆုံးမ​တော်မူ​သောအခါ အဝေး​သို့​ထွက်ပြေး​ကြ​ရ​လိမ့်မည်​။ တောင်​ပေါ်မှ​ဖွဲ​ကို လေ​တိုက်​သကဲ့သို့​၊ ဖုန်မှုန့်​ကို လေပွေ​တိုက်​၍ လုံးထွေး​လိမ့်ပါ​သွား​သကဲ့သို့ အလိုက်​ခံရ​ကြ​၏​။

ယေ​ရ​မိ 23:20

ထာဝရဘုရား​သည် အကြံအစည်​တော် မ​ထမြောက်​မ​ချင်း​၊ မ​ပြီးမြောက်​မ​ချင်း အမျက်​တော်​ပြေ​လိမ့်မည်​မ​ဟုတ်​။ ဤ​အရာ​ကို နောက်ဆုံး​သော​ကာလ​၌ သင်​တို့ ရှင်းရှင်းလင်းလင်း​နားလည်​ကြ​လိမ့်မည်​။

ယေ​ရ​မိ 4:4

ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။

မြည်​တမ်း​စ​ကား 4:11

ထာဝရဘုရား ပြင်းစွာ​အမျက်​ထွက်​လေ​ပြီ​။ အမျက်​တော်​မီး​ကို သွန်ချ​လေ​ပြီ​။ ဇိအုန်​မြို့​ကို​မီးရှို့​၍ မြို့​၏​အုတ်မြစ်​ကို​ပါ လောင်ကျွမ်း​စေ​လေ​ပြီ​။

ယေ​ဇ​ကျေ​လ 12:25

ငါ​ထာဝရဘုရား​သည် မိန့်ဆို​လျှင် မိန့်ဆို​သည့်​အတိုင်း မ​ကြန့်ကြာ​ဘဲ​ဖြစ်လာ​လိမ့်မည်​။ အို ပုန်ကန်​တတ်​သော​အမျိုးအနွယ်​၊ ငါ​ပြော​သော​စကား​သည် သင်​တို့​လက်ထက်​တွင် အမှန်​ဖြစ်လာ​လိမ့်မည်’​ဟု မိန့်​တော်မူ​ပြီ​ဟူ၍ ဆင့်ဆို​လော့”​ဟု မိန့်ဆို​၏​။

ဟော​ရှေ 13:3

ထို့ကြောင့် သူ​တို့​သည် နံနက်အချိန်​၌​ကျ​သော​မြူခိုး​ကဲ့သို့​၊ စောစော​ပြယ်လွင့်​သွား​သော​နှင်းစက်​ကဲ့သို့​၊ လေ​ထဲတွင် လွင့်ပါ​သွား​သော​ကောက်နယ်တလင်း​မှ ဖွဲ​ကဲ့သို့​၊ မီးခိုးခေါင်းတိုင်​မှ ထွက်​သော​မီးခိုး​ကဲ့သို့ ဖြစ်​ကြ​လိမ့်မည်​။

နာ​ဟုံ 1:6

ကိုယ်တော်​၏​အမျက်​တော်​ရှေ့​၌ မည်သူ​ရပ်​နိုင်​မည်နည်း​။ ကိုယ်တော်​၏​ပြင်းစွာ​သော​အမျက်​တော်​ကို မည်သူ​ကြံ့ကြံ့​ခံနိုင်​မည်နည်း​။ အမျက်​တော်​ကို မီး​ကဲ့သို့​သွန်ချ​တော်မူ​လျှင် ရှေ့​တော်​၌ ကျောက်ဆောင်​များ ပြိုကျ​ကုန်​ပါ​၏​။

ဇေဖနိ 1:18

ထာဝရဘုရား​၏​အမျက်​တော်​ကျရောက်​သော​နေ့​၌ သူ​တို့​၏​ရွှေ​ငွေ​များ​သည် သူ​တို့​ကို ကယ်တင်​နိုင်​မည်​မ​ဟုတ်​။ သဝန်တို​ခြင်း​မီး​သည် မြေ​တစ်ပြင်လုံး​ကို လောင်ကျွမ်း​သွား​လိမ့်မည်​။ မြေကြီးသား​အပေါင်း​တို့​ကို ထိတ်လန့်​တုန်လှုပ်​စွာ​ဖြင့် ဘဝနိဂုံးချုပ်​စေ​မည်​။

ဇေဖနိ 3:8

ထို့ကြောင့် ငါ​ထ​၍ လုယက်​တိုက်ခိုက်​မည့်​နေ့​ကို စောင့်​နေ​လော့​။ အကယ်စင်စစ် ငါ​သည် တိုင်းနိုင်ငံ​အရပ်ရပ်​မှ လူမျိုးတကာ​တို့​ကို ခေါ်ယူ​စုစည်း​ပြီး တရားစီရင်​မည်​။ ပြင်းထန်​သော ငါ့​အမျက်​၊ ငါ့​ဒေါသမီး​အလုံးအရင်း​ကို သူ​တို့​အပေါ်​သို့​သွန်ချ​မည်​။ ငါ့​ဒေါသ​မီး​အရှိန်​ကြောင့် မြေ​တစ်ပြင်လုံး​လောင်ကျွမ်း​သွား​လိမ့်မည်​။

မဿဲ 24:35

ကောင်းကင်​နှင့်​မြေကြီး​သည် ကွယ်ပျောက်​သွား​လိမ့်မည်။ ငါ့​စကား​မူကား မည်သည့်အခါမျှ ကွယ်ပျောက်​လိမ့်မည်​မ​ဟုတ်။