ဇာ​ခ​ရိ 1:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထိုအခါ ထာဝရဘုရား​၏​ကောင်းကင်တမန်​က “​အို ကောင်းကင်​ဗိုလ်ခြေ​အရှင်​ထာဝရဘုရား​၊ နှစ်​ပေါင်း​ခုနစ်ဆယ်​ပတ်လုံး ကိုယ်တော်​အမျက်​တော်​ရှ​ခဲ့​သော ယုဒ​ပြည်​ရှိ​မြို့​များ​နှင့် ဂျေရုဆလင်​မြို့​ကို ကရုဏာ​တော်​မ​ပြ​ဘဲ မည်မျှ​ကြာ​အောင် နေ​တော်မူ​မည်နည်း​”​ဟု လျှောက်ဆို​လေ​၏​။

Common Language Bible

¹² ထို​နောက်​ကောင်း​ကင်​တ​မန်​က``အို အ​နန္တ​တန်​ခိုး ရှင်​ထာ​ဝ​ရ​ဘု​ရား၊ ယေ​ရု​ရှ​လင်​မြို့​နှင့်​ယု​ဒ မြို့​တို့​အား​ကိုယ်​တော်​ရှင်​အ​မျက်​ထွက်​တော် မူ​သည်​မှာ ယ​ခု​အ​နှစ်​ခု​နစ်​ဆယ်​ရှိ​ပါ​ပြီ။ ထို​မြို့​အား​က​ရု​ဏာ​မ​ပြ​ဘဲ​အ​ဘယ်​မျှ ကြာ​နေ​တော်​မူ​ပါ​ဦး​မည်​နည်း'' ဟု​လျှောက်​၏။

Garrad Bible

¹² ထာ ဝ ရ ဘု ရား၏ စေ တ မန် တော် က၊ ဗိုလ် ခြေ တို့ အ ရှင်၊ အို ထာ ဝ ရ ဘု ရား၊ နှစ် ပေါင်း ခု နစ် ဆယ် ပတ် လုံး၊ အ မျက် တော် ဒဏ် ခံ ရ သော၊ ယေ ရု ရှ လင် မြို့ နှင့် ယု ဒ ပြည် ရှိ မြို့ ရွာ များ ပေါ်၌၊ က ရု ဏာ သက် တော် မ မူ ဘဲ နေ သည် မှာ၊ မည် မျှ ကြာ ဦး မည် နည်း ဟု တောင်း လျှောက် သ ဖြင့်၊

Judson Bible

¹² တစ်​ဖန် ထာ​ဝ​ရ​ဘု​ရား၏​ကောင်း​ကင်​တ​မန်​က၊ အို ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၊ ကိုယ်​တော်​သည် အ​နှစ်​ခု​နစ်​ဆယ်​ပတ်​လုံး အ​မျက်​ထွက်​တော်​မူ​သော ယေ​ရု​ရှ​လင်​မြို့​နှင့် ယု​ဒ​မြို့​များ​ကို အ​ဘယ်​မျှ​ကာ​လ​ပတ်​လုံး မ​သ​နား​ဘဲ နေ​တော်​မူ​မည်​နည်း​ဟု မေး​လျှောက်​သော်၊

ဇာ​ခ​ရိ 1:12 ပူးပေါင်းရင်းမြစ်များ

၂ ရာ​ချုပ် 36:21

အစ္စရေး​မြေ​သည် မိမိ​၏​ဥပုသ်နေ့​များ​ကို​မွေ့လျော်​ရ​မည်​ဟူသော ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား အမှန်​ပြည့်စုံ​လာ​၍ လူသူကင်းမဲ့​သော​ကာလ​ပတ်လုံး အနှစ်​ခုနစ်ဆယ်​စေ့​သည်​အထိ ငြိမ်ဝပ်​စွာ​နေ​ရ​၏​။

ဆာ​လံ 102:10

ဤသည်ကား ကိုယ်တော်​၏​ဒေါသ​၊ ကိုယ်တော်​၏​အမျက်​တော်​ကြောင့် ဖြစ်​ပါ​၏​။ အကြောင်းမူကား ကိုယ်တော်​သည် အကျွန်ုပ်​ကို​ချီးမြှောက်​ပြီးမှ ပစ်ချ​တော်မူ​၏​။

ဆာ​လံ 102:13

ကိုယ်တော်​သည် ထ​၍ ဇိအုန်​ကို သနားစုံမက်​တော်မူ​လိမ့်မည်​။ အကြောင်းမူကား ဇိအုန်​ကို​သနား​ရ​မည့်​အချိန်​ဖြစ်​၏​။ သတ်မှတ်​ထား​သော​အချိန်​သည်​လည်း ရောက်လာ​ပြီ​ဖြစ်​၏​။

