ဆာ​လံ 91:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “​ငါ​၏​ခိုလှုံ​ရာ​၊ ငါ​၏​ရဲတိုက်​၊ ငါ​ယုံကြည်ကိုးစား​သော ငါ​၏​ဘုရားသခင်​”​ဟု ထာဝရဘုရား​နှင့်​ပတ်သက်၍ ငါ​ဆို​၏​။

Common Language Bible

² ``ကိုယ်​တော်​ရှင်​သည်​ကျွန်​တော်​မျိုး​၏​ကွယ်​ကာ​ရာ၊ ကျွန်​တော်​မျိုး​ခို​လှုံ​ရာ​ရဲ​တိုက်​ဖြစ်​တော်​မူ​ပါ​၏။ ကိုယ်​တော်​ရှင်​သည်​ကျွန်​တော်​မျိုး​၏​ဘု​ရား ဖြစ်​တော်​မူ​၍​ကျွန်​တော်​မျိုး​သည် ကိုယ်​တော်​ရှင်​ကို​ကိုး​စား​ပါ​၏'' ဟူ​၍ ထာ​ဝ​ရ​ဘု​ရား​အား​လျှောက်​ထား​နိုင်​လိမ့်​မည်။

Garrad Bible

² ငါ၏ ခို လှုံ ရာ၊ ငါ၏ ခံ တပ်၊ ငါ ကိုး စား ရာ ဘု ရား သ ခင် ပေ တည်း ဟု၊ ထာ ဝ ရ ဘု ရား အား ငါ ဝန် ခံ မည်။

Judson Bible

² ထာ​ဝ​ရ​ဘု​ရား​သည် ငါ​ခို​လှုံ​ရာ၊ ငါ၏​ရဲ​တိုက်၊ ငါ​ကိုး​စား​သော ဘု​ရား​သ​ခင်​ဖြစ်​တော်​မူ​သည်​ဟု ငါ​ပြော​ဆို၏။

ဆာ​လံ 91:2 ပူးပေါင်းရင်းမြစ်များ

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ဆာ​လံ 14:6

သင်​တို့​သည် အဖိနှိပ်​ခံရ​သော​သူ​၏​အကြံဉာဏ်​ကို အရှက်ကွဲ​စေ​တတ်​သော်လည်း ထာဝရဘုရား​သည် သူ​၏​ခိုလှုံ​ရာ​ဖြစ်​တော်မူ​၏​။

ဆာ​လံ 142:5

အို ထာဝရဘုရား​၊ အကျွန်ုပ်​သည် ကိုယ်တော့်​ထံသို့​အော်ဟစ်​ပါ​၏​။ “​ကိုယ်တော်​သည် အကျွန်ုပ်​၏​ခိုလှုံ​ရာ​ဖြစ်​တော်မူ​ပြီး အသက်ရှင်​သော​သူ​တို့​၏​ပြည်​၌ အကျွန်ုပ်​၏​ဝေစု​ဖြစ်​တော်မူ​၏​”​ဟု အကျွန်ုပ်​ပြောဆို​ပါ​၏​။

ဆာ​လံ 142:6

အကျွန်ုပ်​၏​ဟစ်ကြော်သံ​ကို အာရုံစိုက်​နားထောင်​တော်မူ​ပါ​။ အကြောင်းမူကား အကျွန်ုပ်​သည် အခြေအနေ​အလွန်​နိမ့်ပါး​လျက်​ရှိ​ပါ​၏​။ အကျွန်ုပ်​ကို လိုက်လံညှဉ်းဆဲ​သော​သူ​တို့​ထံမှ ကယ်နုတ်​တော်မူ​ပါ​။ အကြောင်းမူကား ထို​သူ​တို့​သည် အကျွန်ုပ်​ထက် အင်အားကြီးမား​ကြ​ပါ​၏​။

