ဆာ​လံ 92:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဤ​အရာ​သည် အသိတရားမဲ့​သော​သူ​မ​သိ​နိုင်​သကဲ့သို့ မိုက်မဲ​သော​သူ​နား​မ​လည်​နိုင်​သည့်​အရာ​ဖြစ်​၏​။

Common Language Bible

⁶ လူ​မိုက်​တို့​မ​သိ​နိုင်​သော​အ​ရာ၊အ​သိ​ဉာဏ်​တုံး သူ​တို့ နား​မ​လည်​နိုင်​သော​အ​ရာ​တစ်​ခု​ရှိ​ပါ​၏။

Garrad Bible

⁶ အ ကြံ အ စည် တော် များ လည်း၊ နက် နဲ လှ၍၊ ဉာဏ် တုံး သူ မ သိ၊ မိုက် မဲ သူ နား မ လည် ပါ တ ကား။

Judson Bible

⁶ တိ​ရ​စ္ဆာန်​သ​ဘော​ရှိ​သော​သူ​မ​သိ၊ မိုက်​သော​သူ နား​မ​လည်​သော​အ​မှု​အ​ရာ​ဟူ​မူ​ကား၊

ဆာ​လံ 92:6 ပူးပေါင်းရင်းမြစ်များ

ဆာ​လံ 104:24

အို ထာဝရဘုရား​၊ ကိုယ်တော်​ပြု​တော်မူ​သော​အမှု​တို့​သည် အလွန်​များပြား​လှ​ပါ​၏​။ ကိုယ်တော်​သည် ထို​အရာ​အားလုံး​ကို ဉာဏ်ပညာ​အားဖြင့် ဖန်ဆင်း​တော်မူ​၏​။ ကမ္ဘာမြေကြီး​သည် ကိုယ်တော်​ဖန်ဆင်း​သော အရာ​များ​ဖြင့် ပြည့်နှက်​လျက်​ရှိ​ပါ​၏​။

ဆာ​လံ 139:14

အကျွန်ုပ်​ကို ကြောက်ရွံ့​အံ့ဩဖွယ်​ကောင်း​သော လက္ခဏာ​တို့​ဖြင့် ဖန်ဆင်း​တော်မူ​သည်​ဖြစ်၍ ကိုယ်တော်​၏​ကျေးဇူးတော်​ကို​ချီးမွမ်း​ပါ​၏​။ ကိုယ်တော်​ပြု​တော်မူ​သော​အမှု​တို့​သည် အံ့ဩဖွယ်​ဖြစ်ကြောင်း​ကို အကျွန်ုပ်​၏​စိတ်ဝိညာဉ်​သည် ကောင်း​စွာ​သိ​ပါ​၏​။

ဆာ​လံ 14:1

မိုက်မဲ​သော​သူ​က “​ဘုရားသခင်​မ​ရှိ​”​ဟု မိမိ​စိတ်နှလုံး​ထဲ၌ ဆို​တတ်​၏​။ ထိုသို့သော​သူ​တို့​သည် အကျင့်ပျက်ပြား​၍ စက်ဆုပ်ရွံရှာ​ဖွယ်​အမှု​ကို​ပြု​တတ်​ကြ​၏​။ ကောင်း​သော​အမှု​ကို​ပြု​သော​သူ​မ​ရှိ​။

ဆာ​လံ 32:9

အသိဉာဏ်​မ​ရှိ​သော​မြင်း​၊ သို့မဟုတ် လား​ကဲ့သို့​မ​ဖြစ်​နှင့်​။ ၎င်း​တို့​ကို ဇက်သွား​နှင့်​ဇက်ကြိုး​တန်ဆာ​ဖြင့် ထိန်း​ရ​၏​။ သို့မဟုတ်လျှင် သင့်​ထံသို့​လာ​လိမ့်မည်​မ​ဟုတ်​။

ဆာ​လံ 49:10

အကြောင်းမူကား ပညာရှိ​တို့​သည် သေ​ကြ​ရ​သည့်​နည်းတူ မိုက်မဲ​သော​သူ​နှင့် အသိတရားမဲ့​သော​သူ​သည်​လည်း ပျက်စီး​သွား​၍ မိမိ​တို့​၏​ဥစ္စာပစ္စည်း​ကို သူတစ်ပါး​တို့​အတွက်​ထားခဲ့​ရ​သည်​ကို လူ​သည်​တွေ့မြင်​ရ​လိမ့်မည်​။

ဆာ​လံ 73:22

အကျွန်ုပ်​သည် အသိတရားမဲ့​၍ မည်သည့်​အရာ​မျှ​မ​သိ​။ ကိုယ်တော်​၏​ရှေ့​တော်​၌ တိရစ္ဆာန်​ကဲ့သို့​ဖြစ်​ခဲ့​ပါ​၏​။

ဆာ​လံ 75:4

ဝါကြွား​သော​သူ​တို့​အား ‘​မ​ဝါကြွား​ကြ​နှင့်​’ ဟူ၍​လည်းကောင်း​၊ ဆိုးယုတ်​သော​သူ​တို့​အား ‘​ချို​မ​ထောင်​ကြ​နှင့်​။

ဆာ​လံ 94:8

လူ​တို့​ထဲမှ အသိတရား​ကင်းမဲ့​သော​သူ​တို့​၊ နားလည်​ကြ​လော့​။ မိုက်မဲ​သော​သူ​တို့​၊ မည်သည့်​အချိန်​မှ ပညာသတိ​ရှိ​လာ​ကြ​မည်နည်း​။

