ဆာ​လံ 92:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို အမြင့်ဆုံး​သော​အရှင်​၊ ထာဝရဘုရား​၏​ကျေးဇူးတော်​ကို ချီးမွမ်း​ခြင်း​သည်​လည်းကောင်း​၊ ကိုယ်တော်​၏​နာမ​တော်​ကို သီဆိုချီးမွမ်း​ခြင်း​သည်​လည်းကောင်း​၊

Common Language Bible

¹ အို ထာ​ဝ​ရ​ဘု​ရား၊ ကိုယ်​တော်​ရှင်​၏​ကျေး​ဇူး​တော်​ကို ချီး​မွမ်း​ရ​ခြင်း​သည်​လည်း​ကောင်း၊ အ​မြင့်​မြတ်​ဆုံး​ဖြစ်​တော်​မူ​သော​ဘု​ရား​သ​ခင်၊ ကိုယ်​တော်​ရှင်​၏​ဂုဏ်​တော်​ကို​ထော​မ​နာ သီ​ချင်း ကူး​အေး​ရ​ခြင်း​သည်​လည်း​ကောင်း၊

Garrad Bible

^1-3 ထာ ဝ ရ ဘု ရား ၏ ကျေး ဇူး တော် ကို ချီး မွမ်း၍၊ မြင့် မြတ် သော ဘု ရား၏ နာ မ တော် ကို ကျူး ဧ ခြင်း ငှာ လည်း ကောင်း၊ တ ယော နှင့် တ ကွ၊ ကြိုး ဆယ် ပင် တူ ရိ ယာ၊ စောင်း များ ကို ကြည် နူး စွာ တီး၍၊ နံ နက် အ ချိန် ကျေး ဇူး တော် ကို၊ ညဉ့် အ ချိန် သ စ္စာ တော် ကို ဖော် ပြ ခြင်း ငှာ လည်း ကောင်း၊ သင့် မြတ် ၏။

Judson Bible

¹ ထာ​ဝ​ရ​ဘု​ရား၏​ကျေး​ဇူး​တော်​ကို ချီး​မွမ်း၍၊

ဆာ​လံ 92:1 ပူးပေါင်းရင်းမြစ်များ

ဆာ​လံ 107:1

ထာဝရဘုရား​၏​ကျေးဇူးတော်​ကို​ချီးမွမ်း​ကြ​လော့​။ အကြောင်းမူကား ကိုယ်တော်​သည် ကောင်းမြတ်​တော်မူ​၍ ကိုယ်တော်​၏ မေတ္တာကရုဏာ​သည် အစဉ်အမြဲ​တည်​၏​။

ဆာ​လံ 107:15

ကိုယ်တော်​၏​မေတ္တာကရုဏာ​တော်​နှင့် လူသား​တို့​၌​ပြု​တော်မူ​သော ကိုယ်တော်​၏​အံ့ဖွယ်​သော​အမှု​များ​အတွက် သူ​တို့​သည် ထာဝရဘုရား​၏​ကျေးဇူးတော်​ကို ချီးမွမ်း​ကြ​ပါစေ​။

ဆာ​လံ 107:8

ကိုယ်တော်​၏​မေတ္တာကရုဏာ​တော်​နှင့် လူသား​တို့​၌​ပြု​တော်မူ​သော ကိုယ်တော်​၏​အံ့ဖွယ်​သော​အမှု​များ​အတွက် သူ​တို့​သည် ထာဝရဘုရား​၏​ကျေးဇူးတော်​ကို ချီးမွမ်း​ကြ​ပါစေ​။

ဆာ​လံ 135:3

ထာဝရဘုရား​သည် ကောင်းမြတ်​တော်မူ​သည်​ဖြစ်၍ ထာဝရဘုရား​ကို ချီးမွမ်း​ကြ​လော့​။ ကိုယ်တော်​၏​နာမ​တော်​ကို သီဆိုချီးမွမ်း​ကြ​လော့​။ အကြောင်းမူကား ထိုသို့​ပြု​ခြင်း​သည် နှစ်လို​ဖွယ်​ကောင်း​၏​။

ဆာ​လံ 147:1

ဟာလေလုယ​။ ငါ​တို့​၏​ဘုရားသခင်​ကို သီဆိုချီးမွမ်း​ခြင်း​သည် အမှန်ပင်​ကောင်းမြတ်​ပေ​၏​။ ကိုယ်တော်​ကို​ချီးမွမ်း​ခြင်း​သည် သင့်လျော်​၍ အမှန်ပင်​နှစ်လို​ဖွယ်​ကောင်း​၏​။

ဆာ​လံ 33:1

ဖြောင့်မတ်​သော​သူ​တို့​၊ ထာဝရဘုရား​ထံသို့ ရွှင်လန်း​စွာ​ကြွေးကြော်​ကြ​လော့​။ ချီးမွမ်း​ခြင်း​သည် ဖြောင့်မှန်​သော​သူ​တို့​နှင့် သင့်လျော်​ပေ​၏​။

ဆာ​လံ 50:23

ကျေးဇူးတော်​ချီးမွမ်း​ခြင်း​ယဇ်​ကို​ပူဇော်​သော​သူ​သည် ငါ့​ကို​ဂုဏ်ပြုချီးမွမ်း​သော​သူ​ဖြစ်​၏​။ မိမိ​လမ်းခရီး​ကို​ပြင်ဆင်​သော​သူ​အား​လည်း ဘုရားသခင်​၏​ကယ်တင်​ခြင်း​ကို ငါ​ပြသ​မည်​”​ဟု မိန့်​တော်မူ​၏​။

