ဆာ​လံ 92:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ စောင်းကောက်​သံစဉ်​နှင့်အတူ စောင်းပြား​နှင့် ကြိုး​ဆယ်​ချောင်း​တပ်​တူရိယာ​ဖြင့် ထုတ်ဖော်​ပြောဆို​ခြင်း​သည်​လည်းကောင်း ကောင်းမြတ်​ပေ​၏​။

Judson Bible

³ စောင်း​နှင့်​တ​ကွ ကြိုး​ဆယ်​ပင်​ရှိ​သော တူ​ရိ​ယာ၊ တ​ယော၊ မိ​ကျောင်း​တို့​ကို​တီး၍၊ က​ရု​ဏာ​တော်​နှင့် သ​စ္စာ​တော်​ကို နံ​နက်​အ​ချိန်၊ ည​အ​ချိန် အ​စဉ်​အ​တိုင်း​ပြ​ခြင်း​ငှာ​လည်း​ကောင်း လျောက်​ပတ်​ပေ၏။

ဆာ​လံ 92:3 ပူးပေါင်းရင်းမြစ်များ

၁ ရာ​ချုပ် 13:8

ဒါဝိဒ်​မင်းကြီး​နှင့် အစ္စရေး​လူမျိုး​အပေါင်း​တို့​သည် ဘုရားသခင်​ရှေ့​တော်​တွင် စောင်းကောက်​၊ စောင်းပြား​၊ ပတ်သာ​၊ လင်းကွင်း​၊ တံပိုးခရာ​တို့​ကို တီးမှုတ်​လျက် အားရ​ပျော်မြူး​စွာ​သီချင်းဆို​ကြ​၏​။

၁ ရာ​ချုပ် 15:16

ဒါဝိဒ်​မင်းကြီး​က လေဝိ​အမျိုး​အကြီးအကဲ​တို့​အား စောင်းပြား​၊ စောင်းကောက်​၊ လင်းကွင်း​စသော​တူရိယာ​တို့​ဖြင့် အားရ​ဝမ်းမြောက်​စွာ​သီဆို​နိုင်​သော သူ​တို့​၏​ဆွေမျိုးသားချင်း​တို့​ကို သီချင်းသည်​အဖြစ် ခွဲခန့်​ထား​ရန် အမိန့်ပေး​ထား​၏​။

၁ ရာ​ချုပ် 23:30

နံနက်တိုင်း ထာဝရဘုရား​၏​ကျေးဇူး​တော်​ချီးမွမ်း​ဖို့ ရှေ့​တော်​တွင် ရပ်​နေ​ရ​သကဲ့သို့ ညနေခင်း​တွင်​လည်း ထိုနည်းတူ​ပြု​၏​။

၁ ရာ​ချုပ် 25:6

ဤ​သူ​အားလုံး​တို့​သည် ဖခင်​လက်​အောက်​တွင်​နေ​၍ ထာဝရဘုရား​၏​အိမ်​တော်​၌ လင်းကွင်း​၊ စောင်းပြား​၊ စောင်းကောက်​များ​ဖြင့် သီဆိုတီးမှုတ်​ရ​သော​သူ​များ​ဖြစ်​၏​။ အာသပ်​၊ ယေဒုသုန်​၊ ဟေမန်​တို့​သည် ရှင်ဘုရင်​၏​လက်​အောက်​တွင် ဘုရားသခင်​၏​အိမ်​တော်​အမှု​ကို​ထမ်းဆောင်​ရ​၏​။

၂ ရာ​ချုပ် 20:28

သူ​တို့​သည် စောင်းပြား​များ​၊ စောင်းကောက်​များ​၊ တံပိုးခရာ​များ တီးမှုတ်​ကြ​လျက် ဂျေရုဆလင်​မြို့​ရှိ ထာဝရဘုရား​၏​အိမ်​တော်​သို့ သွား​ကြ​လေ​၏​။

၂ ရာ​ချုပ် 23:5

နောက်တစ်စု​သည် ဘုရင့်​နန်းတော်​ကို စောင့်ကြပ်​ရ​မည်​။ နောက်တစ်စု​သည် အုတ်မြစ်ချ​ရာ​တံခါး​ကို စောင့်ကြပ်​ရ​မည်​။ လူ​အားလုံး ထာဝရဘုရား​၏​အိမ်​တော်​ဝင်း​ထဲ၌ ရှိ​နေ​ရ​မည်​။