သုတ္တံကျမ်း။ 1:22

“​အသိဉာဏ်​နည်းပါး​သော​သူ​တို့​သည် အသိဉာဏ်​နည်းပါး​ခြင်း​ကို​နှစ်သက်​လျက်​၊ ပြက်ရယ်​ပြု​တတ်​သော​သူ​တို့​သည် မိမိ​တို့​၏​ပြက်ရယ်​ပြု​ခြင်း​၌​မွေ့လျော်​လျက်​၊ မိုက်မဲ​သော​သူ​တို့​သည် အသိပညာ​ကို​မုန်းတီး​လျက် မည်မျှ​ကြာ​အောင်​နေ​ကြ​ဦး​မည်နည်း​။

သုတ္တံကျမ်း။ 24:7

ဆိုးမိုက်​သော​သူ​အတွက် ဉာဏ်ပညာ​သည် မြင့်မား​လွန်း​၏​။ သူ​သည် မြို့​တံခါး​၌ မိမိ​နှုတ်​ကို​မ​ဖွင့်​ပေ​။

သုတ္တံကျမ်း။ 30:2

အကယ်စင်စစ် ငါ​သည် လူ​တကာ​တို့​ထက် အသိတရားမဲ့​၍ ငါ​၌​လူ့​အသိဉာဏ်​မ​ရှိ​။

ဟေ​ရှာ​ယ 1:3

နွား​သည် မိမိ​ပိုင်ရှင်​ကို​သိ​၏​။ မြည်း​သည်​လည်း သခင်​ကျွေး​သော​စားခွက်​ကို​သိ​၏​။ သို့သော် အစ္စရေး​လူမျိုး​သည် မ​သိ​။ ငါ​၏​လူမျိုး​တော်​သည် နား​မ​လည်​ပါတကား​”​ဟု မိန့်​တော်မူ​၏​။

ဟေ​ရှာ​ယ 28:29

ထို​အမှုအရာ​သည် ကောင်းကင်​ဗိုလ်ခြေ​အရှင်​ထာဝရဘုရား​ထံ​တော်​မှ​လာ​သော အမှုအရာ​ဖြစ်​၏​။ ကိုယ်တော်​၏​အကြံဉာဏ်​သည် အံ့ဖွယ်​ဖြစ်​၏​။ ကိုယ်တော်​၏​ဉာဏ်ပညာ​သည် ကြီးမြတ်​တော်မူ​၏​။

ဟေ​ရှာ​ယ 55:9

မိုးကောင်းကင်​သည် ကမ္ဘာမြေကြီး​ထက်​သာ၍​မြင့်​သကဲ့သို့ ငါ​၏​နည်းလမ်း​သည် သင်​တို့​၏​နည်းလမ်း​ထက်​၊ ငါ​၏​အကြံအစည်​သည် သင်​တို့​၏​အကြံအစည်​ထက် သာ၍​မြင့်​၏​။

ယေ​ရ​မိ 10:14

လူ​အပေါင်း​တို့​သည် အသိတရား​ကင်းမဲ့​၏​။ ပညာ​လည်း​မ​ရှိ​။ ပန်းထိမ်သမား​အပေါင်း​တို့​သည်​လည်း ရုပ်တုဆင်းတု​အားဖြင့် အရှက်ကွဲ​ကြ​လိမ့်မည်​။ အကြောင်းမူကား သူ​တို့​သွန်းလုပ်သောရုပ်တု​တို့​သည် လှည့်စား​ခြင်း​သာ​ဖြစ်​၏​။ အသက်​မ​ရှိ​။

ယေ​ရ​မိ 32:19

ကိုယ်တော်​၏​အကြံအစည်​တော်​သည် ထူးကဲ​ပါ​၏​။ ပြု​တော်မူ​သော​အမှု​တော်​သည် ကြီးမြတ်​ပါ​၏​။ လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူသား​တို့​လျှောက်​သော​လမ်း​အားလုံး​ကို စောင့်ကြည့်​တော်မူ​၏​။

လုကာ 12:20

သို့သော် ဘုရားသခင်​သည် ထို​သူ​အား ‘အချင်း​လူမိုက်၊ ဤ​ည​၌​ပင် သင့်​ဝိညာဉ်​ကို သင့်​ထံမှ​ရုပ်သိမ်း​ကြ​လိမ့်မည်။ သို့ဖြစ်လျှင် သင်​ပြင်ဆင်​ထား​သော​အရာ​များ​သည် မည်သူ့​ဥစ္စာ​ဖြစ်​လိမ့်မည်​နည်း’​ဟု မိန့်​တော်မူ​၏။

၁ ကော 2:14

ဇာတိ​နှင့်ဆိုင်သော​လူ​သည် ဘုရားသခင်​၏​ဝိညာဉ်​တော်​နှင့်ဆိုင်သော​အရာ​တို့​ကို မ​ခံယူ​ပေ။ အကြောင်းမူကား ထို​အရာ​တို့​သည် သူ့​အတွက် မိုက်မဲ​သော​အရာ​ဖြစ်​၏။ ထို​အရာ​တို့​ကို ဝိညာဉ်​အားဖြင့်​သာ ပိုင်းခြား​၍​သိ​နိုင်​သည်​ဖြစ်၍ သူ​သည် ၎င်း​တို့​ကို​နား​မ​လည်​နိုင်။