Biblia Todo Logo
အွန်လိုင်း သမ္မာကျမ်းစာ
- ကြော်ငြာတွေ -




ဇေဖနိ 2:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

15 ထို​မြို့​သည် အပျော်အပါး​များ​နှင့်​စည်ကား​သော​မြို့ ဖြစ်​၏​။ မြို့သား​တို့​သည် စိတ်အေးလက်အေး​နေ​တတ်​သော​သူ​များ​၊ မိမိကိုယ်ကို “​ငါ​မှတစ်ပါး အခြားသူ​မ​ရှိ​”​ဟု ထင်​တတ်​သော​သူ​များ ဖြစ်​၏​။ ယခုမှာ လူသူကင်းမဲ့​၍ တောရိုင်းတိရစ္ဆာန်​တို့ လဲလျောင်း​နားနေရာ​၊ ဖြတ်သန်းသွားလာ​သော​သူ​အပေါင်း​တို့ လက်ဖျားခါ​၍​ကဲ့ရဲ့​ရာ ဖြစ်​လေ​ပြီ​။

အခန်းကိုကြည့်ပါ။ ကော်ပီ

Common Language Bible

15 ဤ​သည်​လျှင်​မိ​မိ​ကိုယ်​ကို​တန်​ခိုး​ကြီး​လှ ပြီ​ဟူ​၍​လည်း​ကောင်း၊ လုံ​ခြုံ​မှု​ရှိ​လှ​ပြီ ဟူ​၍​လည်း​ကောင်း​ထင်​မှတ်​သည့်​မြို့​ကြုံ တွေ့​ရ​မည့်​ကံ​ကြမ္မာ​ပင်​ဖြစ်​တော့​၏။ ထို မြို့​၏​မြို့​သူ​မြို့​သား​တို့​က​မိ​မိ​တို့​မြို့ ကို​ကမ္ဘာ​ပေါ်​တွင်​အ​ကြီး​ဆုံး​ဟု​ထင်​မှတ် ကြ​ပေ​သည်။ ထို​မြို့​သည်​တော​တိ​ရစ္ဆာန် များ​နား​နေ​ရာ​ဖြစ်​လျက်​အ​ဘယ်​မျှ​လူ သူ​ဆိတ်​ညံ​၍​နေ​ပါ​လိမ့်​မည်​နည်း။ ယင်း အ​နီး​မှ​ဖြတ်​သန်း​သွား​လာ​သူ​အ​ပေါင်း တို့​သည်​ထိတ်​လန့်​လျက် နောက်​သို့​တွန့်​ဆုတ် သွား​ကြ​လိမ့်​မည်။

အခန်းကိုကြည့်ပါ။ ကော်ပီ

Garrad Bible

15 ငါ မှ တစ် ပါး အ ခြား မြို့ မ ရှိ ဟု အောက် မေ့ လျက်၊ ပျော် မွေ့ လျစ် လျူ စွာ နေ ထိုင် သော မြို့ တော် ကား၊ ထို မြို့ တည်း။ လူ တို့ ဆိတ် ညံ ရာ၊ သား ရိုင်း တို့ အိပ် ဝပ် ရာ ဖြစ် ပြီ တ ကား။ သီ သွား သူ တိုင်း လက် ညှိုး ညွှန် လျက် ပြက် ရယ် ပြု ကြ လ တ္တံ့။

အခန်းကိုကြည့်ပါ။ ကော်ပီ

Judson Bible

15 ထို​မြို့​က၊ ငါ​ရှိ၏။ ငါ​မှ​တစ်​ပါး အ​ဘယ်​သူ​မျှ​မ​ရှိ​ဟု ဆို​လျက် သော​က​နှင့် ကင်း​လွတ်၍ ဝမ်း​မြောက်​လျက် နေ​ဖူး​သော​မြို့ ဖြစ်​ပါ​သည်​တ​ကား။ ယ​ခု​မှာ သုတ်​သင်​ပယ်​ရှင်း​ရာ၊ သား​ရဲ​အိပ်​ရာ​အ​ရပ် ဖြစ်​ပါ​သည်​တ​ကား။ လျှောက်​သွား​သော သူ​အ​ပေါင်း​တို့​သည် ကဲ့​ရဲ့​သံ​ကို​ပြု၍ လက်​ဖျား​ခါ​ကြ​လိမ့်​မည်။

