ဇာ​ခ​ရိ 12:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “ကြည့်ရှု​လော့​။ ငါ​သည် ဂျေရုဆလင်​မြို့​ကို ပတ်ဝန်းကျင်​ရှိ​လူမျိုး​အပေါင်း​တို့ သောက်​၍​ယစ်မူး​သော​ခွက် ဖြစ်စေ​မည်​။ ဂျေရုဆလင်​မြို့​အပါအဝင် ယုဒ​ပြည်​သည်​လည်း ဝိုင်းထား​ခြင်း​ခံရ​လိမ့်မည်​။

Common Language Bible

² ကိုယ်​တော်​က``ငါ​သည်​ယေ​ရု​ရှ​လင်​မြို့​ကို စ​ပျစ်​ရည်​ခွက်​ဖ​လား​နှင့်​တူ​စေ​မည်။ မြို့ ပတ်​ဝန်း​ကျင်​ရှိ​လူ​မျိုး​တ​ကာ​တို့​သည် ထို​စ​ပျစ်​ရည်​ကို​သောက်​၍ သေ​သောက်​ကြူး များ​ကဲ့​သို့​ယိမ်း​ယိုင်​လျက်​နေ​ကြ​လိမ့်​မည်။ သူ​တို့​သည်​ယေ​ရု​ရှ​လင်​မြို့​ကို​ဝိုင်း​ရံ တိုက်​ခိုက်​ကြ​သော​အ​ခါ အ​ခြား​ယု​ဒ​မြို့ တို့​သည်​လည်း​အ​ဝိုင်း​ခံ​ရ​ကြ​လိမ့်​မည်။-

Garrad Bible

² ငါ သည်၊ ယေ ရု ရှ လင် မြို့ ကို၊ ဝိုင်း ထား ကြ ရာ၊ ပတ် ဝန်း ကျင် ရှိ လူ အ မျိုး မျိုး တို့၌၊ ယိမ်း ယိုင် စေ သော အင် တုံ သ ဖွယ် ဖြစ် စေ သည့် အ တိုင်း၊ ယု ဒ အ မျိုး ကို လည်း ဖြစ် စေ မည်။

Judson Bible

² ငါ​သည် ယေ​ရု​ရှ​လင်​မြို့​ကို ပတ်​လည်၌​ရှိ​သော လူ​မျိုး​အ​ပေါင်း​တို့​အား တုန်​လှုပ်​စေ​သော ဖ​လား​ဖြစ်​စေ​မည်။ ယေ​ရု​ရှ​လင်​မြို့​ကို ဝိုင်း​ထား​ကြ​စဉ်​တွင် ယု​ဒ​ပြည်​ကို​လည်း ထို​အ​တူ ဖြစ်​စေ​မည်။

ဇာ​ခ​ရိ 12:2 ပူးပေါင်းရင်းမြစ်များ

ဆာ​လံ 75:8

အကြောင်းမူကား ထာဝရဘုရား​၏​လက်​တော်​၌​ခွက်ဖလား​ရှိ​၍ ၎င်း​ထဲတွင် သမအောင်​ရောစပ်​ထား​သည့် အမြှုပ်ထ​နေ​သော​စပျစ်ဝိုင်​ရှိ​၏​။ ကိုယ်တော်​သည် ထို​စပျစ်ဝိုင်​ကို​သွန်ချ​တော်မူ​၍ ကမ္ဘာမြေကြီး​ပေါ်ရှိ​ဆိုးယုတ်​သော​သူ​အပေါင်း​တို့​သည် ၎င်း​၏​အနည်​ကို​ပင် အကုန်အစင် သောက်​ကြ​ရ​လိမ့်မည်​။

ဟေ​ရှာ​ယ 51:17

ထာဝရဘုရား​၏​လက်​တော်​မှ အမျက်​တော်​ဖလား​ကို​သောက်​သော အသင်​ဂျေရုဆလင်​မြို့​၊ နိုး​လော့​။ နိုး​လော့​။ ထ​လော့​။ ဒယီးဒယိုင်​ဖြစ်စေ​သော​ဖလား​ထဲမှ​အနည်အဖတ်​ကို သင်​အကုန်အစင်​သောက်​ပြီ​။

