ဆာ​လံ 82:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အို ဘုရားသခင်​၊ ထ​၍ ကမ္ဘာမြေကြီး​ကို တရားစီရင်​တော်မူ​ပါ​။ အကြောင်းမူကား လူမျိုး​အပေါင်း​တို့​သည် ကိုယ်တော်​၏​အမွေ​တော် ဖြစ်​ပါ​၏​။

Common Language Bible

⁸ အို ဘု​ရား​သ​ခင်၊ ကြွ​လာ​တော်​မူ​၍​ကမ္ဘာ​လော​က​ကို​အုပ်​စိုး​တော် မူ​ပါ။ လူ​မျိုး​တ​ကာ​တို့​ကို​ကိုယ်​တော်​ရှင်​ပိုင်​တော် မူ​ပါ​၏။

Garrad Bible

⁸ အို ဘု ရား သ ခင်၊ လူ မျိုး ခြား အ ပေါင်း တို့ ကို၊ အ ပိုင် ရ တော် မူ မည် ဖြစ် သော ကြောင့်၊ ထ ရပ် ၍ မြေ ကြီး ကို စီ ရင် ဆုံး ဖြတ် တော် မူ ပါ။

Judson Bible

⁸ အို​ဘု​ရား​သ​ခင်၊ ထ၍ မြေ​ကြီး​ကို တ​ရား​စီ​ရင်​တော်​မူ​ပါ။ ကိုယ်​တော်​သည် လူ​မျိုး​အ​ပေါင်း​တို့​ကို အ​ပိုင်​ရ​တော်​မူ၏။

ဆာ​လံ 82:8 ပူးပေါင်းရင်းမြစ်များ

ဆာ​လံ 102:13

ကိုယ်တော်​သည် ထ​၍ ဇိအုန်​ကို သနားစုံမက်​တော်မူ​လိမ့်မည်​။ အကြောင်းမူကား ဇိအုန်​ကို​သနား​ရ​မည့်​အချိန်​ဖြစ်​၏​။ သတ်မှတ်​ထား​သော​အချိန်​သည်​လည်း ရောက်လာ​ပြီ​ဖြစ်​၏​။

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဆာ​လံ 2:8

ငါ့​ထံမှ​တောင်း​လော့​။ တောင်း​လျှင် တိုင်းနိုင်ငံ​တို့​ကို သင်​၏​အမွေ​အဖြစ် ငါ​ပေး​၍ ကမ္ဘာမြေ​အစွန်း​တိုင်အောင် သင်​၏​ပိုင်ဆိုင်​ရာ​ဖြစ်စေ​မည်​။

ဆာ​လံ 22:28

အကြောင်းမူကား ဘုရင့်​အရိုက်အရာ​သည် ထာဝရဘုရား​နှင့်​ဆိုင်​တော်မူ​၏​။ ကိုယ်တော်​သည် လူမျိုးတကာ​တို့​ကို​အုပ်စိုး​တော်မူ​၏​။

ဆာ​လံ 44:26

ထ​တော်မူ​ပါ​။ အကျွန်ုပ်​တို့​ကို ကူညီမစ​တော်မူ​ပါ​။ ကိုယ်တော်​၏​မေတ္တာကရုဏာ​တော်​ကို​ထောက်၍ အကျွန်ုပ်​တို့​ကို ရွေးနုတ်ကယ်တင်​တော်မူ​ပါ​။

ဆာ​လံ 7:6

အို ထာဝရဘုရား​၊ အမျက်​တော်​နှင့်​ထ​တော်မူ​ပါ​။ အကျွန်ုပ်​ရန်သူ​တို့​၏​ဒေါသ​ကို​ဆန့်ကျင်​လျက် ရပ်​တော်မူ​ပါ​။ အကျွန်ုပ်​အတွက် နိုးကြွ​တော်မူ​ပါ​။ ကိုယ်တော်​သည် တရားစီရင်​ခြင်း​ကို​စီမံ​တော်မူ​ပြီ​။