အခန်းကိုကြည့်ပါ။ ကော်ပီ




ဇေဖနိ 2:15
27 ပူးပေါင်းရင်းမြစ်များ  

ငါ​သည်​လည်း သင်​တို့​ကဲ့သို့ ပြော​တတ်​ပါ​၏​။ သင်​တို့​နေရာ​မှာ ငါ​ဖြစ်​လျှင် ငါ​သည် ခေါင်းခါ​လျက် ရေပက်မဝင်​အောင် သင်​တို့​ကို ပြန်ပြော​နိုင်​ပါ​၏​။


လေ​သည် လက်ခုပ်လက်ဝါးတီး​လျက်​၊ ပြောင်လှောင်​လျက် သူ့​ကို သူ့​နေရာ​မှ​တိုက်ထုတ်​လိမ့်မည်​။


သင်​သည် ဆူညံသံ​နှင့်​ပြည့်​သော​မြို့​၊ အုတ်အုတ်ကျက်ကျက်​ဖြစ်​သော​မြို့​၊ အပျော်အပါး​များ​နှင့်​စည်ကား​ခဲ့​သော​မြို့ ဖြစ်​ပါ​သည်​တကား​။ အသတ်ခံရ​သော သင်​၏​လူ​တို့​သည် ဓား​ဖြင့် သေဆုံးသူ​မ​ဟုတ်​။ စစ်ပွဲ​၌ ကျဆုံး​သူ​များ​လည်း​မ​ဟုတ်​။


မိမိကိုယ်မိမိ အားရကျေနပ်​နေ​သော​မိန်းမ​တို့​၊ ကြောက်ရွံ့တုန်လှုပ်​ကြ​လော့​။ မိမိကိုယ်မိမိ ယုံကြည်စိတ်ချ​နေ​သော​သူ​တို့​၊ ထိတ်လန့်တုန်လှုပ်​ကြ​လော့​။ အဝတ်​ချွတ်​၍ ကိုယ်ဗလာကျင်း နေ​ကြ​လော့​။ ခါး​စည်း​ကြ​လော့​။


အကြောင်းမူကား နန်းတော်​သည် စွန့်ထား​ခြင်း​ခံရ​၍ လူ​စည်ကား​သော​မြို့​သည် စွန့်ခွာ​ခြင်း​ခံရ​မည်​။ ရဲတိုက်​၊ ကင်းစောင့်မျှော်စင်​တို့​သည် သားရဲ​တို့​အစဉ်​ခိုအောင်းရာ ဖြစ်သွား​လိမ့်မည်​။ မြည်းရိုင်း​များ​နေပျော်​ရာ​၊ တိရစ္ဆာန်​တို့​ကျက်စား​ရာ ဖြစ်​လိမ့်မည်​။


မိမိကိုယ်မိမိ အားရကျေနပ်​နေ​သော​မိန်းမ​တို့​၊ ထ​ကြ​လော့​။ ငါ့​စကား​ကို​နားထောင်​ကြ​လော့​။ မိမိကိုယ်မိမိ ယုံကြည်စိတ်ချ​နေ​သော​သမီး​တို့​၊ ငါ့​စကား​ကို​စူးစိုက်​နားထောင်​ကြ​လော့​။


