ဆာ​လံ 88:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ကိုယ်တော်​၏​မေတ္တာကရုဏာ​တော်​ကို သင်္ချိုင်းတွင်း​၌​လည်းကောင်း​၊ ကိုယ်တော်​၏​သစ္စာ​တော်​ကို ပျက်စီး​ခြင်း​နိုင်ငံ​၌​လည်းကောင်း ပြောကြား​ကြ​ပါ​သလော​။

Common Language Bible

¹¹ ကိုယ်​တော်​ရှင်​၏​ခိုင်​မြဲ​သော​မေတ္တာ​တော် အ​ကြောင်း​ကို သင်္ချိုင်း​တွင်း​၌​လည်း​ကောင်း၊ ကိုယ်​တော်​ရှင်​၏​သစ္စာ​တော်​အ​ကြောင်း​ကို ပျက်​စီး​ရာ​ဌာ​န​၌​လည်း​ကောင်း ထုတ်​ဖော်​ပြော​ဆို​ခြင်း​ရှိ​ပါ​သ​လော။

Garrad Bible

¹¹ မေ တ္တာ ကျေး ဇူး တော် ကို သင်္ချိုင်း တွင်း ၌ လည်း ကောင်း၊ သ စ္စာ တော် ကို င ရဲ၌ လည်း ကောင်း၊ ကြော် ငြာ ခွင့်၊

Judson Bible

¹¹ က​ရု​ဏာ​တော်​ကို သင်္ချိုင်း​တွင်း၌​လည်း​ကောင်း၊ သ​စ္စာ​တော်​ကို ပျက်​စီး​ရာ​အ​ရပ်၌​လည်း​ကောင်း ကြား​ပြော​ရ​ကြ​ပါ​မည်​လော။

ဆာ​လံ 88:11 ပူးပေါင်းရင်းမြစ်များ

၂ ပေ 2:1

သို့သော် ပရောဖက်​အတုအယောင်​များ​သည် လူမျိုး​တော်​ထဲ၌​ပေါ်လာ​ကြ​သကဲ့သို့ သင်​တို့​ထဲ၌​လည်း ဆရာ​အတုအယောင်​များ​ပေါ်လာ​ကြ​လိမ့်မည်။ ထို​သူ​တို့​သည် ပျက်စီး​ခြင်း​သို့​ရောက်​စေ​သည့် မှားယွင်း​သော​အယူဝါဒ​များ​ကို လျှို့ဝှက်​စွာ​ယူဆောင်​လာ​၍ မိမိ​တို့​ကို ရွေးနုတ်​ဝယ်ယူ​သော​သခင်​ကို​ပင် ငြင်းပယ်​ကာ မိမိ​တို့​အပေါ် လျင်မြန်​သော​ပျက်စီး​ခြင်း​ကို ကျရောက်​စေ​ကြ​လိမ့်မည်။

ရော​မ 9:22

သို့ရာတွင် ဘုရားသခင်​သည် အမျက်​တော်​ကို​ပြသ​ရန်​နှင့် မိမိ​၏​တန်ခိုး​တော်​ကို​သိ​စေရန် အလို​တော်​ရှိ​လျက်​နှင့်​ပင် ဖျက်ဆီး​ရန်​ပြင်ဆင်​ထား​သော အမျက်​တော်​ဆိုင်ရာ​အိုးခွက်​များ​ကို အလွန်​စိတ်ရှည်​စွာ​သည်းခံ​တော်မူ​လျှင် မည်သို့​နည်း။

မဿဲ 7:13

ကျဉ်း​သော​တံခါး​မှ​ဝင်​ကြ​လော့။ အကြောင်းမူကား ပျက်စီး​ခြင်း​သို့​ရောက်​သော​တံခါး​သည် ကျယ်ဝန်း​၍ လမ်း​သည်​ပြန့်ပြူး​၏။ ထို​တံခါး​မှ​ဝင်​သော​သူ​တို့​သည်​လည်း များပြား​လှ​၏။