ဆာ​လံ 18:2

ထာဝရဘုရား​သည် ငါ​၏​ကျောက်​၊ ငါ​၏​ရဲတိုက်​၊ ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရား​၊ ငါ​ခိုလှုံ​ရာ​ကျောက်ဆောင်​၊ ငါ​၏​ဒိုင်းလွှား​၊ ငါ​၏​ကယ်တင်​ခြင်း​ဦးချို​နှင့် ငါ​ခိုကိုး​ရာ​ဖြစ်​တော်မူ​၏​။

ဆာ​လံ 18:3

ချီးမွမ်းထိုက်​သော​ထာဝရဘုရား​ကို ငါ​ခေါ်​သောအခါ ငါ့​ရန်သူ​တို့​၏​လက်​မှ ငါ့​ကို​ကယ်တင်​တော်မူ​၏​။

ဆာ​လံ 25:2

အကျွန်ုပ်​၏​ဘုရားသခင်​၊ ကိုယ်တော်​ကို အကျွန်ုပ်​ယုံကြည်ကိုးစား​ပါ​၏​။ အကျွန်ုပ်​သည် အရှက်​မ​ကွဲ​ရ​ပါစေ​နှင့်​။ အကျွန်ုပ်​၏​ရန်သူ​တို့​သည် အကျွန်ုပ်​အပေါ် အောင်ပွဲ​မ​ခံ​ကြ​ရ​ပါစေ​နှင့်​။

ဆာ​လံ 31:15

အကျွန်ုပ်​၏​အချိန်​ကာလ​တို့​သည် ကိုယ်တော်​၏​လက်​တော်​၌​ရှိ​ပါ​၏​။ အကျွန်ုပ်​၏​ရန်သူ​တို့​နှင့် အကျွန်ုပ်​ကို​လိုက်လံညှဉ်းဆဲ​သော​သူ​တို့​၏​လက်​မှ အကျွန်ုပ်​ကို​ကယ်နုတ်​တော်မူ​ပါ​။

ဆာ​လံ 43:4

ထိုအခါ အကျွန်ုပ်​သည် ဘုရားသခင်​၏​ယဇ်ပလ္လင်​တော်​သို့​လည်းကောင်း​၊ အကျွန်ုပ်​၏​ဝမ်းမြောက်​ရွှင်လန်း​ခြင်း​ဖြစ်​တော်မူ​သော ဘုရား​ထံသို့​လည်းကောင်း သွား​ပါ​မည်​။ အို ဘုရားသခင်​၊ အကျွန်ုပ်​၏​ဘုရားသခင်​၊ အကျွန်ုပ်​သည် စောင်း​တီး​၍ ကိုယ်တော်​ကို ချီးမွမ်း​ပါ​မည်​။

ဆာ​လံ 46:1

ဘုရားသခင်​သည် ငါ​တို့​၏​ခိုလှုံ​ရာ​နှင့် အစွမ်းသတ္တိ​ဖြစ်​တော်မူ​၏​။ ဆင်းရဲဒုက္ခ​ရောက်​သောအခါ အမှန်တကယ်​တွေ့​ရ​သည့် ကူညီမစ​သော​အရှင်​ဖြစ်​တော်မူ​၏​။

ဆာ​လံ 46:2

ထို့ကြောင့် မြေကြီး​သည် ပြောင်းလဲ​သွား​၍ တောင်​များ​သည် သမုဒ္ဒရာ​၏​အလယ်ဗဟို​သို့ ရွေ့သွား​ကြ​လျှင်ပင်​လည်းကောင်း​၊

ဆာ​လံ 48:14

အကြောင်းမူကား ဤ​ဘုရားသခင်​သည် ကာလ​အစဉ်အဆက် ငါ​တို့​၏​ဘုရားသခင်​ဖြစ်​တော်မူ​၏​။ ကိုယ်တော်​သည် ငါ​တို့​သေဆုံး​သည့်​တိုင်အောင် ငါ​တို့​ကို ပို့ဆောင်​တော်မူ​လိမ့်မည်​။

