ဆာ​လံ 9:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အို ထာဝရဘုရား​၊ သူ​တို့​ကို​ကြောက်လန့်​စေ​တော်မူ​ပါ​။ မိမိ​တို့​သည် လူသက်သက်​သာ​ဖြစ်ကြောင်း လူမျိုးတကာ​တို့​အား​သိ​စေ​တော်မူ​ပါ​။(​စေလာ)

Common Language Bible

²⁰ အို ထာ​ဝ​ရ​ဘု​ရား၊ သူ​တို့​အား​ကြောက်​လန့်​စေ​တော်​မူ​ပါ။ မိ​မိ​တို့​သည်​လူ​မျှ​သာ​ဖြစ်​ကြောင်း​ကို သိ​စေ​တော်​မူ​ပါ။

Garrad Bible

²⁰ အို ထာ ဝ ရ ဘု ရား၊ လူ မျိုး ခြား တို့ ၌ ကြောက် မက် ဖွယ် စီ မံ၍၊ လူ မျှ သာ ဖြစ် ကြောင်း သိ ကြ ပါ စေ သော။

Judson Bible

²⁰ အို​ထာ​ဝ​ရ​ဘု​ရား၊ သူ​တို့​ကို ခြောက်​လှန့်​တော်​မူ​ပါ။ သို့​ဖြစ်၍ မိ​မိ​တို့​သည် လူ​သက်​သက်​ဖြစ်​သည်​ကို လူ​မျိုး​တို့​သည် သိ​ကြ​ပါ​လိမ့်​မည်။

ဆာ​လံ 9:20 ပူးပေါင်းရင်းမြစ်များ

၂ ရာ​ချုပ် 14:10

အာသ​မင်းကြီး​လည်း သူ့​ကို​ရင်ဆိုင်​တိုက်ခိုက်​ရန် စစ်ချီထွက်​ပြီး မရေရှ​မြို့​အနီး ဇေဖသ​ချိုင့်ဝှမ်း​တွင် စစ်​ခင်းကျင်း​ထား​၏​။

ဆာ​လံ 3:8

ကယ်တင်​ခြင်း​သည် ထာဝရဘုရား​ထံ​တော်​မှ​လာ​၏​။ ကိုယ်တော်​၏​ကောင်းချီးမင်္ဂလာ​သည် ကိုယ်တော်​၏​လူမျိုး​တော်​အပေါ် သက်ရောက်​ပါစေသော​။(​စေလာ)

ဆာ​လံ 62:9

အဆင့်အတန်း​နိမ့်​သော​သူ​တို့​သည် အခိုးအငွေ့​သာ​ဖြစ်​ကြ​ပြီး အဆင့်အတန်း​မြင့်​သော​သူ​တို့​သည် လိမ်လည်ခြင်း​သာ​ဖြစ်​ကြ​၏​။ ချိန်ခွင်​၌​ချိန်​လျှင် သူ​တို့​နှစ်မျိုး​ပေါင်း​သည် အခိုးအငွေ့​ထက်​ပေါ့​၏​။

ဆာ​လံ 76:12

ကိုယ်တော်​သည် အုပ်ချုပ်သူမင်း​တို့​၏​စိတ်​ကို နှိမ့်ချ​တော်မူ​၏​။ ကမ္ဘာမြေကြီး​ပေါ်ရှိ ရှင်ဘုရင်​တို့​အတွက် ကြောက်ရွံ့ဖွယ်​ဖြစ်​တော်မူ​၏​။

ထွက်​မြောက် 15:16

ကြောက်ရွံ့​ထိတ်လန့်ဖွယ်ဘေး​တို့​သည် သူ​တို့​အပေါ်​သို့​ကျရောက်​လိမ့်မည်​။ အို ထာဝရဘုရား​၊ ကိုယ်တော်​၏​လူမျိုး​တော်​တို့​ကျော်လွန်​သွား​သည်​အထိ​၊ ကိုယ်တော်​ဝယ်ယူ​တော်မူ​သော​လူမျိုး​တော်​တို့ ကျော်လွန်​သွား​သည်​အထိ ကိုယ်တော်​၏​ကြီးမား​သော​လက်ရုံး​တော်​ကြောင့် သူ​တို့​သည် ကျောက်တုံး​ကဲ့သို့ တိတ်ဆိတ်​နေ​ကြ​လိမ့်မည်​။