ယေ​ရ​မိ 25:15

အစ္စရေး​လူမျိုး​၏​ဘုရားသခင်​ထာဝရဘုရား​က “​ငါ့​လက်​မှ ဤ​အမျက်​တော်​စပျစ်ဝိုင်​ခွက်​ကို​ယူ​၍ သင့်​အား ငါ​စေလွှတ်​သော​အရပ်​ရှိ လူမျိုး​အားလုံး​ကို တိုက်​လော့​။

ယေ​ရ​မိ 25:17

ထိုအခါ ငါ​သည် ထာဝရဘုရား​၏​လက်​တော်​မှ​ခွက်​ကို​ယူ​၍ ငါ့​ကို ထာဝရဘုရား​စေလွှတ်​တော်မူ​သော​အရပ်​ရှိ လူမျိုး​အားလုံး​ကို သောက်​စေ​၏​။

ယေ​ရ​မိ 49:12

ထာဝရဘုရား​က “​ကြည့်ရှု​လော့​။ ခွက်ဖလား​ကို​သောက်စရာ​မ​လို​သော​သူ​တို့​ပင် သောက်​ရ​သည်​ဆို​လျှင် သင်​သည်​လည်း အပြစ်ဒဏ်​နှင့်​ကင်းလွတ်​လိမ့်​မည်လော​။ သင်​သည် အပြစ်ဒဏ်​နှင့်​မ​လွတ်​။ မလွဲမသွေ​သောက်​ရ​မည်​”​ဟု မိန့်​တော်မူ​၏​။

ယေ​ရ​မိ 51:57

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​ငါ​သည် ဘေဘီလုံ​မြို့​၏​မှူးမတ်​များ​၊ ပညာရှိ​များ​၊ ဘုရင်ခံ​များ​၊ အုပ်ချုပ်သူ​များ​၊ စစ်သူရဲ​များ​ကို ယစ်မူး​စေ​၍ မ​နိုး​သော​အိပ်ခြင်း​ဖြင့် ထာဝရ​အိပ်ပျော်​စေ​မည်​”​ဟု မိန့်​တော်မူ​၏​။

ယေ​ရ​မိ 51:7

ဘေဘီလုံ​မြို့​သည် ထာဝရဘုရား​၏​လက်​တော်​၌​ကိုင်ထား​သော ရွှေ​ဖလား​ဖြစ်​၏​။ မြေ​တစ်ပြင်လုံး​ကို ယစ်မူး​စေ​၏​။ လူမျိုးတကာ​တို့​သည် ထို​ဖလား​မှ​စပျစ်ဝိုင်​ကို​သောက်​ကြ​သဖြင့် မူးရူး​သော​လူမျိုး​များ ဖြစ်​ကြ​လေ​ပြီ​။

ယေ​ရ​မိ 8:14

ငါ​တို့ အဘယ်ကြောင့်​ထိုင်​နေ​ကြ​သနည်း​။ အတူတကွ​စုဝေး​လျက် ခံတပ်​မြို့​များ​ထဲသို့​ဝင်​၍ သေကျေပျက်စီး​ကြ​ကုန်​စို့​။ ထာဝရဘုရား​ကို ငါ​တို့​ပြစ်မှား​ကြ​သောကြောင့် ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို သေကျေပျက်စီး​စေ​တော်မူ​ပြီ​။ အဆိပ်​ရေ​ကို​သောက်​စေ​တော်မူ​ပြီ​။