ဆာ​လံ 76:10

အကယ်စင်စစ် လူ​တို့​၏​အမျက်ဒေါသ​သည် ကိုယ်တော်​ကို​ချီးမွမ်း​လိမ့်မည်​။ ကိုယ်တော်​သည် အမျက်ဒေါသ​အကြွင်းအကျန်​များ​ဖြင့် မိမိကိုယ်မိမိ​ပတ်စည်း​တော်မူ​လိမ့်မည်​။

ဆာ​လံ 94:2

ကမ္ဘာမြေကြီး​ကို​တရားစီရင်​တော်မူ​သော​အရှင်​၊ ထ​တော်မူ​ပါ​။ မောက်မာ​သော​သူ​တို့​အား အကျိုးအပြစ်​ကို ပြန်ပေးဆပ်​စေ​တော်မူ​ပါ​။

ဆာ​လံ 96:13

အကြောင်းမူကား ကိုယ်တော်​ကြွလာ​တော်မူ​၏​။ ကမ္ဘာမြေကြီး​ကို​တရားစီရင်​ရန် ကိုယ်တော်​ကြွလာ​တော်မူ​၏​။ ကိုယ်တော်​သည် ကမ္ဘာလောက​ကို ဖြောင့်မတ်​ခြင်း​ဖြင့်​လည်းကောင်း​၊ လူ​တို့​ကို မိမိ​၏​သစ္စာ​တော်​ဖြင့်​လည်းကောင်း တရားစီရင်​တော်မူ​လိမ့်မည်​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

မိက္ခာ 7:2

ဘုရားဝတ်​၌​မွေ့လျော်​သော​သူ​သည် မြေကြီး​ပေါ်မှ ပျောက်ကွယ်​သွား​လေ​ပြီ​။ လူ​တို့​တွင် ဖြောင့်မှန်​သော​သူ တစ်ယောက်​မျှ​မ​ရှိ​။ သူ​တို့​အားလုံး လူ့​အသက်သတ်​ရန် ချောင်းမြောင်း​နေ​ကြ​၏​။ ညီအစ်ကို​အချင်းချင်း​ပင် ပိုက်​ထောင်ဖမ်း​ကြ​၏​။

မိက္ခာ 7:7

ငါ​မူကား ထာဝရဘုရား​ကို မျှော်ကြည့်​မည်​။ ငါ့​ကို​ကယ်တင်​တော်မူ​သော​ဘုရားသခင်​ကို ကိုးစား​မည်​။ ငါ​၏​ဘုရားသခင်​သည် ငါ့​စကား​ကို နားညောင်း​တော်မူ​မည်​။

ဇေဖနိ 3:8

ထို့ကြောင့် ငါ​ထ​၍ လုယက်​တိုက်ခိုက်​မည့်​နေ့​ကို စောင့်​နေ​လော့​။ အကယ်စင်စစ် ငါ​သည် တိုင်းနိုင်ငံ​အရပ်ရပ်​မှ လူမျိုးတကာ​တို့​ကို ခေါ်ယူ​စုစည်း​ပြီး တရားစီရင်​မည်​။ ပြင်းထန်​သော ငါ့​အမျက်​၊ ငါ့​ဒေါသမီး​အလုံးအရင်း​ကို သူ​တို့​အပေါ်​သို့​သွန်ချ​မည်​။ ငါ့​ဒေါသ​မီး​အရှိန်​ကြောင့် မြေ​တစ်ပြင်လုံး​လောင်ကျွမ်း​သွား​လိမ့်မည်​။

ဗျာ​ဒိတ် 11:15

သတ္တမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​၌ ကျယ်လောင်​သော​အသံ​ဖြစ်ပေါ်​လျက် “ကမ္ဘာ့​နိုင်ငံ​သည် ငါ​တို့​၏​ထာဝရ​အရှင်​နှင့် ကိုယ်တော်​၏​ခရစ်တော်​ပိုင်ဆိုင်​တော်မူ​ရာ​ဖြစ်​လေ​ပြီ။ ကိုယ်တော်​သည်​လည်း ကမ္ဘာ​အဆက်ဆက်​စိုးစံ​တော်မူ​လိမ့်မည်”​ဟု ဆို​၏။