ထွက်​မြောက် 23:27

ငါ့​ကို​ကြောက်ရွံ့ထိတ်လန့်​သော​သဘော​ကို သင့်​ရှေ့​မှ ငါ​စေလွှတ်​၍ သင်​ရောက်​မည့်​အရပ်​ရှိ လူမျိုး​အပေါင်း​တို့​ကို ကစဥ့်ကလျား​ဖြစ်​စေ​ကာ သင်​၏​ရန်သူ​အပေါင်း​တို့​ကို နောက်သို့​ပြန်လှည့်​စေ​မည်​။

ဟေ​ရှာ​ယ 31:3

အီဂျစ်​ပြည်သား​တို့​သည် ဘုရား​မ​ဟုတ်​၊ လူ​မျှသာ​ဖြစ်​၏​။ သူ​တို့​၏​မြင်း​သည်​လည်း ဝိညာဉ်​မ​ဟုတ်​၊ အသွေးအသား​မျှသာ​ဖြစ်​၏​။ ထာဝရဘုရား လက်​တော်​ကို​ဆန့်​သောအခါ ကူညီ​သော​သူ​သည် ခလုတ်တိုက်​၍ အကူညီ​ခံရ​သူ​သည် လဲကျ​လိမ့်မည်​။ သူ​တို့​အားလုံး​သည် အတူတကွ​ပျက်စီး​ကြ​လိမ့်မည်​။

ယေ​ရ​မိ 32:40

သူ​တို့​ကို မ​စွန့်ပစ်​ဘဲ အစဉ်​ကောင်းစား​စေ​မည့်​အကြောင်း ငါ​သည် သူ​တို့​နှင့် ထာဝရ​ပဋိညာဉ်​ဖွဲ့​မည်​။ သူ​တို့​သည် ငါ့​ထံမှ မ​ထွက်သွား​မည့်​အကြောင်း ငါ့​ကို​ကြောက်ရွံ့ရိုသေ​ခြင်း​သဘော​ကို သူ​တို့​စိတ်နှလုံး​ထဲသို့ သွင်းပေး​မည်​။

ယေ​ဇ​ကျေ​လ 28:2

“​အချင်း​လူသား​၊ တိုင်ရာ​မင်းကြီး​အား ဤသို့​ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် ဘဝင်မြင့်​၍ ငါ​သည် ဘုရား​ဖြစ်​၏​။ သမုဒ္ဒရာ​အလယ် ဘုရား​တို့​၏​ပလ္လင်​တော်​၌ စံမြန်း​၏​ဟု သင်​ဆို​၏​။ သင်​သည် ဘုရား​မ​ဟုတ် လူသား​ဖြစ်​လျက်​နှင့် သင့်​စိတ်​ထဲ​တွင် သင့်ကိုယ်သင် ဘုရား​ဟု​ထင်မှတ်​၏​။

ယေ​ဇ​ကျေ​လ 28:9

‘သင်​သည် သင့်​ကို​သတ်​သော​သူ​၏​ရှေ့မှောက်​တွင် ငါ​သည် ဘုရား​ဖြစ်​၏​ဟု ဆို​နိုင်​ဦး​မည်လော​။ စင်စစ် လူသတ်သမား​တို့​အဖို့ သင်​သည် ဘုရား​မ​ဟုတ်​။ လူသား​သာ​ဖြစ်​၏​။

ယေ​ဇ​ကျေ​လ 30:13

ဘုရားရှင်​ထာဝရဘုရား​က ‘ရုပ်တု​တို့​ကို​လည်း ငါ​ဖျက်ဆီး​ပစ်​မည်​။ မင်ဖစ်​မြို့​ရှိ​ဘုရား​ဆင်းတု​တို့​ကို​လည်း ကွယ်ပျောက်​စေ​မည်​။ အီဂျစ်​ပြည်​တွင် ခေါင်းဆောင်​တစ်ယောက်​မျှ ရှိ​တော့​မည်​မ​ဟုတ်​။ အီဂျစ်​ပြည်​တစ်ပြည်လုံး ကြောက်ရွံ့ထိတ်လန့်​အောင် ငါ​ပြု​မည်​။

တ​ရား​ဟော 2:25

မိုးကောင်းကင်​တစ်ခွင်​အောက်​ရှိ လူမျိုး​တို့​သည် သင်​တို့​သတင်း​ကို​ကြား​၍ သင်​တို့​ရှေ့​၌​တုန်လှုပ်​ချောက်ချား​မည့်​အကြောင်း သင်​တို့​ကို​ထိတ်လန့်​ကြောက်ရွံ့​သော​သဘော​ကို ယနေ့ သူ​တို့​အပေါ်​သို့ ငါ​စတင်​ကျရောက်​စေ​မည်​’​ဟု မိန့်​တော်မူ​၏​။