ဆာ​လံ 69:5

အို ဘုရားသခင်​၊ ကိုယ်တော်​သည် အကျွန်ုပ်​၏​မိုက်မဲမှု​ကို သိ​တော်မူ​၏​။ အကျွန်ုပ်​၏​အပြစ်​များ​ကို ကိုယ်တော့်​ရှေ့​မှ​ဖုံးကွယ်​ထား​၍​မ​ရ​ပါ​။

ဆာ​လံ 74:10

အို ဘုရားသခင်​၊ ရန်ဖက်ပြု​သော​သူ​သည် မည်မျှ​ကြာ​အောင် ကဲ့ရဲ့ပြစ်တင်​လျက်​နေ​လိမ့်​မည်နည်း​။ ရန်သူ​သည် ကိုယ်တော်​၏​နာမ​တော်​ကို အစဉ်​မထီလေးစား​ပြု​မည်လော​။

ဆာ​လံ 79:5

အို ထာဝရဘုရား​၊ မည်သည့်​အချိန်​အထိ​နည်း​။ ကိုယ်တော်​သည် အစဉ် အမျက်ထွက်​တော်မူ​မည်လော​။ ကိုယ်တော်​၏​သဝန်တို​ခြင်း​သည် မီး​ကဲ့သို့ တောက်လောင်​လျက်​နေ​မည်လော​။

ဒေသနာကျမ်း။ 3:3

သတ်​ရ​သော​အချိန်​နှင့် ကျန်းမာ​စေ​ရ​သော​အချိန်​ရှိ​၏​။ ဖြိုဖျက်​ရ​သော​အချိန်​နှင့် တည်ဆောက်​ရ​သော​အချိန်​ရှိ​၏​။

ဟေ​ရှာ​ယ 47:6

ငါ​၏​လူမျိုး​တော်​ကို ငါ​အမျက်ထွက်​၏​။ ငါ​၏​အမွေခံ​ကို ငါ​ရှုတ်ချ​၍ သူ​တို့​ကို သင့်​လက်​သို့​ငါ​အပ်​လိုက်​၏​။ သို့သော် သင်​သည် သူ​တို့​ကို သနားစုံမက်​ခြင်း​မ​ရှိ​။ အသက်ကြီး​သူ​တို့​ကို​ပင် အလွန်​လေးလံ​သော​ထမ်းပိုး​ကို ထမ်း​စေ​၏​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ယေ​ရ​မိ 12:4

တိုင်းပြည်​သည် မည်သည့်​အချိန်​ထိ ငိုကြွေးမြည်တမ်း​ရ​မည်နည်း​။ ကွင်းပြင်​ရှိ​မြက်​တို့​သည် မည်သည့်​အချိန်​ထိ ခြောက်သွေ့​ရ​မည်နည်း​။ “​ငါ​တို့​၏​အဆုံး​ကို ကိုယ်တော်​မ​မြင်​”​ဟု ပြောဆို​ကြ​သော ပြည်သား​တို့​၏​မကောင်းမှု​ကြောင့် တိရစ္ဆာန်​များ​၊ ငှက်​များ သေကျေပျက်စီး​ကုန်​ပါ​ပြီ​။

ယေ​ရ​မိ 15:17

အပျော်အပါး​လိုက်စား​သော​သူ​တို့​၏​အစည်းအဝေး​၌ အကျွန်ုပ်​မ​ထိုင်​ပါ​။ ပျော်ပါး​၍​လည်း မ​နေ​ပါ​။ အကျွန်ုပ်​အပေါ်​၌ ကိုယ်တော်​၏​လက်​တော်​သက်ရောက်​သောကြောင့် အကျွန်ုပ်​တစ်ယောက်တည်း​နေ​ပါ​၏​။ ကိုယ်တော်​သည် အကျွန်ုပ်​ကို အမျက်ဒေါသ​နှင့်​ပြည့်​စေ​တော်မူ​ပါ​၏​။

ယေ​ရ​မိ 29:10

တစ်ဖန် ထာဝရဘုရား​က ဘေဘီလုံ​မြို့​တွင် အနှစ်​ခုနစ်ဆယ်​ပြည့်​သောအခါ ငါ​သည် သင်​တို့​ကို အကြည့်အရှု​ကြွလာ​မည်​။ ဤ​ပြည်​သို့ သင်​တို့​ကို ပြန်ခေါ်​လာ​မည်​ဟူသော ငါ​၏​ကတိ​ကို ပြည့်စုံ​စေ​မည်​။