၂ ရာ​ချုပ် 29:25

ဒါဝိဒ်​မင်းကြီး​နှင့်တကွ မင်းကြီး​၏​ဗျာဒိတ်ဆရာ​ဂဒ်​နှင့် ပရောဖက်​နာသန်​တို့ ညွှန်ကြား​ထား​နှင့်​သည့်​အတိုင်း ဟေဇကိ​မင်းကြီး​သည် လင်းကွင်း​၊ စောင်းပြား​၊ စောင်းကောက် တီးမှုတ်​တတ်​သော​လေဝိ​အမျိုး​တို့​ကို ထာဝရဘုရား​၏​အိမ်​တော်​တွင် နေရာချ​ထား​၏​။ ထိုသို့ ထာဝရဘုရား​သည် ပရောဖက်​တို့​မှတစ်ဆင့် မိန့်မှာ​ထား​တော်မူ​၏​။

နေ​ဟ​မိ 12:27

ဂျေရုဆလင်​မြို့ရိုး​ဆက်ကပ်ပွဲ​ကျင်းပ​ရာ​တွင် လင်းကွင်း​၊ စောင်းပြား​၊ စောင်းကောက်​တို့​ကို​တီးမှုတ်​၍ ဝမ်းမြောက်​စွာ ကျေးဇူးတော်​ချီးမွမ်းသီဆို​လျက် ဆက်ကပ်ပွဲ​ကို​ကျင်းပ​နိုင်​ရန် လေဝိ​အမျိုး​တို့​ကို​ရှာ​၍ သူ​တို့​နေထိုင်​ရာ​အရပ်ရပ်​မှ ဂျေရုဆလင်​မြို့​သို့ လာရောက်​စေ​၏​။

ဆာ​လံ 149:3

သူ​တို့​သည် ကခုန်​လျက် ကိုယ်တော်​၏​နာမ​တော်​ကို ချီးမွမ်း​ကြ​ပါစေ​။ ပတ်သာ​နှင့်​စောင်း​ကို​တီး​၍ ကိုယ်တော်​ကို သီဆိုချီးမွမ်း​ကြ​ပါစေ​။

ဆာ​လံ 33:2

စောင်း​တီး​၍ ထာဝရဘုရား​ကို​ချီးမွမ်း​ကြ​လော့​။ ဆယ်​ကြိုး​တပ်​စောင်းပြား​တီး​၍ ကိုယ်တော်​ကို​သီဆိုချီးမွမ်း​ကြ​လော့​။

ဆာ​လံ 42:9

ငါ​၏​ကျောက်​ဖြစ်​တော်မူ​သော​ဘုရားသခင်​အား “​အကျွန်ုပ်​ကို အဘယ်ကြောင့် မေ့လျော့​တော်မူ​သနည်း​။ အကျွန်ုပ်​သည် အဘယ်ကြောင့် ရန်သူ​တို့​၏​ဖိနှိပ်မှု​ထဲ၌ ဝမ်းနည်း​ပူဆွေး​လျက်​သွားလာ​ရ​ပါ​သနည်း​”​ဟု ငါ​လျှောက်​၏​။

ဆာ​လံ 57:8

အို ငါ့​ဝိညာဉ်​၊ နိုးကြွ​လော့​။ စောင်းပြား​နှင့်​စောင်းကောက်​တို့​၊ နိုးကြွ​ကြ​လော့​။ ငါ​သည် အရုဏ်ဦး​ကို နိုးကြွ​စေ​မည်​။

ဆာ​လံ 68:25

ရှေ့​၌ကား သီချင်းဆို​သော​သူ​များ​၊ နောက်​၌ကား စောင်းတီး​သော​သူ​များ​၊ အလယ်​၌ကား ပတ်သာတီး​သော​မိန်းမပျို​များ​သည် လိုက်ပါ​ကြ​ပါ​၏​။

ဆာ​လံ 9:16

ထာဝရဘုရား​သည် တရားစီရင်​တော်မူ​ခြင်း​အားဖြင့် မိမိ​အကြောင်း​ကို​ထင်ရှား​စေ​တော်မူ​ပြီ​။ ဆိုးယုတ်​သော​သူ​သည် မိမိ​လက်​ဖြင့်​ပြုလုပ်​ထား​သော​အရာ​၌ ကျော့မိ​လေ​ပြီ​။(​ဟိဂ္ဂယွန်​။စေလာ)

၁ ရာ 10:5

ထို့နောက်မှ ဖိလိတ္တိ​ခံတပ်​ရှိ​ရာ ဘုရားသခင်​၏​တောင်​တော်​သို့ ရောက်​လိမ့်မည်​။ မြို့​နား​သို့​ရောက်​လျှင် ပရောဖက်​တစ်စု​သည် သူ​တို့​ရှေ့​တွင် စောင်းပြား​၊ ပတ်သာ​၊ ပလွေ​၊ စောင်းကောက် တီးမှုတ်​သူ​တို့​ပါ​လျက်​၊ သူ​တို့​သည် ပရောဖက်ပြု​လျက် အထွတ်အမြတ်​ထား​ရာ​ကုန်းမြင့်​မှ​ဆင်းလာ​သည်​ကို သင်​တွေ့​ရ​လိမ့်မည်​။