ဆာ​လံ 61:5

အကြောင်းမူကား အို ဘုရားသခင်​၊ ကိုယ်တော်​သည် အကျွန်ုပ်​၏​ကတိသစ္စာ​စကား​များ​ကို ကြား​တော်မူ​၍ ကိုယ်တော်​၏​နာမ​တော်​ကို ကြောက်ရွံ့​သော​သူ​တို့​ဆက်ခံ​ရ​သည့်​အမွေ​ကို အကျွန်ုပ်​အား ပေး​တော်မူ​ပြီ​။

ဆာ​လံ 71:3

အကျွန်ုပ်​အစဉ်မပြတ်​ဝင်ရောက်​မှီခို​နိုင်​သော​ကျောက်ဆောင်​ဖြစ်​တော်မူ​ပါ​။ အကျွန်ုပ်​ကို​ကယ်တင်​ရန် ကိုယ်တော်​အမိန့်ရှိ​တော်မူ​ပြီ​။ အကြောင်းမူကား ကိုယ်တော်​သည် အကျွန်ုပ်​၏​ကျောက်​နှင့် အကျွန်ုပ်​၏​ရဲတိုက်​ဖြစ်​ပါ​၏​။

ဆာ​လံ 91:9

“​ထာဝရဘုရား​သည် ငါ​၏​ခိုလှုံ​ရာ​ဖြစ်​တော်မူ​၏​”​ဟု သင်​သည်​ဆို​လျက် အမြင့်ဆုံး​သော​အရှင်​ကို သင်​၏​မှီခို​ရာ​ဖြစ်စေ​သောကြောင့်

သုတ္တံကျမ်း။ 18:10

ထာဝရဘုရား​၏​နာမ​တော်​သည် ခိုင်ခံ့​သော​ရဲတိုက်​ဖြစ်​၏​။ ဖြောင့်မတ်​သော​သူ​သည် ထို​ရဲတိုက်​သို့​ပြေးဝင်​၍ လုံခြုံ​စွာ​နေ​ရ​၏​။

ဟေ​ရှာ​ယ 12:2

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

ယေ​ရ​မိ 31:1

ထာဝရဘုရား​က “​ထို​ကာလ​၌ ငါ​သည် အစ္စရေး​မျိုးနွယ်စု​အပေါင်း​တို့​၏​ဘုရား​ဖြစ်​မည်​။ သူ​တို့​သည် ငါ​၏​လူမျိုး​တော်​ဖြစ်​မည်​”​ဟု မိန့်​တော်မူ​၏​။

လုကာ 20:38

ဘုရားသခင်​သည် သေလွန်​သော​သူ​တို့​၏​ဘုရား​မ​ဟုတ်​ဘဲ အသက်ရှင်​သော​သူ​တို့​၏​ဘုရား​ဖြစ်​၏။ အကြောင်းမူကား လူ​အပေါင်း​တို့​သည် ဘုရားသခင်​၌ အသက်ရှင်​လျက်​ရှိ​ကြ​၏”​ဟု မိန့်​တော်မူ​၏။

ဟေ​ဗြဲ 11:16

သို့သော် အမှန်​အားဖြင့် သူ​တို့​သည် အထက်​ကောင်းကင်​အရပ်​၌​ရှိ​သည့်​ပြည်​တည်းဟူသော သာ၍​မြတ်​သော​ပြည်​ကို အလွန်​တောင့်တ​နေ​ကြ​၏။ ထို့ကြောင့် ဘုရားသခင်​သည် သူ​တို့​၏​ဘုရား​ဟု​ခေါ်ဝေါ်​ခြင်း​ခံရ​သည်​ကို ရှက်​တော်​မ​မူ။ အကြောင်းမူကား ကိုယ်တော်​သည် သူ​တို့​အတွက် မြို့​တော်​ကို​ပြင်ဆင်​ထား​တော်မူ​၏။