သုတ္တံကျမ်း။ 15:11

မရဏာနိုင်ငံ​နှင့် ပျက်စီး​ခြင်း​နိုင်ငံ​သည် ထာဝရဘုရား​၏​ရှေ့​တော်​၌ ထင်ရှား​လျက်​ရှိ​၏​။ ထို့ထက်မက လူသား​တို့​၏​စိတ်နှလုံး​သည် ပို၍ပင်​ထင်ရှား​လျက်​ရှိ​၏​။

ဆာ​လံ 73:18

အကယ်စင်စစ် ကိုယ်တော်​သည် ချော​သော​နေရာ​များ​တွင် သူ​တို့​ကို​ထား​၍ ပျက်စီး​ဆိတ်သုဉ်း​သော​အရပ်​သို့ သူ​တို့​ကို​ကျ​စေ​တော်မူ​၏​။

ဆာ​လံ 55:23

သို့သော် အို ဘုရားသခင်​၊ ကိုယ်တော်​သည် ထို​သူ​တို့​ကို ပုပ်ပျက်ရာ​တွင်း​ထဲသို့​ဆင်းသွား​စေ​တော်မူ​၏​။ သွေးဆာ​သော​သူ​နှင့် လိမ်လည်လှည့်ဖြား​သော သူ​တို့​သည် မိမိ​တို့​နေ့ရက်​ကာလ​၏​ထက်ဝက်​မျှပင် အသက်ရှင်​ရ​မည်​မ​ဟုတ်​။ အကျွန်ုပ်​မူကား ကိုယ်တော်​ကို​ယုံကြည်ကိုးစား​ပါ​မည်​။

ယောဘဝတ္တု။ 26:6

ရှေ့​တော်​တွင် မရဏာနိုင်ငံ​သည် ဟင်းလင်း​ဖြစ်​ပါ​၏​။ ပျက်စီး​ခြင်း​နိုင်ငံ​သည် အဖုံးအကွယ်​မ​ရှိ​ပါ​။

ယောဘဝတ္တု။ 21:30

အကယ်စင်စစ် ဘေးဒုက္ခ​ရောက်​သော​နေ့​တွင် မကောင်းမှု​ပြု​သော​သူ​သည် လွတ်မြောက်​ရ​တတ်​၏​။ အမျက်​တော်​နေ့​တွင် ကယ်တင်​ခံရ​တတ်​၏​။

ဆာ​လံ 6:6

အကျွန်ုပ်​သည် ညည်းတွား​ရ​သဖြင့်​ပင်ပန်း​လှ​ပါ​၏​။ ညစဉ်ညတိုင်း အကျွန်ုပ်​၏​မျက်ရည်​များ​ဖြင့် အကျွန်ုပ်​၏​ညောင်စောင်း​သည် အိုင်ထွန်း​၍ အကျွန်ုပ်​၏​ခုတင်​သည် စိုရွှဲ​လျက်​ရှိ​ပါ​၏​။

ဟေ​ရှာ​ယ 26:19

ကိုယ်တော်​၌ သေဆုံး​သော​သူ​တို့​သည် ပြန်ရှင်​ကြ​မည်​။ ငါ​နှင့်​သက်ဆိုင်သော​အသေကောင်​သည် ထမြောက်​မည်​။ မြေမှုန့်သား​တို့​၊ နိုး​လော့​။ ရွှင်လန်း​စွာ​သီချင်းဆို​ကြ​လော့​။ အကြောင်းမူကား ကိုယ်တော်​၏​နှင်း​သည် နံနက်ခင်း​နှင်း​ကဲ့သို့​ဖြစ်​၏​။ မြေကြီး​သည် သေသူ၏ဝိညာဉ်​ကို မွေးဖွား​စေ​လိမ့်မည်​။

ယေ​ဇ​ကျေ​လ 37:3

ကိုယ်တော်​က ငါ့​အား “​အချင်း​လူသား​၊ ဤ​အရိုး​တို့ အသက်ရှင်​နိုင်​မည်လော​”​ဟု မေး​လျှင် ငါ​က “​အို ဘုရားရှင်​ထာဝရဘုရား​၊ ကိုယ်တော်​သိ​တော်မူ​ပါ​၏​”​ဟု ပြန်လျှောက်​၏​။