ဟ​ဗက္ကုတ် 2:16

သင်​သည် ဂုဏ်သရေ​အစား အရှက်ကွဲ​ခြင်း​နှင့် ကြုံ​ရ​လိမ့်မည်​။ ထာဝရဘုရား​၏​လက်ယာ​လက်​တော်​ရှိ​ဖလား​တော်​သည် သင့်​ထံသို့​လှည့်လာ​ပြီ​ဖြစ်၍ ထို​ဖလား​တော်​ကို သောက်​ပြီး အရေဖျားမလှီး​ထား​သော​သင့်​အရှက် ပေါ်​လိမ့်မည်​။ သင့်​ဂုဏ်သရေ​သည် အရှက်ကွဲ​ခြင်း​နှင့် ဖုံးလွှမ်း​သွား​လိမ့်မည်​။

ဇာ​ခ​ရိ 14:14

ယုဒ​အမျိုး​တို့​သည်​လည်း ဂျေရုဆလင်​မြို့​တွင် ပါဝင်​တိုက်ခိုက်​ကြ​၍ ဝန်းကျင်​ရှိ​လူမျိုး​အပေါင်း​တို့​၏​ဥစ္စာပစ္စည်း​များ​ဖြစ်​သော ရွှေ​၊ ငွေ​၊ အဝတ်အစား အမြောက်အမြား​တို့​ကို သိမ်းယူ​ကြ​လိမ့်မည်​။

ဇာ​ခ​ရိ 14:2

ငါ​သည် လူမျိုးတကာ​တို့​ကို​စုဝေး​၍ ဂျေရုဆလင်​မြို့​ကို တိုက်ခိုက်​စေ​မည်​။ သူ​တို့​သည် မြို့​ကို​သိမ်းပိုက်​ပြီး အိမ်​တို့​ကို မွှေနှောက်​လှန်လှော​ကြ​လိမ့်မည်​။ အမျိုးသမီး​တို့​ကို အဓမ္မပြုကျင့်​ကြ​လိမ့်မည်​။ မြို့သား​တစ်ဝက်​ကို​လည်း ဖမ်းခေါ်​သွား​ပြီး ကျန်​တစ်ဝက်​ကို မြို့​ထဲ၌ ချန်ထား​ကြ​လိမ့်မည်​။

ဗျာ​ဒိတ် 14:10

ဘုရားသခင်​၏​အမျက်​တော်​ခွက်​၌ မည်သည့်​အရာ​မျှ​မရောစပ်​ဘဲ​လောင်းထည့်​သည့် ကိုယ်တော်​၏​ပြင်းစွာ​သော​ဒေါသ​စပျစ်​ဝိုင်​ကို သောက်​ရ​လိမ့်မည်။ ထို​သူ​သည် သန့်ရှင်း​သော​ကောင်းကင်​တမန်​များ​နှင့် သိုးသငယ်​တော်​၏​ရှေ့မှောက်​တွင် ကန့်​နှင့်​မီး​တို့​ထဲ၌ ညှဉ်းဆဲ​ခြင်း​ကို​ခံရ​လိမ့်မည်။

ဗျာ​ဒိတ် 16:19

မြို့​ကြီး​သည် သုံး​ပိုင်း​ကွဲ​သွား​၍ တိုင်းနိုင်ငံ​တို့​၏​မြို့​များ​သည်​လည်း ပြိုလဲ​ကြ​ကုန်​၏။ ဘုရားသခင်​သည် မိမိ​၏​အမျက်​တော်​နှင့်ဆိုင်သည့် ပြင်းစွာ​သော​ဒေါသ​စပျစ်​ဝိုင်​ခွက်​ကို​ပေး​ရန် ဘေဘီလုံ​မြို့​ကြီး​ကို​သတိရ​တော်မူ​၏။

ဗျာ​ဒိတ် 18:6

သူ​ပေး​ခဲ့​သည့်​အတိုင်း သူ့​အား​ပြန်​ပေး​ကြ​လော့။ သူ​ပြု​သော​အမှု​များ​အပေါ် နှစ်ဆ​တိုး​၍​တုံ့ပြန်​ကြ​လော့။ သူ​ရောစပ်​ခဲ့​သော​ခွက်​၌ သူ့​အတွက်​နှစ်ဆ​ရောစပ်​ပေး​ကြ​လော့။