ဆာ​လံ 52:9

အကျွန်ုပ်​သည် ကိုယ်တော်​ပြု​သော​အမှု​အတွက် ကိုယ်တော်​ကို အစဉ်အမြဲ​ချီးမွမ်း​ပါ​မည်​။ နာမ​တော်​ကို​လည်း စောင့်မျှော်​လျက်​နေ​ပါ​မည်​။ အကြောင်းမူကား ထို​အမှု​သည် ကိုယ်တော်​၏​သန့်ရှင်း​သူ​တို့​ရှေ့​တွင် ကောင်းမြတ်​ပေ​၏​။

ဆာ​လံ 54:6

အကျွန်ုပ်​သည် စေတနာ့​ပူဇော်သက္ကာ​ကို ကိုယ်တော်​အား ပူဇော်​ပါ​မည်​။ အို ထာဝရဘုရား​၊ အကျွန်ုပ်​သည် ကိုယ်တော်​၏​နာမ​တော်​ကို​ချီးမွမ်း​ပါ​မည်​။ အကြောင်းမူကား ထိုသို့​ပြု​ခြင်း​သည် ကောင်းမြတ်​ပါ​၏​။

ဆာ​လံ 73:28

အကျွန်ုပ်​အတွက်​မူကား ဘုရားသခင်​ထံ​တော်​သို့​ချဉ်းကပ်​ခြင်း​သည် ကောင်းမြတ်​ပါ​၏​။ အကျွန်ုပ်​သည် ကိုယ်တော်​၏​အမှု​တော်​ရှိသမျှ​တို့​ကို ပြောကြား​ရန် ဘုရားရှင်​ထာဝရဘုရား​ကို အကျွန်ုပ်​၏​ခိုလှုံ​ရာ​ဖြစ်​စေ​ပါ​၏​။

ဆာ​လံ 82:6

ငါ​ဆို​သည်​ကား သင်​တို့​သည် ဘုရား​များ​ဖြစ်​ကြ​၏​။ သင်​တို့​အားလုံး​သည် အမြင့်ဆုံး​သော​အရှင်​၏ သားသမီး​များ​ဖြစ်​ကြ​၏​။

ဆာ​လံ 92:8

အို ထာဝရဘုရား​၊ ကိုယ်တော်​မူကား မြင့်သောအရပ်​၌ အစဉ်အမြဲ​ရှိ​တော်မူ​၏​။

ဟေ​ရှာ​ယ 57:15

မြင့်မြတ်​၍​ချီးမြှောက်​ခြင်း​ခံ​တော်မူ​သော​၊ ထာဝရ​အသက်ရှင်​တော်မူ​သော​၊ သန့်ရှင်း​ခြင်း​ဟု နာမ​ရှိ​တော်မူ​သော​အရှင်​က “​ငါ​သည် စိတ်နှလုံး​ကျိုးပဲ့ကြေမွ​သော​သူ​၊ စိတ်နှိမ့်ချ​သော​သူ​တို့​နှင့်အတူ အထွတ်အမြတ်​ထား​ရာ​အရပ်​၊ သန့်ရှင်း​သော​အရပ်​၌ ကိန်းဝပ်​၏​။ စိတ်အားငယ်​သော​သူ​၊ စိတ်နှလုံး​ကျိုးပဲ့ကြေမွ​သော​သူ​တို့​ကို အားဖြည့်ပေး​ရန် သူ​တို့​တွင် ငါ​ကိန်းဝပ်​၏​။

ဒံ​ယေ​လ 5:18

အို အရှင်မင်းကြီး​၊ အမြင့်ဆုံး​သော​ဘုရားသခင်​သည် အရှင်မင်းကြီး​၏​ခမည်းတော်​နေဗုခဒ်နေဇာ​မင်းကြီး​အား နိုင်ငံ​တော်​နှင့်တကွ ဘုန်းတန်ခိုး​၊ ဂုဏ်သရေ​၊ ခန့်ညားထည်ဝါမှု​တို့​ကို ပေး​တော်မူ​၏​။

ဧ​ဖက် 5:19

ဆာလံ​သီချင်း​များ၊ ဓမ္မ​သီချင်း​များ​နှင့် ဝိညာဉ်ရေး​ဆိုင်ရာ​သီချင်း​များ​ကို အချင်းချင်း​မြွက်ဆို​လျက် သခင်​ဘုရား​ထံသို့ သင်​တို့​၏​စိတ်နှလုံး​ထဲမှ သီဆို​ကျူးဧ​ကြ​လော့။

ဟေ​ဗြဲ 13:15

ထို့ကြောင့် ငါ​တို့​သည် နာမ​တော်​ကို​ဝန်ခံ​သော​နှုတ်​၏​အသီးအပွင့်​တည်းဟူသော ချီးမွမ်း​ခြင်း​ယဇ်​ကို ကိုယ်တော်​အားဖြင့် ဘုရားသခင်​အား အစဉ်မပြတ်​ပူဇော်​ကြ​ကုန်စို့။

ဟေ​ဗြဲ 4:9

သို့ဖြစ်၍ ဘုရားသခင်​၏​လူမျိုး​တော်​အတွက် ငြိမ်ဝပ်​ချမ်းသာ​ခြင်း​တစ်​မျိုး​ရှိသေး​၏။