ဆာ​လံ 81:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သင့်​အထဲ​၌ အခြား​သော​ဘုရား​မ​ရှိ​ရ​။ တိုင်းတစ်ပါးသား​၏​ဘုရား​ကို​လည်း သင်​မ​ရှိခိုး​မ​ကိုးကွယ်​ရ​။

Common Language Bible

⁹ သင်​တို့​သည်​အ​ခြား​သော​ဘု​ရား​ကို​အ​ဘယ် အ​ခါ​၌​မျှ မ​ကိုး​ကွယ်​ရ။

Garrad Bible

⁹ အ ခြား ဘု ရား ကို မ ကိုး ကွယ် နှင့်။ လူ မျိုး ခြား ဘု ရား ကို ရှိ မ ခိုး နှင့်။

Judson Bible

⁹ သင်၌ တစ်​ပါး​အ​မျိုး၏​ဘု​ရား​မ​ရှိ​ရ။ တစ်​ကျွန်း​တစ်​နိုင်​ငံ​ဘု​ရား​ကို မ​ကိုး​ကွယ်​ရ။

ဆာ​လံ 81:9 ပူးပေါင်းရင်းမြစ်များ

၃ ရာ 22:19

မိက္ခာယ​က​လည်း “​သို့ဖြစ်၍ ထာဝရဘုရား​၏​စကား​တော်​ကို နားထောင်​ပါ​လော့​။ ထာဝရဘုရား​သည် မိမိ​ပလ္လင်​ပေါ်တွင်​စံမြန်း​လျက် ကောင်းကင်​ဗိုလ်ခြေ​အပေါင်း​တို့​သည် ကိုယ်တော်​၏​လက်ဝဲ​ဘက်​၊ လက်ယာ​ဘက်​တို့​၌ ရပ်​၍​ခစား​နေ​ကြ​သည်​ကို အကျွန်ုပ်​မြင်​ပါ​၏​။

ဆာ​လံ 44:20

အကျွန်ုပ်​တို့​သည် မိမိ​တို့​ဘုရားသခင်​၏​နာမ​တော်​ကို မေ့လျော့​ခဲ့​လျှင်​လည်းကောင်း​၊ အခြား​သော​ဘုရား​ထံသို့ အကျွန်ုပ်​တို့​၏​လက်​ကို ဆန့်​ခဲ့​လျှင်​လည်းကောင်း

ဆာ​လံ 50:7

“​အို ငါ့​လူမျိုး​တော်​၊ နားထောင်​လော့​။ ငါ​မိန့်ဆို​မည်​။ အို အစ္စရေး​လူမျိုး​၊ ငါ​သည် သင့်​တစ်ဖက်​၌​သက်သေခံ​မည်​။ ငါ​သည် ဘုရားသခင်​ဖြစ်​၏​။ သင်​၏​ဘုရားသခင်​ဖြစ်​၏​။

ထွက်​မြောက် 15:26

ထာဝရဘုရား​က “​သင်​၏​ဘုရားသခင် ထာဝရဘုရား​၏​စကား​ကို သေချာ​စွာ​နားထောင်​၍ မျက်မှောက်​တော်​၌ ဖြောင့်မှန်​စွာ​ပြုမူ​လျှင်​လည်းကောင်း​၊ ပညတ်တော်​တို့​ကို​စူးစိုက်​နားထောင်​၍ ပြဋ္ဌာန်း​တော်မူ​ချက်​ရှိသမျှ​တို့​ကို စောင့်ထိန်း​လျှင်​လည်းကောင်း ငါ​သည် အီဂျစ်​လူမျိုး​တို့​အပေါ်​သို့​ကျရောက်​စေ​ခဲ့​သော​အနာရောဂါ​တစ်စုံတစ်ခု​မျှ သင့်​အပေါ်​သို့ ကျရောက်​စေ​မည်​မ​ဟုတ်​။ အကြောင်းမှာ ငါ​ထာဝရဘုရား​သည် သင်​၏​အနာရောဂါ​ကို ပျောက်ကင်း​စေ​သော​အရှင်​ဖြစ်​၏​”​ဟု မိန့်​တော်မူ​၏​။

ဟေ​ရှာ​ယ 28:23

ငါ့​စကား​ကို စူးစိုက်​နားထောင်​၍ နာခံ​ကြ​လော့​။ ငါ​မိန့်မြွက်​သော​စကား​ကို အာရုံစိုက်​နားထောင်​၍ နာခံ​ကြ​လော့​။

ဟေ​ရှာ​ယ 43:12

ငါ​ကိုယ်တော်တိုင်​ပြောကြား​ခဲ့​ပြီ​၊ ကယ်တင်​ခဲ့​ပြီ​၊ ကြားသိ​စေ​ခဲ့​ပြီ​။ သင်​တို့​တွင်​ရှိ​သော အခြား​ဘုရား​က ပြု​ခဲ့​သည်​မ​ဟုတ်​။ သင်​တို့​သည် ငါ​၏​သက်သေ​များ​ဖြစ်​ကြ​၏​။ ငါ​သည် ဘုရားသခင်​ဖြစ်​၏​။

ဟော​ရှေ 4:1

အို အစ္စရေး​အမျိုးသား​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ထာဝရဘုရား​သည် ပြည်သူပြည်သား​တို့​ကို စွဲချက်တင်​လေ​ပြီ​။ “တိုင်းပြည်​တွင် သစ္စာတရား​မ​ရှိ​၊ မေတ္တာကရုဏာ​မ​ရှိ​၊ ဘုရားသခင်​ကို​သိကျွမ်း​ခြင်း​မ​ရှိ​။

မာ​လ​ခိ 2:11

ယုဒ​အမျိုး​သည် သစ္စာမရှိ​။ အစ္စရေး​ပြည်​တွင်​လည်းကောင်း​၊ ဂျေရုဆလင်​မြို့​တွင်​လည်းကောင်း စက်ဆုပ်ရွံရှာဖွယ်​အမှု​ကို​ပြု​ကြ​လေ​ပြီ​။ အကယ်စင်စစ် ယုဒ​အမျိုး​သည် တိုင်းတစ်ပါး​ဘုရား​ကို​ကိုးကွယ်​သော​သမီးပျို​တို့​နှင့် စုံဖက်​ခြင်း​ဖြင့် ထာဝရဘုရား​မြတ်နိုး​တော်မူ​သော​သန့်ရှင်းစင်ကြယ်​ခြင်း​ကို ညစ်ညူး​စေ​လေ​ပြီ​။

တ​ရား​ဟော 32:12

သူ့​ကို​ပို့ဆောင်​ပေး​သူ​မှာ တိုင်းတစ်ပါးသား​၏​ဘုရား​မ​ဟုတ်​၊ ထာဝရဘုရား​တစ်ပါးတည်း​သာလျှင် ဖြစ်​၏​။

တ​ရား​ဟော 6:14

အခြား​ဘုရား​များ​၊ သင်​တို့​ပတ်လည်​ရှိ​လူမျိုး​တို့​၏​ဘုရား​များ​ကို မ​ဆည်းကပ်​ရ​။