သင်​သည် မကောင်း​သော​အတတ်ပညာ​ကို ယုံကြည်ကိုးစား​၏​။ “​ငါ့​ကို မည်သူ​မျှ​မ​မြင်​”​ဟု​သင်​ဆို​၏​။ သင်​၏​ဉာဏ်ပညာ​၊ သင်​၏​အသိပညာ​သည် သင့်​ကို​လမ်းလွဲ​စေ​သဖြင့် သင်​က “​ငါ​တစ်ပါးတည်း ရှိ​၏​။ ငါ​မှတစ်ပါး အခြားသူ​မ​ရှိ​”​ဟု သင့်​စိတ်​ထဲ၌​ပြောဆို​၏​။


သူ​တို့​ပြည်​ကို လူသူကင်းမဲ့​ရာ​၊ အစဉ်​ကဲ့ရဲ့ပြစ်တင်စရာ ဖြစ်​စေ​သဖြင့် ထို​ပြည်​နား ဖြတ်သန်းသွားလာ​သူ​တိုင်း အံ့ဩ​လျက် ခေါင်း​ကို​ခါယမ်း​ကြ​လိမ့်မည်​။


ဤ​မြို့​ကို လူသူကင်းမဲ့​ရာ​၊ ကဲ့ရဲ့ပြစ်တင်စရာ​ဖြစ်​စေ​မည်​။ ဤ​မြို့​ခံရ​သော​ဘေးဒဏ်​ကြောင့် ဤ​မြို့​နား ဖြတ်သန်း​သွား​သော​သူ​တိုင်း အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။


ထာဝရဘုရား​၏​အမျက်​တော်​ကြောင့် ဘေဘီလုံ​မြို့​တစ်မြို့လုံး လူသူကင်းမဲ့​ရာ​ဖြစ်​မည်​။ မည်သူမျှ နေထိုင်​တော့​မည်​မ​ဟုတ်​။ ထို​မြို့​ခံရ​သော​ဘေးဒဏ်​များ​ကြောင့် ထို​မြို့​နား​ဖြတ်သွား​သော​သူ​အပေါင်း​တို့​သည် အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။


လူ​စည်ကား​ခဲ့​သော​မြို့​ကြီး အထီးကျန်​နေ​ပါ​ပြီ​တကား​။ တိုင်းနိုင်ငံ​တို့​၏ အထွတ်​ရောက်​ခဲ့​ဖူး​သော​မြို့​ကြီး မုဆိုးမ​ဘဝ​သို့​ရောက်​ရ​ပါ​ပြီ​တကား​။ ပြည်တကာ​တို့​၏​ဘုရင်မကြီး အစေခံ​ဘဝ​သို့​ရောက်​ရ​ပါ​ပြီ​တကား​။


ဘုရားရှင်​သည် ဇိအုန်​သမီးပျို​ကို အမျက်​တော်​မိုးတိမ်​ဖြင့် ဖုံးအုပ်​တော်မူ​ပြီ​တကား​။ မိုး​ထိ​မြင့်​သော​အစ္စရေး​လူမျိုး​၏​ဂုဏ်ကျက်သရေ​ကို မြေ​သို့​တိုင် ရှုတ်ချ​တော်မူ​ပြီ​။ အမျက်​တော်​ထွက်​ရာ​နေ့​၌ မိမိ​၏​ခြေတင်ခုံ​ကို မေ့ပစ်​တော်မူ​ပြီ​။


လမ်းသွားလမ်းလာ​အားလုံး သင့်​ကို​လက်ခုပ်တီး​၍ ကဲ့ရဲ့​ကြ​ပြီ​။ ထို​သူ​တို့​သည် ခေါင်း​ကို​ခါယမ်း​လျက် ဂျေရုဆလင်​သမီးပျို​အား “​လှပမှု​အပေါင်း​စုံလင်​ရာ​မြို့​၊ မြေကြီးသား​အားလုံး​ဝမ်းမြောက်​ရာ​မြို့​ကား ဤ​မြို့​ပေလော​”​ဟု ဆို​ကြ​ပြီ​။


