ဇာ​ခ​ရိ 9:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ “အာဇုတ်​မြို့​တွင် မျိုးမစစ်​သော​သူ​တို့ နေထိုင်​ကြ​လိမ့်မည်​။ ဖိလိတ္တိ​လူမျိုး​တို့​၏​မာန​ကို ငါ​ချိုးဖျက်​မည်​။

Common Language Bible

⁶ အာ​ဇုတ်​မြို့​တွင်​အ​မျိုး​မ​စစ်​သည့်​လူ​တို့​နေ ထိုင်​ကြ​လိမ့်​မည်။ ထာ​ဝ​ရ​ဘု​ရား​က``ငါ​သည် ဖိလိတ္တိ​အ​မျိုး​သား​တို့​မာန်​မာ​န​ကို​ချိုး​နှိမ် မည်။-

Garrad Bible

⁶ ဖိ လိ တ္တိ လူ မျိုး၏ ဂုဏ် အ သ ရေ ကို၊ ငါ ပယ် ဖြတ် မည့် အ လျောက်၊ အာ ဇုတ် မြို့ တွင် ဗ န္ဒတ် တို့ နေ ရာ ကျ သ ဖြင့်၊

Judson Bible

⁶ အာ​ဇုတ်​မြို့၌ တစ်​ကျွန်း​တစ်​နိုင်​ငံ​သား​တို့​သည် နေ​ကြ​လိမ့်​မည်။ ဖိ​လိ​တ္တိ​အ​မျိုး၏​မာ​န​ကို​လည်း ငါ​ချိုး​ဖဲ့​မည်။

ဇာ​ခ​ရိ 9:6 ပူးပေါင်းရင်းမြစ်များ

ဒေသနာကျမ်း။ 6:2

ဘုရားသခင်​သည် လူ​တစ်​ဦး​အား ဓနဥစ္စာ​၊ စည်းစိမ်​ချမ်းသာ​နှင့် ဂုဏ်သရေ​တို့​ကို​ပေး​တော်မူ​သဖြင့် သူ​သည် သူ​၏​စိတ်ဝိညာဉ်​၌​တောင့်တ​သော​အရာ​တစ်စုံတစ်ခု​မျှ ချို့တဲ့​ခြင်း​မ​ရှိ​။ သို့သော် ဘုရားသခင်​သည် သူ့​အား ထို​အရာ​ကို​ခံစား​သုံးဆောင်​ရ​သော​အခွင့်ပေး​တော်​မ​မူ​သောကြောင့် သူတစ်ပါး​သည် ထို​အရာ​ကို​ခံစား​သုံးဆောင်​ရ​၏​။ ဤ​အရာ​သည် အချည်းနှီး​ဖြစ်ပြီး ရောဂါ​ဆိုး​တစ်​ခု​ဖြစ်​၏​။

ဟေ​ရှာ​ယ 23:9

ကောင်းကင်​ဗိုလ်ခြေ​အရှင်​ထာဝရဘုရား​သည် ထိုသို့ ကြံစည်​တော်မူ​၏​။ ဤသည်ကား ဂုဏ်သရေ​မာန်တက်​ခြင်း​အလုံးစုံ​ကို ရှုတ်ချ​ရန်​နှင့် မြေကြီး​ပေါ်တွင် ချီးမြှောက်​ခံရ​သော​သူ​အပေါင်း​တို့​ကို နှိမ့်ချ​ရန်​အတွက် ဖြစ်​၏​။

ဟေ​ရှာ​ယ 28:1

စပျစ်ဝိုင်​သောက်ကြူးသူ​၊ သေသောက်ကြူး​သူ​ဧဖရိမ်​အမျိုး​တို့​၏​မာန​သရဖူ​သည် အမင်္ဂလာ​ရှိ​၏​။ မြေဆီမြေနှစ်​ကောင်း​သော​ချိုင့်ဝှမ်း​ထိပ်​မှ ဂုဏ်ကျက်သရေ​အလှ ညှိုးနွမ်း​သွား​သော​ပန်းပွင့်​သည် အမင်္ဂလာ​ရှိ​၏​။

ယေ​ရ​မိ 47:1

ဂါဇ​မြို့​ကို ဖာရော​မင်းကြီး မ​တိုက်ခိုက်​မီ ဖိလိတ္တိ​လူမျိုး​တို့​နှင့်​ပတ်သက်၍ ထာဝရဘုရား​၏​နှုတ်ကပတ်တော်​သည် ယေရမိ​ထံ ရောက်လာ​၏​။