ယေ​ရ​မိ 30:18

ထာဝရဘုရား​က “​ကြည့်ရှု​လော့​။ ငါ​သည် ပျက်စီး​သွား​သော​ယာကုပ်​၏​တဲ​များ​ကို နဂိုအတိုင်း​ပြန်ဖြစ်​စေ​မည်​။ သူ​တို့​အိမ်သူအိမ်သား​များ​ကို ကရုဏာ​ထား​မည်​။ မြို့​ကို အပျက်အစီးပုံ​ပေါ်မှာ ပြန်တည်ဆောက်​စေ​မည်​။ နန်းတော်​သည်​လည်း မူလ​အတိုင်း တည်ရှိ​မည်​။

ဒံ​ယေ​လ 12:6

တစ်ယောက်​က “​ဤ​အံ့ဖွယ်​အမှု​သည် မည်သည့်​အချိန်​မှ ပြီးဆုံး​မည်နည်း​”​ဟု မြစ်ရေပြင်​အထက်​တွင်​ရှိ​နေ​သော ပိတ်ချောထည်​ဝတ်ဆင်​ထား​သူ​အား မေး​လေ​၏​။

ဒံ​ယေ​လ 9:2

ဒါရိ​မင်းကြီး​နန်းစံ​ပထမ​နှစ်​တွင် ငါ​ဒံယေလ​သည် ဂျေရုဆလင်​မြို့​ပျက်စီး​မည့်​နှစ်ပေါင်း​မှာ အနှစ်​ခုနစ်ဆယ်​ဖြစ်ကြောင်း ပရောဖက်​ယေရမိ​ပြောကြား​ခဲ့​သော​ထာဝရဘုရား​၏​နှုတ်ကပတ်တော်​ကို ကျမ်းစာလိပ်​အားဖြင့် သိ​ခဲ့​ရ​၏​။

ဟ​ဗက္ကုတ် 1:2

အို ထာဝရဘုရား​၊ မည်မျှ​ကြာ​အောင် အကျွန်ုပ် အကူအညီ​အော်ဟစ်​တောင်းခံ​ရ​ပါ​မည်နည်း​။ အကျွန်ုပ်​အော်ဟစ်​သော်လည်း ကိုယ်တော် နားညောင်း​တော်​မ​မူ​။ “အကြမ်းဖက်​ခံရ​ပါ​၏”​ဟု အော်ဟစ်​သော်လည်း ကိုယ်တော် မ​ကယ်တင်​ပါ​တကား​။

ဇာ​ခ​ရိ 1:8

ညအချိန်​၌ ငါ​ကြည့်လိုက်​ရာ လူ​တစ်ဦး​သည် အနီရောင်​မြင်း​ကို​စီးလာ​ပြီး မုရတုပင်​တို့​အလယ်​တောနက်​ထဲတွင် ရပ်​နေ​၍ သူ့​နောက်တွင် မြင်း​နီ​၊ မြင်း​ညို​၊ မြင်း​ဖြူ​တို့​လည်း ရပ်​နေ​သည်​ကို ငါ​မြင်​ရ​၏​။

ဇာ​ခ​ရိ 7:5

“ပြည်သူပြည်သား​အပေါင်း​နှင့် ယဇ်ပုရောဟိတ်​တို့​အား ‘ဤ​နှစ်​ပေါင်း​ခုနစ်ဆယ်​ပတ်လုံး ပဉ္စမ​လ​နှင့် သတ္တမ​လ​တို့​တွင် သင်​တို့ အစာရှောင်​ငိုကြွေးမြည်တမ်း​ခဲ့​ကြ​သည်​မှာ ငါ့​အဖို့ အစာရှောင်​ခြင်း အမှန်တကယ်​ဟုတ်​ခဲ့​သလော​။

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​အားဖြင့် ဘုရားသခင်​ထံ​တော်​သို့​ချဉ်းကပ်​သော​သူ​တို့​ကို အပြည့်အဝ​ကယ်တင်​နိုင်​တော်မူ​၏။ အဘယ်ကြောင့်​ဆိုသော် ကိုယ်တော်​သည် သူ​တို့​အတွက် အသနားခံ​ပေး​ရန် အစဉ်အမြဲ​အသက်ရှင်​လျက်​ရှိ​တော်မူ​၏။

ဗျာ​ဒိတ် 6:10

ထို​သူ​တို့​က “သန့်ရှင်း​၍ ဖြောင့်မှန်​တော်မူ​သော​သခင်၊ အကျွန်ုပ်​တို့​၏​သွေး​အတွက် ကမ္ဘာ​မြေကြီး​ပေါ်မှာ​နေထိုင်​သော​သူ​တို့​ကို တရား​မ​စီရင်၊ လက်တုံ့​လည်း​မ​ပြန်​ဘဲ မည်မျှ​ကြာအောင်​နေ​တော်မူ​မည်နည်း”​ဟု ကျယ်လောင်​သော​အသံ​ဖြင့်​ကြွေးကြော်​ကြ​၏။