တိုင်းတစ်ပါး​မှ​ကုန်သည်​တို့​သည် သင့်​ကို ဟားတိုက်​ကြ​လိမ့်မည်​။ သင်​သည်​လည်း ထိတ်လန့်ဖွယ်​ဖြစ်ရပ်​များ​နှင့်​ကြုံ​ရ​ပြီးမှ လုံးဝ​ပျောက်ကွယ်​သွား​လေ​ပြီ​’​ဟူ၍ မိန့်​တော်မူ​သည်”​ဟု မိန့်ဆို​၏​။


“​အချင်း​လူသား​၊ တိုင်ရာ​မင်းကြီး​အား ဤသို့​ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် ဘဝင်မြင့်​၍ ငါ​သည် ဘုရား​ဖြစ်​၏​။ သမုဒ္ဒရာ​အလယ် ဘုရား​တို့​၏​ပလ္လင်​တော်​၌ စံမြန်း​၏​ဟု သင်​ဆို​၏​။ သင်​သည် ဘုရား​မ​ဟုတ် လူသား​ဖြစ်​လျက်​နှင့် သင့်​စိတ်​ထဲ​တွင် သင့်ကိုယ်သင် ဘုရား​ဟု​ထင်မှတ်​၏​။


‘သင်​သည် သင့်​ကို​သတ်​သော​သူ​၏​ရှေ့မှောက်​တွင် ငါ​သည် ဘုရား​ဖြစ်​၏​ဟု ဆို​နိုင်​ဦး​မည်လော​။ စင်စစ် လူသတ်သမား​တို့​အဖို့ သင်​သည် ဘုရား​မ​ဟုတ်​။ လူသား​သာ​ဖြစ်​၏​။


ဘုရားရှင်​ထာဝရဘုရား​က ‘​အီဂျစ်​ဘုရင်​ဖာရော​မင်းကြီး​၊ နိုင်း​မြစ်​ကို​ငါ​ပိုင်​၏​၊ ငါ့​အဖို့ ငါ​ဖန်ဆင်း​ပြီ​ဟု ဆို​လျက် မြစ်ချောင်း​ထဲ​တွင် လဲလျောင်း​နေ​သော​သတ္တဝါကြီး​၊ သင့်​ကို ငါ​ဆန့်ကျင်​မည်​။


သို့ဖြစ်၍ အို အရှင်မင်းကြီး​၊ အကျွန်ုပ်​အကြံပေး​သည်​ကို လက်ခံ​ပါ​။ ဖြောင့်မတ်​စွာ​ပြု​၍ အပြစ်​ကို​ရှောင်ကြဉ်​ပါ​။ ဆင်းရဲသား​တို့​ကို သနား​၍ မတရားမှု​များ​ကို စွန့်ပစ်​ပါ​။ သို့ပြုလျှင် မင်းကြီး​၏​နန်းစည်းစိမ်​သည် တာရှည်​တည်​ပါ​လိမ့်မည်​”​ဟု ပြန်လျှောက်​လေ​၏​။


သင့်​ဒဏ်ရာ​ကို ကုသ​ပေး​မည့်​သူ​မ​ရှိ​။ သင့်​အနာ​သည် ဆိုးရွား​လှ​၏​။ သင်​မ​နှိပ်စက်​ခဲ့​ဖူး​သူ ရှိ​သလော​။ ထို့ကြောင့် သင့်​သတင်း​ကို ကြား​ရ​သော​သူ​အားလုံး လက်ခုပ်တီး​ကြ​လိမ့်မည်​။


သူ​တို့​သည် ထိတ်လန့်​ကြောက်ရွံ့ဖွယ်​ကောင်း​သော​သူ​များ​ဖြစ်​ပြီး သူ​တို့​ကိုယ်တိုင် ဥပဒေ​ကို​ပြဋ္ဌာန်း​၍ အာဏာ​ပြ​ကြ​၏​။


ဖြတ်သန်း​သွားလာ​သော​သူ​တို့​သည် မိမိ​တို့​ခေါင်း​ကို​ခါယမ်း​လျက်


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