ဒံ​ယေ​လ 4:37

ယခု​တွင် ငါ​နေဗုခဒ်နေဇာ​မင်းကြီး​သည် ကောင်းကင်ဘုံ​ရှင်ဘုရင်​ကို ချီးမွမ်း​ထောမနာပြု​ပါ​၏​၊ ချီးမြှောက်​ပါ​၏​။ ကိုယ်တော်​ပြု​တော်မူ​သော​အမှု​သည် သစ္စာ​တော်​နှင့်​ပြည့်စုံ​တော်မူ​ပါ​၏​။ ကိုယ်တော်​၏​နည်းလမ်း​တော်​တို့​သည် တရားမျှတ​တော်မူ​၏​။ ကိုယ်တော်​သည် မာနထောင်လွှား​သော​သူ​တို့​ကို နှိမ့်ချ​နိုင်စွမ်း​ရှိ​တော်မူ​ပါ​၏​။

အာ​မုတ် 1:8

အာဇုတ်​မြို့သား​များ​နှင့် အာရှကေလုန်​မြို့​မှ ရာဇလှံတံ​စွဲကိုင်​သူ​ကို ဖယ်ရှား​ပစ်​မည်​။ ကြွင်းကျန်ရစ်​သော​ဖိလိတ္တိ​လူမျိုး​တို့ ပျက်စီး​ကုန်​သည့်​တိုင်အောင် ဧကြုန်​မြို့​ကို ငါ​ကိုယ်တိုင် ဖျက်ဆီး​ပစ်​မည်​”​ဟု ဘုရားရှင်​ထာဝရဘုရား​မိန့်​တော်မူ​၏​။

ဇေဖနိ 2:10

ဤသည်ကား​၊ သူ​တို့​သည် မာနထောင်လွှား​၍ ကောင်းကင်​ဗိုလ်ခြေ​အရှင်​ထာဝရဘုရား​၏​လူမျိုး​တော်​ကို လှောင်ပြောင်​ကဲ့ရဲ့​သော​အပြစ်ဒဏ်​တည်း​။

ဇေဖနိ 2:4

စင်စစ် ဂါဇ​မြို့​သည် စွန့်ပစ်​ခံရ​လိမ့်မည်​။ အာရှကေလုန်​မြို့​လည်း လူသူကင်းမဲ့​လိမ့်မည်​။ မွန်းတည့်ချိန်​တွင် အာဇုတ်​မြို့သား​တို့ နှင်ထုတ်​ခံရ​လိမ့်မည်​။ ဧကြုန်​မြို့​လည်း မြေလှန်​ဖျက်ဆီး ခံရ​လိမ့်မည်​။

ဇာ​ခ​ရိ 9:5

အာရှကေလုန်​မြို့​သည်​မြင်​၍ ကြောက်ရွံ့​လိမ့်မည်​။ ဂါဇ​မြို့​သည်​လည်း အလွန်​တုန်လှုပ်​လိမ့်မည်။ ဧကြုန်​သည်​လည်း မျှော်လင့်ရာမဲ့​အရှက်တကွဲ ဖြစ်​လိမ့်မည်​။ ဂါဇ​ဘုရင်​သည် ကွပ်မျက်​ခံရ​၍ အာရှကေလုန်​မြို့​သည် နေထိုင်​သူ​မ​ရှိ ဖြစ်​လိမ့်မည်​။

ဇာ​ခ​ရိ 9:7

သူ​တို့​၏​ခံတွင်း​ထဲမှ​အသွေး​နှင့် သူ​တို့​သွား​ကြား​မှ​စက်ဆုပ်ဖွယ်​ရာ​များ​ကို ငါ​ဖယ်ရှား​မည်​။ ကြွင်းကျန်​သော​သူ​တို့​သည် ငါ​တို့​၏​ဘုရားသခင်​အဖို့ ဖြစ်​၍ ယုဒ​အမျိုး​၌​ခေါင်းဆောင်​ကဲ့သို့ ဖြစ်​မည်​။ ဧကြုန်​လူမျိုး​သည်​လည်း ယေဗုသိ​လူမျိုး​ကဲ့သို့​ဖြစ်​မည်​။

၁ ပေ 5:5

ထိုနည်းတူ ငယ်ရွယ်​သော​သူ​တို့၊ အသင်းတော်​အကြီးအကဲ​များ​ကို နာခံ​ကြ​လော့။ သင်​တို့​အားလုံး တစ်ယောက်​အောက်​တစ်ယောက် နှိမ့်ချ​ခြင်း​တန်ဆာ​ကို ဆင်ယင်​ကြ​လော့။ အဘယ်ကြောင့်​ဆိုသော် ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏။